Քոչարյանի պաշտպան Ռուբեն Սահակյանը հանդիսացել է իմ գործատուն. ինքնաբացարկ հայտնած դատավորը երեք հիմք է նշել

Ռոբերտ Քոչարյանի, Սեյրան Օհանյանի, Արմեն Գեւորգյանի եւ Յուրի Խաչատուրովի գործով երեկ ինքնաբացարկ հայտնած Երեւան քաղաքի ընդհանուր իրավասության դատարանի դատավոր Վարդան Լեւոնի Գրիգորյանը ներկայացրել է այն հիմքերը թե ինչու է նման որոշում կայացրել:

Դատական տեղեկատվական համակարգում տեղադրված է ինքնաբացարկ հայտնելու հիմքերը: Ըստ այդմ՝ Գրիգորյանը նշել է, որ ծանոթանալով քրեական գործի նյութերին, ուսումնասիրելով այն, պարզել է, որ սույն գործն անջատվել է դեռեւս 2008 թվականին հարուցված եւ ՀՀ հատուկ քննչական ծառայությունում քննվող քրեական գործից, իսկ այդ գործով նախաքննության ընթացքում, ինչպես նաեւ այդ գործից հետագայում անջատված մասերով նաև դատարաններում, իրականացրել է երկու մեղադրյալների շահերի պաշտպանություն: Որպես երկրորդ հիմք Վարդան Գրիգորյանը նշել է, որ 2018 թվականի դեկտեմբերի 28-ին Երեւան քաղաքի առաջին ատյանի ընդհանուր իրավասության դատարանի նախագահի կողմից իրեն է մակագրվել ՀՀ հատուկ քննչական ծառայության ընդհանուր բնույթի հանցագործությունների քննության վարչության ՀԿԳ ավագ քննիչ Հր.Մուշեղյանի միջնորդությունը` թիվ 62202608 քրեական գործով մեղադրյալ Վահագն Հարությունյանի նկատմամբ որպես խափանման միջոց կալանավորումը կիրառելու վերաբերյալ։ Այս գործով Գրիգորյանը, դատախազի միջնորդության հիման վրա, 2018թ-ի դեկտեմբերի 29–ին հայտնել էր ինքնաբացարկ:

Գրիգորյանը որպես ինքնաբացարկի հիմք նաեւ նշել է, թե ինքը ժամանակին աշխատել է ՓՊ-ում գործով մեղադրյալներից Ռոբերտ Քոչարյանի շահերի պաշտպան Ռուբեն Սահակյանի ղեկավարության ներքո։ «Ես 2007 թվականից մինչեւ 2014 թվականը աշխատել եմ ՀՀ փաստաբանների պալատի հանրային պաշտպանի գրասենյակում եւ ինձ հետ աշխատանքային պայմանագիրը, որպես գործատու, 2007 թվականին կնքվել է, ինչպես նաեւ հետագայում այդ պայմանագարի ժամկետը երկարացվել է ՀՀ փաստաբանների պալատի նախագահ Ռ.Սահակյանի կողմից»,–նշել է նա: «Այսպիսով, հաշվի առնելով այն հանգամանքը, որ թիվ 62202608 քրեական գործով ես հանդիսացել եմ այդ գործով երկու մեղադրյալների պաշտպան, հանդես եմ եկել պաշտպանության կողմում, բացի այդ` գործով մեղադրյալներից Ռոբերտ Սեդրակի Քոչարյանի շահերի պաշտպան, ի թիվս այլոց, հանդիսանում է նաեւ ՀՀ փաստաբանների պալատի անդամ Ռուբեն Սահակյանը, որը նակինում տարիներ շարունակ հանդես է եկել որպես իմ գործատու, իսկ այդ հանգամանքները դատավարության մասնակիցների կամ օբյեկտիվ եւ անաչառ դիտորդի մոտ կարող են ողջամիտ կասկած հարուցել դատավորի անկողմնակալության եւ անաչառության վերաբերյալ, ըստ դրա էլ կասկածի տակ կարող է դրվել քրեական գործի ողջ դատական քննության օբյեկտիվությունը, ինչպես նաեւ քրեական գործի քննության շրջանակներում կայացվելիք դատական ակտերի արդարացիությունը, հետեւաբար արդարադատության շահերից ելնելով գտնում եմ, որ անհրաժեշտ է հայտնել ինքնաբացարկ»,- որոշման մեջ նշել է դատավորը:

Հիշեցնենք, որ Ռոբերտ Քոչարյանի եւ մյուսների գործի քննությունը համակարգչային եղանակով պատահական բաշխման սկզբունքով վերամակագրվել է Երեւան քաղաքի առաջին ատյանի ընդհանուր իրավասության դատարանի դատավոր Դավիթ Գրիգորյանին։

Տպել
1310 դիտում

Ինչու են վաղը փակվելու դատարանների մուտքերը եւ ինչպիսին է լինելու ընթացքը. վարչապետը մանրամասնում է (տեսանյութ)

Արմավիրում Opel-ը բախվել է կայանված Nissan-ին, վերջինն էլ վրաերթի է ենթարկել 3 հոգու

Գիզայի պայթյունից նախնական տվյալով ՀՀ քաղաքացիներ չեն տուժել. ԱԳՆ

Վաղը 08.30-ից արգելափակում ենք հանրապետության բոլոր դատարանների ելքերն ու մուտքերը. վարչապետ

13-ամյա աղջկա հղիությանն առնչվող տեսանյութը հեռացվել է ամբողջությամբ. ՄԻՊ

Ժամը 12.00-ին կհայտարարեմ Հայկական հեղափոխության՝ երկրորդ, ամենակարեւոր փուլի մեկնարկը. վարչապետ

ՀՀ վարչապետը վաղը կարեւոր հայտարարություն է անելու դատաիրավական համակարգի վերաբերյալ

Ուկրաինայի նախագահի երդմնակալությանը կմասնակցի Տիգրան Ավինյանի գլխավորած պատվիրակությունը

Օպերայի եւ բալետի թատրոնում ռումբի մասին ահազանգը կեղծ է եղել. մարդկանց տարհանել են, տեղազննում իրականացրել

Ջերմաստիճանը 4-5 աստիճանով կնվազի, առաջիկա օրերին անձրեւներ են սպասվում

Նախարար Բաթոյանն անդրադարձել է 13-ամյա երեխայի հղիությանն ու կոչ արել այլեւս չտարածել տեսանյութը

Օպերայի և բալետի ազգային ակադեմիական թատրոնի շենքում ռումբի առկայության մասին ահազանգ է եղել

Արմեն Գրիգորյանը Լոս Անջելեսում մասնակցեց «Ինովեյթ Արմենիա» ամենամյա 4-րդ փառատոնին

Վարչապետն այցելել է ՊՆ կենտրոնական կլինիկական զինվորական հոսպիտալ (լուսանկարներ)

Հանգիստ եղեք, ոչինչ չի մոռացվել, ոչ մեկը չի խուսափի արդարադատությունից. Սիմոնյանը՝ Քոչարյանի դատավարության մասին

Կապանի 28-ամյա բնակչուհին որոնվում է որպես անհետ կորած

Գյումրու մարզադպրոցում ապօրինություններ են բացահայտվել․ յուրացվել է մոտ 17 մլն դրամ

Ինքնաթիռում 3 ժամ տեւած ոչ ֆորմալ հանդիպում են ունեցել ՀՀ եւ ՌԴ ներկայացուցիչները. Ալեն Սիմոնյան

Վթար Երևան-Սևան ավտոճանապարհին.մեկ մարդ զոհվել է, մյուսի վիճակը միջին ծանրության է

Շիրակի մարզում իրականացվել է հատուկ «Ջութակ» օպերացիան. կան բերման ենթարկվածներ