Երևան
12 °C
Ազգային ժողովում քննարկումներն իսկապես թեժ են, բայց ցավոք՝ առանձնապես ոչ բովանդակային: Այնպիսի տպավորություն է, թե պատգամավորներն ավելի շատ ցանկանում են ինքնահաստատվել իրար վրա՝ դիմացինին նվաստացնելով ու կարեւորելով սեփական անձը: Իսկ ամենացավալին այն է, որ փորձ է արվում տպավորություն ստեղծել, թե խորհրդարանը բաղկացած է երկու տիպի պատգամավորներից՝ «միայն դատարկ խոսողներից» եւ «գործ անողներից»: «Գործ անողներն» էլ, հասկանալի է, նրանք են, ովքեր խոշոր բիզնեսներ ունեն, աշխատատեղեր են ստեղծել եւ այլն: Ու նրանց հասցեին ցանկացած թթու խոսք անմիջապես կոշտ հակազդեցության է արժանանում՝ իբր «դու պարոն այսինչյանի արածի մի տոկոսի չափ արած կա՞ս, որ խոսում ես» (կոնկրետ ազգանուններ չենք նշում, որովհետեւ սա ընդհանուր միտում է):
Առաջին հայացքից կարող է թվալ, թե այդ մարդիկ իրավացի են. դե իրենք կոնկրետ գործեր են արել՝ կուտակած միլիոններով հազարավոր աղքատների օգնել են, աշխատատեղեր են ստեղծել (կարծես թե դա արել են միայն մարդկանց աշխատանքով ապահովելու համար, եւ ոչ թե շահույթ ստանալու նպատակով), հազարավոր գյուղացիների «օգնել են» իրացնել իրենց աճեցրած բերքը, եւ այլն: Բայց սա՝ միայն առաջին հայացքից: Իրականում այդ մեծահարուստները, որպես կանոն, իրենց միլիոնները կուտակել են կասկածելի մեխանիզմներով՝ առավելապես հենց այն շարքային քաղաքացիների հաշվին, որոնց մի մասին այսօր «մեծահոգաբար» օգնում են: Ընդ որում՝ օգնում են ոչ թե մարդասիրությունից ելնելով, այլ որովհետեւ Հայաստանում անհնար էր մուլտիմիլիոնատեր դառնալ առանց քաղաքական խաղերի մեջ ներքաշվելու, իսկ քաղաքականության մեջ լինելը ենթադրում է նաեւ լուրջ միջոցներ ծախսել հանուն վարկանիշի: Հասկանալի է, որ եթե ժամանակին Հայաստանում կոռուպցիոն սխեմաներ չգործեին, այսօր կունենայինք ոչ թե 40-50, այլ առավելագույնը 3-4 մուլտիմիլիոնատերեր (գուցե ընդհանրապես չունենայինք), աղքատությունն էլ համապատասխանաբար կլիներ ոչ թե 30 տոկոս, այլ 10-12: Պարզ ասած՝ չի կարելի կոռուպցիոն սխեմաներով կուտակած միլիոններով բիզնեսներ հիմնել, աշխատակիցներին վճարել այնքան, որ կոշիկի փող չունենան, հետո տարեկան մի քանի հոգու մի-մի զույգ կոշիկ նվիրել ու այդ նույն փողերով հիմնված լրատվամիջոցներով դա ներկայացնել որպես չտեսնված-չլսված բարեգործություն: Չի կարելի հանուն սեփական բիզնեսի հազարավոր մարդկանց դարձնել գործազուրկ, հարկեր թաքցնել այն նույն բուջեից, որի հաշվին պիտի թոշակներ ու նպաստներ վճարվեն, հետո սովի մատնված այդ նույն խավի մի չնչին հատվածին ձրի լավաշ բաժանել ու համարել, որ «գործ ես անում»:
Հիմա՝ «միայն դատարկ խոսողների» մասին: Իսկ ի՞նչ է տեղի ունենում, երբ «դատարկ խոսողները» փորձում են կոնկրետ գործ անել (ոչ թե բարեգործություն անել, այլ օրենսդրական նախաձեռնություններով ու կառավարության որոշումներով ստեղծել այնպիսի համակարգ, որ որեւէ խավի համար բարեգործության կարիք ընդհանրապես չլինի, բոլորը հարկեր վճարեն, թոշակներն ու նպաստներն էլ բավարարեն մարդկանց գոնե նվազագույն կարիքները): Ճիշտ է, ցանկացած նման նախաձեռնություն «գործ անողները» սվիններով են ընդունում: Անմիջապես ահավոր աղմուկ է բարձրանում, թե «էս ի՞նչ եք անում, հարկեր եք ավելացնում, խեղդում եք, շատ անեք՝ չենք աշխատի»: Եվ ամենակարեւորը՝ հասարակության մեջ դեռ կան մարդիկ, ովքեր «ուտում են այդ կուտը»: Այսինքն՝ համարում են, որ բարեգործության տեսքով «ժողովրդի մասին մտածելն» ավելի կարեւոր է, քան հարկեր վճարելը կամ սեփական ախորժակը զսպելը՝ այնպես, որ ուրիշները նույնպես շնչելու եւ բիզնեսով զբաղվելու հնարավորություն ունենան:
Հ.Գ. Ցանկացած քաղաքակիրթ պետություն հիմնվում է իսկապես ունեւոր, աշխատող, բարիքներ ստեղծող գործարարների վրա, իսկ ոչ քաղաքակիրթ երկրներում, հակառակը, հարուստներն են հիմնվում պետության վրա, ավելի ճիշտ՝ բարձրանում պետության շալակը: Ու եթե անգամ «գործ են անում»՝ անում են պետության ու հասարակության հաշվին: Եվ բնականաբար՝ դիմադրում են, երբ փորձ է արվում փոխել այդ վիճակը: Առանց այս պարզ իրողությունը գիտակցելու հազիվ թե կարողանանք հասկանալ այս օրերին քաղաքական կյանքում տեղի ունեցող խմորումները:
«Հայկական Ժամանակ»-ը Telegram-ում
Քննարկվել է հայկական ավիափոխադրողներին ԵՄ օդային անվտանգության ցանկից դուրս բերելու գործընթացը
Հոգեվարքի մեջ են, իրենց ողորմաթասը խմված է, 7-ն ու 40-նքն էլ կտանք, վերանան գնան. Հասմիկ Հակոբյան․ տեսանյութ
Տեղի է ունեցել «Քաղաքացիական պայմանագիր» կուսակցության վարչության նիստ. այն վարել է Նիկոլ Փաշինյանը. տեսանյութ
Պապոյանը ԵՄ դիվանագետների հետ քննարկել է ՀՀ տնտեսական դիմակայունության ամրապնդման և զարգացման ուղղությունները
Ներառական կապակցվածությունը նպաստում է տարածաշրջանային համագործակցությանը և վստահության ամրապնդմանը
Մարդիկ գնացին, ընտրեցին ՔՊ-ին, քանի որ դրսից եկած հայերը գալիս էին Տաշիր Սամոյին ընտրելու. Ադամյան. տեսանյութ
Սևծովյան տարածաշրջանի և Հարավային Կովկասի կապակցվածության համար ԵՄ-ն ակնկալում է ներգրավել մինչև 2 մլրդ եվրո
GRP-ն Հայաստան է բերում ամերիկյան երկու նոր հյուրանոցային բրենդ՝ Super 8 by Wyndham եւ Wyndham Grand Yerevan
Համբարձում Մաթևոսյանը մասնակցում է «Լոնդոնի կլիմայական գործողությունների շաբաթ» համաշխարհային կոնգրեսին
Կանանց մասնակցությունն անվտանգության, խաղաղության գործընթացներին ժողովրդավարական պետության կարևոր նախապայման է
Ներկայացվել են ՄԱԿ շրջանակներում կանխարգելման օրակարգն առաջ մղելուն ուղղված ՀՀ նախաձեռնությունները
Սուրեն Պապիկյանը հետևել է «Արծիվ գործընկեր-2026» զորավարժության ընթացքին․ տեսանյութ
ՆԳՆ ոստիկանության ներկայացուցիչները Բիշքեկում խորհրդակցության են մասնակցել
3 անձի կողմից 5.5 կգ թմրամիջոցի ապօրինի իրացման փորձի քրեական վարույթի նախաքննությունն ավարտվել է
Դավիթ Խուդաթյանը հանդիպել է Թուրքիայի տրանսպորտի ու ենթակառուցվածքների նախարարի հետ․ ինչ է քննարկվել
Ճանապարհաշինական նոր էջ է բացվում Գյումրիում․ վարչապետի հանձնարարականի պատշաճ կատարումը առաջնահերթություն է
Ալեն Սիմոնյանը հրապարակել է պատգամավորի երդման առաջարկվող նոր տեքստը․ այն շուտով կդրվի քվեարկության
Օդի ջերմաստիճանը կնվազի 4-5, այնուհետև կբարձրանա 2-3 աստիճանով․ առանձին շրջաններում հորդառատ տեղումներ կլինեն
Շիրակի մարզպետն ու Ճանապարհային դեպարտամենտի տնօրենը շրջայցով եղել են Գյումրու Շիրակացի փողոցում
Ուրսուլա ֆոն դեր Լայենը պլանավորում է այցելել Հայաստան. Politico
Իջևան համայնքի սեփականության իրավունքն է վերականգնվել 2,4 մլն դրամ արժեքով հերթական հողամասի նկատմամբ
Սաղաթելյանի հայտարարագրի գույքը եղել է առգրավման ենթակա. նրա կնոջ մեքենաներում հայտնաբերվել են զարդեր և փողեր
Յունիբանկը և Unisport ակումբը մասնակցել են «Tricolor» Yerevan Beat Run վազքին
Վերջին 3 ամսում ՀԷՑ-ի վթարային անջատումների միջին տևողության ցուցանիշը բարելավվել է շուրջ 36,7%-ով. Պետրոսյան
Հաստատվել է Առողջության համընդհանուր ապահովագրության հիմնադրամի հոգաբարձուների խորհրդի կազմը
BSTDB-ն և IDBank-ը ստորագրել են 10 մլն եվրոյի ֆինանսավորման փաթեթ՝ ՀՀ-ում ՓՄՁ-ներին և առևտրին աջակցելու համար
ՊՆ-ն հայտարարում է լսումներ և դիտումներ՝ ԶՈՒ-ն երաժիշտ և պարող մասնագետ զորակոչիկներով համալրելու նպատակով
Մեր սուր ելույթին պետք է սուր ելույթով պատասխանել. Գրիգորյանը՝ քաղաքապետարանում ծեծկռտուքի մասին
Ռուս-հայկական համալսարանը փոխել է պաշտոնական անվանումը
Կաշիներդ քերթվելու է, բոլորինդ՝ բոլոր ընտրակաշառք բաժանողներինը. չեք պատկերացնում՝ ինչ է սպասվում. Ավինյան
300 հազար ադրբեջանցու թեզի տակից դուրս չեք գալու, քաղաքական պատասխանատվության ճանապարհ եք անցնելու. Սիմոնյան
Բագրատունյաց 16 հասցեում վերաբացվեց Ucom-ի Վաճառքի և սպասարկման կենտրոնը
Ազնիվ տարբերակով չեն կարողանում ասել, որ վազելով գալու են խորհրդարան, հիմա փորձում են դա փաթեթավորել կեղծիքով
Երևանի Արզումանյան փողոցի չորրորդ կարգի վթարային 2 շենքի փոխարեն նոր բազմահարկ շենքեր կկառուցվեն. Ավինյան
Յուրայիններին կհավատացնեն, թե թեժ պայքար են տանում հայրենիքի համար, ՀՀ տեղափոխվող կոկորդիլոսների դեմ. Չախոյան
Բաքվում պահվող հայ գերիների բանտարկության 1000-րդ օրվա կապակցությամբ ԱՄՆ Կոնգրեսում ասուլիս կկայանա
Հունիսի 28-ին Երևանի կենտրոնական մի շարք փողոցներում ժամանակավորապես կսահմանափակվի երթևեկությունը
Ստեղծվել է կարկտահարությունների դեպքերի ուսումնասիրման աշխատանքային խումբ
Իրավապահները առգրավել են Իշխան Սաղաթելյանի զարդերը, գումար. նա ԴԱՀԿ պարտավորությունները չի կատարել
Վառելիք տեղափոխող բեռնատարը Դալարիկի մոտ բախվել է գնացքին. կա տուժած
