«Դու թունելի մի հատվածն էլ անցար եւ ավելի մոտեցար լույսին». հանդիպեցին ու ծանոթացան շաքարային դիաբետ ունեցող երեխաները

Նախօրեին «Ռեստարտ» նախաձեռնության գրասենյակում տեղի ունեցավ «Sweetest Kids» բարերգործական կազմակերպության «Քաղցրիկ հանդիպում» խորագրով առաջին հանրային միջոցառումը:

Մայրաքաղաքից հեռու բնակվելը չէր խանգարել, որ հանդիպմանը մասնակցեն գրեթե բոլոր «քաղցրիկ երեխաները»: Ներկա էին նաեւ նրանց ծնողները, բժիշկներ, հոգեբաններ եւ այլ հյուրեր:

Ինչպես ավելի վաղ հայտնել էինք՝ այս կազմակերպությունը զբաղվում է շաքարային դիաբետ ունեցող երեխաներին արյան մեջ շաքարը չափող գլյուկոմետրեր ու ստրիպներ տրամադրելով: «Sweetest Kids»-ը ստեղծվել է 2018 թվականի հունիսին՝ Էստոնիայում բնակվող Հայկ Մուրադյանի կողմից: Կազմակերպությունը գործունեություն է ծավալում միայն Հայաստանում՝ այս պահին օգնելով 15 երեխայի՝ Երեւանից ու Հայաստանի տարբեր մարզերից:

Կազմակերպության փոխտնօրեն Մարիամ Տերբալյանը մեր զրույցում նշեց, որ միջոցառման հիմնական նպատակը երեխաներին միմյանց հետ ծանոթացնելն է. «Կազմակերպության հիմնադրումից ի վեր չի եղել միջոցառում, որին կմասնակցեն մեր երեխաներն ու ծնողները: Որոշեցինք կազմակերպել այս հանդիպումը` ծնողներին ու երեխաներին իրար հետ ծանոթացնալու նպատակով: Հանդիպման մասին իմանացան նաեւ մեր գործունեությանը հետեւողներ, որոնք նույնպես ցանկություն հայտնեցին ներկա գտնվել, շփվել մեր քաղցրիկների հետ»:

Երեխաներին ներկաների համար բացահայտելու նպատակով, ըստ իրենց նախասիրությունների, անհատական խաղեր ու ելույթներ կազմակերպվեցին․ երեխաներից ոմանք երգում էին, պարում, ոմանք գլուխկոտրուկներ ասում հյուրերին, փոքրիկ Դավիթն էլ փորձում էր դիպուկ հարվածել ձախ ձեռքով, որը դիաբետի հետեւանքով դժվարությամբ է շարժում:

Ցուցադրվեց Ալինայի մասին պատմող ակնարկը, որը պատրաստել էին կազմակերպության կամավորները: Տասնամյա աղջիկը, որ դիաբետից բացի նաեւ շարժողական խնդիրներ ունի, ֆիլմում պատմում էր, թե հերթական վիրահատությունից հետո ինքն իրեն ինչ է ասում. «Դու սա էլ հաղթեցիր, թունելի մի հատվածն էլ անցար ու ավելի մոտեցար լույսին»: Իսկ հետո` առանձին զրույցում, փայլող աչքերով ասաց. «Չէի պատկերացնում, որ բոլորն էսքան կտպավորվեն իմ ֆիլմով ու կլացեն: Իսկ ես ծանոթացա Դավիթի հետ, որ, չնայած ինձնից փոքր լինելուն, էսքան պայքարում ա, ու հասկացա՝ ես էլ ավելի պիտի պայքարեմ ու ուժեղ լինեմ»:

Երեխաներին ուրախացնելու էր եկել նաեւ աճպարար Նահապետ Արշակյանը: Իսկ արդեն տեսակապով ներկաների հետ զրուցեց կազմակերպության հիմնադիր նախագահ Հայկ Մուրադյանը:

Քաղցրիկ հանդիպմանը ներկա էին նաեւ «Ոգեշնչում» հոգեբանական արվեստանոց ՀԿ-ի մասնագետներ Արմեն Բարսեղյանն ու Հրաչյա Հովհաննիսյանը, որոնք 18 ամիս է՝ հոգեբանական-վերականգնողական աշխատանք են կատարում դիաբետ ունեցող մոտ 100 երեխաների եւ նրանց ծնողների հետ: Արմեն Բարսեղյանի խոսքով՝ իրենց գոհացրեց կազմակերպիչների պատրաստակամությունը, նվիրվածությունը, կրեատիվ մոտեցումը: Հոգեբանը կարեւորեց նաեւ տարբեր մասնագետների՝ բժիշկների, հոգեբանների ներգրավվածությունը:

Երեխաների համար առանց շաքարի խմորեղեն էր պատրաստել «Գաթա» պանդոկը: Նվերներ էին պատրաստել նաեւ «Արեւիկ» հրատարակչությունն ու այլ հյուրեր:

Կամավորներից Միլենա Խաչիկյանի խոսքով՝ երեխաները իրենց հենց ուժեղ լինել, ունեցածը գնահատել ու ավելիին ձգտել են սովորեցնում. «Այն, ինչ մենք տալիս ենք երեխաներին, շատ փոքր է համեմատությամբ նրա, թե ինչ են իրենք մեզ տալիս, որովհետեւ մեր օգնությունը իհարկե ոչ միայն, բայց առաջին հերթին նյութական է, իսկ իրենցը` հոգեւոր...»:

Միջոցառման ամբողջ ընթացքում հուզմունքն ու ծիծաղը փոխարինում էին իրար:

Կազմակերպության անդամները հայտնեցին, որ նմանատիպ հանդիպումներ ապագայում հաճախ կտեսնենք:

Աստղիկ Քեշիշյան

Տպել
1651 դիտում

Բանկային համակարգին սպառնացող աղմկահարույց գործը վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել