Հայաստանի կանայք՝ հեղափոխությունից դեպի իշխանություն. Ամերիկայի ձայն

Հայաստանում կանանց իրավունքների պաշտպանությունը և կանանց դերի բարձրացումը երկրի անվտանգության հարց է, քանի որ չի կարող լիարժեք զարգանալ հասարակություն, որի կեսն ի վիճակի չէ լիարժեք իրացնել իր ներուժը: Այս մասին խոսվեց Նյու Յորքում անցած համաժողովի ընթացքում: Հաղորդում է «Ամերիկայի ձայնը»։

Հայաստանի «Թավշյա հեղափոխությունն» ամբողջ աշխարհին ցույց տվեց, որ կանայք կարող են դառնալ քաղաքական պայքարի հաջողության գրավական: Այս մասին Նյու Յորքում ՄԱԿ-ի Կանանց կարգավիճակի հասարակական կոմիտեի շրջանակներում Հայ կանանց միջազգային ընկերակցության կողմից կազմակերպված համաժողովում հայտարարել է քաղաքագետ Աննա Օհանյանը: Նրա կարծիքով, Հայաստանում տեղի ունեցած հեղափոխությունը համաշխարհային նշանակություն ունի, քանի որ մինչ ամբողջ աշխարհում, այդ թվում եւ Եվրոպայում գրանցվում է ժողովրդավարության մակարդակի անկում, Հայաստանն այն եզակի երկրներից էր, որ ընտրեց ճիշտ ուղի.

«Հայաստանը, գտնվելով ավտորիտար հարևանների՝ Ռուսաստանի, Թուրքիայի կողքին, իրականացրեց «Թավշյա հեղափոխություն»՝ թռիչքային աճ ապրելով հարևանների նկատմամբ»:

Օհանյանի խոսքով, հեղափոխության ընդդիմադիրների կողմից այն «գունավոր հեղափոխություն» որակելու բոլոր փորձերը տապալվեցին, քանի որ Հայաստանի քաղաքացիական հասարակությունն ինքը թույլ չտվեց «Թավշյա հեղափոխությանը» միջամտել ոչ՛ Ռուսաստանին, ոչ՛ Արեւմուտքի որեէ ուժի.

«Հայաստանում կանայք, զրկված լինելով իշխանական կառույցներում կշռուն ուժից, կենտրոնացել էին քաղաքացիական հասարակության խնդիրների վրա։ Հեղափոխության օրերին մեծաթիվ կանայք մասնակցեցին բողոքներին՝ երաշխավորելով այդ բողոքների խաղաղ բնույթը»:

Համաժողովին մասնակցող Հայաստանի ԱԺ պատգամավոր Մերի Գալստյանն ընդգծեց՝ խորհրդարանում ներկայացված կին պատգամավորները միավորված են կանանց իրավունքների օրակարգն առաջ տանելու շուրջ.

«Անշուշտ, մենք չենք նախատեսում սահմանափակվել օրենսդրական ոլորտով: Մեզ անհրաժեշտ է այս հարցի շուրջ աշխատել հասարակության հետ ուղղակիորեն, որպեսզի հաղթահարենք կանանց նկատմամբ ձեւավորված կարծրատիպերը»:

CIVICUS կազմակերպության ներկայացուցիչ Ալեքս Սարդարը, ընդգծելով կանանց որոշիչ դերը «Թավշյա հեղափոխության» մեջ, հիշեցրեց, թե ինչպես էին հեղափոխության որոշիչ օրերին ոստիկանները ձերբակալել Նիկոլ Փաշինյանին եւ հեղափոխության մի քանի այլ առաջնորդներին.

«Եւ հենց կին առաջնորդներն էին՝ Աննա Հակոբյանը, Ռուզաննա Գրիգորյանը, որ հարթակ բարձրացան եւ ստանձնեցին առաջնորդությունը: Եւ առաջին անգամ մենք լսեցինք կանանց ձայնը»: Ալեքս Սարդարի խոսքով, չնայած առաջընթացի, կանանց իրավունքների պաշտպանության ոլորտում Հայաստանը դեռ երկար ճանապարհ ունի անցնելու: Այս կապակցությամբ Սարդարը կոչ արեց Հայաստանի քաղաքացիների լայն աջակցությունը վայելող կառավարությանն օգտագործել այդ աջակցությունը, նախկինում հայ հասարակության շրջանում տաբուացված կանանց իրավունքների պաշտպանության եւ ընտանեկան բռնության վերացման հարցերը բարձրացնելու եւ դրանց լուծում գտնելու համար: 

Տպել
765 դիտում

Վիլնյուսի օդանավակայանում տոնածառը զարդարել են ուղեւորներից վերցված իրերով

Խորանաշատ վանքը և կարասը՝ 2020-ի եվրոպական մշակութային ժառանգության ամենավտանգված հուշարձանների ցանկում են

ԱՄՆ-ը արգելափակել է ԿԺԴՀ-ում մարդու իրավունքների հարցերով ՄԱԿ-ի Անվտանգության խորհրդի նիստը

«Նարգիլեի օգտագործումը թերևս ավելի վնասակար է». նախարար Արսեն Թորոսյանը պատասխանել է դպրոցականների հարցերին

Ինչ կապ ունեն TRACECA-ն ու պանթեոնը. Բաքու մեկնած հայ պաշտոնյաները հրաժարվել են մասնակցել ընթրիքի, այցելել գերեզման

Գեղարքունիքի մարզում ձմեռային զորակոչը կմենկնարկի 2019 թվականի դեկտեմբերի 16-ին

Բնապահպանության եւ ընդերքի տեսչական մարմնի ղեկավարի նախկին տեղակալը դատի է տվել վարչապետին

Իրանի խորհրդարանական ընտրություններին ավելի քան 15 հազար 500 թեկնածու է գրացվել

ԱԺ-ում քննարկվել են տեղական ինքնակառավարմանն առնչվող հարցեր

Գյումրիում ձերբակալվել է Շեկոյի ընկերը՝ Զոհրաբ Ե.-ն

Պետության աջակցությամբ Արամուսում հիմնովին կառուցվում է մանկապարտեզի նոր շենք. համայնքը 40 տարի մանկապարտեզ չի ունեցել

ԱՄՆ-ի Ներկայացուցիչների պալատը 2 մեղադրանք է առաջադրել նախագահ Դոնալդ Թրամփին

ՀՀ արդարադատության նախարարության ու IRZ-ի միջեւ հնարավոր է համագործակցություն անչափահասների արդարադատության ոլորտում

Ոստիկանները բացահայտել են Գյումրիում կատարված դանակահարությունը (տեսանյութ)

«Միսս տիեզերք 2019»-ում Հայաստանի ներկայացուցիչն ընկճված է ներկայացրել ազգային հագուստը. զարդերը տրամադրել էր Սիրուշոն

Մալյանին աղբարկղը նետելը միջոցառում էր, որի նպատակը հանրային իրազեկումն էր. Դավիթ Պետրոսյան

«Աջափնյակ» բարեգործական հիմնադրամից յուրացվել է 10 միլիոն դրամից ավելի գումար․ նոր բացահայտում

Մենք շատ ընդհանրություններ ունենք և շատ բան կարող ենք սովորել միմյանցից. Արմեն Սարգսյանն ընդունել է Ֆինլանդիայի դեսպանին

Կխնդրեմ՝ ներողություն խնդրեք ՀՀ քաղաքացիներից. Սուրեն Գրիգորյանը՝ Գևորգ Գորգիսյանին

Ուռուցքաբանության ազգային կենտրոնում հերթական բարդ վիրահատությունն է կատարվել. ԱՆ