ԲՀԿ-ում 5 տոկոսի հույս չունե՞ն. ինչու գործող պատգամավորները չեն առաջադրվում

ԱԺ առաջիկա արտահերթ ընտրություններում «Բարգավաճ Հայաստան» կուսակցությունը հանդես կգա «Մեր խոսքը գործ է» եւ «Հավատա, վստահիր, պահանջիր» կարգախոսներով։ ԲՀԿ համամասնական ցուցակը գլխավորելու է Գագիկ Ծառուկյանը, երկրորդ համարում կուսակցության փոխնախագահ Միքայել Մելքումյանն է, իսկ 3-րդ համարում էլ Էներգետիկայի եւ բնական պաշարների նախկին նախարար Արթուր Գրիգորյանն է: Ցուցակի առաջին կին թեկնածուն ԲՀԿ քաղխորհրդի գլխավոր քարտուղար Նաիրա Զոհրաբյանն է՝ 4-րդ համարում:

«Ծառուկյան» խմբակցության 8 պատգամավոր չի ընդգրկվել ԲՀԿ համամասնական ցուցակում: Մասնավորապես, ցուցակ չեն ներառվել 2017 թվականի խորհրդարանական ընտրություններում ԲՀԿ նախընտրական շտաբի պետ Իշխան Զաքարյանը, ՀՀՇ նախագահ Արարատ Զուրաբյանը, կուսակիցներին հակառակ քվեարկած Նապոլեոն Ազիզյանը, Հրանտ Դավթյանը, Մարինա Մարգարյանը, ԲՀԿ-ից դուրս եկած Վահան Կարապետյանը, ռուսական փոքրամասնության ներկայացուցիչ Տատյանա Միքայելյանը եւ նախկին վարչապետ Հովիկ Աբրահամյանի որդին՝ Արգամ Աբրահամյանը: Նա նաեւ Գագիկ Ծառուկյանի փեսան է: Մամուլում տեղեկություններ շրջանառվեցին, որ Աբրահամյանը հրաժարվել է առաջադրվել՝ հաշվարկելով, որ ԲՀԿ-ն ոչ մի շանս չունի՝ հաղթահարելու 5-տոկոսանոց արգելքը:

«Ծառուկյան» խմբակցության քարտուղար Վահե Էնֆիաջյանը մեր հարցին՝ ի՞նչն է պատճառը, որ ձեր նախընտրական ցուցակում ձեր խմբակցությունում գործող 8 պատգամավորի չեք ընդգրկել՝ պատասխանեց. «Մենք քաղաքական դաշտում ենք գտնվում, քաղաքական իրողություններ կան, քաղաքական իրավիճակ է: Մենք հարգում ենք մեր քաղաքական խորհրդի դիրքորոշումը, մեր թիմակիցների առաջնահերթ կարծիքը: Մենք մեր բոլոր թիմակիցներին հարգանքով ենք վերաբերվում»:

Հարցին՝ լուրեր կան, որ Տավուշում ձեր ռեյտինգային թեկնածուներն իրար հետ վիճում են, դեռ չի՞ որոշվել՝ ովքեր են ռեյտինգային թեկնածուները՝ Էնֆիաջյանը պատասխանեց, որ իրենց թիմում վեճի առարկա չունեն ոչ միայն Տավուշում, այլեւ առհասարակ: Նա ասաց, որ ուզում են ներկայանալի հանդես գալ բնակչության առաջ: Հարցին՝ Ծառուկյանն ասել էր, որ լուրջ փոփոխություններ են լինելու ցուցակում, լուրջ փոփոխությունը որն էր՝ Էնֆիաջյանը պատասխանեց, որ իրենց ցուցակում նոր մարդիկ կան, որոնք պատգամավոր չեն եղել. «Ակնհայտ է, որ դա փոփոխություն է»:

Ճշտող հարցին՝ Հովիկ Աբրահամյանի որդին՝ Արգամ Աբրահամյանը, հրաժարվել է առաջադրվել զուտ այն պատճառով, քանի որ կասկածել է, որ ձեր ուժը 5 տոկոսի շեմը կհաղթահարի՝ Էնֆիաջյանը պատասխանեց. «Վստահեցնում եմ ձեզ, որ մեր քաղաքական թիմը քննարկել է, ցուցակն այս տեսքը ստացել է մեր քաղաքական թիմի քննարկումների արդյունքում: Նման բովանդակության քննարկում, որ այս շեմը կանցնի, թե չի անցնի, նման քննարկում չի եղել, դա ապատեղեկատվություն է: Իսկ իմ անձնական ներքին համոզմունքն է, որ Արգամ Աբրահամյանը բավականին մեծ վստահություն է վայելում հատկապես Արարատի մարզում»:

Նա ասաց, որ Արգամ Աբրահամյանի անձնական ցանկությունն է եղել՝ չմասնակցել ընտրություններին: Խոսելով Գագիկ Ծառուկյանի օլիգարխ լինել-չլինելու, ԱԺ-ում անընդհատ բացակայելու մասին՝ Էնֆիաջյանը վստահեցրեց, թե նա օլիգարխ չէ, ավելին՝ հայտարարեց, որ պառլամենտ մոնիտորինգը վկայում է, որ «Ծառուկյան» խմբակցությունը եւ Գագիկ Ծառուկյանն ամենաակտիվն են եղել խորհրդարանում: 

Միքայել Մելքումյանի անունը ԲՀԿ նախընտրական ցուցակում անմիջապես հաջորդում է Գագիկ Ծառուկյանի անվանը։ Մելքումյանից հետաքրքրվեցինք, թե սա ինչով է պայմանավորված. «Մենք կուսակցության մարդ ենք, պարոն Ծառուկյանը մտել է քաղաքականության մեջ, մենք էլ նրա հետ մտել ենք, նրա հետ էլ շարունակելու ենք»։

Մելքումյանը վստահեցնում է, որ քարոզարշավին մտադիր չեն որեւէ ուժի թիրախավորել։ Պատգամավորն ասաց՝ պայքարի մեջ մտած ուժերի հայտարարություններին կանդրադառնան այն ժամանակ, երբ իրենց կթիրախավորեն: ԲՀԿ-ն ՀՀԿ-ին մրցակից չի համարում. «Հանրապետականը 20 տարի իշխանության է եղել, անփառունակ կերպով չի կարողացել դա իրացնել եւ դեռ շատ վաղ է, որ ռեաբիլիտացիայի մասին մտածի»։

Միքայել Մելքումյանն նշեց, որ ընտրություններից հետո պարզ կլինի, թե խորհրդարանում իրենց որ տեղն է բաժին հասնում: Հարցին՝ ԲՀԿ-ն 6-րդ գումարման խորհրդարանում այլընտրա՞նք, էր, թե՞ ընդդիմություն, ԱԺ փոխնախագահը մեկնաբանեց. «ԲՀԿ-ն միշտ պետականամետ ուժ է եղել, աջ կենտրոնամետ՝ պահպանողական արժեքներ դավանող ուժ»։

ԲՀԿ-ն նախորդ ընտրությունների ժամանակ աջ ու ձախ խոստումներ էր տալիս ընտրողներին, մասնավորապես՝ գյուղտեխնիկա, ուսման վարձեր, անգամ Կենտրոնական ընտրական հանձնաժողովի նախագահ Տիգրան Մուկուչյանը գրավոր զգուշացում տվեց ԲՀԿ նախագահ Գագիկ Ծառուկյանին, որ խոստումները դիտարկվում են ընտրակաշառք: Մելքումյանից հետաքրքվեցինք՝ նման խոստումներ լինելո՞ւ են այս տարի. «Դա ընտրակաշառք չի եղել, բարեգործությունը օրենքով թույլատրված ժամկետում կատարելը հակադրության մեջ չի մտել օրենքի տառի հետ եւ խնդիրներ չի առաջացրել։ Երբ մեծ բարեգործը կատարում է բարեգործություններ մշտական՝ ե՛ւ ընտրությունից առաջ, ե՛ւ հետո, ե՛ւ միջընտրական փուլերում, խնդիր չի կարող առաջացնել։ Հանդարտ եղեք այդ առումով»։ 

Տպել
1902 դիտում

Բացահայտվել է Երեւանի բնակարաններից մեկից կատարված գողությունը

Վարդենյաց լեռնանցքը փակ է կցորդիչով բեռնատարների համար, մարդատարների համար՝ դժվարանցանելի

Երեւանի տներից մեկում գազի բալոնի արտահոսքից 3 քաղաքացի է թունավորվել

Թուրքիան Հայաստանի հետ սահմանին լայնամասշտաբ զորավարժություն է անցկացնում (լուսանկարներ)

Իսրայելի վտանգավոր արկածախնդրությունը կարող է բերել տարածաշրջանում ռազմական հակամարտության. Իրանի ԱԳ նախարար

Քննչական կոմիտեի նախագահն ընդունել է ԱՄՆ դեսպանության թմրամիջոցների դեմ պայքարի ծրագրի տնօրենի պատվիրակությանը

Քննարկումներ մրցակցության ոլորտի օրենսդրական խնդիրների շուրջ

Սուրբ Աթոռում ՀՀ դեսպանը հանդիպում է ունեցել Սուրբ Աթոռի պետությունների հետ հարաբերությունների քարտուղարի հետ

Ստեփանծմինդա-Լարս ավտոճանապարհը ժամը 20:30-ի դրությամբ բաց է տրանսպորտային բոլոր միջոցների համար

Ըստ մեղադրանքի՝ Արմեն Գևորգյանը այլ գործողություններով օժանդակել է Ռոբերտ Քոչարյանին սահմանադրական կարգը տապալելու համար

Վնասել ու կոտրել են գեներալ Մանվել Գրիգորյանի մայրական տունը, տակնուվրա արել ամեն ինչ ներսում

Փոխնախարար Մանե Ադամյանն ընդունել է ֆրանսիական Airbus ընկերության ներկայացուցիչներին

Փրկարարներն ավտոմեքենան դուրս են բերել արգելափակումից

Վերակառուցման և զարգացման եվրոպական բանկի նախագահը կայցելի Հայաստան

ՔԿՀ-ում գտնվող Արթուր Վարդանյանին անհրաժեշտ է տեղափոխել քաղաքացիական հիվանդանոց. ՄԻՊ

Նազարբաեւը որոշել է լուծարել Ղազախստանի կառավարությունը

ՌԴ դեսպանը ԱԺ պատգամավորների հետ քննարկել է հայ-ռուսական համագործակցությանն առնչվող հարցեր

Ավինյանն ընդունել է Ավստրիական զարգացման համագործակցության Հարավային Կովկասի գրասենյակի ղեկավարին

Որպես ի՞նչ է Սաշիկ Սարգսյանը 18,5 միլիոն դոլար «նվիրաբերում» պետությանը, որպես «չայեվո՞յ»

ՊԲ հրամանատարը հետևել է զորամասերից մեկի՝ «բարձր» մարտական պատրաստականության աստիճանի պարապմունքներին