Նորընտիր ռեկտորը խոստացավ հրաժարականի պահանջին պատասխանել վաղը. ուսանողները հայտարարեցին՝ մինչ այդ բոլորը կմնան շենքում

Երեւանի թատրոնի եւ կինոյի պետական ինստիտուտում կրքերը չեն հանդարտվում: Ուսանողները շարունակում են արգելափակած պահել շենքի մուտքերն ու ելքերը՝ թույլ չտալով դուրս գալ բուհի խորհրդի անդամներին, որոնք այսօր հրավիրված նիստում անցկացրել են ռեկտորի թափուր պաշտոնի մրցույթ եւ ընտրել միակ թեկնածուին՝ ժամանակավոր պաշտոնակար Լիլիթ Արզումանյանին:

Մրցույթին մասնակցելու համար դիմած մյուս երկու թեկնածուները չեն համապատասխանել ներկայացվող պահանջներին եւ դուրս են մնացել մրցակցությունից: Ուսանողները, սակայն, այլընտրանքային թեկնածուներ ու ծրագրեր էին պահանջում: Նրանք ժամանակ առ ժամանակ հնչեցնում են Երեւանի նախկին փոխքաղաքապետ, այս բուհի դասախոս Արամ Սուքիասյանի անունը: Նա ինքն էլ հայտարարել է, որ նոր ընտրություն լինեու դեպքում առաջադրելու է իր թեկնածությունը:

Մուտքն արգելափակած ուսանողները նաեւ թույլ չէին տալիս ներս մտնել ոստիկաններին: Միայն նրանից մեկին տվեցին այդ հնարավորությունը՝ ԱԺ պատգամավոր, ԵԹԿՊԻ խորհրդի անդամ Լուսինե Բադալյանի հորդորներից հետո: Ոստիկանության ներկայացուցիչն առաջարկեց բողոքի ակցիան շարունակել եւ իրենց իրավունքն իրացնել շենքից դուրս՝ չխոչընդոտելով այլոց իրավունքները: Նա նաեւ հիշեցրեց, որ ուսանողները կարող են ենթարկվել քրեական պատասխանատվության:

Մինչ այդ, ուսանողների մոտ էր իջել արդեն ընտրված ռեկտոր Լիլիթ Արզումանյանը եւ դիմել հավաքված ուսանողներին: Նա նախ վստահեցրեց, որ խորհրդի անդամներից եւ ոչ մեկը, ինչպես նաեւ ինքը, ոստիկաններին չի հրավիրել ու ենթադրեց, որ նրանք եկել են՝ տեղի ունեցողի մասին թերեւս իմանալով ուղիղ հեռարձակման միջոցով:

«Ես երեկ ձեզ ասացի, որ կհայտնեմ ինքնաբացարկ: Բայց դուք մոռանում եք, որ այսօր ես այդ իրավասությունը, փաստորեն, չունեմ: Երեկ երեկոյան եղել եմ նախարարի մոտ: Հավատացեք, որ ես նախարարի «մարդը» չեմ, այսպես ասած: Այդպիսի բան չկա: Եթե այդպես լիներ, ինձ գործից չէր հանի (նկատի ունի՝ ԲՈԿ նախագահի պաշտոնից-խմբ.): Այս ամեն ինչը, բնականաբար (երեխեք, ես երդվում եմ), ինձ վրա շատ ծանր է նստում: Ես այսօր ասացի խորհրդում՝ ոչ մի ջահելի չէի ցանկանա, որ իր ամբողջ կյանքի ընթացքում ապրեր այն, ինչ ես ապրեցի այս երկու օրը: Հավատացեք, ոչ մեկիդ չէի ցանկանա: Խնդրում եմ, հասկացեք նաեւ նախարարին, նա ներկայացնում է պետություն: Ինքը ինձ ասաց՝ տիկին Արզումանյան, մենք ձեզ նշանակել ենք՝ հաշվի առնելով ժամանակավոր պաշտոնակատարի չափանիշները, մենք ձեզ թողել ենք ժամանակավոր պաշտոնակատարի համար ամենաերկար ժամկետը՝ վեց ամիս, որից հետո հայտարարել ենք մրցույթ: Սահմանված ժամանակահատվածը պահել ենք՝  մեկ ամիս, դիմել են երեք թեկնածուներ: Մենք ուրախացանք, որ երեք թեկնածուներ առաջադրվել են, բայց կա կանոնակարգ, կա օրենք: Այն երկու թեկնածությունները դուրս են գալիս, որովհետեւ չեն համապատասխանում չափանիշներին, մնացել եք դուք: Հիմա ինչ եք առաջարկում: Դուք ինձ առաջարկում եք խախտե՞լ օրենքը: Նաեւ դուք էլ իրավունք չունեք խախտել օրենքը»,- կրթության եւ գիտության նախարար Արայիկ Հարությունյանի հետ զրույցը փոխանցեց Լիլիթ Արզումանյանը:  

Ու թեպետ, ինչպես նշեց, մտածել է, որ տեղի ունեցողն, այնուամեյանիվ կփոխի զարգացումների ընթացքը եւ ինքը չի ընտրվի ռեկտորի պաշտոնում, այժմ այդ ընտրությունը կայացել է, եւ ամեն ինչ կատարվել է օրենքի սահմաններում: «Ես այլեւս ոչինչ չունեմ ձեզ ասելու. բացի խոստանալուց՝ որպես ռեկտոր ձեզ հետ ունենալ ամենաջերմ, ամենակառուցաղական, ամենաընկերական հարաբերությունները: Սրանից ավելի ձեզ ոչինչ խոստանալ չեմ կարող»,- հավելեց Լիլիթ Արզումանյանը:

Ուսանողները հայտարարեցին, որ ինքը կարող է հիմա հրաժարվել պաշտոնից: «Եթե դուք չեք ուզում, ես այստեղ չեմ մնա, որովհետեւ զուտ մարդկային տեսանկյունից ինձ համար բնավ ցանկալի չէ աշխատել մի տեղ, որտեղ ինձ չեն սիրում»,- արձագանքեց Լիլիթ Արզումանյանը: Խոստացավ ներկայացված պահանջին պատասխանել վաղը՝ նախարարի հետ խոսելուց հետո: Ուսանողները արագ որոշում էին ակնկալում: Հայտարարեցին, թե այդ դեպքում բուհում մնալու են մինչեւ վաղը եւ որեւէ մեկին էլ թույլ չեն տալու դուրս գալ շենքից:

Տպել
1306 դիտում

Սյունիքի մարզի սահմանամերձ բնակավայրերում ու մարտական դիրքերում իրավիճակը վերահսկելի է ու կայուն. Սյունիքի մարզպետ

Միասնական որոշում է կայացվել համազգային դրամահավաք-արշավ սկսել

Tavush Bot-ը ադրբեջանական քարոզչամեքենայի հերթական գործիքն է. Տեղեկատվության ստուգման կենտրոն

Հայկ Կոնջորյանը նամակով դիմել է ԵԱՀԿ ԽՎ Նախագահին, գլխավոր քարտուղարին և 57 անդամ պետությունների բոլոր պատգամավորներին

Փաշինյանի և Ալիևի գաղտնի բանակցությունների սղագրության մասին տեղեկատվությունն իրականությանը չի համապատասխանում

ԱԺ պատգամավորները միջազգային գործընկերներին ներկայացնում են ադրբեջանական ագրեսիան և խաղաղ բնակավայրերի թիրախավորումը

Արցախի Հանրապետության մարդու իրավունքների պաշտպանի աշխատակազմը մեկնարկել է փաստահավաք առաքելություն (լուսանկարներ)

Աննա Հակոբյանը Արցախի նախագահի տիկնոջ հետ այցելել է Հանրապետական բժշկական կենտրոն (լուսանկարներ)

Թշնամին պետք է հասկանա, որ Արցախի թիկունքին այսօր կանգնած է համայն հայությունը. վարչապետի ուղերձը ժողովրդին

Սպանվել է Ադրբեջանի ԶՈՒ փոխգնդապետ. ադրբեջանական ԶԼՄ

Հրապարակվել է Հայաստանում ռազմական դրություն հայտարարելու մասին Կառավարության որոշումը

Սա պատերազմ է մեր անկախության և արժանապատվության դեմ. ՀՀ վարչապետի ուղերձը (տեսանյութ)

Մենք սպասում էինք սրան, սակայն կանխատեսումներ չկային, որ Ադրբեջանը կթիրախավորի քաղաքացիական բնակավայրերը․ Պողոսյան

Եկել եմ արցախցի մեր քույրերի եւ եղբայրների կողքին լինելու. Աննա Հակոբյանը Ստեփանակերտում է

Քիչ անց վարչապետ Նիկոլ Փաշինյանը հանդես կգա ուղերձով

Զորացրված բժիշկը հերքել է իր մահվան մասին ադրբեջանական կեղծ տեղեկությունը (տեսանյութ)

Հայաստանի առողջապահության համակարգը բերվել է բարձր պատրաստության. Արսեն Թորոսյան

Միջազգային հանրության կողմից ամենաարդյունավետ պատասխանը Արցախի Հանրապետության ճանաչումը կլինի․ Ներսիսյան

Ի՞նչ է ենթադրում ՀՀ-ում ռազմական դրությունը․ ԱԺ-ն անհապաղ հատուկ նիստ է հրավիրում

Զոհերի մասին նկարներով լուրերը կեղծ են. Արծրուն Հովհաննիսյան