Մեզ սպառնում են, որ մոտիկ չգնանք. Չիվայի գյուղապետն արոտավայրերը վաճառել է Կարեն Կարապետյանի նախկին խորհրդականին

Վայոց ձորի Չիվա գյուղի մի խումբ բնակիչներ արդեն մեկ տարուց ավելի է՝ պայքարում են սեփական գյուղում անասունների արոտավայրի համար:

Նախկին գյուղապետ Նաիրի Սարգսյանը, որը 14 տարի զբաղեցրել է գյուղապետի պաշտոնը, 2017 թվականին մոտ 90 հա հողատարածքը վաճառել է ՀՀ նախկին վարչապետ Կարեն Կարապետյանի խորհրդական Մհեր Տերտերյանին: Գյուղացիների խոսքով՝ մեկ տարվա մեջ հանրապետական նախկին գյուղապետ Նաիրի Սարգսյանն իրականացրել է երկու կեղծ գործարք: Նախ, ձեւակերպել է այնպես, իբր հողերը գնել են մի քանի գյուղացիներ, որոնք հետագայում պարզվել է, անգամ այդ հողատարածքների տեղը չգիտեն: Այնուհետեւ վաճառել են Մհեր Տերտերյանին:

Գյուղացիները վստահեցնում են, որ այդ բոլոր գործողությունները կազմակերպել է նախկին գյուղապետ Նաիրի Սարգսյանը: Այժմ այդ տարածքները պատկանում են Տերտերյանին, որը բազմաթիվ հսկիչներ է կարգել եւ թեժ աշխատանքներ են իրականացվում: «Նրանք բազմաթիվ աշխատողներ են բերել այդտեղ, մեզ սպառնում են, որ մոտիկ չգնանք, խաղողի այգիներ են տնկել, իրենց չի էլ հետաքրքրում, որ հասարակ գյուղացու օրվա հացն են խլում՝ թույլ չտալով այդ մի քանի անասունը պահել»,- ՀԺ-ի հետ զրույցում պատմեց Չիվայի բնակիչ Ժիրայր Գրիգորյանը:

Նախկին գյուղապետի թեթեւ ձեռքով գյուղացիները զրկվել են իրենց բազմամյա արոտավայրերից, իսկ Տերտերյանը դարձել է հսկայական հողատարածքների տեր, որի իրական սահմանները շատերին մինչեւ հիմա անհայտ է:

«Հայկական ժամանակ» դիմած Չիվայի բնակիչները հայտնեցին, որ խնդրին տեղյակ են Վայոց Ձորի մարզի իրավական եւ վարչական մարմինները, բայց ոչինչ էլ չի ձեռնարկվել: 2018 թվականին, երբ գյուղացիները բողոքի ալիք են բարձրացրել՝ պահանջելով համայնքի սեփականություն հանդիսացող տարածքները՝ Տերտերյանը լռեցնելու համար խոստացել է մի քանի հա հողատարածք վերադարձնել, սակայն խոստումն այդպես էլ խոստում է մնացել:

«Տերտերյանը քարուքանդ արեց անասունների խմոցները, մեր իրավունքներն են ոտնահարվել: Երկրում տեղի ունեցած թավշյա հեղափոխությունից հետ մենք հույս ունեինք, որ նոր իշխանությունները ականջալուր կլինեն մեր խնդրին, սակայն ցավով պետք է հայտնենք, որ մեր մարզում ոչինչ չի փոխվել, այստեղ միայն մարզպետ ու համայնքապետ են փոխվել, բայց ներքեւում նույն մարդիկ են, էլ չենք խոսում Վայոց Ձորի հատուկ քննչականի մասին, որը չգիտենք, թե ինչով է զբաղված, որ չի նկատում կատարվածը»,-պատմեցին Չիվայի բնակիչները:

Գյուղացիների հավաստմամբ՝ օրենքով պետք է համայնքային ժողով լիներ, աճուրդ կայանար, սակայն ոչինչ էլ չի եղել, իրենք շատ պատահական են իմացել, որ անասուններին այդ տարածք մտցնելն արգելված է: «Նախկին գյուղապետն ասում է, որ նախորդ ավագանին է թույլատրել: Այդ նույն ավագանին հետո հայտարարաեց, որ չեն իմացել, թե ինչ տարածքների մասին է խոսքը»,-ասացին նրանք:

Գյուղացիները դժգոհություն հայտնեցին, որ հարցը բարձրացրել են բոլոր ատյաններում, խնդրից տեղյակ է նաեւ տարածքային կառավարման եւ զարգացման նախարար Սուրեն Պապիկյանը, սակայն երբ վերջինս զանգահարել է մարզպետ Տրդատ Սարգսյանին եւ ներքեւի մնացած օղակներում աշխատողները Պապիկյանին վստահեցրել են, որ ամեն ինչ նորմալ է:

Արենի համայնքի ղեկավար Հուսիկ Սահակյանը մեր զրույցում նշեց, որ չգիտի, թե գյուղացիները որքանով են օբյեկտիվ ներկայացրել կատարվածը, սակայն կարող է վստահեցնել, որ իրենց կողմից քայլեր միանշանակ արվում են. «Մյուս կողմից էլ պետք է հասկանալ, որ հենց նույն տարածքում արդեն մոտ 100 աշխատատեղ է բացվել, տասնյակ հեկտարներ խաղողի այգիներ են հիմնվում»,-ասաց համայնքի ղեկավարը՝ վստահեցնելով, որ Տերտերյանը հողատարածքը ձեռք է բերել Չիվայի բնակիչներից, այլ ոչ թե նախկին գյուղապետից:

Նախկին գյուղապետ Նաիրի Սարգսյանի խոսքով՝ հողատարածքն օրինական ճանապարհով է վաճառվել, նախ, աճուրդի է հանվել, ապա վաճառվել: Մեր դիտարկմանը, թե գյուղացիները հակառակն են պնդում, ասում, որ ինքը մի քանի յուրայինների համոզելով՝ ստորագրություններ է կորզել, ապա կեղծ փաստաթղթեր ձեւակերպելով՝ մասերի բաժանել 90 հա հողատարածքն ու վաճառել, նախկին գյուղապետն ասաց. «Դա իրենց ասելով չէ, գործը հիմա քննչականում է, թող իրենք էլ պարզեն՝ կեղծ է եղել, թե՝ օրինական»:

Չիվայի վարչական ղեկավար Սեդա Հարությունյանի խոսքով՝ խնդրիը ուշադրության կենտրոնում է: Երկու տեղ են ընտրել, որտեղ ջրախմոցներ են տեղադրել, բայց բնակիչները սեփականաշնորհված հողերի կողքով են անցկացնում: «Այն տարածքը, որտեղ երկրորդ ջրախմոցն ենք տեղադրել, մի փոքր հեռու է, հենց որ գետը մի փոքր բարակի, այն կողմն էլ կարող են տանել: Որտեղ արոտը վաճառվել է, դիմացի կողմում տարածք կա, ընտրել ենք, շուտով եւս մեկ ջրախմոց կտեղադրենք»,-ասաց Սեդա Հարությունյանը:

Չիվայի վարչական ղեկավարը նաեւ հայտնեց, որ փորձում են այս պահին չմշակվող, բայց սեփականաշնորհված հողատարածքներ ձեռք բերել, սակայն դա այդքան արագ կատարվող գործընթաց չէ: Սեդա Հարությունյանի խոսքով՝ գյուղում միշտ էլ արոտավայրերի խնդիր է եղել, քանի որ դրանք շատ հեռու են, հիմա էլ որոշ մասը կորցնելուց հետո գյուղացիները խուճապի մեջ են:

Տպել
3842 դիտում

Շնչառական հիվանդություններ ունեցողները հանրային բաց վայրերում կարող են դիմակ չդնել (տեսանյութ)

Ալեքսանդր Ազարյանին կրկին բարեվարքության կոչ ենք անում. ՀՀ ՀՔԾ

Բոլոր ռեստորաններն էլ կարող են աշխատել. արգելվում են կենդանի կատարումները, պարերն ու սերտ շփում ենթադրող միջոցառումները

Հուլիսի 31-ին հրավիրվել է ՀՀ դատավորների հերթական ժողով

Բուժանձնակազմերի երկու առաքելություններն էլ Հայաստան են եկել իշխանությունների հրավերով. ՀՀ-ում Ֆրանսիայի դեսպանություն

ՀՀ ոստիկանապետ Վահե Ղազարյանը ներկայացրել է ոստիկանության պետի նորանշանակ առաջին տեղակալին ու շտաբի պետին (տեսանյութ)

Կոտայքի մարզում կարդիականացվեն խմելու և ոռոգման ջրի համակարգերը, կգազիֆիկացվեն և կլուսավորվեն մի շարք թաղամասեր

Մարդու իրավունքների պաշտպանը ռեստորանային ոլորտի հետ կապված գրություններ է հասեցագրել պարետատուն

Աշոտ Փաշինյանն արդեն տանն է. վարչապետը լուսանկար է հրապարակել

Դատարանը մերժեց Արա Բաբլոյանի նկատմամբ քրեական հետապնդումը դադարեցնելու միջնորդությունը

Թեժ գծի զանգերի նվազումը եւ ստուգայցերի արդյունքները վկայում են՝ խախտումները կտրուկ նվազել են․ ԱԱՏՄ

Դերասանն այլեւս չի միանա ռեստորաններում աշխատողների բողոքին. նախորդ անգամ նրան չեն լսել, բերման են ենթարկել, հարցը փակել

Աբրահամ Մանուկյանն ազատ կարձակվի. պաշտպանի վերաքննիչ բողոքը բավարարվեց

Հայ-իրանական սահման միջպետական նշանակության ավտոճանապարհին բեռնատար է կողաշրջվել. ճանապարհը միակողմանի փակ է

Եթե իմ ստորագրմանն է գալիս օրենք, որը որևէ սահմանադրական խնդիր չունի, ո՞րն է իմ ընտրությունը. նախագահ

ՍԱՏՄ լայնածավալ ստուգայցերի ու կրկնայցերի արդյունքում խախտումներ չեն հայտնաբերվել

Պետական պաշտոններ զբաղեցնող անձանց վերաբերյալ առաջին անգամ իրականացվել է բարեվարքության ստուգման գործընթաց

Օգոստոսին կմեկնարկի կենդանական աշխարհի հաշվառման գործընթացը

1 խաղում մրցավարական որոշումների արդյունքում չի կարող լուծվել առաջնության չեմպիոնի հարցը. ՀՖՖ նախագահը՝ «Շիրակին»

Անհամբեր սպասում ենք Աշոտին. Աննա Հակոբյանը լուսանկարներ եւ տեսանյութ է հրապարակել