«Սպայկա»-ն ուղղակի շանտաժ է անում, նրանք մթերում իրականացնելու են. Մնացականյան

Լուսանկարում գյուղատնտես Հարություն Մնացականյան

Երեկ «Սպայկա» ընկերությունը հայտարարություն տարածեց, ըստ որի՝ արտասահմանյան բանկերի կողմից «Սպայկա»-ի վարկային միջոցների հետ կանչման պատճառով ընկերությունը չի կարողանա մի քանի համայնքներում մթերում ապահովել: Այդ մի քանի համայնքը, ըստ ներկայացված ցուցակի, 80-ից ավելի է:

Գյուղատնտեսության նախկին նախարարի խորհրդական, գյուղատնտես Հարություն Մնացականյանը «Հայկական ժամանակ»-ի հետ զրույցում ասաց, որ «Սպայկա»-ն ուղղակի շանտաժ է անում, նրանք մթերում իրականացնելու են:

«Սպայկա»-ն հարկային պարտավորություններ ունի, նրանք պետք է այդ պարտավորությունը իրականացնեն»,- ասաց Մնացականյանը:

Մեր հարցին, թե այդ դեպքում ինչո՞ւ են նման հայտարարություն արել, Մնացականյանը պատասխանեց. «Փորձում են պետությանը փակուղու առաջ կանգնեցնել, բայց ես համոզված եմ, որ նրանք մթերելու են այդ ապրանքը»:

Մեր հարցին՝ եթե ամեն դեպքում «Սպայկա»-ն մթերում չիրականացնի, կա՞ն այլ տարբերակներ, Մնացականյանը պատասխանեց. «Իհարկե, կան: Ցանկացած դատարկ տեղ արագ լրացվում է, երբ տեսնեն դատարկ է, վակուումային գոտի է, բազմաթիվ ներդրողներ ներդրում կանեն: Մնում է նախարարությունն ու կառավարությունը ճիշտ կազմակերպեն եւ ճիշտ համակարգեն»:

Մնացականյանն ասաց, որ ոլորտում, բնականաբար, խնդիր չի առաջանա, եթե նախարարությունը՝ ի դեմս կառավարության ճիշտ կազմակերպեն աշխատանքները:

Հնարավո՞ր է, որ սա դրական անդրադառնա գյուղատնտեսության ոլորտի վրա՝ հաշվի առնելով, որ «Սպայկա»-ն մենաշնորհ ուներ ոլորտում, Մնացականյանն արձագանքեց. «Դրական կանդրադառնա այն ժամանակ, երբ առնվազն 2-3 ընկերություն մտնեն: Սա մեծ կապիտալ ներդրում չի էլ պահանջում՝ 8 միլիոն դոլար մաքսիմում: Այստեղ էականը հավաքագրումն ու արտահանումն է, մեքենաների հարցով բազմաթիվ տրանսպորտային ընկերություններ կան, որոնք կարող են փոխադրումն իրականացնել: Մի բան էլ հիշեք, որ «Սպայկա»-ն սեզոնին ավելի շատ թուրքական դեղձ էր արտահանում, քան հայկական»:

Մեր հարցին, թե նախորդ տարիներին գյուղմթերքի խոշոր արտահանող բացի «Սպայկա»-ից եղե՞լ է Հայաստանում, Մնացականյանը պատասխանեց. ««Սպայկա»-ն միշտ էլ մենաշնորհային դիրք է ունեցել, միշտ էլ հարկային արտոնություններ է ունեցել, դրա համար էլ ոչ ոք չի կարողացել «Սպայկա»-ի հետ մրցակցել: Իր այդ արտոնությունների շնորհիվ արտահանման ամբողջ շուկան կարողացել է վերցնել: Փառք Աստծո, ներքին շուկային չհասավ: Ես նորից եմ ասում՝ «Սպայկա»-ն չի կարող չմթերել, եթե չմթերեց, չարեց, ինչպե՞ս է հետագայում աշխատելու: Ռուսական սուպերմարկետների հետ իրենք պայմանագիր ունեն, եթե չմատակարարեց՝ ընկերությունը կգնա բանկրոտի: Ռուսական սուպերմարկետները վճարում են մատակարարումից 60-ից 90 օր հետո, կարող է չեղարկեն ու մի մեծ գումար չվճարեն «Սպայկա»-ին պայմանագրային պարտականությունները չկատարելու համար»:

Մեր դիտարկմանը, թե «Սպայկա»-ն նշել է նաեւ, որ 90 մլն դոլարի ներդրում է կատարել վերջին տարում եւ 100 մլն դոլարի վարկն էլ չեղարկվել է այս դեպքերի պատճառով, Մնացականյանն արձագանքեց. «Կարող են ասել՝ 1 մլրդ ներդրում է կորում: Հիմա կոնկրետ տարբեր երկրներից ներդրողներ կան, ովքեր ցանկանում են այդ ոլորտում 30-40 մլն դոլար ներդրում անել: 2 տարվա մեջ Հայաստանում 2 հազար հեկտար այգու տարածք է գնվել, որպեսզի այգի հիմնեն: Այս պրոցեսները կարող են խիստ դրական անդրադառնալ՝ կախված պետության ճիշտ արձագանքից: Եթե ճիշտ արձագանքեց՝ այս տարվա վերջ կարող ենք 4-5 տոկոս գյուղատնտեսական աճ ունենալ»:

Մեր հարցին՝ «Սպայկա»-ն գյուղացիներից էժա՞ն էր մթերում գյուղմթերքը, Մնացականյանը պատասխանեց. «Տարի է եղել՝ ինքնարժեքից էժան է եղել, տարի է եղել՝ մի քիչ բարձր գնով: Օրինակ, անցած տարի իրենք ծիրանը շատ էժան մթերեցին, ինչը նորմալ էր՝ իրենցից կախված չէր: Ուզբեկական ծիրանը շատ մեծ ծավալներով մտավ Ռուսաստան եւ իրենք չէին կարող այդ գնով մրցակցել: Ուզբեկստանը տարին 600 հազար տոննա ծիրան է արտահանում, իսկ մենք՝ 30 հազար տոննա»:

Նշենք, որ ՊԵԿ-ը ապրիլի 5-ին տեղեկություն տարածեց, ըստ որի՝ ապրիլի 4-ին Սպայկա ընկերության տնօրեն Դավիթ Ղազարյանին մեղադրանք է առաջադրվել ՀՀ քրեական օրենսգրքի 205-րդ հոդվածի 2-րդ մասով: Ըստ ՊԵԿ-ի տարածած հաղորդագրության՝ «Գրինպրոդուկտ» ՍՊ ընկերության անվամբ մաքսային մարմիններին ներկայացնելով հարկը, տուրքը եւ այլ պարտադիր վճարը հաշվարկելու հիմք հանդիսացող կեղծ տեղեկություններ եւ ուղղակի դիտավորությամբ նպատակ հետապնդելով չվճարել հարկը, տուրքը եւ պարտադիր այլ վճարը, պետական բյուջե չի վճարվել «Սպայկա» ՍՊ ընկերության կողմից իրականացված ձեռնարկատիրական գործունեության արդյունքում առաջացած 7 մլրդ 36 մլն 666 հազար 312 ՀՀ դրամ մաքսատուրք եւ հարկ: Նշենք նաեւ, որ «Սպայկա» ընկերության տնօրեն Դավիթ Ղազարյանն ապրիլի 8-ին կալանավորվել է:

Տպել
9598 դիտում

Եղանակի կանխատեսում. ջերմաստիճանը սեպտեմբերի 22-23-ն աստիճանաբար կնվազի 9-11 աստիճանով

«Ռոսատոմ»-ի գլխավոր տնօրենը կայցելի Հայաստան. Պապիկյանը նրա հետ կարճատև զրույց է ունեցել

Վերցնենք Թումանյանի հեքիաթների ժողովածուն, մեր անունից տպագրենք ու ասենք՝ հղումը մոռացա. Գոգյանը՝ Հայրապետյանի մասին

Հայաստան կայցելի ԱՄՆ-ի կոնգրեսականների պատվիրակություն

Մեր նպատակն է կառուցել բռնությունից ազատ հասարակություն. Արդարադատության փոխնախարար

Ինչպե՞ս բարձրացնել Ռուսաստանում Հայաստանի ճանաչելիությունը. համաժողով

Վարչապետը Վալերի Օսիպյանին աշխատանքից ազատելու առաջարկ է ներկայացրել ՀՀ նախագահին

Վնասը կազմել է մոտ 48մլն դրամ. հափշտակություն «Արմավիր» քրեակատարողական հիմնարկի կառուցման գործընթացում

Նրա միջոցով արտահանվում է հայկական մշակույթը. կհամատեղի՞ Սմբատյանը Մալթայի հրավերը տեղի աշխատանքի հետ

Ինչպես տեսնում եք՝ իմ հրաժարականի մասին լուրերն արդարացված չեն․ Դավիթ Տոնոյան

Օսիպյանի հրաժարականի թեման ԱԱԽ նիստում չի շոշափվել. Արարատ Միրզոյան

Հայաստանը հետամուտ է իր սեփական շահերին. քննարկում ԱՄՆ-ում

Արթուր Վանեցյանն իմ ընկերն ու գործընկերն է, բոլոր մեկնաբանությունները կթողնեմ իրեն. Դավիթ Տոնոյան

Վրաստանի նախագահը համաներում է շնորհել հետախուզման մեջ գտնվող անձի. նախարար

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ