Ճապոնիայի կառավարությունը Գյումրիին 3 դրամաշնորհ է հատկացրել

07/03/2019 schedule20:54

ՀՀ-ում Ճապոնիայի արտակարգ եւ լիազոր դեսպան Ջուն Յամադան Գյումրու քաղաքապետարանում միանգամից երեք դրամաշնորհի մասին է հայտարարել եւ դրանց շահառուների հետ կնքել համապատասխան պայմանագրերը:  Ճապոնիայի կառավարությունը Շիրակի թեմի սոցիալ-կրթական կենտրոնին որպես դրամաշնորհ տրամադրել է 26 հազար 923 ԱՄՆ դոլար՝ գործազուրկների զբաղվածությունն ապահովող տարածքի վերանորոգման համար:Հաջորդ ուրախ լուրը Կարիտաս Բարեսիրական հկ-ի համար էր: Այս կազմակերպությանը Ճապոնիան 21 հազար 634 ԱՄՆ դոլար է հատկացրել՝  Գյումրու եւ Տաշիրի Տնային խնամք կենտրոնների բարելավման ուղղությամբ իրականացվող ծրագրի շրջանակներում շուրջ 110 շահառուի կենսապայմանների բարելավման եւ բժշկական պարագաների ձեռքբերման համար:Երրորդ դրամաշնորհի շահառուն Ապագան քոնն է հկ- էր, որը ծրագիր էր ներկայացրել Գյումրու թիվ 1 արհեստագործական պետական ուսումնարանի գույքի ձեռք բերման եւ որոշակի վերանորոգման աշխատանքների իրականացման համար: 77 հազար 185 ԱՄՆ դոլարի շրջանակներում նոր գույք ձեռք կբերվի եւ կթարմացվի արդեն ունեցածը:«Այս 3  ծրագրերը երեք տարբեր խմբերի համար են, սակայն ունեն մեկ ընդհանուր նպատակ՝ աջակցել մարդկանց կյանքի եւ կենսապայմանների բարելավմանը Մարդկային անվտանգության հասկացության շրջանակներում, ինչն անչափ կարեւորվում է Ճապոնիայի կառավարության կողմից: Ես հույս ունեմ, որ այս երեք ծրագրերը կկարողանան առավել խորացնել երկու երկրների միջեւ առկա կապերն ու նորերի հիմքերը դնել: Մենք կվերահսկենք, որ այս ծրագրերը հաջող ընթացք ունենան, որ հետո մտածենք այլ առաջարկների մասին»,-ասել է դեսպանը:

Արդյո՞ք Ճապոնիան հետաքրքրված չէ IT ոլորտով եւ չկա՞ն այս ուղղությամբ ծրագրեր՝ ՀԺ-ի հարցին դեսպանը պատասխանեց՝ մտածում ենք: «Մենք լսել ենք Գյումրու ներուժի եւ տեխնոպարկի մասին եւ պատրաստվում ենք նաեւ այդ կառույցի հետ կապված ծրագրեր իրականացնել: Ճապոնիայում տեղյակ են, որ IT-ն մեծ կարեւորություն ունի Գյումրիում եւ մենք սա եւս չենք անտեսի»:

Դեսպան Յամադան այսօրը աննախադեպ համարեց, քանի որ միանգամից երեք մեծ աշխատանքի մեկնարկի մասին հուշագրեր ստորագրվեցին: Ճապոնիան, ըստ դեսպանի, բաց է ցանկացած համագործակցության համար:«Իրականում սահմանափակում չկա, բայց մենք փորձում ենք ամբողջ Հայաստանում բալանսը պահել: Իսկ դրա համար անում ենք ամեն ինչ, որպեսզի գումարները, որոնք տրամադրում ենք ՀՀ մարզերին, կարողանանք բաշխել հավասար»: Դեսպանն ասաց՝ հնարավոր բոլոր առիթներն օգտագործում է, որպեսզի ճապոնացի գործարարների մոտ Գյումրու նկատմամբ հետաքրքրություն առաջացնի:

Ճապոնիայով հագեցած օրն ավարտվեց Հոկտեմբեր կինոթատրոնում՝ 13-րդ Ճապոնական ֆիլմերի փառատոնով:

Տպել
1790 դիտում

Էրդողանի հրամանագրով Սահակ եպիսկոպոս Մաշալյանը սքեմ կրելու արտոնություն է ստացել

Բալահովիտ գյուղի ակումբներից մեկի տնօրենը գարեջրի շշով հարվածել է 36-ամյա երեւանցուն

Թույլ տրված թերությունների պատճառով Երևանի և 3 մարզերի դադարեցված ջրամատակարարումը 4 ժամ ուշ կվերականգնվի

Էկոնոմիկայի նախարարությունը դեղձով բեռնված բեռնատարների հարցով կապի մեջ է Վերին Լարսի անցակետի հետ

Քննչական կոմիտեն արձագանքել է Ամուլսարի մասին 3D հոլովակի պատրաստման վերաբերյալ լուրերին

ԿԳՄՍ-ում քննարկվել է «Կումայրի» արգելոցը ՅՈՒՆԵՍԿՕ-ի հուշարձանների ցանկում ընդգրկելու հարցը

Վրաերթ Վանաձորում. Mersedes-ը վրաերթի է ենթարկել միջին տարիքի կնոջը (լուսանկարներ)

Հրդեհ Շաքի գյուղում. այրվել է կուտակած անասնակեր (տեսանյութ)

Երկրորդ բալիկին սպասող Աննա Թովմասյանը եւ Արամեն ջերմ լուսանկար են հրապարակել

Armtimes.com-ը փնտրում է վեբ կայքի և սոցիալական ցանցերի ղեկավարի

Հայկ Սեխլիյանի բուժման համար անհրաժեշտ գումարի գրեթե կեսը հանգանակվել է. պետությունը եւս փորձելու է աջակցել

Ամուլսար այցից հետեւություն արեցի, որ մարդիկ գիտեն՝ ես ոչ մի միլիմետր չեմ շեղվի ճշմարտությունից. վարչապետ

Պարգեւատրվել են Շիրակի մարզի զորացրված զինվորները, նրանց զինղեկներն ու համայնքապետերը

Գյումրու Բուլվարային փողոցից բերման է ենթարկվել 33-ամյա տղամարդ՝ գրպանում թմրանյութով ներարկիչներ

Պատարայի ջրամբարի կառուցումը Ստեփանակերտի խմելու ջրի ապահովման գլխավոր երաշխիքն է լինելու. Ա. Հարությունյան

Զոդի կամրջի ողբերգական ավտովթարի գործով կալանավորված վարորդը ցուցմունք է տվել եւ մանրամասներ հայտնել

Ռազմական ոստիկանության գնդապետը ստացել է մոտ 7 մլն ռուբլի կաշառք. նա կալանավորվել է (տեսանյութ)

Կոխակն գյուղում հրդեհվել են տներից մեկի եւ կից անասնագոմի տանիքները

200 տոննա հայկական դեղձը կարող է փչանալ. բեռնատարները մի քանի օր է՝ Լարսում սպասում են զննման

ՔԿ-ն ամփոփ տեղեկանք է ներկայացրել Ամուլսարի գործի շրջանակներում իրականացված ամբողջ գործընթացի մասին