Իտալական և արգենտինյան երաժշտության երեկո՝ Մարիո Ստեֆանո Պիետրոդարկիի մատուցմամբ

Դեկտեմբերի 25-ին տեղի ունեցավ Հայաստանի պետական սիմֆոնիկ նվագախմբի տարեվերջյան համերգը։ Նվագախմբի հետ հանդես եկավ իտալացի հանրահայտ ակորդեոնահար և բանդոնեոնահար Մարիո Ստեֆանո Պիետրոդարկին։ Համերգային ծրագիրը ներառում էր իտալացի կոմպոզիտորներ Էննիո Մորիկոնեի, Մարտին Պալմերիի, Ռոբերտո դի Մարինոյի, ինչպես նաև արգենտինացի կոմպոզիտոր Աստոր Պիացոլայի ստեղծագործությունները։

Երեկոյին ներկա էր ՀՀ վարչապետի տիկին Աննա Հակոբյանը։

Մարիո Ստեֆանո Պիետրոդարկիի և հայաստանյան երաժշտասերների հանդիպումը, ինչպես միշտ, ջերմ ու զգացմունքային էր։ Պիետրոդարկիի երևանյան համերգները միշտ անցնում են լեփ-լեցուն դահլիճներում. այս անգամ նույնպես տոմսերը սպառվել էին համերգից օրեր առաջ։

«Ինձ համար անասելի հաճույք է Հայաստանում ելույթ ունենալը, Հայաստանի պետական սիմֆոնիկ նվագախմբի հետ նվագելը։ Ֆանտաստիկ նվագախումբ է, յուրահատուկ հնչողությամբ։ Նվագախմբի երաժիշտները երիտասարդ են ու շատ հասուն, լի էմոցիայով, աշխատելու ձգտմամբ»,- ասաց բանդոնեոնահարը՝ հատուկ շնորհակալություն հայտնելով իր բարեկամ, դիրիժոր Սերգեյ Սմբատյանին համագործակցության համար։

Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը նկատեց, որ նվագախմբի համար ավանդույթ է դարձել տարին ամփոփել Մարիո Ստեֆանո Պիետրոդարկիի հետ համերգով, տոնական տրամադրությամբ ու սիրված երաժշտությամբ։ Դիրիժորն ընդգծեց, որ ամեն անգամ Երևանում Պիետրոդարկին ներկայացնում է նոր ծրագիր՝ յուրաքանչյուր բեմելի ընթացքում անակնկալներ մատուցելով իր երաժշտության սիրահարներին։ Դիրիժորը նաև նշեց, որ Ամանորի արձակուրդներին մի փոքր հանգստանալուց հետո նվագախումբը պատրաստվելու է 2019թ. ելույթներին։ «Տարին հագեցած է լինելու։ 60-ից ավելի համերգներ են նախատեսված Հայաստանում և նրա սահմաններից դուրս։ Նպատակ ենք դրել նոր ունկնդիրներ ներգրավել։ Փայլուն արտիստներ են ժամանելու Հայաստան»,- առաջիկա ծրագրերը մի փոքր մանրամասնեց մաեստրո Սմբատյանը։

Երեկոյի ընթացքում երաժշտասեր հանդիսատեսին սպասվում էին անակնկալներ. շատ ստեղծագործություններ Հայաստանում հնչում էին առաջին անգամ։ Էննիո Մորիկոնեի կինոերաժշտությունը, փոխադրված լարային նվագախմբի և բանդոնեոնի համար, հնչում էր առաջին անգամ։ Երևանում առաջին անգամ կատարվեց նաև Մարտին Պալմերիի «Տարվա եղանակները», որը հեղինակը գրել է հատուկ Պիետրոդարկիի համար։ Պիացոլայի Tangazo ստեղծագործությունը հնչեց երիտասարդ կոմպոզիտոր Վահագն Վարդանյանի փոխադրմամբ։

Մարիո Ստեֆանո Պիետրոդարկին բազմաթիվ բիսերից հետո մի քանի անգամ բեմ դուրս եկավ՝ ևս մի քանի կատարում նվիրելով ներկաներին։ Իսկ «Ավե Մարիայից» մի հատված երաժիշտը նվիրեց վերջերս կյանքից հեռացած իր սիրելի պապիկի հիշատակին, ով մեծացրել, դաստիարակել էր իրեն: 

Տպել
515 դիտում

Գերմանիայում ծրագիր են մշակել՝ տղամարդկանց պաշտպանելու ընտանեկան բռնությունից

Հայաստանի 2 ներկայացուցիչ բրոնզե մեդալակիր է դարձել. ըմբշամարտի պատանեկան ԵԱ

ՍԴ դատավորի պաշտոնում ընտրված Վահե Գրիգորանի երդման արարողությունը տեղի կունենա վաղը, իսկ ավելի ուշ կփակի Ֆեյսբուքի էջը

Լրագրողի պայուսակից ոստիկանները հայտնաբերել են շորթմամբ հափշտակած գումարը (տեսանյութ)

Գողացել են ԱԺ պատգամավորի մեքենայի կողային հայելին

Հայ օգնության ֆոնդը 2019-2020 ուսումնական տարվա համար հայտարարում է կրթաթոշակների մրցույթներ

Պտտահողմը Ոսկեհատ գյուղի բնակչի տան տանիքը պոկել է

ՀՀ կառավարության հունիսի 20-ի նիստի մեկնարկի ժամը փոխվել է

Dine Sky՝ ռեստորան երկնքում. Երեւանում բացվեց առաջին ճախրող ռեստորանը (լուսանկարներ)

ՊԵԿ նախագահը կոմիտեում հրաժեշտ է տվել Ռուստամ Բադասյանին, մաղթել հաջողություններ

Քոչարյանի համար երաշխավորած Բակո Սահակյանը և Ա. Ղուկասյանը ուղղակի կապ ունեն մի շարք ապօրինի հանգամանքների հետ. Սաֆարյան

Hzham.am կայքի լրագրողը բերման է ենթարկվել ՃՈ պաշտոնատար անձի աշխատասենյակից. նրա մոտից հայտնաբերվել է 400 հազար դրամ

Օրվա կադրը. Գյումրին այսօր՝ անձրեւից հետո, Տրդատ Ճարտարապետ փողոց

Թող իմ հայրն էլ նստած լիներ, 10 տարի հետո գար, ես էլ այսպես փաթաթվեի. մարտի 1-ի զոհի տղան՝ Քոչարյանի նկարը տեսնելով

Զ. Մնացականյանը հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատարի հետ

Ադեկվատ խաղամոլի արկածները

Քննչական կոմիտեն բոլոր ջանքերը կգործադրի խաղաղ պայմաններում զինծառայողների մահվան դեպքերը բացահայտելու համար. Փաշինյան

Ինչու կանչեցին ցույցի տեղը, ով կրակեց, ովքեր տարան հիվանդանոց. Ջեմմա Վարդումյանը արդար ու խիստ դատ է պահանջում

Տարածաշրջանի երկրների պատմության ադրբեջանական տարբերակն իրականությանը չի համապատասպանում․ Սուրեն Պապիկյան

Չկա մի հանդիպում, որի ընթացքում չի քննարկվում Արցախի՝ բանակցային սեղանի շուրջ վերադառնալու հարցը․ վարչապետ