Արամ Խաչատրյանի երաժշտությունը իր մեջ պարունակում է քրիստոնեական շարական. Ալեն Սիմոնյանը՝ օրհներգի փոփոխության մասին

Պետական կառույցներում տեղի ունեցած միլիոնանոց պարգեւատրումներից հետո սոցիալական ցանցերում եւ այլ հարթակներում քննարկման թոփ թեման ՀՀ պետական օրհներգի փոփոխությունն է: Ազգային ժողովի փոխնախագահ, «Իմ քայլը» խմբակցության պատգամավոր Ալեն Սիմոնյանը պատրաստվում է նախաձեռնել ՀՀ օրհներգի փոփոխություն: Սիմոնյանը ցանկանում է, որ վերադառնանք Արամ Խաչատրյանի կողմից գրված օրհներգի երաժշտությանը, որը Սովետական Հայաստանի հիմնն էր:

Ալեն Սիմոնյանը մեր զրույցում նշեց, որ մարդիկ իր նախաձեռնությանը դրական են արձագանքում: «Ես զարմացած եմ, որ արձագանքների 90 տոկոսը դրական է եւ դա շատ հուսադրող է: Դա շատ կարեւոր հարց է, քանի որ մենք պետք է մեր հայրենիքին, ակունքներին, հոգեւոր արժեքներին ուշադիր լինենք: Այսպիսի մանրուքներից է ձեւավորվում հասարակությունը, քաղհասարակությունը»:

Սիմոնյանի կարծիքով՝ ներկա օրհներգը՝ «Մեր հայրենիք»-ը, որի երաժշտության հեղինակը Բարսեղ Կանաչյանն է, իսկ խոսքերինը Միքայել Նալբանդյանը, հայկական չէ: «Այսօրվա գործող օրհներգը հայկական երաժշտություն չէ: Դուք գիտեք՝ ինչ է արել Կոմիտասը: Նա առանձնացրել է հայկական երաժշտությունը, փաստացի ստեղծել է երաժշտության այբուբենը: Գործող օրհներգը չի համապատասխանում հայկական երաժշտության այբուբենին, չի պարունակում հայկական մելիզմներ, այլ պարունակում է բալկանյան մելիզմներ: Այն ունի խնդիր՝ իր կառուցվածքով: Օրհներգը պետք է բարձրացող լինի, իսկ այս օրհներգը իջնող է»,- մեր զրույցում ասաց Սիմոնյանը:

Ըստ նրա՝ Արամ Խաչատրյանը համամարդկային արժեք է եւ նրա երաժշտությունն իր մեջ պարունակում է հայկական մելիզմներ: «Այն իր մեջ պարունակում է քրիստոնեական շարական: Նա այդ օրհներգի մեջ հայկական աղոթքի շարականներ է մտցրել: Ես սրանով ամրապնդում եմ մեր մշակութային արժեքը»:

Ալեն Սիմոնյաննն ասում է, որ ինքն էլ է իր այս նախաձեռնության շուրջ քննադատություններ լսում, մասնավորապես, որ իր առաջարկած տարբերակը սովետական է: «Արվեստը չի լինում սովետական, ցարական, բուրժուական: Այն անմահ է: Հիմա ինչ՝ Չայկովսկին ռուսական է եւ վերջ: Չկա նման մոտեցում, նման ստեղծագործությունները սահմաններ եւ ազգություն չեն ճանաչում»:

Հարցին՝ ինչու՞ նոր մրցույթ չի հայտարարվում՝ նման խոսակցություններից զերծ մնալու համար, Ալեն Սիմոնյանը նշեց՝ այսօր Արամ Խաչատրյանի նման տաղանդներ չունենք: «Հաշվի առնելով տարակարծությունը, այսօրվա հասարակության շատ ներգրաված լինելն՝ ամեն ինչի մեջ, չի կարող լինի այնպես, որ հարյուր տակոսանոց կոնսենսուս լինի»:

Շրջանառվող տարբերակներից Տիգրան Մանսուրյանի «Ես իմ անուշ Հայաստանի» երաժշտության մասին էլ, Ալեն Սիմոնյանն ասաց, որ դրա շուրջ էլ բազմաթիվ տարաձայնություններ կան: «Մենք մշտապես լինելու ենք այդ բանավեճի մեջ, պետք է հասկանանք՝ պարոն Մանսուրյանի այդ երաժշտությունը համապատասխանո՞ւմ է օրհներգի կանոններին, որը պետք է բարձրացող լինի, իսկ դա իմ կարծիքով՝ բարձրացող չէ: Այժմ ունենք մեծագույն հայի կողմից պատրաստի ստեղծված մի բան, որը չգիտես, թե ինչու մերժում ենք»:

Ազգային ժողովի «Իմ քայլը» խմբակցության ղեկավար Լիլիթ Մակունցը եւս կարծում է, որ պետք է ՀՀ օրհներգը փոխել: Սա Մակունցի անձնական կարծիքն է: «Փոփոխության առաջարկները հնչում են կառավարության փոփոխումից հետո: Առաջարկներ եղել են տարբեր գերատեսչություններից, անհատներից: Ես կարծում եմ, որ զինանշանի, օրհներգի փոփոխությունների հարցը պետք է հանրային քննարկման առարկա լինի, ոչ թե մեկ-երկու անհատների կամ մեկ գերատեսչության»,- ասաց Մակունցը:

Հարցին՝ ինչու է հիմնի փոփոխության հարց ծագել, Մակունցը պատասխանեց, որ հնչում են տարբեր կարծիքներ: «Հիմնը պետք է հստակ ուղերձներ ունենա հանրությանը, ոգին բարձրացնող լինի»:

Հարցին՝ ցանկանո՞ւմ է, որ վերադառնանք Արամ Խաչատրյանի երաժշտությանը, Մակունցը նշեց. «Ես ուզում եմ, որ մենք ընդհանուր որոշում ունենանք: Իմ կարծիքն այդքան էլ էական չէ, քանի որ այն վերաբերվում է ՀՀ բոլոր քաղաքացիներին»:

Այն հարցին, թե գործող հիմնը իր մոտ հարցեր առաջացնո՞ւմ է, Լիլիթ Մակունցն ասաց, որ որոշակի առումով հարցեր է առաջացնում: «Չեմ ուզում ասել, բայց հիմնը պետք է որոշակի ուղերձներ ունենա: Սա ունի ուղերձ, բայց այն ուղերձը, որը ես կուզեմ ստանալ հիմնից՝ չունի: Ես դեմ չեմ, որ հիմնը փոխվի»,- եզրափակեց նա:

Պատմաբան, ազգագրագետ Վահրամ Թոքմաջյանը օրհներգի փոփոխության Ալեն Սիմոնյանի առաջարկը որակել է որպես ուշադրության պակաս: «Հնարավոր է՝ Ալեն Սիմոնյանն ուշադրության կարիք ունի։ Այլ կերպ դժվարանում եմ բացատրել հիմնի վերաբերյալ նկրտումները։ Ի դեպ, հիմնը կամ դրոշը պարապ վախտվա խաղալիք չեն, որ ում խելքին փչի, սկսի դարակազմիկ առաջարկություններով հանդես գալ։ Սաղ երգերը երգել էինք, մնացել էր սարի Սմբուլը»։

Տպել
3296 դիտում

Սա կարևորագույն իրադարձություն է պետության կյանքում. Ա.Բաբաջանյանը՝ ազգային անվտանգության ռազմավարության ընդունման մասին

ՀՀ ԶՈՒ ԳՇ պետն ընդունել է ՌԴ դեսպանության ռազմական կցորդին

Փրկարարները հայտնաբերել են Արզնի-Շամիրամ ջրանցքն ընկած 37-ամյա քաղաքացու դին

200 միլիոն դրամի ներդրում է կատարվել Ախթալա խոշորացված համայնքում

Արագածի փողոցում կատարված դանակահարության դեպքը բացահայտվել է. 23-ամյա երիտասարդ է ձերբակալվել

ԱՀ պաշտպանության նախարարն ընդունել է ծառայողական հետագա առաջխաղացման ներկայացված սպաներին

Մալաթիա-Սեբաստիա վարչական շրջանում ՔՏՀԱ Տեսչական մարմինը իրականացրել է հերթական վերահսկողական աշխատանքները

Երկուշաբթի՝ հուլիսի 13-ին, ՀՀ կառավարության արտահերթ նիստ տեղի կունենա

ՍԱՏՄ-ն այսօր 24 ժամով կասեցրել է 3 տասնակից ավելի տնտեսավարողի գործունեություն

Խախտումներ են հայտնաբերվել Մալաթիա-Սեբաստիա վարչական շրջանում են

ՀՀ պաշտպանության նախարար Դավիթ Տոնոյանն ընդունել է «Ալիխանյանի անվան ազգային գիտական լաբորատորիա» հիմնադրամի տնօրենին

Նոր դիահերձարանը կգործի օգոստոսի 1-ից. այնտեղ կհերձվեն կորոնավիրուսից մահացած անձինք

Դավիթ Տոնոյանն ընդունել է ՌԴ հերոս Վյաչեսլավ Յուրիի Ավերյանովին և Եվգենի Վյաչեսլավի Ավերյանովին

Արզնի-Շամիրամ ջրանցքն ընկած քաղաքացու որոնողական աշխատանքները շարունակվում են

Հակոբ Արշակյանն ու ԱՄՆ արտակարգ և լիազոր դեսպանը մտքեր են փոխանակել փոխգործակցության հնարավորությունների շուրջ

«Ազգային ինքնության» ձևախեղված հիմքերը

Մեկ տարվա վաղեմության գողության դեպք է բացահայտվել. Էջմիածնի 2 բնակիչ կալանավորվել է

Կեղծ ահազանգ Adjarabet.am-ի գլխավոր գրասենյակում տեղադրված ռումբի մասին

Ինքնամեկուսացած քաղաքացիների համար գործում է StayHome հավելվածը (տեսանյութ)

Ստեփանակերտի նոր՝ 110/35/10 կՎ ենթակայանը 2021թ.-ին կհանձնվի շահագործման