Լրատվամիջոցների համար ընդունելի չէ վիճակախաղերի գովազդների սահմանափակման վերաբերյալ օրենսդրական նախաձեռնությունը

Լրատվամիջոցներում բուքմեյքերական ընկերությունների գովազդների տեղադրման սահմանափակումը ուղղակիորեն բացասական ազդեցություն է ունենալու ԶԼՄ-ների վրա։ Նման կարծիք հայտնեցին հայաստանյան մի քանի լրատվամիջոցների ներկայացուցիչները՝ «Շահումով խաղերի, ինտերնետ շահումով խաղերի եւ խաղատների մասին» օրենքում լրացումներ եւ փոփոխություններ կատարելու մասին օրենսդրական նախաձեռնության հեղինակ, ԱԺ «Իմ քայլը» խմբակցության պատգամավոր Հրաչյա Հակոբյանի հետ հանդիպում-քննարկման ժամանակ։

Բանն այն է, որ Հրաչյա Հակոբյանի ներկայացրած օրենսդրական այս նախաձեռնությամբ լրատվամիջոցները պետք է որոշակի սահմանափակումների ենթարկվեն վիճակախաղերի, տոտալիզատորների, շահումային խաղերի վերաբերյալ գովազդների տեղադրման հարցում։

Օրինակ՝ արգելվելու է շահումով խաղի կամ ինտերնետ շահումով խաղի կամ խաղատան կամ խաղասրահի կամ դրանց կազմակերպիչների ցանկացած տեսակի գովազդը ռադիոյով եւ հեռուստատեսությամբ, տոտալիզատորներ, շահումով խաղեր, ինտերնետ շահումով խաղեր կամ խաղատներ գովազդելիս պետք է տեսանելի լինի +21 նշագրումը, իսկ խաղարկությունով, ոչ խաղարկությունով կամ համակցված վիճակախաղ գովազդելիս՝ +18 նշագրումը, ռադիո եւ հեռուստատեսային ալիքները խաղարկությունով կամ համակցված վիճակախաղի շահումային ֆոնդի խաղաղության հեռարձակում պետք է անեն ժամը 23։00-ից մինչեւ 06։00-ն ընկած ժամանակահատվածում, եւ դրա ընդհանուր տեւողությունը չպիտի գերազանցի 30 րոպեն։

Հրաչյա Հակոբյանը մեր զրույցում մեկնաբանեց, որ այս նախաձեռնության նպատակը խաղամոլության աճի նվազեցումն է։ Ըստ Հակոբյանի՝ չի կարելի գովազդել այս արատավոր երեւույթը։ Պատգամավորի պնդմամբ՝ կա վիճակագրություն, ըստ որի՝ մեր բնակչության մոտ վեց տոկոսը պարբերաբար մասնակցում է այս վիճակախաղերին, այլ կերպ ասած՝ խաղամոլ է։

Այս նախաձեռնության ի կատար ածումը, սակայն, լրատվամիջոցների վրա բացասական ազդեցություն կունենա, քանի որ վերջիններս իրենց ֆինանսների մի մասը ստանում են հենց այս գովազդներից․

«Կայքերի, հեռուստատեսության եւ ռադիոյի համար բյուջեի մոտ 30 տոկոսը կազմում է տոտալիզատորների գումարը, մենք էլ դրանով կարողանում ենք հարկեր վճարել։ Լրատվամիջոցները կարողանում են աճել ու զարգանալ այդ գովազդների շնորհիվ»,-ասաց հանդիպմանը ներկա «Ռադիո Վան»-ի տնօրեն Շուշանիկ Արեւշատյանը։ Վերջինիս պնդմամբ՝ տարիներ առաջ գովազդային շուկան անկում ապրեց նմանատիպ արգելքների պատճառով։

Հանդիպմանն առաջարկ եղավ ոչ թե փոխել նմանատիպ գովազդների տեղադրման ժամանակահատվածը, այլ դրանց բովանդակության մեջ այնպիսի փոփոխություններ անել, արգելել այնպիսի բառեր, որոնք տպավորություն են ստեղծում, թե այդ խաղերին մասնակցելն ապահովում է պարբերաբար եկամուտ ստանալու հնարավորություն, որ այդ եկամուտը երաշխավորված է, որ խաղերի միջոցով հնարավոր է հասնել որոշակի հաջողության եւ այլն։

Քննարկման ժամանակ որոշում կայացվեց լրատվամիջոցների հետ աշխատանքային խումբ ստեղծել եւ մինչեւ փետրվարի 15-ը նոր առաջարկություններ ներկայացնել օրենսդրական նախաձեռնության մեջ փոփոխություններ անելու համար, այնպիսի փոփոխություններ, որոնք «հարմար» կլինեն նաեւ ԶԼՄ-ների համար։

Տպել
2032 դիտում

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է

Գեղադիր գյուղում այրվել է մոտ 100 հակ անասնակեր

Թուրքիան Ադրբեջանին ուժեղ ռազմական աջակցության է ցուցաբերում. ԱԳ նախարարի հարցազրույցը՝ «Sky News Arabic»-ին

Անկախության տոնը պետք է նշվեր Վանաձորում, բայց համավարակն այն սփռեց Հայաստանով մեկ