«Սեւան», «Հայաստան», «Դինամո» ՄԿՀ-ները խնդրում են Փաշինյանին պահպանել դրամաշնորհով ֆինանսավորումը

«Սեւան», «Հայաստան», «Դինամո» մարզական հասարակական կազմակերպությունները դեմ են մրցութային կարգով ֆինանսավորմանը: Նրանք ՀՀ վարչապետ Նիկոլ Փաշինյանին խնդրում են պահպանել նախկին ձեւը՝ դրամաշնորհը: Այսօր՝ ապրիլի 30-ին, 3 կազմակերպությունները համաժողով անցկացրեցին, որի ընթացքում ներկայացրին վարչապետին ու կառավարությանն ուղղված իրենց համատեղ դիմումը:

Կազմակերպությունները մրցութային կարգով ֆինանսավորել որոշվել էր 2018 թ. դեկտեմբերին, ինչից հետո խնդիրներ էին առաջացել: Այդ մասին այսօր իրենց զեկույցներում անդրադարձան «Հայաստանի» նախագահ Ռազմիկ Ստեփանյանը, «Դինամոյի» նախագահի առաջին տեղակալ Արմեն Մկրտչյանը եւ «Սեւանի» խորհրդի նախագահ Բազմասեր Առաքելյանը: Ըստ նրանց՝ մրցութային կարգը կխանգարի իրենց բնականոն գործունեությանը: Առաքելյանը մասնավորապես խոսեց աշխատավարձերի խնդրից: ՄՀԿ-ների աշխատողներն այս տարվա սկզբից մոտ 3 ամիս աշխատավարձ չէին ստացել ու ստացան միայն այն ժամանակ, երբ կառավարությունը 6 ամսով հետաձգեց մրցութային կարգին անցնելը:

«Երեւի թե չստանային էլ (խմբ. աշխատավարձերը), եթե չեղյալ չհամարեին»,- ասաց նա՝ 3 կազմակերպությունների աշխատակիցների անունից շնորհակալություն հայտնելով որոշումը հետաձգելու համար:

Արսեն Ջուլֆալակյան

ՄՀԿ-ներն իրենց բարձրաձայնած հարցում աջակիցներ ունեն Ազգային ժողովում ու կառավարությունում: Այսօր համաժողովին ներկա էին ու իրենց դիրքորոշումը հայտնեցի նաեւ ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի անդամ, օլիմպիական փոխչեմպիոն ըմբիշ Արսեն Ջուլֆալակյանը եւ ՀՀ Սպորտի եւ երիտասարդության հարցերի փոխնախարար Գեւորգ Լոռեցյանը: «Հայկական ժամանակ»-ի հետ զրույցում Ջուլֆալակյանն ընդգծեց, որ մրցութային կարգի դեպքում կազմակերպչական խնդիրներ են առաջանում: Նշեց, որ ՄՀԿ-ների դեպքում ֆինասավորման լավագույն ձեւը դրամաշնորհն է:

«Այս պահին ավելի լավ տարբերակ իմ մտքին չի գալիս եւ չեմ էլ տեսնում առաջարկի տեսքով»,- ասաց նա:

Գեւորգ Լոռեցյան

Լոռեցյանն իր ելույթում նախ տեղեկացրեց, որ դրամաշնորհով ֆինանսավորման կարգը երկարագձգվելու է մինչեւ տարվա վերջ: Նաեւ ասաց, որ ՄՀԿ-ների վերաբերյալ քննարկում է ունեցել Ջուլֆալակյանի հետ, ու շուտով հանդես կգան օրենսդրական նախաձեռնությամբ: Ավելի ուշ ՀԺ-ի հետ զրույցում նա պարզաբանեց՝ ինչ օրենքի մասին է խոսքը:

«Մինչեւ տարեվերջ կներկայացնենք ՄՀԿ-ների մասին օրենքի նախագիծը, որով հստակ կֆիքսենք մարզական հասարակական կազմակերպություն տերմինը, որն այսօր դե ֆակտո կա, դե յուրե չկա, ու դրանից հետո կֆիքսենք նաեւ պետական աջակցության տրամադրման ձեւերը»,- ասաց նա:

Փոխնախարարը կարծիք հայտնեց, որ մրցութային կարգով ֆինասավորում չի կարող տրամադրվել: Կազմակերպված մրցույթն էլ, ըստ նրա, եղել է, այսպես ասած, «հատուկ կարած», որը կարող էին հաղթել միայն տվյալ ՄՀԿ-ները, հետեւաբար ավելի ճիշտ է այլ կարգ սահմանել: Նրա կարծիքով՝ ամենայն հավանականությամբ պետական աջակցությունը պետք է լինի դրամաշնորհով, քանի որ ուղիղ ֆինասնավորման միակ տարբերակն է: Ինչ վերաբերում է նրան, թե ինչու է նախ դեկտեմբերի մրցութային կարգին անցնելու որոշում կայացվել, իսկ հիմա էլ փոխվում է, Լոռեցյանը պատասխանեց.

«Դա եղել է ֆինանսների նախարարության առաջարկությունը, ինչքանով ես տեղեկացված եմ, ինձ թվում է՝ նրանք այդ հարցին ավելի լավ կպատասխանեն, որովհետեւ ընդհանուր որոշում է եղել, մենակ սպորտի մասով չէ, որ եղել է, նույն խնդիրը մշակույթի նախարարությունն է ունեցել, ունեցել է կրթության նախարարությունը»,- ասաց նա:

Այսօրվա համաժողովին, բացի պաշտոնյաներից ու ՄՀԿ-ների ղեկավարներից, ներկա էին մի շարք մարզիչներ ու մարզիկներ: Նրանց թվում էին օլիմպիական չեմպիոն, ՀՀ հունահռոմեական ոճի ըմբշամարտի հավաքականի գլխավոր մարզիչ Լեւոն Ջուլֆալակյանը, ծանրորդներ, Եվրոպայի չեմպիոններ Անդրանիկ Կարապետյանը եւ Հռիփսիմե Խուրշուդյանը, Եվրոպայի չեմպիոն ըմբիշ Արսեն Հարությունյանը, Եվրոպայի 18-22 տարեկանների առաջնության չեմպիոն բռնցքամարտիկ Անուշ Գրիգորյանը եւ այլն:

Լուսանկարները՝ «Հայկական ժամանակ»-ի 

Տպել
400 դիտում

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան

Մարկ Փրիթչարդի հետ քննարկվել են բարձր տեխնոլոգիաների եւ ճանապարհաշինության ոլորտներում գործակցության հնարավորությունները

Ադրբեջանում հայերի նկատմամբ ռասիստական դրսեւորումներն անհնար դարձրին Մխիթարյանի մեկնելը Բաքու. ՀՀ ԱԳՆ մեկնաբանությունը

Համաշխարհային մաքսային կազմակերպության փորձագետները տպավորված են վերջին 10 տարիներին ՀՀ ՊԵԿ-ում տեղի ունեցած առաջընթացից

ՊԵԿ նախագահ Դավիթ Անանյանն արձակուրդ է գնում, նրան կփոխարինի Ռաֆիկ Մաշադյանը