Երևան
16 °C
Երեւանի պետական համալսարանը թեւակոխել է փոխությունների մի նոր փուլ: Դա համալսարանը կտանի՞ դեպի առողջացում, թե՞ ընդհակառակը, ցույց կտա ժամանակը:
Արդեն իսկ աշխատանքից ազատվել են գիտական քաղաքականության եւ միջազգային համագործակցության գծով պրոռեկտոր Գեղամ Գեւորգյանն ու աշխատակազմի ղեկավար Ալիկ Ղարիբյանը: Մինչ այդ ռեկտոր Արամ Սիմոնյանը հայտարարել էր սպասվող կադրային ու կառուցվածքային փոփոփոխությունների մասին: Աշխատակազմի ղեկավարի հաստիքը կարծես թե այլեւս չի լինելու, իսկ թե ով է փոխարինելու պաշտոնանկ արված Գեղամ Գեւորգյանին, առայժմ չի նշվում: ԵՊՀ մամուլի խոսնակ Գեւորգ Էմին-Տերյանը մեզ պատասխանեց, որ այդ մասին կհայտնեն նոր նշանակումն արվելուց հետո: Մեր չհաստատված տեղեկություններով՝ ապագա պրոռեկտորը երիտասարդ կադր է եւ առայժմ աշխատում է Սլավոնական համալսարանում: Ռեկտորը պատրաստվում է առաջիկայում նրան ներկայացնել աշխատակազմին:
Երեւանի պետական համալսարանում արդեն մի քանի օր է լուրեր են պտտվում, որ աշխատանքից ազատվել կամ ազատվելու է նաեւ ուսումնական աշխատանքների գծով պրոռեկտոր Ալեքսանդր Գրիգորյանը: ԵՊՀ մամուլի խոսնակն ասաց, որ Գրիգորյանը շարունակում է աշխատել: Իսկ այդպիսի զարգացումների հնարավորությունը չեն մեկնաբանում ոչ խոսնակը, ոչ էլ պրոռեկտորը: Վերջինս նույնպես միայն ասաց, որ ինքն աշխատում է:
Պաշտոնից հեռացված պրոռեկտոր Գեղամ Գեւորգյանը քառորդ դրույքով շարունակում է մնալ համալսարանի պրոֆեսոր, նաեւ գիտական խմբի եւ դրամաշնորհի ղեկավար է:
Մամուլում հրապարակում էր եղել, որ ռեկտոր Արամ Սիմոնյանը նրան պաշտոնից ազատել է քաղաքական դրդապատճառներով: Ասվում էր, որ նախկին պրոռեկտորը փակ ֆորմատով հանդիպել է «Քաղաքացիական պայմանագիր» կուսացության ներկայացուցիչների հետ եւ խոստացել, որ համալսարանում ներքին աժիոտաժ կստեղծի, նաեւ նշել, որ հատուկ ընթացակարգով կաշխատի դասախոսական թեւի հետ, որպեսզի ռեկտոր Արամ Սիմոնյանի դեմ դժգոհության ալիք բարձրացնեն:
Գեւորգ Էմին-Տերյանը փոխանցեց, որ պրոռեկտորի ազատման պատճառը մամուլում հրապարակվածը չէ ու նաեւ չեն հավատում, թե հրապարակումը ճիշտ է: Ավելի վաղ ԵՊՀ-ից միայն հայտնել էին, որ Գեւորգյանին աշխատանքից ազատելու մասին ռեկտորի հրամանի հիմքում նրա նկատմամբ անվստահությունն է:
Բայց Գեղամ Գեւորգյանն, ըստ էության, չհերքեց, որ իրեն պաշտոնից հեռացնելու պատճառը մեջբերված մեղադրանքներն են: Պատասխանելով մեր հարցին, թե ռեկտորն իրեն հայտնե՞լ է՝ ինչն է դարձել այդ անվստահության պատճառը, նախկին պրոռեկտորը նշեց. «Ասում է՝ այստեղից սա եմ լսել, այնտեղից նա եմ լսել»:
«Հանդիպումը լինում է առնվազն երկու հոգու միջեւ: Թող ասեն, էլի, ում հետ եմ հանդիպել, որովհետեւ կարծես թե շատ գաղտնի հանդիպում է եղել եւ հանդիպման մասնակիցները իրար չեն ճանաչում»,- նկատեց նա:
Գեղամ Գեւորգյանն առայժմ չի անդրադառնում իր հետագա անելիքներին, ասենք օրինակ հնարավո՞ր է դատական կարգով բողոքարկի ռեկտորի հրամանը կամ արդյոք պատրաստվո՞ւմ է առաջիկայում մասնակցել ռեկտորի թափուր պաշտոնի մրցույթին՝ լինի դա արտահերթ, թե հերթական: Չբացառվող այդ հեռանկարի մասին խոսում են տարբեր շրջանակներում: Նաեւ հայտնի է, որ Արամ Սիմոնյանի հրաժարականի կամ նրան անվտահություն հայտնելու հարցը պարբերաբար դառնում է օրակարգային:
«Երբ որ քայլեր ձեռնարկեմ, անպայման հայտնի կդառնա: Նախապես հայտարարել ինչ-որ բանի մասին, որ դեռ չես արել, իմաստ չեմ տեսնում: Այս ամբողջը կառուցված է ենթադրությունների վրա: Չեմ ուզում նոր ենթադրություններ անել»,- ասաց Գեղամ Գեւորգյանը:
Բուհում մեկնարկած կադրային ու կառուցվածքային փոփոխությունները եւս նա չցանկացավ մեկնաբանել՝ հաշվի առնելով իր ներկայիս կարգավիճակը:
ստեղծվել է հանձնաժողով
ԵՊՀ ռեկտորի հրամանի համաձայն՝ ստեղծվել է ԵՊՀ-ում բարեփոխումների իրականացման աշխատանքները համակարգող հանձնաժողով: Վերջինս այսօր անցկացրել է իր առաջին նիստը:
Հանձնաժողովի նախագահն Իրավագիտության ֆակուլտետի քաղաքացիական դատավարության ամբիոնի վարիչ Վահե Հովհաննիսյանն է: Հանձնաժողովի կազմում են ներկայացուցիչներ ԵՊՀ գիտակրթական ստորաբաժանումներից եւ ուսանողական խորհրդից:
Ռեկտոր Արամ Սիմոնյանն ասել է, որ հանձնաժողովի աշխատանքներին չի միջամտելու, բայց պատրաստակամություն է հայտնել ինչ-ինչ հարցերի վերաբերյալ խորհրդատվության համար հանձնաժողովի նիստերին հրավիրվելու դեպքում ներկա գտնվել: Վահե Հովհաննիսյանը եւս շեշտել է, որ հանձնաժողովն ամբողջությամբ պետք է ինքնուրույն լինի:
«Մեզ միավորում են միայն համալսարանական շահերը: Հնարավոր է՝ փորձ կատարվի քաղաքականացնելու մեր հանձնաժողովի գործունեությունը, մենք պետք է զերծ մնանք: Մեզ միավորում է ավելի լավ համալսարան ունենալու նպատակը, իմիտացիոն գործընթացներին մենք չենք մասնակցելու»,- ասել է նա:
Հովհաննիսյանը նաեւ նախանշել է հանձնաժողովի գործունեության երեք հիմնական ուղիներ. «Առաջին փուլը ենթադրում է առկա խնդիրների գույքագրում: Այսինքն՝ այն թերությունները եւ խնդիրները, որոնք վերաբերում են կրթական, գիտական, ադմինիստրատիվ գործունեությանը կամ ֆինանսատնտեսական ոլորտին: Կառանձնացնենք նաեւ ուսանողներին առնչվող խնդիրները: Դրանք գույքագրելու ենք ոչ միայն ֆակուլտետներից, այլեւ այլ շահագրգիռ կառույցներից: Գրություններ կուղարկենք նրանց՝ սպասելով ԵՊՀ-ին առնչվող խնդիրների վերաբերյալ արձագանքներին»: Երկրորդ փուլում, ըստ նրա, մշակվելու են կոնկրետ ծրագրեր. «Գործողությունների այնպիսի պլան, որոնց իրականացումը մեզ համար ցանկալի արդյունք կապահովի: Երրորդ եւ ամենակարեւոր փուլը կադրային քաղաքականության մշակումն է լինելու: Ունենալու ենք հստակ չափանիշներ, որոնց բավարարման պարագայում կոնկրետ հնարավոր կլինի իրականացնել այդ ծրագիրը»:
Crocus City Hall-ի ահաբեկչությունից հետո պատահաբար այնտեղ հայտնված և մարդկանց ծխից 35-ամյա Կարեն Ենգիբարյանը մահացել է
Կրակը մարելուց հետո այրված շինությունում տղամարդու դի է հայտնաբերվել
Նարեկ Մանթաշյանին նոր մեղադրանք է առաջադրվել
Զինծառայողն ինքնասպան է եղել համածառայակիցների և իր ոչ կանոնադրական հարաբերությունների պատճառով․ վարույթը դատարանում է
Վասիլիս Մարագոսը վերահաստատել է ԵՄ աջակցությունը արդարադատության ոլորտի բարեփոխումներին
Հայուհի Վարսեն Աղաբեկյանը Պաղեստինի արտաքին գործերի նախարար է նշանակվել (լուսանկար)
Աննա Հակոբյանը մասնակցել է «Փրկություն» հաշմանդամ երիտասարդների կենտրոնի շահառուների ներկայացմանը (լուսանկարներ)
Մոսկվայում կարծում են, թե ՀՀ-ում 102-րդ ռազմաբազայի առկայությունը Հայաստանի ինքնիշխանության միակ իրական երաշխիքն է
Մահացել է Crocus City Hall-ի ահաբեկչությունից տուժած ևս մեկ մարդ․ զոհերի թիվը հասել է 144-ի
Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին
Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը
Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է
Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին
Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
© 2024 Հայկական ժամանակ