Երևան
22 °C
Մովսես Խորենացի փողոցի 213 շենքը, նախկինում՝ «Երեւան N9 արհեստագործական պետական ուսումնարան», արդեն 30 տարի է՝ Սումգայիթյան ջարդերից մազապուրծ եղած փախստականների ժամանակավոր տանիքն է: Թիվ 213 շենքում այսօր մոտ 28 ընտանիք է ապրում: Բաքվից եկած այս ընտանիքներն ուսումնարանի շենք տեղափոխվելու օրվանից միասին են հաղթահարում կենցաղային բոլոր անհարմարություններն ու դժվարությունները:
«Մեզ ամեն տարի խոստանում են, որ այս տարի տուն կստանաք, եկող տարի կստանաք, բայց ոչինչ մինչ օրս չի փոխվել, միայն մի բան է փոխվել, որ մեր կացարանին գրեթե կից, ուսումնարանի շենքի հետնամասում գտնվող Վենեցիա հյուրանոցի տերերի համար հանկարծակի մեր տարածքն արժեքավոր է դարձել: Նրանք ուզում են քանդել այս հսկայական շենքը, որի դիմաց մեզ առաջարկում են մեր վատ կացարաններից ավելի վատ պայմաններ»,- պատմեցին 213 շենքի բնակիչները:
Բնակիչները նշեցին, որ իրենց կացարանների փոխարեն երեք հարկանի փոքր վթարային շենք են առաջարկում, որն առավել անհարմար է իրենց ներկայիս բնակավայրերից:
Դեռեւս 2016 թվականին է որոշում կայացվել՝ ՀՀ կառավարությանն առընթեր պետական գույքի վարչությանը ՀՀ սեփականություն հանդիսացող «Երեւան N9 արհեստագործական պետական ուսումնարան»-ն անհատույց փոխանակել Վարդաշեն 3-րդ փողոց 3/1 հասցեում գտնվող 991,1 քառ. մետր ընդհանուր մակերեսով շենք շինությունների հետ:
«2016 թվականից այս շենքը դարձել է հյուրանոցի սեփականություն, իրենք մեզ վրա ուլտիմատում են դրել, ասում են, որ Վարդաշենի շենքը պատրաստ է, եւ մի ամսից ժողովուրդը պետք է տեղափոխվի այդտեղ: Պետգույքի նախկին աշխատողների հետ է եղել պայմանավորվածությունը, այս նորերն անգամ տեղյակ չէին, թե խոսքն ինչի մասին է: Ամեն մեկիս այնտեղ մի փոքր սենյակ ու կիսապատրաստ խոհանոցի տարածք է հատկացվելու, որ ապրողն ինքը իր պայմանները ստեղծի, բայց նույն բանն այնտեղ է լինելու: Ոչինչ չի փոխվելու, միայն լավ ապրելու մեր հույսն են վերջնականապես կորցնելու»,- ՀԺ-ի հետ զրույցում բողոքեցին բնակիչները:
Նրանց խոսքով՝ Վարդաշեն 3/1 հասցեում գտնվող շենքը, որ ուզում են իրենց տրամադրել՝ բացի անհարմարություններից նաեւ վթարային է: Այսօր բնակիչները հույսով դիմում են ՀՀ վարչապետ Նիկոլ Փաշինյանին եւ սպասում, որ նոր կառավարությունն իրենց համար նվազագույն պայմաններով նոր կացարաններ կտրամադրի եւ 30 տարի անց կկարողանան լիարժեք շնչել ու ապրել:
«Մենք ոչխարի նմա՞ն ենք, մենք մա՞րդ չենք: Մենք հայ ենք, ի վերջո իրավունք ունե՞նք Հայաստանում նորմալ մարդկային պայմաններում ապրելու: Մենք հին ռեժիմի ստրուկներ ենք, որոնց միայն օգտագործել են՝ օգտվելով իրենց անելանելի վիճակից: Երանի մի հարյուր հատ Նիկոլ Փաշինյան լիներ, մեր ազգը գոնե կշնչեր»,- ասացին բաքվեցի հայերը:
Մարդկային խեղված ճակատագրեր շքեղության եւ թշվառության արանքում:
Ավերակ շինության 2,5 հարկի դռներն ամուր կողպված են, իսկ առաջին հարկի անկյունային հատվածը՝ Էրեբունի եւ Նուբարաշենի զբաղվածության տարածքային կենտրոնի բարեկարգ գրասենյակն է:
Տարիների ընթացքում շատերը, չդիմանալով անմարդկային պայմաններին, հեռացել են՝ օտար ափերում նոր տանիք գտնելու հույսով: Շատերն էլ արդեն մահացել են: 28 փախստական ընտանիքները այսօր զբաղեցնում են շենքի 1,5 հարկի փոքրիկ սենյակները:
Խորենացի 213 շենքի բնակիչների համար թիվ մեկ խնդիր է ուշ ժամերին տաքսի ծառայություններից օգտվելը, մասնավորապես՝ մեքենայով շենքի տարածք մտնելը, որը Վենեցիա հյուրանոցի հսկիչ ծառայության կողմից արգելված է: Գերխնդիր է երեխաներին բակ հանելն ու խաղալու տեղ գտնելը. «Երեխաները բակ չունեն, ուսումնարանի բակն է, այդտեղ էլ մի չոբանի շուն են նստեցրել, որն առավոտից գիշեր հաչում է, երեխաներին սարսափեցնում»:
Փոխարենը, փոքրիկները կամա թե ակամա, պարբերաբար ականատեսն են լինում հյուրանոցի բաց պատուհաններից բազմաթիվ անվայել տեսարանների: Խորենացի 213 շենքը Վենեցիա հյուրանոցից մի նեղ հատվածով է բաժանվում եւ երկու շենքերի պատուհանները դեմ դիմաց են:
«Տարբեր մարդիկ են գալիս, երեխաները ինչի ասես, որ ականատես չեն լինում պատուհաններից, օրը ցերեկով, ոչ վարագույր են փակում, ոչ բան՝ աշխարհի ամենալկտի բանն են անում, ի՞նչ անենք, ո՞ւր գնանք: Իրենք թիկունք ունեն, հարստություն ունեն, մենք ով ենք, որ բողոքենք, եթե համարձակվենք մի բան ասել, տուժվելու են մեր երեխաները, ինչը բազմիցս եղել է»,- բողոքեցին բնակիչները:
Նաեւ հայտնեցին, որ բազմաթիվ են դեպքերը, երբ իրենց տղաներին ու ամուսիններին կանչել, ծեծի են ենթարկել, սպառնացել, որ ոչինչ չասեն ու չբարձրաձայնեն:
Մինչ կորոշվի Վարդաշենի 3-րդ փողոց տեղափոխվելու հարցը՝ հին խրճիթներում շարունակվում է պայքարը կենցաղային խնդիրների ու հակահիգիենիկ մթնոլորտի դեմ:
Նախկին ուսումնարանի երկար ու նեղ միջանցքի երկու կողմերում, դեմ դիմաց, մեկական, կամ մեկը երկուսի վերափոխած սենյակներն են, որոնցից ամեն մեկում 4-ից 6 անձ է բնակվում: Այստեղ ընդհանուր է խոհանոցը, զուգարանն ու լոգարանը: Ժամանակի ընթացքում, երբ խոհանոցը փլվել ու ոչ պիտանի է դարձել, սկսել են օգտվել միայն կոյուղուց եւ երբեմն էլ «մաքուր» ջուր տանել:
Առաջին հարկից մինչեւ երրորդ հարկ դատարկություն է ու քանդված վիճակ, տարբեր տեսակի միջատներ ու առնետներ են վխտում շենքով մեկ. «Ճաշ ենք դնում միջանցքում, վախենում ենք, որ կռիս կգա, կատու կգա, կընկնի մեջը: Սենյակներում ենք ստիպված պատրաստում, բայց ինչքա՞ն կարելի է: Ջեռուցման հնարավորություն էլ չունեն, անգամ փայտն են դնում սենյակում, որի խոնավ հոտի կողքին քնում են մանկահասակ երեխաները:
«Մարդիկ ստիպված դույլերը մտցնում են տուն, տանն են հոգում իրենց բնական կարիքները: Իսկ ձմռանը, երբ սառցակալվում է, ջուր էլ չենք ունենում, զուգարանից օգտվելը գրեթե անհնար է դառնում: Գոնե մեզ համար մինիմալ պայմաններ ապահովեն, երեխեք ունենք, որ մեծանում են, պսակվելու երեխեք ունենք, որ ամաչում են: Նախորդ իշխանությունների մեղքն է մեր վզին: Առանց ամաչելու մեզ հասած օգնություններն իրենք են կերել: Ժամանակին մեզ հերթագրել էին, որ տներ հատկացնեին, մի բան տային: Վամպիրի նման ժողովրդի մինչեւ վերջին կաթիլ արյունը խմել են ուզել»,- ասացին նրանք:
Ծայրահեղ վատ պայմաններում ապրող այս մարդիկ հույսը կորցրել են, որ ինչ-որ բան կփոխվի եւ կկարողանան դուրս գալ այդ անմարդկային խցերից: Ասում են՝ նախկին քաղաքապետ Տարոն Մարգարյանին էլ են բազմիցս դիմել, սակայն վերջինիս պատասխանը բացասական է եղել այն պատճառաբանմամբ, որ փախստականներն ապրում են ուսումնարանի տարածքում, որը քաղաքապետարանի իրավասության տակ չէ, ուստի որեւէ միջամտություն անել չի կարող:
Ռաիսա Հարությունյանը ՀԺ-ի հետ զրուցում ասաց, որ շտապօգնության աշխատող է եւ գործի բերումով շատ է լինում բանտախցերում, իրենց կացարանն էլ ոչնչով չի տարբերվում բանտախցից, երբ ավելն ու ճաշ պատրաստելու կաթսան միեւնույն տեղում են, կողք կողքի:
Մարինա Սարքիսովան նշեց, որ 1990-ականներից, գալով այստեղ, երեք նախագահ են փոխել, հույս ունենալով, որ նրանցից գոնե մեկը կմտածի իրենց մասին: «Հենց սկզբից էլ մենք տեսնում էինք, որ այս կացարանը ապրելու պիտանի չէ, սակայն մենք այդ ծանր պայմաններում ոչինչ չուզեցինք: Անգամ նամակներ էինք ուզում գրել, չէինք գրում, մտածելով, որ Հայաստանը նոր է անկախացել, թող միջազգային արենան ճանաչի, հետո նոր մեր մասին կմտածեն»,- ասաց նա:
Բաքվից եկած հայերն ասում են, որ անտեսվել ենք 30 տարի: Ճղճիմ պայմաններում է նրանց կյանքն անցել, կորցրել են ամուսիններ, քույրեր, եղբայրներ, սակայն չեն ուզում, որ այլեւս այդպես շարունակվի. «Գոնե մեր երեխաները, մեր թոռները կարողանան նորմալ մեծանալ, մարդկային պայմաններում ապրել:»
Բնակիչներից 37-ամյա Հենրիկ Համբարձումյանն արդեն 20 տարուց ավելի է՝ ապրում է Հայաստանում, սակայն մինչ օրս ՀՀ քաղաքացիություն չունի:
«Ես այսքան տարի է՝ այստեղ եմ ապրում, բայց քաղաքացի չեմ: Ժամանակավոր գրանցում ունեմ: Ամբողջ կյանքս այսպե՞ս եմ մնալու: Շատ դժվար եմ աշխատանք գտնում: Ինձ ասում են՝ դու որտեղա՞ցի ես, փախստակա՞ն ես»: «Դու բաքվեցի ես, երկրորդ կարգի հայ ես, դու թուրք ես, որովհետեւ ակցենտով եմ խոսում»,- տարիներ շարունակ տարբեր որակավորումների է հանդիպել քաղաքացի Համբարձումյանը:
«Հիմա ի՞նչ անենք, գնանք Եվրոպա ու խայտառակե՞նք Հայաստանը: Սոցիալական ծանր պայմանների պատճառով ո՛չ ընտանիք եմ կազմել, ո՛չ կայուն աշխատանք եմ կարողացել գտել, քանի որ գրանցում չունեմ: Արդեն հույսս կորցրած՝ ուզում եմ գնալ, կամ Ռուսաստան կա՛մ մեկ այլ տեղ»,- ասաց Հենրիկ Համբարձումյանը:
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
Եթե Ստեփանակերտում ոչ թե «քֆուրով» որոշում ընդունող, այլ ադեկվատ իշխանություն լիներ, կսահմաներ ԼՂ շփման գիծը․ Աթանեսյան
Մենք ԵՄ-ի հետ սկսում ենք սերտ համագործակցության նոր ճանապարհ․ Արարատ Միրզոյան
Խաղաղության գործընթացը հիմնականում բաղկացած է որոշումներից, որոնք դուրս են «հակամարտելու» տրամաբանությունից․ Թորոսյան
Շուտով հայտնի ուժերը «մետոձիչկաները» կստանան, ու 10 կոպեկանոց լացի նոր եթերաշրջանը կհամարենք բացված․ Ալեքսանյան
Հայաստանը կստանա հնարավորություն սահմանազատման գործընթացը կազմակերպել քաղաքակիրթ և լեգիտիմ ընթացքով․ Ղազարյան
Աշխարհի գավաթ․ մարմնամարզիկ Վահագն Դավթյանը Փարիզի Օլիմպիական խաղերի ուղեգիր է նվաճել
Կողմերը կառաջնորդվեն Ալմա Աթայի 1991թ. հռչակագրով, մի բան, որից Ադրբեջանը արդեն տևական ժամանակ խուսափում էր․ Եղոյան
Հուսանք՝ այցից հետո կհայտնվի մեր հարաբերությունների զարգացման «ճանապարհային քարտեզ»․ Միրզոյանի հարցազրույցը Arab News-ին
Վկան գլխի ճակատային մասով 3 անգամ հարվածել է աշխատասեղանին․ ինչ է կատարվել Շենգավիթի քննչական բաժնում
Սահմանազատման հանձնաժողովների հրապարակած փաստաթղթում երկու բավականին դրական և հուսադրող միտում տեսա․ Արամ Սարգսյան
Առաջին անգամ կա հնարավորություն ունենալ սահմանազատված պետական սահման, որտեղ կտեղակայվեն սահմանապահներ. Հովհաննիսյան
© 2024 Հայկական ժամանակ