ՀՊՄՀ հոգաբարձուների խորհրդի նոր կազմում ընդգրկված ուսանողը համալսարանականներին պարտադրել է զբաղվել ՀՀԿ-ի գովազդով

Հայկական պետական մանկավարժական համալսարանի հոգաբարձուների խորհրդի նոր կազմը, որը դեկտեմբերի 28-ին հաստատվել է վարչապետ Նիկոլ Փաշինյանի կողմից, քննարկումների առիթ է դարձել։ Բանն այն է, որ խորհրդի կազմում սովորողների կողմից ընտրված անդամների ցանկում է ընդգրկվել նաեւ մի ուսանող՝ Աստղիկ Հակոբյան անունով, որը նախկինում ակտիվ ներգրավված է եղել համալսարանում ՀՀԿ քարոզչության աշխատանքներում եւ այլ ուսանողների եւս հորդորել է զբաղվել ՀՀԿ պատգամավորների գովազդով։

Մասնավորապես՝ 2016 թվականին Աստղիկ Հակոբյանը ֆեյսբուքյան խմբային նամակագրության միջոցով այլ ուսանողների գրել է, որ վերջիններս մտնեն ուսանողական խորհրդի նախագահ Ներսիկի ֆեյսբուքյան էջ ու հավանեն, տարածեն ՀՀԿ այդ ժամանակվա պատգամավոր Էդուարդ Շարմազանովի մասին նյութը։

Աստղիկ Հակոբյանը նաեւ հորդորել է ավելի ակտիվ աշխատել, քանի որ ուսխորհրդի նախագահ Ներսիկը ջղայնացել է, որ իրենց լայքերը զիջում են Տնտեսագիտական համալսարանի ուսանողական խորհրդի նախագահի՝ ՀՀԿ-ականների վերաբերյալ նյութի լայքերին։

Արդեն 2017 թվականի փետրվարի 15-ին՝ խորհրդարանական ընտրությունների նախաշեմին, նույն Աստղիկը նույն այդ նամակագրության մեջ գրում է, որ խմբի աղջիկները հավաքեն վստահելի մարդկանց, որպեսզի ընդհանուր ժողով անեն, քանի որ, ինչպես գրել է Աստղիկը, «շուտով ընտրություններ ա ու հաստատ սկսելու են լայքել ու տարածել նյութեր, դրա համար մեզ պետք ա թիմ, որ էդ աշխատանքը համակարգված անի»։

Աստղիկ Հակոբյանն ուսանողներին պարտադրել է մտնել ՀՀԿ այդ ժամանակվա պատգամավոր Կարեն Ավագյանի ֆեյսբուքյան էջ ու լայքել վերջինիս հրապարակած նյութը։ Աստղիկը գրել է, որ ամեն մեկը մինչեւ երեկոյան ժամը տասը 50 լայք ապահովի՝ «արագի մեջ»։

Ի դեպ՝ Աստղիկը նախորդ տարիներին էլ է եղել խորհրդի կազմում։ Իսկ խորհրդի նախագահը ՀՀԿ նախկին պատգամավոր Գալուստ Սահակյանն էր։

Հիմա ՀՊՄՀ ուսանողական խորհրդի նախագահն այլեւս Ներսիկ Մարգարյանը չէ, այլ Պարույր Գալստյանը, որը, մեր տեղեկությունների համաձայն, Ներսիկի ընկերն է, եւ Հանրապետական կուսակցությունից դուրս է եկել հեղափոխությունից հետո, չնայած շարունակում է զբաղվել այդ կուսակցության գովազդով։

Տպել
10757 դիտում

Կորել են Մուսայելյան գյուղի նախրապանի կինն ու խորթ աղջիկը

Գեթ 1 անգամ, 1 ծառ անօրինական հատելը պետք է բացառվի. Իջեւանի անտառտնտեսության տնօրեն

Իրանի հետ պատերազմն «աղետ» կդառնա. Պենտագոնի ղեկավարի թեկնածու

Վաշինգտոնում տեղի է ունեցել Առաջնորդների ֆորումը. մասնակցել է Արարատ Միրզոյանի գլխավորած պատվիրակությունը

Ես Գավրիլովը չեմ. ռուսները ցույց են անում Թբիլիսիում (լուսանկարներ)

Արսեն Օհանյանը ներկայացրել է, թե ինչ է արել Սոցիալական ապահովության ծառայության պետի տեղակալի պաշտոնում

Էլեկտրաէներգիայի վթարը ռեժիմի կառավարման ընթացքում էր եղել, որեւէ արտաքին ազդեցություն չի եղել. Բադալյան

Շուրջ 320 անվանում 3.000 տուփ. բացահայտվել է մեծ քանակությամբ դեղորայքի ապօրինի ներմուծման և իրացման դեպք. ԱԱԾ

Մտածում էի, որ հանրային հեռարձակողի նախագահը վերջապես ընտրյալ է․ Տիգրան Պասկևիչյանի բաց նամակը

Աշտարակի ոստիկանները հանգստի գոտուց բերման են ենթարկել երիտասարդների եւ հայտնաբերել թմրամիջոց (տեսանյութ)

Լուրջ բան չկա. ՊՆ խոսնակը՝ Ելփին գյուղի ուղղությամբ արձակված կրակոցների մասին

Կոտայքի մարզպետը պահանջում է չեղարկել Նոր Գեղիի փողոցը նախկին համայնքապետի անունով կոչելու որոշումը. դիմել է դատարան

ՄԻՊ-ը գործարկել է «Ազատազրկվածի իրավախորհրդատու» վիրտուալ զրուցարան Messenger հավելվածում (տեսանյութ)

ՀՀ ՊՆ վարչական համալիրում քննարկվել են թիկունքային ապահովման խնդիրներ

ՌԴ-ում ավտովթարից հայ ընտանիք է զոհվել. նրանք Շիրակի մարզի Լեռնակերտ համայնքից էին

«ԼԱՅԹ» վարկատեսակ Հայբիզնեսբանկում ձեր բիզնեսի զարգացման համար

Հայաստանը Ռուսաստանի առանցքային գործընկերն է Անդրկովկասում. Լավրով

Յունիբանկը` VLV Electronics-ի լավագույն գործընկեր

Ռուդոլֆ Ղեւոնդյանին կհուղարկավորեն Բելգիայում. հոգեհանգիստը կլինի տեղի հայկական եկեղեցում

ԱԺ նախագահը քննարկել է Հայաստանին տրամադրվող ԱՄՆ ֆինանսական աջակցության մեծացման հնարավորությունները