Թեղուտի հանքը կշահագործվի այս տարվա 3-րդ եռամսյակում. Շնողի գյուղապետ

Լոռու մարզի խոշորացված Շնող համայնքի կազմի մեջ 3 բնակավայր է մտնում՝ Թեղուտ, Քարկոփ ու Շնող: Բնակչությունն անցնում է 4200-ը: Զբաղվածությունը տարբեր է՝ հողագործություն, անասնապահություն ու հանքարդյունաբերություն: Թեղուտի հանքի շահագործման տարիներին միայն Շնողից 220 հոգի այնտեղ էր աշխատում:

Շնող խոշորացված համայնքի ղեկավար Դավիթ Ղումաշյանը լրագրողների հետ զրույցում նշեց, որ Թեղուտի հանքի գործունեության դադարից հետո արտագնա աշխատանքի մեկնողների թիվն ավելացել է, սակայն չի մեծացել. «Թեղուտի հանքը ժողովրդին միշտ սպասողական վիճակի մեջ է պահել, որ այսօր-վաղը կբացվի, ու հիմա փառք Աստծո, կարծես խոսակցություններ կան, որ ներդրողներ են հայտնվել, վերաբացման գործընթացն է ակտիվանում»,-ասաց վարչական ղեկավարն ու մանրամասնեց. ««ՎՏԲ» բանկն է որպես ամենամեծ բաժնետեր, ռուսաստանաբնակ Նորիկ Պետրոսյան ունենք, ներդրողներից մեկն էլ ինքն է, այս պահին ընթացքի մեջ են վերագործարկման աշխատանքները»:

Դավիթ Ղումաշյանի խոսքով՝ նախատեսվում է գործարանը շահագործել այս տարվա 3-րդ եռամսյակում, սակայն հստակ օր դեռեւս հայտնի չէ.«Բանակցություններ ու քննարկումներ ենք արել տնօրինության հետ, որպեսզի այն մարդիկ, ովքեր Թեղուտ եւ Շնող համայնքներից ժամանակին աշխատել են, հնարավորինս կրկին ընդգրկվեն»:

«Վալեքս» խմբի ընկերությունների մեջ մտնող «Թեղուտ» գործարանը ներկայումս անվանափոխվել ու դարձել է «Թեղուտ մայնինգ»:

Լրագրողների հարցին՝ ի վերջո հանքի շահագործումը դրական, թե բացասական ազդեցություն կթողնի համայնքների վրա, ու ինչպես են ընդունում հենց իրենք՝ բնակիչները, Ղումաշյանն ասաց. «Եթե ասեին, որ նոր հանք են ուզում բացել, ես դեմ կլինեի, բայց սա տարիների պատմություն ունեցող հանք է, ու եթե այն չվերագործարկվի, ավելի վատ երեւույթներ կլինեն, հանքի վերջնական փակելը, իմ կարծիքով՝ աղետալի կլինի թե՛ բնապահպանական տեսակետից ու թե՛ սոցիալական, մեծ արտագաղթ կառաջանա»:

Խոշորացված համայնքի ղեկավարն ասում է, որ հանքի աշխատելը գյուղում մի շարք խնդիրներ էր լուծում. «Հույս ունեմ, որ նոր տնօրինության հետ ավելի արդյունավետ կաշխատենք ու ավելի շատ սոցիալական ներդրումներ կարվեն»:

Խոսելով խոշորացված համայնքի կազմի մեջ մտնող բնակավայրերի խնդիրներից, վարչական ղեկավարը լրագրողների ուշադրությունը հրավիրեց Քարկոփ եւ Թեղուտ բնակավայրերի չգազաֆիկացված լինելու վրա. «Այն ժամանակ, երբ խոսում էինք «Թեղուտ» ՓԲԸ-ի հետ, իրենց մոտ էլ մեծ ցանկություն կար ներդրումներ անել ու գազաֆիկացնել համայնքը, բայց չստացվեց»:

Համայնքի ղեկավարն ասում է, որ Թեղուտ եւ Քարկոփ համայնքների չգազաֆիկացված լինելը բնապահպանական խնդիրներ է նաեւ առաջացնում. «Ժողովուրդը ստիպված անտառ է հատում, մի մասը՝ օրինական, մի մասը ապօրինի, ու եթե գազաֆիկացում լինի, ես համզոված եմ, որ գյուղացիները օրինականն էլ չեն հատի ու բնակարանները գազով կտաքացնեն»,-ասաց Ղումաշյանը, օրինակ բերելով Շնող համայնքը, որտեղ բնակչության մեծ մասը բնակարանները գազով է տաքացնում:

Կապույտ վառելիքը բնակավայրեր հասցնելու խնդրով բազմիցս դիմել են տարածքային կառավարման եւ զարգացման նախարարություն, այնտեղից ուղղորդել են գազպրոմ, որտեղից էլ պատասխանել են, թե տնտեսապես ձեռնտու չէ Թեղուտ համայնքում գազաֆիկացում անցկացնել. «Ինձ համար էդ մոտեցումը հասկանալի չէ, քանի որ օգուտից բացի պետք է մի քիչ էլ բնակիչների հարմարավետության մասին խոսել: Նույն վիճակն էլ Քարկոփում է, եթե Թեղուտը ընգրկված է որպես անտառամերձ համայնք ու տարեկան 8 խմ թափուկ են տալիս, Քարկոփը դրա մեջ էլ չի ընդգրկված: Մենք պատրաստ ենք գազաֆիկացման համար թե՛ ներդրողներ գտնել ու թե՛ ներդրումներ անել, բայց շահագրգռվածություն իրենց կողմից չկա»,-ասաց վարչական ղեկավարը:
Հոդվածը պատրաստվել է Հայաստանում միգրացիոն քաղաքականության միջազգային կենտրոնի գրասենյակի կազմակերպած մեդիատուրի շրջանակներում:

Տպել
1001 դիտում

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել

30-ն անց աղջիկներին տանջող հարցերից է՝ «Տանը մնացի՞». Թամարա Պետրոսյանը նոր մոնո ներկայացմամբ հանդես կա