Սպորտի ոլորտում հեղափոխություն ենք իրականացնելու. Գաբրիել Ղազարյան

Հայկական սպորտում պետք է հեղափոխություն լինի: Այսօր՝ մայիսի 7-ին, լրագրողների հետ հանդիպման ժամանակ նման հայտարարություն արեց ՀՀ սպորտի եւ երիտասարդության հարցերի նախարարի պաշտոնակատար Գաբրիել Ղազարյանը: Նա անդրադարձավ այն կետերին, որոնց այդ հեղափոխությունն առնչվում է:

-Սպորտի ոլորտում մենք իրականացնելու ենք կոնկրետ հեղափոխություն: Հակիրճ ներկայացնեմ, նաեւ մասսայական սպորտին վերաբերող խնդիրներն են: Մի շարք ծրագրեր ենք ավելացրել: Հայաստանում անցկացնելու ենք «Տուր դե Արմենիա»: Սա առաջին անգամ է եւ վստահ եմ, որ դա լինելու է ավանդական: Անց ենք կացնելու նաեւ սիրողական հեծանվային սպորտին առնչվող մի շարք հանրապետական ծրագրեր, անց ենք կացնելուը հանրապետական կրոսավազք: Պետք է շեշտեմ, որ մոտ 10 հազար հոգի մասնակցելու է:

Ամենակարեւորն այն է, որ այս տարի ֆիզիկական կուլտուրայի եւ սպորտի օրենքի մեջ փոփոխություն եւ լրացումներ ենք կատարելու: Նոր խմբագրությամբ ներկայացնելու ենք ֆիզիկական կուլտուրայի եւ սպորտի օրենքը: Դրանով կարգավորվելու են սպորտի ոլորտի շատ հարցեր՝ կապված մեր մարզիկների, մարզիչների, սպորտի ոլորտի մի շարք ուղղությունների:

Մայիսի 17-18-ին Երեւանում անց է կացվելու մինչեւ 21 տարեկանների սպորտային պարերի աշխարհի առաջնություն: Նաեւ անց է կացվելու աշխարհի վարկանիշային առաջնություն, որին մասնակցելու են սպորտային պարերի աշխարհի լավագույն զույգերը:

Նաեւ այս տարի, երեւի, մեկնարկը կտանք, բայց մյուս տարի կիրականացվի: Կստեղծվի բարձրագույն վարպետության դպրոց: Շատ ենք կարեւորում այդ մարզական կառույցի հիմնադրում, ինչո՞ւ, որովհետեւ բոլորս էլ գիտենք, որ այսօրվա դրությամբ մանկապատանեկան մարզադպրոցներում 18 տարեկանից բարձր իրավունք չունեն գտնվելու եւ գրանցված լինելու: Այս կառույցը բոլոր հարցերը կլուծի, բացի դրանից լուծելու է մեր հավաքական մարզիչների խնդիրները եւ մի շարք ոլորտային խնդիրներ:

Նաեւ ուզում ենք այլ ինստիտուտ ստեղծել մեր մարզիչների համար, ոչ միայն հավաքականի մարզիչների, այլ մեր բոլոր մարզիչ-մանկավարժների համար. նրանց բժշկական ապահովագրության դաշտ բերելը:

Վարչապետի հանձնարարությամբ միասնական դաշտ պետք է բերվեն բոլոր մարզադպրոցները: Սա լինելու է կարեւորագույն օղակներից մեկը: Բոլոր մարզադպրոցները պետք է աշխատեն միասնական դաշտում: Բոլոր մարզադպրոցների մարզիչ-մանկավարժները պետք է վճարվեն համապատասխան միասնական դաշտում: Սխալ է, որ մեր ենթակայության դպրչոցների մարզիչ-մանկավարժները ստանում են ավելի բարձր, քան համայքնային կամ մարզային մարզադպրոցներում: Չեմ ասի, որ լինելու են մեծ կրճատումներ, աշխատողը էլի աշխատելու է եւ ստանալու է բարձր աշխատավարձ:

Շեշտ ենք դրել եւս մեկ կարեւոր օղակի վրա: Դա գիտամեթոդական հարցերի շուրջ խնդիրներն են: Շատ կցանկանայինք գիտահետազոտական կենտրոն բացել, որը կզբաղվի մի շարք ոլորտային հարցերով:

Մենեջմենթի հետ կապված. այսօր խոսում ենք, որ ֆեդերացիաները ստանում են համապատասխան պետական աջակցություն եւ այդ շրջանակներում իրականացնում են իրենց գործունեությունը: Նաեւ պետք է ինստիտուտը ստեղծել, որ սպորտային մենեջմենթը ՀՀ-ում պետք է բարձր մակարդակի բերենք: Ֆեդերացիաները նաեւ պետք է կարողանան հայթայթել գումար, ինչպես ամբողջ աշխարհում է: Մարզական ֆեդերացիաները, եթե զարգացման ցանկություն ունեն, պարտավոր են նաեւ այլ միջոցներ հայթայթեն: Պետք չէ միայն պետական բյուջեի վրա հիմնվել եւ սպասել՝ պետական բյուջեն որքան գումար կհատկացնի իրենց:

- «Տուր դե Արմենիայի» մասին կմանրամասնե՞ք:

- Շատ սպասված է, եւ մենք առաջին տարին չէ, որ ուզում էինք անցկացնել: Այս տարի անց ենք կացնելու: Անց է կացվելու 6 փուլով ՀՀ գրեթե բոլոր մարզերում: Հայտեր ունենք 8 երկրից, 13 թիմ է մասնակցելու՝ մոտավորապես 100 մարզիկ է մասնակցելու: Սա մեկնարկն է միջազգային խոշոր հեծանվային մրցումներից, որոնք մենք անցկացնելու ենք: Մի շաքր երկրներ անց են կացնում տու դե իրանց երկրի անվանումով: Մենք էլ պարտադիր պետք է անցկացնենք «Տուր դե Արմենիա»: Վստահ եմ, որ կաշխատենք բարձր մակարդակով: Պետք է այնպես անենք, որ տարեցտարի աշխարհագրությունը մեծացնենք: Լինելու է օգոստոսի 18-25-ը: Երկրների թվում են Ռուսաստանը, Բելառուսը, Լեհաստանը:

- Վերջերս աղմուկ եղավ Ռաֆայել Վահանյանի շախմատի մանկապատանեկան մարզադպրոցի շուրջ:

- Վահանյանի տարիք հետ կապված... համաձայն օրենքի՝ իրավունք չունի ներկայացնելու իր թեկնածությունը: Սա օրենքի ուժով է: Բայց պետք է բարձրաձայնեմ մեկ բան. մեր մասնագետները չպետք է մոռանանք, որ ունեն մեծ փորձ, գիտելիքներ, եւ մենք պարտավոր ենք այդ գիտելիքներն օգտագործել: Այդ փորձն ունենք, մեր մարզադպրոցներում գործում են խորհուրդներ, եւ այդ մարդիկ, որոնք իրականում կարողանում են ծավալել իրենց գործունեությունը, ուղղություն տալ, ինչո՞ւ չլինեն, օրինակ, խորհրդի նախագահ կամ խորհրդական: Մենք նրանց պոտենցիալը պարտավոր ենք օգտագործել:

- Գրոսմայստեր Լիլիթ Գալոյանը հայտարարել էր, որ ՀՀ Շախմատի ֆեդերացիան կեղծ փաստաթղթեր է ներկայացրել:

- Մանրամասներից տեղյակ չեմ, ընդհանուր թեմայից եմ տեղյակ, բայց չեմ կարոծում, որ որեւէ մարզական ֆեդերացիա կարող է օրենք խախտել:

- Խառնաշփոթ է ՀՀ Թաեքվոնդոյի ֆեդերացիայում: Պետք է նախագահական ընտրություններ կայանային, չկայացան:

- Որոշում կայացվեց օրենքի ուժով այդ ամենը անել: Օրենքի ուժով մոտակա ժամանակներս արդեն կհայտարարվի: Դա որոշում է խորհուրդը, խորհուրդը պետք է հավաքվի, պետք է դրական կարծիք լինի, օր որոշվի:Մոտական ժամանակներս այդ օրվա մասին կիմանաք:

Հ.գ. ասուլիսի ընթացքում Ղազարյանը խոսեց նաեւ օլիմպիական չեմպիոն, աշխարհի, Եվրոպայի չեմպիոն հունահռոմեական ոճի ըմբիշ Արթուր Ալեքսանյանի նոր մարզադպրոցի կառուցման, ՀՀ բռնցքամարտի ֆեդերացիայի շուրջ ստեղծված աղմուկի ու ՀՀ գրեթե բոլոր համայնքներում մարզաբազաներ կառուցելու մասին:

Տպել
549 դիտում

Քաջարան-Մեղրի և Վանաձոր-Ալավերդի-Բագրատաշեն ճանապարհահատվածները բեռնատարների համար փակ են

Մխիթարյանը գոլ է խփում «Ռոմայում» նորամուտի խաղում (տեսանյութ)

Սլավիկ Գալստյանը դարձավ ըմբշամարտի աշխարհի առաջնության բրոնզե մեդալակիր

Հենրիխ Մխիթարյանը «Ռոմա»-ի մեկնարկային կազմում է

Վանաձորում 32-ամյա տղամադրու վրա կրակոցներ արձակած, նրան վիրավորած կասկածյալը հայտնաբերվել է

ՀՀ զբոսաշրջության կոմիտեն հորդորում է խուսափել մոտ օրերս դեպի Արագած վերելքներ իրականացնելուց

Արթուր Ալեքսանյանն ապահովեց Տոկիո-2020-ի ուղեգիրը. ըմբշամարտի աշխարհի առաջնություն

Շուշիում մկրտվել են Ապրիլյան պատերազմում զոհված հերոսների հարազատները

Նիկոլ Փաշինյանը ցավակցական հեռագիր է հղել Մեծի Տանն Կիլիկիո Կաթողիկոս Արամ Ա-ին՝ մոր մահվան կապակցությամբ

Մեկնարկեց մարդու իրավունքների երկրորդ փառատոնը․ միջոցառումներ կանցկացվեն նաև Վանաձորում․ լուսանկարներ

Վրաերթ Կոտայքի մարզում. տուժածը հիվանդանոցում մահացել է

Զինված հարձակում՝ Կյոկուշին ֆեդերացիայի նախագահի նկատմամբ. Արման Բաբաջանյանն ահազանգում է

Երևանում տեղադրվել են պլաստիկ շշերի համար նախատեսված 4 սորտավորման ամաններ

Երևանի Արցախի պողոտայի տներից մեկում հրդեհ է բռնկվել, տուժածներ չկան

ԱՀ պետնախարարը հանդիպել է «Հայոց պետականության անցյալը, ներկան ու ապագան» միջազգային գիտաժողովի մասնակիցներին

1 մլն արժողությամբ 1,5 մետրանոց հեռուստացույցը կարող է ազդեցություն ունենալ. որ դեպքերում են զրկվում նպաստից

Հայաստան է ժամանել Քուվեյթի շեյխուհի Հուսա Սաբահ Ալ-Սալեմ Ալ-Սաբահը

Արցախի հիվանդանոցը կդառնա համալսարանական հիվանդանոց

Ապօրինի ծառահատում և զենք-զինամթերքի հայտնաբերում․ Իջևանի ոստիկանների բացահայտումը

Երևանում տեղի ունեցած խոշոր վթարից տուժած 2 երեխաները ստացել են առաջին բուժօգնություն եւ տուն են գնացել