Քրեական հեղինակությունների սպանության նախապատրաստման գործով պատգամավորները անձնական երաշխավորություն էին ներկայացրել

Արմավիրի մարզի ընդհանուր իրավասության դատարանը (Էջմիածնի նստավայր) դատավոր Վահե Խալաթյանի նախագահությամբ այսօր մերժել է քրեական հեղինակություն Դոն Պիպոյի (Արթուր Ասատրյան), «օրենքով գող» Օշականցի Գեւորիկի (Գեւորգ Մելիքյան), եւ Զապի (Անդրանիկ Սողոյան) սպանության նախապատրաստման գործով ամբաստանյալին պատգամավորների անձնական երաշխավորությամբ ազատ արձակելու միջնորդությունը:

Խոսքը ամբաստանյալ Զոհրաբ Ղումաշյանի մասին է. նրա համար անձնական երաշխավորություն էին ներկայացրել ԲՀԿ-ական պատգամավորներ Արթուր Դալլաքյանը, Ջանիբեկ Հայրապետյանը եւ Քաջիկ Գեւորգյանը:

Այս մասին մեր զրույցում ասաց Ղումաշյանի պաշտպան Վահան Հովհաննիսյանը: Նա ասաց, որ նախորդ նիստին իր պաշտպանյալին 5 միլիոն դրամ գրավով ազատելու միջնորդություն է ներկայացվել, սակայն դատարանը մերժել է այն: «Նախորդ դատական նիստին ներկայացրել էինք 5 միլիոն դրամ գրավ կամ գրավի այն չափը, որը անհրաժեշտ կհամարեր դատարանը, այսինքն՝ ցանկացած չափի հարազատները ազգականները պատրաստ էին մուծել, սակայն դատարանը բավարար չհամարեց գրավը որպես բավարար երաշխիք պատշաճ վարքագծի դրսեւորման...: Ընդհանրապես անդրադարձ չկատարեց մեր հիմնավորումներին՝ այն հանգամանքին, որ Զոհրաբ Ղումաշյանը ձերբակալվել է, այնուհետեւ կալանավորվել է ընդամենը ամբաստանյալների այն ցուցմունքների հիման վրա, որոնք տվել էին բռնությունների, ճնշման ներքո: Այսինքն որեւէ իրեղեն ապացույց նրա մոտ չէր հայտնաբերվել, նրա կապը ամբաստանյալների հետ որեւէ այլ փաստական հանգամանքով կամ ապացույցով չէր հիմնավորվել: Այսինքն, նրա մասով գործը չափազանց թույլ է: Նման պայմաններում ընդհանրապես որեւէ բան հաշվի չառավ եւ գրավը մերժեց»,- ասաց Հովհաննիսյանը:

Որպես հաջորդ քայլ այսօր պաշտպանական կողմը միջնորդել է պատգամավորների անձնական երաշխավորությամբ ազատ արձակել Ղումաշյանին: Հովհաննիսյանն ասաց, որ դատարան էին ներկայացել 3 պատգամավորները, հայտնել, որ ճանաչել են Զոհրաբ Ղումաշյանին որպես ադեկվատ անձնավորություն, նորմալ դրական բնութագրվող անձնավորություն, միաժամանակ նշել են նաեւ, որ դատարանը եթե կբավարարի իրենց միջնորդությունը, կձեռնարկեն բոլոր միջոցները, որպեսզի ապահովեն նրա պատշաճ վարքագիծը, կտեղավորեն մշտական աշխատանքի:

«Այնուհանդերձ միջնորդությունը մերժվեց: Շատ ցավալի է, որ այսօր դատարանը եւ նախագահող դատավորը, իմ գնահատմամբ, անմիջականորեն կախվածության մեջ են գտնվում դատախազի դիրքորոշումից, նրա բոլոր որոշումները դատախազի դիրքորոշման արդյունք են: Խիստ կողմնակալ եմ իմ պաշտպանյալի նկատմամբ եւ հետագայում պետք է ինքնաբացարկի միջնորդություն ներկայացնենք»,- ասաց Հովհաննիսյանը: Նա ասաց, որ դատարանը վկաների հարցաքննության փուլում է, սակայն վկաները դատարան չեն ներկայանում: Ըստ Հովհաննիսյանի՝ նրանց բազմիցս բերման ենթարկելու որոշումներ են կայացվել, սակայն 4-5 նիստ է՝ չեն կարողանում վկաներին ներկայացնել դատարան:

Վահան Հովհաննիսյանը նաեւ ասաց, որ գործով տուժող ճանաչված անձինք ոչ մի դատական նիստի չեն ներկայացել. խոսքը՝ Դոն Պիպոյի (Արթուր Ասատրյան), «օրենքով գող» Օշականցի Գեւորիկի (Գեւորգ Մելիքյան), եւ Զապի (Անդրանիկ Սողոյան) մասին է:

Դոն Պիպոյի, Օշականցի Գեւորիկի եւ Զապի դեմ նախապատրաստվող սպանության համար 2017թ. մայիսի 24-ին Էջմիածնի բնակարաններից մեկում վնասազերծվել էին Վազգեն Ղազախեցյանը, Արտակ Այվազանը, Արկադի Քոչինյանը: Նրանց սպանությունը նախապատրաստելու մեջ մեղադրվող անձինք կալանքի տակ են 2017-ի մայիսից: Համաձայն մեղադրանքի` Զոհրաբ Ղումաշյանը քննությամբ չպարզված անձի դրդչությամբ պատվիրել է Արտակ Այվազյանին մի խումբ անձանց՝ Վազգեն Ղազախեցյանի եւ Արկադի Քոչինյանի հետ նախնական համաձայնությամբ, շահադիտական դրդումներով, դիտավորությամբ ապօրինաբար կյանքից զրկել երեք անձանց՝ Արթուր Ասատրյանին, Գեւորգ Մելիքյանին եւ Անդրանիկ Սողոյանին՝ ղեկավարելով ու կազմակերպելով սպանությունների նախապատրաստությանն ուղղված գործողությունները, որոնց շրջանակում ապօրինի կեպով ձեռք է բերել, փոխադրել ու պահել հրազեն եւ ռազմամթերք։

Տպել
6894 դիտում

Դատախազության ներգործությամբ Սիսում ինքնակամ կառուցված ձկնաբուծարանն օրինականացվել է, համայնքի իրավունքը՝ վերականգնվել

«Սուրբ Գրիգոր Լուսավորիչ» ԲԿ-ում բուժվող կորոնավիրուսով վարակված մարդկանց հարազատները բարեկարգել են հիվանդանոցի բակը

«Իմ պատասխանից միգուցե նոր հանգամանքներ ի հայտ եկան». Արսեն Թորոսյանի հարցաքննությունն ավարտվեց

Հարցվածների 85%-ը հավանություն է տալիս ՀՀ վարչապետի գործունեությանը

Հուլիսի 6-ին՝ ժամը 11:00-ից, կդադարեցվի Արմավիր քաղաքի, Լուկաշին և Նորավան գյուղերի ջրամատակարարումը

Նիկոլ Փաշինյանը շնորհավորական ուղերձ է հղել Ալեքսանդր Լուկաշենկոյին Անկախության օրվա առթիվ

ՍԴ դատավոր Հրանտ Նազարյանի մուտքը ՍԴ արգելվել է վերջինիս լիազորությունների դադարեցման պատճառով. ոստիկանություն

Սպիտակի բժշկական կենտրոնը երեկվանից միացել է համավարակի դեմ պայքարին. նախարարը Լոռիում էր

«Ձեր ոլորտը մեր երկրի ապագան է». Արմեն Սարգսյանը հանդիպել է ՏՏ ոլորտի մի խումբ ընկերությունների ղեկավարների հետ

Այս գիշեր սպանության փորձ է եղել Վանաձորում. տուժածը բուժօգնություն է ստացել, հարուցվել է քրեական գործ

Պետք է նոր խորհրդի կազմավորում և արդեն նոր կառավարման խորհրդով ռեկտորի ընտրությունների անցկացում. ՀՊՏՀ խորհրդի նախագահ

Արսեն Թորոսյանը դատարանում է. նա հարցաքննվում է Ռազմիկ Աբրահամյանի եւ Արսեն Դավթյանի գործով

Ֆրանսիայի վարչապետը պաշտոնից ազատման խնդրագիր է ներկայացրել

Արցախից Հայաստան տանող բոլոր հսկիչ-անցագրային կետերում շարունակվում են ախտահանման աշխատանքները

Սահմանադրական դատարանում ԱԺ ներկայացուցիչը միջնորդել է հետաձգել հուլիսի 7-ին նշանակված Քոչարյանի գործի քննությունը

Առաջիկա օրերին չվերթներ են սպասվում Ռուսաստանից եւ Բելառուսից. Քաղավիացիան մանրամասնում է

Ուռուցքաբանության ազգային կենտրոնի աշխատակիցները կերթեւեկեն անվճար հարմարավետ ավտոբուսներով

Ստեփանակերտում կորոնավիրուսի նոր օջախ է հայտնաբերվել. Արցախում վարակման 4 նոր դեպք կա

Varks.am-ը երկարաձգել է վարկերի վերակառուցման հնարավորության ժամկետը․ Կենտրոնական բանկ

«Գրիգոր Լուսավորիչ» բուժկենտրոնի նոր վերակենդանացման բաժանմունքին անհրաժեշտ են բուժքույրեր և կրտսեր բուժաշխատողներ