Մինչ տնօրենը ԱՄՆ-ում տոներն էր վայելում՝ ԱԻՆ-ը կոտրեց թատրոնի դուռը. նորանշանակ տնօրենին դիմավորող չեղավ

Հունվարի 9-ին Խորեոգրաֆիայի պետական թատրոնի դռները բացվեցին ԱԻՆ-ի աշխատակիցների միջամտությամբ: Թատրոնի տարածք մուտք գործելն ԱԻՆ-ի միջամտությամբ կազմակերպել էր մշակույթի նախարարությունը՝ փոխնախարար Նազենի Ղարիբյանի գլխավորությամբ:

Խնդրահարույց եւ տարիներ շարունակ ակտիվությամբ աչքի չընկնող այս թատրոնում տնօրենի պայքար է: Նազենի Ղարիբյանի խոսքով՝ 2018 թվականի դեկտեմբերի 28-ին լրացել է Խորեոգրաֆիայի պետական թատրոնի տնօրեն Գայանե Կարապետյանի պայմանագրի ժամկետը: Ըստ փոխնախարարի՝ թատրոնի նախկին տնօրենին օրինականորեն զգուշացվել է, որ հնարավոր է պայմանագիրն այլեւս իր հետ չշարունակվի:

Հանձման-ընդունման արարողությունը սկզբունքորեն պետք է լիներ դեկտեմբերի 28-ին, եւ պետք է բանալիներն ու կնիքը հանձնվեր նախարարությանը: Սակայն ոչ մի կերպ չի հաջողվել կապ հաստատել եւ աշխատավայրում հանդիպել թատրոնի գոնե մեկ աշխատակցի: 22 հոգանոց անձնակազմը տարբեր պատճառաբանություններով չի ներկայացել:

«Երեկ առավոտից մենք ոչ մի կերպ չենք կարողանում ո՛չ բանալի, ո՛չ կնիք ստանալ, աշխատողներից որեւէ մեկը չի արձագանքում: Նման դեպք, նման սաբոտաժ երբեւէ չի եղել: Երեկվանից ե՛ւ ես ե՛ւ նախարարը փորձում էինք հասկանալ, թե ինչ կարելի է անել: Դիմեցինք ոստիկանություն, որպեսզի հասկանանք, թե ինչպես վարվել: Սա պետական տարածք է, նախարարության տարածքն է, եւ մենք իրավունք ունենք մտնել այստեղ»,-ասաց Նազենի Ղարիբյանը:

Փոխնախարարը նաեւ հայտնեց, որ փորձել են բանակցությունների գնալ, այսօր ժամը 12:00-ին պայմանավորվել են հանդիպել թատրոնի դռան դիմաց, որպեսզի ստանան շենքի բանալիները, սակայն ապարդյուն: Մի քանի ժամ սպասելուց հետո նախարարությունը դիմեց ծայրահեղ քայլերի, 911 ծառայության աշխատակիցների օգնությամբ կոտրվեց թատրոնի դուռը:

ԱԻՆ-ի աշխատակիցների միջամտությամբ դուռը բացելուց հետո, Ղարիբյանը հայտնեց, որ ժամանակավոր պաշտոնակատարն այսօրվանից կսկսի աշխատել, մեր հարցին, թե աշխատակիցներից անգամ մեկ անձ չկա, ինչպես եւ ում հետ է աշխատելու, փոխանախարարն ասաց, որ եթե չներկայանան, ապա բոլորին կհեռացնի աշխատանքից. «Մենք ամեն ինչ կանենք օրենքի շրջանակներում»:

Նազենի Ղարիբյանի խոսքով՝ տնօրենի ժամանակավոր պաշտոնակատարի համար մի քանի դիմումներ են ընդունել եւ իրենք նպատակահարմար են գտել նախքան մրցույթ հայտարարելը տնօրենի ժպ նշանակել Լիլիթ Փալանջյանին:

Թատրոնի աշխատակիցներն ամեն մեկը մի տեղ են, սակայն հայտնում են, թե իբր հյուրախաղերի են մեկնել: Ղարիբյանը հայտնեց, որ աշխատակիցները նախ պատճառաբանել են, թե Տավուշում են, ապա ասել՝ Ջավախքում են, ամեն գնով խուսափել հանդիպելուց, իսկ տնօրենը հայտնել է, որ գտնվում է ԱՄՆ-ում: «Մենք զանգել ենք իրենց նշած վայրերը, ճշտել, որ այնտեղ ոչ մի հյուրախաղի էլ չեն: Այսինքն, մինչեւ ծայրահեղ քայլերի դիմելը փորձում ենք ամեն գնով այս խնդիրը լուծել: Երեկ պետք է գային, չեկան, այսօր էլ կրկին խաբեցին»,-ասաց Ղարիբյանը:

Ըստ փոխնախարարի՝ թատրոնն ունի բազում խնդիրներ, եւ այն փակման վտանգի առաջ է կանգնած: «Մենք որոշեցինք ոչ թե թատրոնը միանգամից փակել, այլ տալ եւս մեկ հնարավորություն եւ փորձել հասկանալ՝ արդյո՞ք կարելի է այն վեակենդանացնել: Որոշեցինք, որ ամեն դեպքում նույն տնօրենի պաշտոնավարումը, թեկուզ ժամանակավոր՝ նպատակահարմար չէ»,-ասաց նա:

Ղարիբյանը հայտնեց, որ թատրոնն ունի ոչ միայն ֆինանսական, այլեւ բովանդակային մի շարք խնդիրներ: Անգամ աշխատանքն է անհասկանալի: Ինչ վերաբերում է տնօրենին, փոխնախարարն ասաց. «Չի կարող նույն մարդը այդքան տարի շարունակել նույն տեղում աշխատել, սկզբունքորեն հետեւում է, որ նոր մարդ պետք է գա, որպեսզի մենք կարողանանք օբյեկտիվ պատկեր ունենալ»:

Ղարիբյանը չբացառեց, որ թատրոնում շատ բաներ արվել են նախկին տնօրենի սեփական միջոցների հաշվին, միաժամանակ նկատեց, որ նախարարությունը տարբեր ծրագրերում է ընդգրկել, որպեսզի կարողանան ֆինանսական խնդիրները լուծել: Նա տեղյակ չէր, թե նախկին տնօրենը քանի տարի է պաշտոնավարել եւ թե թատրոնն առահասարակ քանի տարի է՝ ինչ գոյություն ունի, սակայն նշեց, որ 20 հոգուց բաղկացած անձնակազմն այս պահին «արձակուրդի» մեջ է:

Փոխնախարարի խոսքով՝ թատրոնում բազմաթիվ հաստիքներ կան գրված, որոնք, իրականում մարդ չի զբաղեցնում: Ըստ այդմ՝ գեղարվեստական ղեկավարը նախկին տնօրեն Գայանե Կարապետյանի հորեղբոր որդին է, փոխտնօրենի անուն է գրած, բայց հայտնի չէ, պարեկ չունի, բայց հաստիք կա: «Մեզ վաղուց էին ասել, որ այս թատրոնում խնդիրներ կան, նախարարությունն անցյալ տարի աուդիտ էր ուղարկել, գրանցել որոշակի խախտումներ»,-ասաց նա:

«Հայկական ժամանակ»-ը կապ հաստատեց ԱՄՆ-ում գտնվող Գայանե Կարապետյանի հետ, որին խիստ զայրացրել է նախարարության նման մոտեցումն ու ուժով թատրոնի դռները բացելը: Գայանե Կարապետյանն ամուսնու՝ ռեժիսոր եւ դերասան Ռաֆայել Գրիգորյանի հետ 8 տարի առաջ հրավիրվել է Հայաստան:

Ամուսինները 2010 թվականին ԱՄՆ-ից վերադարձել էին Հայաստան, իշխանությունները բազմաթիվ կեղծ խոստումներ էին տվել: Մեր զրույցում Գայանե Կարապետյանն ասաց, որ ամուսնուն խոստացել էին, որ Գյումրու դրամատիկական թատրոնի գեղարվեստական ղեկավար պետք է լինի, սակայն չիրականացրեցին խոստումը:

Գայանե Կարապետյանի նախկին աշխատասենյակը

«Իրենց մեղքը քավելու համար Խորեոգրաֆիայի թատրոնը կապեցին իմ վզին: Ներդրումներ եմ արել, ինքս իմ միջոցներով եմ թատրոն ստեղծել՝ կաթսայատան տարածքը վերածելով թատրոնի: Անգամ այն դուռը, որը հիմա բացել են ԱԻՆ-ի միջոցով, դա էլ է իմ ներդրումների արդյունք: Մենք տարիներ շարունակ նամակ բողոքներ ենք գրել, որ տարրական նորմերին անգամ չի համապատասխանում թատրոնը, սակայն ապարդյուն եւ այսօր հանկարծ հիշել են մեր թատրոնի մասին»,-ասաց նախկին տնօրենը:

Գայանե Կարապետյանը նշեց, որ բազմաթիվ ջանքերի միջոցով է կարողացել հասնել նրան, որ պարարվեստի ուսումնական կենտրոնի դահլիճը գոնե շաբաթական 4 օր, մի քանի ժամով տրամադրվի իրենց, որպեսզի կարողանան ներկայացումներ անել: «Ոչ այս նախարարը ոչ էլ փոխնախարարը ոչ մի անգամ թատրոն ոտք չեն դրել», ասաց նախկին տնօրենը եւ հայտնեց, որ մշակույթի նախարարությունը թատրոնին տարեկան տրամադրում է 25 միլիոն դրամ:

Գայանե Կարապետյանը բացառեց փոխնախարար Ղարիբյանի հայտարարությունները, մասնավորապես՝ թատրոնում իր մերձավորներին աշխատանքի տեղավորելն ու հաստիքներ զբաղեցնելը: Նշեց, որ թատրոնում աշխատում է միայն իր ամուսինը, որը տարիներ շարունակ գրեթե անվճար բեմադրություններ է արել. «Թող Ղարիբյանը բարի լինի ու գոնե տեղեկացվի, թե մենք երբ եւ ինչ հաստիքներ ենք ունեցել»:

Խոսելով նորանշանակ տնօրենի ժամանակավոր պաշտոնակատարի մասին՝ Գայանե Կարապետանն ասաց, որ չի ճանաչում նրան. «Այդ աղջկա դեմ մենք ոչինչ չունենք, նա դեռ չգիտի, թե ուր է ընկել»: Նախկին տնօրենի խոսքով՝ դեկտեմբերի 28-ին գնացել է նախարարություն, ցանկացել հանդիպել Ղարիբյանի հետ, սակայն մերժել են՝ ասելով, որ Ղարիբյանը մեկնում է: «Աշխատակազմի աշխատակիցներին ասացի, որ ժամկետս լրանում է, սակայն ոչ ոք այդ հարցով չի զբաղվում: Ոչ ոք ժամանակ չուներ այդ թեմայով զբաղվելու, ինձ ասացին՝ գնացեք, աշխատեք, ընտրությունները կվերջանան, կտեսնենք՝ ինչ կլինի»:

Գայանե Կարապետյանի համոզմամբ՝ նման պայմաններով եւ 22 հաստիքով թատրոն պահելն անիմաստ է: «Տարիներ շարունակ 5 հոգի աշխատող են եղել, մի հոգին հիվանդության պատճառով չի եկել, մյուսն այլ պատճառով, գրեթե միշտ ներկայացումը կիսատ է մնացել գումար չլինելու պատճառով: Ես որ եկել եմ, մեկ կնիք ու մեկ շտամպ են տվել ինձ»,-ասաց նա:

Այնուամենայնիվ, նախկին տնօրենի համար անհասկանալի են մնում նախարարության օպտիմալացման այս թոհուբոհի մեջ Ղարիբյանի հապճեպ քայլերն ու նոր տնօրեն նշանակելու հակվածությունը: «Թող թատրոնի փոխտնօրենին նշանակեին ժամանակավոր պաշտոնակատար, երբ որ մրցույթ կհայտարարեին, այդ ժամանակ էլ գար իրենց ԺՊ-ն: Ղարիբյանը շահադիտական նպատակեր ունի, քանի որ չգիտի՝ կմնա՞ նախարարությունում, թե՝ ո՛չ: Նա փորձում է իր շրջապատի մարդկանց ինչ-որ պաշտոնների նշանակել տալ»,-ասաց Գայանե Կարապետյանը:

Վերջինս պատմեց, որ տարիներ առաջ Հայաստանում իրենցից բնակարանը խլել էին, ինչի պատճառով էլ երկրից հեռացել էին ԱՄՆ, սակայն այսօր էլ նման խնդիրների առջեւ են կանգնել: «Շատ ցավալի է, որ պատմությունը կրկնվում է: Ես վարչապետին էլ եմ գրել, եւ խնդրել, որ թույլ տա մենք առանձին աշխատենք: Մենք մեր ներկայացումներով կարող ենք ինքնաֆինանսավորվել եւ հրաշալի ապրել: Աշխատենք գոնե մեր դրած ներդրումները հետ բերելու նպատակով, ո՛չ փող ենք ուզում, ո՛չ էլ որեւէ աջակցություն: Մենք պատրաստ ենք աշխատելու, բայց մեզ խանգարում են՝ հանձինս Նազենի Ղարիբյանի եւ Լիլիթ Մակունցի»,- ասաց Գայանե Կարապետյանը:

Տպել
5964 դիտում

Այդ խնդիրը կա. Գրիգորյանը՝ ԵՄ դիտորդների մուտքը Ներքին Հանդում ռուսների կողմից խոչընդոտելու մասին

ԵՄ-ում համաձայնեցրել են ՌԴ-ի դեմ պատժամիջոցների 13-րդ փաթեթը

Հստակություն չկա․ Գրիգորյանը՝ Հայաստանի և Ադրբեջանի ԱԳ նախարարների հանդիպման վայրի ու ժամկետների մասին

Ադրբեջանական լրատվամիջոցները հայտնում են ձերբակալված Քանիլ Զեյնալլիի ազատ արձակվելու մասին

Կառավարությունը մրցույթ է հայտարարել Ամրակիցի Սուրբ Նիկոլայ Հրաշագործ եկեղեցին վերակառուցելու համար

Արտագնա աշխատողներին հարկելու որոշումն ընդունվել է 2018 թվականից առաջ, լեքսիկոնից հանեք «խոպանչի» բառը․ Բադասյան

Աշոտ Դանիելյանը հասարակական հիմունքներով աջակցում է Սամվել Շահրամանյանի անվտանգությանը. փաստաբան

Ատելության քարոզը Ադրբեջանին հասցրել է չգիտակցված մոլագարության. «Գարդման-Շիրվան-Նախիջևան» միության հայտարարությունը

ՀՀ քրեական օրենսգրքի ո՞ր հոդվածներով է մեղադրվում Մոսկվայում ձերբակալված Զեյնալլին․ նրա դատական նիստը փետրվարի 22-ին է

Գարիկ Գալեյանը ևս երկու ամիս կմնա տնային կալանքում

Միջոցներ են ձեռնարկվում պարզելու Նոր Նորքում տեղի ունեցած կրակոցների դեպքի հանգամանքները․ Գոռ Աբրահամյան

Սամվել Շահրամանյանը հրավիրվել է հարցաքննության. փաստաբան

Ստամբուլի քաղաքապետի պաշտոնի համար կպայքարի 52 թեկնածու

Օրենսդրական ամրագրում կստանա «կենսաբանական մահ» հասկացությունը․ ինչ նախագիծ է ընդունել ԱԺ առողջապահության հանձնաժողովը

Ինչպես են «Դոմոդեդովո»-ում Հայաստանի հարցման հիման վրա բերման ենթարկում ադրբեջանցի մարզիչ Քամիլ Զեյնալլիին (տեսանյութ)

Ստացիր 5% քեշբեք քո ԱՄԻՕ թվային քարտին. խնայիր յուրաքանչյուր հպումից

Շնորհավորում ենք հայ մարզիկներին ծանրամարտի Եվրոպայի առաջնությունում գրանցած նվաճումների համար․ ՀՀ-ում ԱՄՆ դեսպանություն

Հայաստանի հարցմամբ Մոսկվայում ձերբակալված ադրբեջանցի մարզիչը մեղադրվում է սպանության համար․ ՀՀ ՆԳՆ-ն մանրամասնում է

Պաշտոնական տեղեկություն չունենք. ՀՀ գլխավոր դատախազությունը՝ ադրբեջանցի ֆիթնես մարզիչ Քամիլ Զեյնալլիի ձերբակալման մասին

Ինչ փոփոխություններ են սպասվում արտադպրոցական հաստատությունների մանկավարժների կամավոր ատեստավորման կարգում

Եվրամիության անդամ երկրի թեկնածուի կարգավիճակը Վրաստանից նոր մակարդակի ջանքեր է պահանջում․ Բորել

Սուրեն Պապիկյանն աշխատանքային այցով ևս մեկնել է Ֆրանսիա

Մոսկվայում Հայաստանի հարցմամբ ձերբակալված ադրբեջանցի մարզիչը մասնակցել է 2020 թվականին ՌԴ-ում հայերի դեմ հարձակումներին

Մեկնարկում է սփյուռքահայ ուսուցիչների՝ 2024 թվականի վերապատրաստումը․ ինչ ծրագրերով է այն ընթանալու

Ատելության խոսքի ցանկացած դրսևորում պետք է բացառվի հանրային խոսույթից. ՄԻՊ-ը՝ Շահրամանյանի «ախրանիկի» վարքագծի մասին

Պուշկինի թունելը հոսանքազրկվել է․ պատճառը էլեկտրականության մատակարարման համակարգի խափանումն է

Ձերբակալվել է Սամվել Շահրամանյանի «ախրանիկ» Աշոտ Դանիելյանը

ՊԵԿ-ը նախատեսում է նախաձեռնել քննարկումներ արտագնա աշխատողների հարկվելու վերաբերյալ

ՀՀ վարչապետը տիկնոջ՝ Աննա Հակոբյանի հետ երկօրյա աշխատանքային այցով մեկնել է Ֆրանսիա

Եվրամիությունը Մոսկվայից պահանջել է Նավալնիի մարմինն անհապաղ հանձնել ընտանիքին և անցկացնել անկախ հետաքննություն

Կարգի հրավիրեք ինքնալուծարված ղարաբաղցի լկտի պաշտոնյաներին, կամ դա կանենք մենք․ Հարություն Մկրտչյան

3-4 տարի Եվրոպայի առաջնություններում մեդալներ ունեցել եմ, բայց այս չեմպիոնությունը սպասված էր․ Վարազդատ Լալայան

Ինչ փոփոխություններ է արձանագրել տարադրամի շուկան այսօր

Մոսկվայում ադրբեջանցի ֆիթնես մարզիչը ձերբակալվել է Հայաստանի հարցմամբ․ ՀՀ-ն նրա դեմ միջազգային հետախուզում էր հայտարարել

Աշոտ Հովհաննիսյանի խափանման միջոցը փոխվել է

365 օրերի ընթացքում ավելի քան 1720 պարեկություն․ լրացել է ԵՄ առաքելության մեկ տարին Հայաստանում

Մեսսին իր 8-րդ «Ոսկե գնդակը» նվիրել է «Բարսելոնայի» թանգարանին

Գիրք նվիրելու օրը՝ Խնկո Ապոր անվան գրադարանում․ IDBank (տեսանյութ)

Մինչև մարտի 5-ը մասամբ փակ կլինի Վանաձոր-Ալավերդի ճանապարհահատվածը․ ինչ այլընտրանք կա

Տեղափոխիր վարկդ և օգտվիր 1.5% ցածր տոկոսադրույքով վերաֆինանսավորման առաջարկից