Արմեն Գեւորգյանը չի կարողանում աշխատավարձ ստանալ. քննիչը արգելանք է դրել ամբողջ գույքի և բանկային հաշիվների վրա

Երևանի ընդհանուր իրավասության դատարանում՝ դատավոր Ռոբերտ Պապոյանի նախագահությամբ, այսօր մեկնարկեց ՀՀ նախկին փոխվարչապետ Արմեն Գեւորգյանի աբողջ գույքի վրա արգելանք դնելու որոշման դեմ պաշտպանական կողմի ներկայացրած բողոքի քննությունը։

Բողոքի քննությանը մասնակցում էր նաեւ Արմեն Գեւորգյանը:

Մարտի 1-ի գործով քննչական խմբի ղեկավար Հրաչ Մուշեղյանի կողմից դեռեւս 2018 թվականի օգոստոսի 21-ին Արմեն Գեւորգյանի ամբողջ գույքի վրա արգելանք դնելու որոշում էր կայացվել, որը մինչ այս պահը չի վերացվել: Քննիչի այս որոշումը պաշտանական կողմը բողոքարկել է հսկող դատախազին, վերջինս այն մերժել է՝ անհիմն լինելու պատճառով: Այժմ դատարանում պաշտպանական կողմը վիճարկում է թե՛ քննիչի եւ թե՛ դատախազի կողմից կայացրած որոշումները:

Նիստը, սակայն, այսօր հետաձգվեց, քանի որ մեղադրող դատախազները եւ քննիչը չէին ներկայացել նիստին:

Մեր զրույցում Գեւորգյանի պաշտպան Էրիկ Ալեքսանյանը պարզաբանեց, որ արգելանքը դրվել է իր պաշտպանյալին պատկանող շարժական եւ անշարժ գույքի, ինչպես նաեւ բանկային հաշիվների եւ աշխատավարձի վրա՝ արդարադատությանը խոչընդոտելու մեղադրանքի շրջանակներում: Պաշտպանը, սակայն, քննիչի որոշումը իրավաչափ չի համարում, ավելին՝ նշում է, որ այդ որոշումը կայացվել է անորոշ ձեւակերպումներով, մասնավորապես, ըստ նրա՝ քննիչը ընդամենը վկայակոչել է «Քրեական դատավարության» օրենսգրքի այն հոդվածը, որը սահմանում է գույքի վրա կալանք դնելու բոլոր հիմքերը՝ չմասնավորեցնելով, թե տվյալ դեպքում կոնկրետ ո՞ր հիմքով կամ հիմքերով է Արմեն Գեւորգյանի գույքի վրա կալանք դրվում, այն դեպքում, երբ Ալեքսանյանի խոսքով՝ չորոշակիացված որոշումը նաեւ պաշտպանական կողմի համար է դժվարությյուն ստեղծում՝ այն վիճարկելու տեսանկյունից:

«Այդ մեղադրանքի շրջանակներում Արմեն Գեւորգյանի գույքի վրա արգելանք կարող էր դրվել ընդամենը դատական ծախսերը ապահովելու հիմքով, մասնավորապես ՀՀ Քրեական դատավարության օրենսգրքի 233-րդ հոդվածը սահմանում է, որ գույքի վրա կալանք դնելու մասին որոշման մեջ պետք է նշվի կալանքի ենթակա գույքը, ինչպես նաեւ գույքի այն արժեքը, որի վրա բավական է կալանք դնել` քաղաքացիական հայցը եւ դատական ծախսերն ապահովելու համար: Այնինչ, քննիչի որոշման մեջ նշված չէ կոնկրետ գույքը, գույքի այն չափը, որը վարույթն իրականացնող մարմինը գտնում է, որ բավական է արգելանք դնելու եւ այդ նպատակը իրացանելու տեսանկյունից»,- ասաց Ալեքսանյանը: Նրա խոսքով՝ «Դատական ակտերի հարկադիր կատարման մասին» օրենքի 58-րդ հոդվածն էլ սահմանում է, որ անձի գույքի վրա կարող է արգելանք դրվել 50 տոկոսից ոչ ավելի, այնինչ, ըստ պաշտպանի, քննիչը ամբողջ գույքի վրա է արգելանք դրել:

Հիշեցնենք, որ Արմեն Գեւորգյանը մեղադրվում է ՀՀ քրեական օրենսգրքի 38-300.1-րդ հոդվածի 1-ին մասով, 311-րդ հոդվածի 4-րդ մասի 2-րդ կետով եւ 190-րդ հոդվածի 3-րդ մասի 1-ին կետով` ՀՀ սահմանադրական կարգը տապալելուն օժանդակելու, առանձնապես խոշոր չափերով կաշառք ստանալու եւ հանցավոր ճանապարհով ստացված գույքն օրինականացնելու մեջ: Գեւորգյանի նկատմամբ, որպես խափանման միջոց է ընտրված չհեռանալու մասին ստորագրությունը։

Գեւորգյանի, Քոչարյանի, Օհանյանի եւ Խաչատուրովի վերաբերյալ քննվող քրեական գործով նախաքննությունն ավարտվել է: Արմեն Գեւորգյնաը չցանկացավ պատասխանել մեր հարցերին:

Տպել
6637 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ