Կարապետյանը ՀՀԿ-ն լքելու դիմումը գրել է դեկտեմբերի 14-ին, ՀՀԿ-ից դուրս եկողները շատ են. Ռուբեն Թադեւոսյան

Կարեն Կարապետյանը «Հանրապետական» կուսակցությունից դուրս գալու դիմում գրել է 2018 թվականի դեկտեմբերի 14-ին: Այս մասին «Հայկական ժամանակ»-ի հետ զրույցում ասաց ՀՀԿ կազմակերպչական հարցերով հանձնաժողովի նախագահ Ռուբեն Թադեւոսյանը: Կարապետյանը դիմումն ուղարկել է հեռակա կարգով: Հիշեցնենք, որ այսօր տպագիր մամուլը տեղեկություն էր հրապարակել այն մասին, որ Կարապետյանը լքում է ՀՀԿ-ն:

- Պարոն Թադեւոսյան, այն 7 հազար հոգին, որ Կարեն Կարապետյանի հետ մտել էին ՀՀԿ, ե՞ւս դուրս գալու դիմում են գրել կամ պատրաստվում են գրել:

Ոչ, նման բան չկա: Ով տարածել է, նրանցից էլ ճշտեք: Այդպիսի բան չկա:

- Քաղաքական հայտնի փոփոխություններից հետո քանի՞ հոգի է ՀՀԿ-ից դուրս գալու դիմում գրել:

- Այդ տեղեկությունները ճշգրտման փուլում են, հունվարի մեջ հստակ հայտնի կլինի:

- Պարոն Թադեւոսյան, իսկ ՀՀԿ-ին անդամակցողներ կա՞ն:

- Այո:

- ՀՀԿ-ից դուրս եկողներն են շա՞տ, թե՞ մտնողները:

- Առայժմ դուրս եկողներն են շատ:

- Տարբերությունը զգալի՞ է:

- Այո, կա այդպիսի բան:

- Իսկ Կարեն Կարապետյանի հետ ՀՀԿ մտած արդեն նախկին նախարարները ե՞ւս ՀՀԿ-ից դուրս գալու դիմումներ են գրում:

- Մենք այլ դիմումներ չունենք:

- Ովքե՞ր են ՀՀԿ-ն լքողները:

- Շարքային կուսակցականներ:

- Կարեն Կարապետյանը ՀՀԿ-ից նեղացա՞ծ է: Մամուլը գրել է, որ Սերժ Սարգսյանի գլխավորությամբ ՀՀԿ-ն իր դեմ է աշխատել:

- Դա իրենից կհարցնեք:

- Այսինքն՝ նա բացատրություն չի՞ ներկայացրել, թե ինչու է ՀՀԿ-ն լքում:

- Ոչ:

Հիշեցնեք, որ Կարեն Կարապետյանը Հայաստան եկավ 2017 թվականի Ազգային ժողովի ընտրությունների նախաշեմին: Նա, նախ, զբաղեցրեց ՀՀ վարչապետի, ապա ՀՀԿ առաջին փոխնախագահի պաշտոնը: Նա Հայաստան էր եկել ՀՀԿ-ն ռեբրենդինգ անելու եւ քարոզարշավ իրականացնելու համար: Հետագայում Կարապետյանի համար արհեստականորեն ստեղծվեց առաջին փոխվարչապետի պորտֆելը, սակայն քաղաքական փոփոխություններից հետո Կարապետյանը կրկին լքեց Հայաստանը: Այժմ ՀՀԿ առաջին փոխնախագահը պաշտպանության նախկին նախարար Վիգեն Սարգսյանն է:

Տպել
4011 դիտում

Գյումրու Վարդանանց հրապարակի եղեւնիները կհանվեն

Կոմպոզիտորների՝ Դիլիջանի ստեղծագործական տունը կարճ ժամանակում պետք է դարձնենք ծաղկուն ու խնամված վայր. Աննա Հակոբյան

Հրաժարվեք Հայաստանում օտարերկրյա ներդրողների գործունեության մեջ քաղաքական ենթատեքստ փնտրել. «ԳեոՊրոՄայնինգ»-ը՝ ԶԼՄ-ներին

Վարչապետ Նիկոլ Փաշինյանի մոտ կայացել է խորհրդակցություն երեխաների որդեգրումների թեմայի վերաբերյալ

«Սիթի օֆ Սմայլ/Ժպիտների քաղաք»-ը անհրաժեշտության դեպքում կաջակցի 21-ամյա Արամի բուժմանը

Կեղծված են և՛ ԱԺ պատգամավորի բլանկի ձևը, և՛ իմ ստորագրությունը. Հրաչյա Հակոբյանը մեկնաբանել է ռուսական կայքի հոդվածը

Նիկոլ Փաշինյանի վերջին այցից հետո զբոսաշրջիկների թիվը Գյումրիում կրկնապատկվել է. Սամվել Բալասանյան

Գերմանիայի պաշտպանության նախարարը հրաժարական է տվել Scorpions-ի «Փոփոխությունների քամի» երգի հնչյունների ներքո

Գտնվում ենք այն քոթեջում, որտեղ ապրել և ստեղծագործել է Առնո Բաբաջանյանը, մթնոլորտը հիասքանչ է. Աննա Հակոբյան

Երեւանի ավագանու նախկին անդամ Սոնա Աղեկյանը ազատ է արձակվել

ԿԳՄՍ նախարար Արայիկ Հարությունյանն ընդունել է Ճապոնիայի դեսպան Ջուն Յամադային

Երևանի թիվ 17 հիմնական դպրոցի կառավարման խորհուրդը հայտարարում է տնօրենի թափուր պաշտոնի մրցույթ

Ձերբակալվել է «Սևան ազգային պարկ» ՊՈԱԿ-ի «Արևիկ» մասնաճյուղի անտառագետը

Արցախում 2 տարեկան երեխան թունավորվել է մոր տված սխալ դեղահաբից

Քննարկվել է «Զվարթնոց» օդանավակայանի ընդլայնման հարցը

«Պոբեդա»-ն այսօր կվերականգնի Գյումրիում ձմեռային չվացուցակով թռիչքների ավիատոմսերի վաճառքը

Սոնա Աղեկյանը քաղաքապետարան է ներկայացել կոյաջրերի տարայով. նրան բերման են ենթարկել

Հայաստանում անշարժ գույքի գործարքները աճել են, եւ աճը մարզերի ու ոչ Երեւանի հաշվին է. Նիկոլ Փաշինյան

Մալաթիայի շուկայի տարածքում հրդեհը բռնկվել է արագ սննդի կետում. մանրամասներ

Ծնելիության ցուցանիշի նվազման տեմպը դանդաղում է. Արսեն Թորոսյան