Լեզվակռիվ, հակամարտություններ եւ Գագիկ Ծառուկյանի ռեկորդը. ինչպես անցավ ԱԺ առաջին նիստը

Երեկ՝ հունվարի 14-ին, մեկնարկեցին 7-րդ գումարման Ազգային ժողովի աշխատանքերը: Հայաստանի խորհրդարանն ընտրում է ղեկավար կազմ: Ազգային ժողվի նախագահի ընտրությունն անցավ հարթ: ԱԺ անցած երեք խորհրդարանական խմբակցությունները հայտարարեցին, որ միաձայն կողմ են քվեարկելու:

Ազգային ժողովի նախագահի պաշտոնում առաջադրված Արարատ Միրզոյանը թեկնածուի կարգավիճակում իր ելույթը սկսեց պատմական ակնարկով, ապա շարունակեց «Ծասնա Ծռեր» էպոսից մեջբերումներ անելով: Նա հայտարարեց, որ խորհրդարանը պետք է դառնա ավելի նախաձեռնող՝ հրաժարվելով արձագանքողի տարիներ ի վեր ունեցած իր դերից: «Այո, ողջ աշխարհում օրենսդրական նախաձեռնությունների գերակիռ մասի հեղինակը կառավարություններն են, բայց մեր պարագայում այդ համամասնությունը չափազանց անհավասար է: Նույն նպատակով կարեւոր եմ համարում կառավարության եւ ԱԺ-ի շահերի համադրումը»,-ասաց Միրզոյանը՝ հավելելով, որ փորձելու է ձեւավորել ԱԺ համաձայնեցված օրակարգ, որը ամենալայն լեգիտիմություն կտա ընդունվելիք որոշումներին:

Անդրադառնալով խորհրդարանական վերահսկողությանը՝ Արարատ Միրզոյանն ասաց, որ պետք է արդյունավետ, ծրագրային վերահսկողություն իրականացնեն՝ օգտագործելով եղած գործիքակազմը, իսկ անհրաժեշտության դեպքում նաեւ ընդլայնելով իրավական շրջանակը:

Նա ընդգծեց, որ պետք է նոր բովանդակություն հաղորդել խորհրդարանական լսումներին, դրանք չպետք է սկսվեն ու ավարտվեն լսումների օրը. «Հաջորդող գործողությունների հստակ ծրագրով, ներկայացված առաջարկություններով զուգորդված լսումները խորհրդարանական վերահսկողության լավագույն գործիքը կարող են դառնալ»:

«Լուսավոր Հայաստան» խմբակցության ղեկավար Էդմոն Մարուքյանն էլ հայտարարեց, որ ԼՀԿ-ն թեկնածու առաջադրելու ցանկություն չունի, որովհետեւ խնդիր չունեն, որ իրենց ձայնը չտան քաղաքական մեծամասնության թեկնածուին: «ԱԺ նախագահի թեկնածու մենք չենք առաջադրել եւ կարծում ենք, որ այդ հարցում «մրցակցություն» չկա: Մենք քննարկել ու որոշել ենք մասնակցել ԱԺ նախագահի ընտրության քվեարկությանը եւ կողմ քվեարկել ներկայացված թեկնածությանը: Պարոն Միրզոյան, ես ուզում եմ ասել, որ սա ըստ էության, կրեդիտ է, որը, որպես ԱԺ նախագահ, դեռեւս պետք է վաստակել»:

Միրզոյանի օգտին քվեարկեց նաեւ «Բարգավաճ Հայաստան» խմբակցությունը: Արդյունքում Արարատ Միրզոյանը 131 կողմ եւ մեկ անվավեր ձայներով ընտրվեց 7-րդ գումարման Ազգային ժողովի նախագահ: Այնուհետեւ սկսվեցին Ազգային ժողովի նախագահի տեղակալների առաջադրումները: «Իմ քայլը» խմբակցությունը նախագահի երկու տեղակալների համար առաջադրեց Լենա Նազարյանի եւ Ալեն Սիմոնյանի թեկնածությունները:

Իշխող ուժի թեկնածուների առաջադրումից հետո ընդդիմադիրները ներկայացրեցին իրենց թեկնածուներին, որից հետո սկսվեց ԲՀԿ-ԼՀԿ «հակամարտությունը»: Էդմոն Մարուքյանն ընդգծեց, որ ԱԺ ընդդիմադիր փոխխոսնակի դերին, ըստ իրենց տեսլականի, համապատասխանում է ԼՀԿ ներկայացուցիչը:

«Իմ քայլը» խմբակցության պատգամավոր Սուրեն Գրիգորյանն անդրադարձավ Մարուքյանի այն դիտարկմանը, թե Սահմանադրությամբ ամրագրված չէ, որ երկրորդ քաղաքական ուժի ներկայացուցիչը պետք է ընտրվի ԱԺ փոխխոսնակ, ինչպես պնդում են իշխանությունները, նկատեց, որ քաղաքական ուժն ընտրության սկզբունք պետք է ունենա:

«Եթե դուք ասում եք` սկզբունքը սխալ է, կուզեի լսել՝ ի՞նչ այլ սկզբունքով պետք է առաջնորդվենք, բացի անձնական սիմպատիայից»,- հարցրեց նա՝ դիմելով Էդմոն Մարուքյանին:

Մարուքյանն արձագանքեց՝ ընդդիմադիր փոխխոսնակի պաշտոնը որեւէ մեկի կողմից տրված լավություն չէ, այն պարզապես լինելու է լծակ: «Իսկ թե ինչ կանեի ես, այդ մասին Արարատ Միրզոյանին էլ եմ ասել, կանեի հետեւյալը. կասեի` քանի որ երկու ընդդիմադիր խմբակցություններով իրար մեջ չեք որոշել, թե ով է փոխխոսնակ եւ մեկ մարդ չեք առաջադրել, քաղաքական մեծամասնությունն ազատ է թողնում իր պատգամավորներին»,- ասաց նա:

Էդմոն Մարուքյանը խորհրդարանի նորեկներին նաեւ հուշեց՝ «ԱԺ կանոնակարգ-օրենք»-ի վերաբերյալ հարցերին գործադիր իշխանությունը չպետք է միջամտի:

«Նրանք չպիտի միջամտեն մեր ներքին պայմանավորվածություններին»,- ասաց Մարուքյանը, ապա հիշեցրեց, որ 2012 թվականին «ԱԺ կանոնակարգ-օրենք»-ի վերաբերյալ կառավարությունը ձեռնպահ է մնացել կարծիք հայտնել այն դեպքում, երբ Պետական-իրավական մշտական հարցերի հանձնաժողովի նախագահը Դավիթ Հարությունյանն էր:

ԲՀԿ խմբակցության պատգամավոր Արման Աբովյանն էլ անդրադարձավ Էդմոն Մարուքյանի ելույթի այն մասին, որտեղ վերջինս համեմատել էր Մանե Թանդիլյանի եւ Վահե Էնֆիաջյանի՝ ընտրություններում ստացած քվեները: Պատգամավորը նաեւ նկատեց, որ, հիմնվելով արդարության սկզբունքի վրա, տեսանելի է, թե որ քաղաքական ուժն է ավելի ընդդիմադիր ընկալվում քաղաքացիների կողմից:

Մարուքյանն ասաց, որ այդ փաստարկն իրենը չէ. «Ես պատասխանել եմ այն փաստով, թե ով ինչքան ձայն է հավաքել, եւ բախտի բերմամբ, թե պատահմամբ, թեկնածուներն էլ նույն տարածքում են առաջադրվել: Արդարության վերաբերյալ ամեն մեկն իր չափանիշներն ունի, մենք չենք վիճարկում, որ ԲՀԿ-ն երկրորդ քաղաքական ուժն է, դա փաստ է, մենք վիճարկում ենք այն հանգամանքը, թե ընդդիմադիր փոխխոսնակը ԼՀԿ-ի՞ց, թե ԲՀԿ-ից պետք է լինի, մենք պատկերացնում ենք, որ մեր փոխխոսնակն ավելի լավը կլինի»,- ասաց Մարուքյանը: Վերջինիս դիտարկման հետ կապված ՀԺ-ն մեկնաբանություն խնդրեց Գագիկ Ծառուկյանից: ԲՀԿ նախագահը հայտարարեց՝ Վահե Էնֆիաջյանը Էրեբունու բնակիչ չի եղել:

Դիմելով ԲՀԿ-ական պատգամավորին` Էդմոն Մարուքյանն ասաց. «Մենք ձեզ հետ կռիվ չունենք, իրենք (նկատի ունի իշխանությունները- հեղ.) են որոշելու, կռիվը եւ պատասխանատվության բեռը իրենց վրա է»: Մարուքյանի արտահայտությունից նեղսրտել էր Սասուն Միքայելյանը: Նա տեղից արձագանքեց, Մարուքյանն էլ կոչ արեց գրանցվել ու ելույթ ունենալ, ոչ թե իրեն ընդհատել:

«Խնդրում եմ՝ տեղից չմիջամտեք մյուս անգամ»,- ասաց նա: Հավանաբար, Միքայելյանն արձագանքեց, թե դա Մարուքյանը չի որոշելու, քանի որ նրա խոսափողը միացված չէր, սակայն Մարուքյանն արձագանքեց՝ ես պիտի ասեմ, ապա նկատեց, որ անհարգալից որեւէ արտահայտություն թույլ չի տվել, սակայն եթե որեւէ կերպ վիրավորել է, ներողություն է խնդրում:

ԼՀԿ-ի թեկնածու Մանե Թանդիլյան էլ, դիմելով «Իմ քայլը» խմբակցության պատգամավորներին, հարց ուղղեց, թե արդյոք ՀՀԿ-ից էր լինելու ԱԺ փոխխոսնակը, եթե դեպքերի բերումով ՀՀԿ-ն լիներ երկրորդ ուժը խորհրդարանում. «Առնվազն անկեղծ չեք լինի, եթե այո պատասխանեք»:

Էդմոն Մարուքյանն առաջարկում է, որ ԱԺ նախագահը կարող է ունենալ երեք տեղակալ՝ երեք խմբակցություններից: Մեր դիտարկմանը, որ Սահմանադրությունը նման կարգավորում չունի, Մարուքյանը հակադարձեց, որ նաեւ արգելք չկա: Վաղը խորհրդարանը կընտրի ԱԺ նախագահի տեղակալներին, ապա կքննարկի հանձնաժողովների մասին նախագիծը:

Այս զարգացումներին զուգահեռ ուշագրավ էր նաեւ այն, որ Գագիկ Ծառուկյանն առաջին անգամ նիստի սկզբից մինչեւ վերջ մնաց Ազգային ժողովում:

Տպել
5129 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում