Առաջիկա ԱԺ-ն անցումային է լինելու, 2 տարի հետո էլ պետք է գնանք ընտրությունների․ Սասնա ծռերը սկսեցին քարոզարշավը

«Սասնա Ծռեր» համահայկական կուսակցության քարոզարշավն այսօր մեկնարկեց Ազգային ժողովի այգուց:

Կուսակցության նախընտրական ցուցակը գլխավորող Վարուժան Ավետիսյանը լրագրողների հետ զրույցում ասաց, որ նախընտրական քարոզարշավը խորհրդարանի բակից սկսելու մեջ հատուկ խորհուրդ կա․

«Վերջապես, տարիներ ի վեր մեր քաղաքական, քաղաքացիական պայքարի այս հանգրվանում ենք, որ արդեն կարող ենք մասնակցել Ազգային ժողովի ընտրություններին։ Չնայած իրենց բազմաթիվ թերություններին ու բացթողումներին՝ այս ընտրությունները շատ հուսադրող են, խոստանում են լինել լեգիտիմ եւ զգալի չափով արտացոլելու են մեր ժողովրդի կամքը»,- նշեց Վարուժան Ավետիսյանը։

Վերջինս ասաց, որ իրենք դեռ երկար ճանապարհ ունեն անցնելու, ինչն արտացոլված է կուսակցության նախընտրական ծրագրում։ Ավետիսյանի խոսքով՝ առաջիկա երկու տարին «Սասնա ծռեր» կուսակցությունը համարում է անցումային փուլի ժամանակահատված, ուստի առաջիկա խորհրդարանն իրենք պատկերացնում են որպես անցումային խորհրդարան․

«Մենք ներկայացրել ենք ծրագիր երկու տարվա համար։ Կարծում ենք՝ խորհրդարանը երկու տարի հետո պետք է ամփոփած լինի իր անցումային փուլի անելիքն ու գնա արտահերթ խորհրդարանական ընտրությունների։ Նախատեսում ենք, որ այդ ընթացքում պետք է ընդունվի նոր Սահմանադրություն, եւ այդ հիմքով էլ պետք է լինեն արտահերթ ընտրություններ»,- ասաց Վարուժան Ավետիսյանը։

Քաղաքագետ Ստեփան Գրիգորյանը, որը «Սասնա ծռեր» համահայկական կուսակցության նախընտրական ցուցակի երկրորդ համարն է զբաղեցնում, մեր զրույցում ասաց, որ այս կուսակցությունից առաջադրվելու համար մի քանի գործոններ աշխատեցին․

«Նախ, իրոք շատ դրական է, որ քաղաքական դաշտ մտնում են մարդիկ, ովքեր ազնիվ են, բաց են, անկեղծ են, պայքարող են։ Մյուսը՝ իրենք ունեն հայեցակարգ, եւ որի շուրջ կարելի է վիճել, ոչ ոք չի ասում, որ այդ հայեցակարգն ամենաիդեալականն է։ Դու ունես հայեցակարգ, որի հիման վրա սկսում ես գրել ծրագիր։ Ահա ծրագիրը մեր, որն այսօրվա իրավիճակին համապատասխան է, ունի տեսլական, ծրագիրը շատ արդիական է, որը դրական է ամբողջ քաղաքական դաշտի համար։ Երրորդ գործոնը՝ միանշանակ ու շատ դրական է, որ «Սասնա ծռերը» հրաժարվեցին խնդիրներն ուժային մեթոդով լուծելու տարբերակից, քանի որ եղել է հեղափոխություն, իրենք նոր կառավարության նկատմամբ դրական են տրամադրված, ինչն ինձ համար շատ կարեւոր է։ Եւ էս մարդիկ ունեն գաղափարներ, պատրաստ են քաղաքական պայքար տանել, ու այդ պատճառով էլ ես իրենց հետ եմ»,- ասաց Ստեփան Գրիգորյանը՝ հավելելով, որ այսօրվա կառավարությանը, որը հավանաբար կլինի նաեւ վաղը, պետք է օգնել, իսկ կօգնեն այն ուժերը, որոնք աջակցել են Փաշինյանին հեղափոխության ժամանակ, եւ ունեն հստակ գաղափարներ։

Ստեփան Գրիգորյանը մեր զրույցում նաեւ ասաց, որ իրենց շանսերը բարձր է գնահատում, եւ մարզերում էլ տեսնում են մեծ աջակցություն․ «Անգամ քարոզարշավից առաջ մեր հանդիպումներին հարյուրավոր մարդիկ էին ներկա լինում»։

«Սասնա ծռեր» կուսակցությունը այսօր հանդիպում ունեցավ նաեւ Նոր Նորքի բնակիչների հետ, իսկ վաղն իր քարոզարշավը շարունակելու է մարզերում։

Տպել
18810 դիտում

ՎՏԲ Բանկն առաջարկում է շահավետ պայմաններ՝ ֆինանսական կազմակերպություններից գույքի գրավադրմամբ վարկեր գնելու նպատակով

Վաղվանից Հայաստանի տարածքում ջերմաստիճանը կնվազի, սպասվում են տեղումներ

Արցախի Մարտունու շրջանի Սոս և Մաճկալաշեն համայնքներում դպրոցները դեռ փակ կմնան

Գազամատակարարման պլանային ընդհատումներ կլինեն Երևանում, Լոռու, Կոտայքի, Արագածոտնի և Սյունիքի մարզերում

Ադրբեջանը պատասխանել է իրենց մոտ հայտնված ՀՀ քաղաքացի Ն. Սարդարյանի վերաբերյալ ՄԻԵԴ-ի հարցերին. փաստաբանը մանրամասնում է

Արցախի նախագահն ընդունել է ՀՀ ԱԳՆ պատվիրակությանը. քննարկվել է արտաքին քաղաքականության հարցերի լայն շրջանակ

Եկամտահարկով ուսման վարձի փոխհատուցումը կատարվում է ուսումնական տարվա ավարտից հետո. ԿԳՄՍՆ-ն մանրամասնում է

Անկախության տոնին առաջին անգամ կհանձնվի շախմատի Երևանի գավաթը

Քրեակատարողական ծառայության ղեկավար անձնակազմն այցելել է «Գորիս» քրեակատարողական հիմնարկ

ՍԴ նորընտիր դատավոր Երվանդ Խունդկարյանն ԱԺ ամբիոնից երդվեց լինել անկախ եւ անաչառ

Ուսումնական տարին սկսվեց` երթուղայինների թիվը չավելացավ. Երեւանի քաղաքապետարանը նախապատրաստական աշխատանքներ է անում

Հարձակում Սան-Ֆրանցիսկոյի հայկական կենտրոնի վրա. անհայտ անձինք այն հրկիզել են (լուսանկարներ)

Վարչապետը շնորհավորել է Հայաստանի հրեական համայնքին՝ Ռոշ Հաշանայի կապակցությամբ

Անկախության օրվա կապակցությամբ սեպտեմբերի 21-ին Երևան-Գյումրի-Երևան ուղղությունում կաշխատեն լրացուցիչ էլեկտրագնացքներ

Կոռուպցիոն չարաշահումներ Ամասիայի առողջության կենտրոնում. հարուցվել է քրեական գործ

«Սխալվելու վճռականությունը՝ ճշմարիտ ճանապարհ». Նիկոլ Փաշինյանը՝ ՔՊ-ի սխալների մասին

Խորհրդարանում շարունակվում է քառօրյան․ պատգամավորները կողմ քվեարկեցին հայտարարագրերի մասին օրենքի նախագծին

Հաստատվել է կորոնավիրուսի 239 նոր դեպք. մահացել է 45-ամյա տղամարդ

Վիվա-ՄՏՍ-ը համագործակցում է Microsoft-ի հետ՝ գործարկելու աշխարհում առաջատար Azure Stack ամպային պլատֆորմը

Նիկոլ Փաշինյանը նոր որոշում է ստորագրել՝ աշխատանքային խումբ ձեւավորելու մասին