Արմավիրի մարզի 3 համայնքներում հունիսի 9-ին տեղի կունենան համայնքապետի արտահերթ ընտրություններ. նախկիններն արտագաղթել են

Հունիսի 9-ին Արմավիրի մարզի 3 համայնքներում տեղի կունենան համայնքապետի արտահերթ ընտրություններ: Համայնքի ղեկավար կընտրեն Նորակերտ, Վարդանաշեն եւ Ապագա գյուղերում:

Ավելի վաղ հայտնել էինք, որ Արմավիրի մարզի 3 համայնքերի` Նորակերտի, Ապագայի եւ Վարդանաշենի համայնքապետերը ամիսներ առաջ հրաժարական էին տվել:

Արմավիրի մարզպետ Համբարձում Մաթեւոսյանը մեր զրույցում ասաց, որ համայնքապետերը հրաժարական են տվել անհայտ պատճառներով, ընդ որում՝ Վարդանաշենի համայնքապետ Արթուր Մանուկյանը 2-րդ անգամ է հրաժարական ներկայացրել՝ հավանաբար գիտակցելով, որ հեղափոխությունից հետո նոր Հայաստանի պայմաններում այլեւս հնարավորություն չէր ունենալու աշխատել նախկին իշխանությունների սիստեմով եւ այլեւս չէր կարողանալու արդարացնել գյուղացիների սպասելիքները:

Արմավիրի մարզպետարանի աշխատակազմի տեղական ինքնակառավարման եւ համապետական գործադիր մարմինների հարցով վարչության պետ Արսեն Ղուկասյանից տեղեկացանք, որ հրաժարական տված 3 համայնքապետերն էլ հունիսի 9-ին կայանալիք ընտրություններում չեն առաջադրվելու, քանի որ գտնվում են ԱՄՆ-ում:

Համայնքապետի թեկնածուների գրանցման ժամկետը մեկնարկելու է հաջորդ ամիս․ այս պահին գրանցված թեկնածուներ չկան:

Վարդանաշենի համայքապետի հրաժարականից հետո ժամանակավոր պաշտոնակատար նշանակված Ազատ Գրիգորյանը մեր զրույցում ասաց, որ չի պատրաստվում առաջադրվել համայնքապետի ընտրություններում, քանի որ Վարդանաշեն համայքնի բնակիչ չէ:

«Վարդանաշեն համայնքի համայնքապետի հրաժարականի պահանջով գյուղը 2 մասի էր բաժանվել: Համայնքապետ Արթուր Մանուկյանը հրաժարական տվեց գյուղը չպառակտելու համար, քանի որ գյուղացիների բողոքները չէին դադարում: Ես շատ մեծ սիրով եւ պատրաստակամությամբ կատարում եմ իմ պարտականություները,  ճիշտ է՝ ես գյուղում եմ  բնակվում, բայց գրանցված եմ Արմավիր քաղաքում: Այդ պատճառով էլ չեմ առաջադրվելու ընտրություններում, քանի որ չեմ ցանկանա, որ գյուղը նորից պառակտվի»,- ասաց Վարդանաշենի ժամանակավոր պաշտոնակատարը` հավելելով, որ եթե այլ թեկնածուներ չլինեն եւ բնակիչները միաձայն ցանկանան, ապա ինքը կդնի իր թեկնածությունը:

Իսկ Նորակերտ եւ Ապագա համայնքների ժամանակավոր պաշտոնակատարներ Արման Պետրոսյանը եւ Պետրոս Ավագյանը մեր զրույցում հայտնեցին, որ իրենք պատրաստվում են առաջիկա ընտրություններում առաջադրվել:

Ի դեպ՝ Ապագայի համայնքապետի ժամանակավոր պաշտոնակատար Պետրոս Ավագյանը տասը տարի է՝ աշխատում է գյուղապետարանում, բայց առաջին անգամ է առաջադրվելու համայնքապետի պաշտոնում։ 

Տպել
495 դիտում

Սպանություն Կոտայքի մարզում. Աբովյանի Թիվ 7 դպրոցի բակում հայտնաբերվել է 34-ամյա երիտասարդ տղայի դի

«Արմենիա» Բ/Կ տեղափոխված դանակահարված տղամարդը ժամեր անց մահացել է, հարուցվել է քրգործ

Մեր կրթաթոշակով սովորած ուսանողները պարտավորվում են վերադառնալ եւ աշխատել հայրենիքում. Աննա Հակոբյան

Վենետիկի հանձնաժողովի արձանագրությունը ներքին շրջանառության փաստաթուղթ է, պիտի պարզենք՝ ինչպես է հրապարակվել․ Կարապետյան

Հավաքվել է մոտ 3 մլն դոլար, ծախսվել՝ մոտ 2 մլն. Աննա Հակոբյանը ներկայացնում է հիմնադրամների աշխատանքը

Զարեհ Սինանյանն ընդունել է ՀՀ-ում Ֆրանսիայի Հանրապետության արտակարգ և լիազոր դեսպանին

Ո՞վ է 8 տարի Շիրակում ապրած հովիվ աղջիկը, ինչպես է հայտնվել եւ ապրել ֆերմեր Թորոսյանի տանը

ՀՀ դեսպանը հանդիպել է ԱՄԷ կրթության նախարարի հետ. խոսել են համատեղ կրթական-գիտական ծրագրերի մասին

6 անշարժ գույք, 2 ավտոմեքենա, 250 հազար դոլար, 12 մլն դրամ. քաղաքաշինության կոմիտեի նախագահի ունեցվածքը

«Սանիթեքը» ոչ մեկի հետ չի խոսում շանտաժի լեզվով. ընկերությունը պատասխանում է քաղաքապետին

ԱԱԾ-ում չգիտեն, թե ինչքան գումար է տրամադրվելու ՀԱՊԿ շրջանակում տեղեկատվական համակարգ ներդնելու համար

Մենք ռիսկերը մինիմալի կարող ենք հասցնել, բայց խնդիրը ամբողջությամբ վերացնել չենք կարող. մարզպետը՝ քարաթափման դեպքի մասին

Նախորդ տարի Սեւանում նույն պատկերն արձանագրվելուց հետո ինչ է արվել 1 տարում. պարզաբանում է նախարարը

Սահակյանցն ու մայրը կինեմատոգրաֆիստների միությունից դուրս են եկել «Ոսկե ծիրան»-ի մրցանակների պատճառով

Հրշեջ-փրկարարները մարել են մոտ 15.2 հա խոտածածկ տարածքներում բռնկված հրդեհները

Կրակել, ապա դանակահարել է․ նոր հաղորդում Նարեկ Սարգսյանի եւ նախկին պատգամավոր Արթուր Մանուկյանի դեմ

Այգավան գյուղի կամրջի մոտակայքում տեղի ունեցած վթարի արդյունքում 4 մարդ է տեղափոխվել հիվանդանոց

Աշխարհում չկա այնպիսի մարդ, որը կարող է երևանցիների հետ շանտաժի լեզվով խոսել. Մարությանը՝ «Սանիթեքի» մասին

25 տարի անց. «Առյուծ արքայի» նոր տարբերակի համաշխարհային պրեմիերան կայացել է. կլինի նաեւ ՀՀ-ում (տեսանյութ) 

Նիկոլ Փաշինյանը հյուրընկալել է իր հետ հանդիպելու ցանկություն հայտնած ամերիկահայ 6-ամյա տղային (լուսանկարներ, տեսանյութ)