«Հայաստանում Մալթայի երաժշտության օրեր» ծրագիրը՝ Մալթայի մշակույթին ծանոթանալու լավ հնարավորություն

«Հայաստանում Մալթայի երաժշտության օրեր» ծրագրի շրջանակներում Կոմիտասի անվան կամերային երաժշտության տանը «Հարմոնիա» կամերային նվագախմբի հետ հանդես եկավ մալթացի հանրահայտ ջութակահար, Մալթայի ֆիլհարմոնիկ նվագախմբի համակոնցերտմայստեր, պրոֆեսոր Ռեջի Քլյուզը։ Դիրիժոր Արամ Թալալյանի ղեկավարությամբ համերգային ծրագրում հնչեցին Անտոնիո Վիվալդիի Կոնցերտը՝ գրված լարայինների և բասսո կոնտինուոյի համար և Տարվա եղանակները՝ գրված ջութակի, լարայինների և բասսո կոնտինուոյի համար։

Ռեջի Քլյուզը Մալթայի ֆիլհարմոնիկ նվագախմբի հետ աշխատանքի շրջանակներում համագործակցել է Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանի հետ։ Ջութակահարը նկատում է, որ Սմբատյանը շատ աշխատասեր դիրիժոր է։ «Շատ մեծ երկացանկ ունի։ Մեծ հաճույք եմ ստանում նրա հետ աշխատելիս։ Մի քանի համերգային շրջագայություններ եմ ունեցել Սերգեյ Սմբատյանի հետ։ Շրջագայությունները մարտահրավեր են, քանի որ տարբեր համերգային դահլիճներում ես հանդես գալիս, տարբեր լսարանների առջև, և դա ինքնատիպ մի թեստ է դիրիժորի ու երաժիշտների համար։ Սերգեյ Սմբատյանը ցույց է տվել, որ նա պատրաստ է այդ մարտահրավերներին»,- ասում է ջութակահարը։

Ռեջի Քլյուզը ողջունում է Մալթայի երաժշտության օրերը Հայաստանում անցկացնելու գաղափարը։ Կարծում է, որ նման ծրագրեր ավելի հաճախ պետք է իրականացվեն։ Ջութակահարը նշում է, որ այս նախաձեռնության հեղինակ Մշակույթի աջակցության եվրոպական հիմնադրամը մեծ աշխատանք է կատարում՝ աջակցելով բազմաթիվ մշակութային ծրագրերի ոչ միայն Մալթայում, Հայաստանում, այլև եվրոպական տարբեր երկրներում։

Դիրիժոր Արամ Թալալյանը, անդրադառնալով «Հայաստանում Մալթայի երաժշտության օրեր» ծրագրին, նկատում է, որ շատ լավ հնարավորություն է ստեղծվել Հայաստանի պետական սիմֆոնիկ նվագախմբի և Մշակույթի աջակցության եվրոպական հիմնադրամի կողմից, որպեսզի մարդիկ կարողանան ավելի լավ ճանաչել միմյանց մշակույթները։ «Շնորհակալ ենք, որ այսպիսի գեղեցիկ նախաձեռնություն է ներկայացվում մեր հանդիսատեսին։ Ես հասկանում եմ, որ սա երկար ամիսների կազմակերպչական աշխատանքի արդյունք է։ Շատ հետաքրքիր երաժիշտներ են ժամանել Հայաստան։ Ուրախ եմ նաև, որ մեր երաժիշտները հնարավորություն ունեն շփվելու ջութակահար Ռեջի Քլյուզի հետ, շատ բաներ սովորելու նրանից և իհարկե՝ ներկայացնելու նաև իրենց արվեստը»,- ասում է Արամ Թալալյանը։

Հավելենք, որ Հայաստանում Մալթայի երաժշտության օրերն անցկացվեցին մարտի 19-22-ը, որոնց ընթացքում Մալթայից ժամանած հանրահայտ երաժիշտները ներկայացրին իրենց կատարողական վարպետությունը։

Տպել
226 դիտում

Կաթողիկոսի առաջնորդությամբ Մայր Աթոռի միաբանությունը Սուրբ Գայանե վանքում մասնակցել է ճրագալույցի պատարագին

Արմեն Սարգսյանը ներկա է գտնվել Սուրբ Զատկի ճրագալույցի պատարագին

Ֆրանսիացի ոստիկանները պարզել են՝ Աստվածամոր տաճարի որ հատվածից է սկսել տարածվել հրդեհը

Զատիկի լավաշն ենք թխում․ Նաիրա Զոհրաբյանը նոր լուսանկարներ է հրապարակել

Աշտարակում Mercedes-ը մի քանի պտույտ անելով՝ գլխիվայր հայտնվել է դաշտում․ զոհեր եւ վիրավորներ չկան

Քրիստոսի հրաշափառ հարության տոնը վերածնում եւ ամրապնդում է հավատը սեփական ուժերի հանդեպ․ Արմեն Սարգսյանի շնորհավորանքը

Հայաստանում առաջիկա օրերին կրկին տեղումներ են սպասվում

ՀՀ ոստիկանության պետը պարգևատրել է հասարակական խորհրդի անդամներին

Երեւանում կտեղադրվեն Հ․ Սայադյանի, Պ․ Զեյթունցյանի, Կ․ Մելիք-Օհանջանյանի եւ Հր․ Թամրազյանի հուշատախտակները

Դ․ Սանասարյանի դեմ իրականացվող քրեական հետապնդումն անհիմն է, նրա դեմ գործ են սարքել․ պաշտպան Ինեսսա Պետրոսյան

Արցախում 10-ամյա եղբոր սպանության մեջ մեղադրվող 18-ամյա երիտասարդը կալանավորվել է

Քրեակատարողական ծառայությունում քննարկվել են ՔԿՀ–ներում տիրող ապօրինությունների վերաբերյալ ստացված հանձնարարականները

ՀՀ ԶՈՒ գլխավոր շտաբի պետը հանդիպել է ՌԴ Հարավային ռազմական շրջանի հրամանատարի հետ

Վալերի Օսիպյանը կրկին սահմանապահ ոստիկանների է ճանապարհել դիրքեր

Մոնտեբելոյում վնասել ու կոտրել են Հայոց ցեղասպանության հուշարձանի մասին ազդարարող ցուցատախտակը

Առողջապահության փոխնախարարի հետ կապված կոռուպցիոն գործը շոկ էր նախարարության անձնակազմի եւ ողջ համակարգի համար․ Թորոսյան

Անբարենպաստ եղանակի պատճառով վթարվել է Իջեւանի հեռուստակայանը սնող էլեկտրահաղորդման գիծը

Հայաստանն ու Ռուսաստանը քննարկում են զինուժի մարտական պատրաստության համատեղ միջոցառումների կազմակերպման հարցեր

Ձյուն է տեղացել նաեւ Հայաստանի ամենատաք վայրում՝ Մեղրիում․ Գագիկ Սուրենյան

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 250 անգամ