Երևան
12 °C
Մեկ տարի առաջ՝ Դավիթաշենի կամրջից մոր եւ դստեր նետվելու դեպքի առթիվ հարուցված քրեական գործի վարույթն անցած շաբաթ կասեցվել է:
Այս մասին մեր հարցին ի պատասխան ասաց ՀՀ քննչական կոմիտեի
դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը: Նա ասաց, որ քրեական գործի վարույթը կասեցվել է ՀՀ քրեական դատավարության օրենսգրքի 31 հոդվածի 1-ին կետի 1-ին մասի հիմքով (հայտնի չէ անձը, որը գործով պետք է ներգրավվի որպես մեղադրյալ):
Սահմռկեցուցիչ դեպքը տեղի էր ունեցել 2018 թվականի փետրվարի 13-ին. 37-ամյա Գայանե Հարությունյանը 9-ամյա դստեր՝ Անահիտի հետ նետվել էր կամրջից: Մինչ դեպքի մասին հայտնի լինելը նույն օրը՝ փետրվարի 13-ին, ժամը 22:25-ի սահմաններում մի քաղաքացի զանգահարել էր ոստիկանություն եւ հայտնել մոր եւ դստեր կորելու մասին: Ապա ժամեր անց ոստիկանության Մաշտոցի բաժին են գնացել Գայանե Հարությունյանի ծնողները: Մոր եւ դստեր դիերը հայտնաբերվել են երեք օր հետո՝ 2018 թվականի փետրվարի 15-ին՝ Երեւան քաղաքի Դավթաշենի կամրջի տակ՝ հողածածկ հատվածում։
Ըստ դիակների դատաբժշկական փորձաքննության արդյունքների՝ մոր եւ դստեր մահը վրա է հասել ընկնելուց հետո՝ բազմաթիվ վնասվածքներից:
Դեպքի առթիվ հարուցվել էր քրեական գործ՝ ՀՀ քրեական օրենսգրքի 104-րդ հոդվածի 1-ին (դիտավորյալ սպանություն) մասի հատկանիշներով եւ 110-րդ հոդվածի 1-ին մասի հատկանիշներով (ինքնասպանության հասցնելը)։
Ըստ պաշտոնական հաղորդագրության՝ 37-ամյա Գայանե Հարությունյանը դստեր՝ 9-ամյա Անահիտի հետ փետրվարի 13-ին այցելել է «Տաշիր Պիցցա» արագ սննդի կենտրոնի Դավթաշենի մասնաճյուղ, պիցցա վերցրել եւ դուրս եկել: Մեզ հայտնի դարձավ, որ այդ ընթացքում մայրը երեխային տարել է նաեւ պիցցայանոցի խաղասրահ, ժամանակ անցկացրել դստեր հետ: Գայանեն այդ օրը աշխատանքից եկել էր տուն ժամը 18:00-ի սահմաններում ասել էր՝ երեխայի հետ իջնում եմ խանութ, գամ եւ չէր վերադարձել:
Գայանե Հարությունյանն ու Անահիտը Երեւանի բնակիչներ էին: Գայանեն ամուսնալուծվել էր 8 տարի առաջ, սակայն ըստ որոշ տեղեկությունների՝ անցած տարվա սկզբին փորձել էր հաշտվել ամուսնու հետ, բայց ամուսինը չի համաձայնվել: Նա ապրում էր ծնողների հետ:
Նաիրա Հարությունյանը երեկ մեր զրույցում ասաց, որ ըստ քննության ստացված տվյալների՝ Գայանե Հարությունյանը սկզբում երեխային է նետել կամրջից, ապա ինքն է ինքնասպան եղել:
Դստեր հետ ինքնասպանություն գործած Գայանե Հարությունյանի նկատմամբ նշանակվել էր հետմահու դատահոգեբանական փորձաքննություն։ Փորձագետին հարցեր էին առաջադրվել՝ պարզելու դեպքին նախորդած ժամանակահատվածում երիտասարդ կնոջ հոգեբանական վիճակը։ Արդյո՞ք նրա հոգեբանական վիճակը կարող էր նրան դրդել ինքնասպանության, թե՞ ոչ, եթե՝ այո, ապա որո՞նք են այդ վիճակի զարգացման պատճառները: Նաիրա Հարությունյանը մեր զրույցում ասաց, որ փորձաքննության արդյունքները ստացվել են եւ համաձայն դրանց կինը գտնվել է խիստ հուզական, նյարդային վիճակում: Մասնավորապես փորձագետը հանգել է հետեւյալ հետեւության. «Ինքնասպանության նախորդող ժամանակահատվածում Գայանե Հարությունյանն ամենայն հավանականությամբ գտնվել է ընկճված հոգեվիճակում, որի առաջացման հնարավոր նպաստող պատճառ կարող էր հանդիսանալ իր կողմից ընտանիքը վերամիավորելու ապարդյուն փորձերը, քանի որ 9-ամյա դուստրը ցավագին է տարել հորից առանձին բնակվելու հանգամանքը: ...Ներկայացված քրեական գործի նյութերում առկա որոշ տեղեկությունների համաձայն՝ Գայանե Հարությունյանին բնորոշ այնպիսի անհատական հոգեբանական առանձնահատակություններ, ինչպիսիք են դյուրազգացությունը, դյուրագրգռությունը, նյարդայնությունը, անհավասարակշռությունը, կարող էին նվազեցնել հավանական ճգնաժամային իրավիճակում վերջինիս կողմից կառուցողական ելքեր գտնելու կարողությունը եւ նպաստել ինքնասպանության դիմելու որոշման ընդունմանը»:
Նշենք, որ քրեական գործի շրջանակներում բազմաթիվ անձինք են հարցաքննվել, այդ թվում՝ ինքնասպանություն գործած Հարությունյանի ծնողները, նրա նախկին ամուսինը:
Նրա մայրը՝ Ալեքսանդրա Հարությունյանը, ավելի վաղ մեր զրույցում նշել է, որ իրենք դեպքից ոչ մի բան չգիտեն, ապա հրաժարվել էր պատասխանել մեր հարցերին:
Կամրջից նետված կինը մոր հետ աշխատում էր ԱԻՆ-ի «Սեյսմիկ պաշտպանության Արեւմտյան ծառայություն» ՊՈԱԿ-ում. երկուսի հաստիքներն էլ, ի թիվս բազմաթիվ այլ հաստիքների, համարվել էին կրճատման ենթակա: Բայց Գայանեն դիմել է նախարարին, ներկայացրել իրենց ընտանեկան կարգավիճակը, խնդրել միանգամից երկուսին գործազուրկ չդարձնել: Նախարարն ընդառաջել էր, եւ Գայանեին այլ աշխատանք առաջարկել, որտեղ էլ փաստորեն աշխատել էր մինչեւ վերջին օրերը:
«Հայկական Ժամանակ»-ը Telegram-ում
Երևանի Վարդաշենի շենքերից մեկից 1,5-ամյա երեխան ընտանիքի անդամների հետ տեղափոխվել են հիվանդանոցներ
Գյումրուն հստակ կառավարում է պետք․ կվերցնի՞ պատգամավորական մանդատը Շիրակի մարզպետը, թե՝ ոչ․ տեսանյութ
Կիրանցը անկլավ համարող սուտ փրկիչները իրական փորձանք են Հայաստանի համար․ Չախոյան
Կալիֆոռնիայում 5.6 մագնիտուդ ուժգնությամբ երկրաշարժ է տեղի ունեցել
Նոր Հաճընի կամրջի վրա 5 ավտոմեքենա է բախվել․ հղին տեղափոխվել է հիվանդանոց
Երևանն այս գիշեր․ Ազիզյանը տեսանյութ է հրապարակել
Հունիսի 30-ից հուլիսի 1-ը Երևանը կընդունի 13 երկրի ավելի քան 170 ըմբիշի
Ապարանի ջրամբարի ջրի մակարդակը հասել է առավելագույն նիշին՝ կիսով չափ ծածկելով Սբ Պողոս-Պետրոս եկեղեցին
Մարդկանց վրա խաղադրույք են անում. Քոչարյանի որդին հորը թող ասի՝ հայրի՛կ, քոքը վերջապես մաշեցրել ես. տեսանյութ
Փոխվարչապետ Տիգրան Խաչատրյանն ընդունել է ՎԶԵԲ պատվիրակությանը
Իրանը Հորմուզի նեղուցով անցման տուրքեր չի գանձում, եթե սխալ տեղեկություն է, բանակցությունները կավարտվեն․ Թրամփ
ՌԴ-ն մեծ գումարներ է ծախսել, հիմա հաշիվ է պահանջում Քոչարյանից ու Կարապետյանից. պատասխան պետք է տան. տեսանյութ
Խցանման դեպքում խաչմերուկ մտնելն արգելված է․ կանոնի խախտումը կառաջացնի տուգանք և տուգանային միավորի կորուստ
Ուրախությամբ արձանագրում ենք՝ Հայաստանի դիվանագիտական ծառայության ներկայացուցիչների մոտ 50%-ը կանայք են․ ԱԳՆ
Կալուգացի միկրոսուլթանին խաբեցին. ինչ կատարվեց, և ինչու վերընտրվեց Նիկոլ Փաշինյանը
Ընտրվել են Առողջության համընդհանուր ապահովագրության հիմնադրամի հոգաբարձուների խորհրդի անդամները և տնօրենը
Ընդգծվել է ագրոպարենային համակարգերի առանցքային դերը պարենային անապահովության հաղթահարման գործում
«Կրթվելը նորաձև է» շարժման աջակից ծրագրի շրջանակում Հայաստանի չորս մարզում գործում են կանանց ակումբներ
Ավետիք Չալաբյանը կալանավորվել է
«Կաթնառատ» ապրանքանիշի «Լոռի պանիր 50%» արտադրատեսակի արտադրությունը կասեցվել է
Գողթ գյուղում «Նիսսան»-ը բախվել է երկաթե խողովակներին, գլխիվայր հայտնվել երթևեկելի գոտուց դուրս
Տևական ժամանակով Էրեբունի վարչական շրջանում ճանապարհահատված կփակվի
Մեզ անհրաժեշտ են պատասխանատու լրատվամիջոցներ․ Հռիփսիմե Գրիգորյանի ելույթը ԵԽԽՎ-ում․ տեսանյութ
AI լուծումներ, աշխարհագրության ընդլայնում և շատ ավելին. Eventhub-ի նոր հնարավորություններն ու առաջարկները
Վահագն Խաչատուրյանն ու ՀԾԿՀ նախագահը Հայաստանի էներգետիկ քաղաքականությանն առնչվող հարցեր են քննարկել
Կասեցվել է «Դիլի» ընկերության գործունեությունը․ արտադրվել է վտանգավոր սննդամթերք
Խաղաղ օվկիանոսը մտնում է մինչ այժմ չտեսնված փուլ․ Նինյո 3.4 ինդեքսը հասել է պատմականորեն բարձր արժեքի
Ինչ փոփոխություններ է արձանագրել տարադրամի շուկան հունիսի 24-ին
Հայաստանի անդամակցության հետագա հարցը մանրակրկիտ կքննարկվի. ՀԱՊԿ
Փաշինյանն ու Մոդին անդրադարձել են երկկողմ և բազմակողմ ձևաչափերով փոխգործակցության հարցերին, համագործակցությանը
ՀՀ-ն փորձում է էլեկտրաէներգիան, ինժեներական տաղանդը և ենթակառուցվածքները վերածել արտահանման արտադրանքի. Forbes
ԵՄ դիտորդական առաքելությունը Հայաստանում իրականացրել է 9000-րդ պարեկային ծառայությունը
Սիմոնյանն «առաջարկել է» Փաշինյանի օգտին քվեարկած հայերին բացահայտել սոցցանցերով և արգելել նրանց մուտքը ՌԴ
Ամառը չի սպասում․ AMIO Mobile-ի օնլայն վարկը՝ քո պլանների համար
Պապոյանը հանդիպել է ՀՀ-ում հավատարմագրված ԵՄ դեսպանների հետ. քննարկվել են արտահանման աջակցության ծրագրերը
ՀՀ ընտրություններին ՌԴ միջամտության բոլոր գիտակցված մասնակիցները պետք է կանգնեն դատարանի առաջ. Իոաննիսյան
Սեդա Սաֆարյանը կմասնակցի ընտրությունների արդյունքների վիճարկման քննությանը
ՌԴ-ն հույս ունի, որ Երևանը վերջնական հաշվով ընտրություն կկատարի հօգուտ Եվրասիական տնտեսական միության. Պեսկով
Երևանում բացվել է ընտանի շների համար նախատեսված 13-րդ առանձնացված զբոսայգին. տեսանյութ
Փոխվարչապետ Գրիգորյանը ՎԶԵԲ-ի ներկայացուցիչների հետ հանդիպմանը քննարկել է համատեղ ծրագրերի ընթացքը
