Անկախ բռնցքամարտիկների բողոքից՝ ՀԱՕԿ-ը Եվրոպական խաղեր կուղարկի այն կազմը, որն ուզում է

Հայաստանի ազգային օլիմպիական կոմիտեն Եվրոպական խաղեր է ուղարկելու բռնցքամարտի հավաքականի իր որոշած կազմը: Դա պարզ է դառնում ՀԱՕԿ-ի ներկայացրած հայտացուցակից: ՀԱՕԿ պաշտոնական կայքին տված հարցազրույցում ցանկը ներկայացրել է նաեւ ՀԱՕԿ գլխավոր քարտուղար Հրաչյա Ռոստոմյանը՝ ընդգծելով, որ հավատարմագրելու ու հայտերը ներկայացնելու բացառիկ իրավունքը պատկանում է իրենց եւ որ հայտերն արդեն ուղարկված են:

Եվրոպայի մինչեւ 22 տարեկանների չեմպիոն Անուշ Գրիգորյանը (51 կգ) խաղերին մասնակցելու է անվանական հրավերով: Ինչ վերաբեում է տղամարդկանց հավաքականին, ապա ՀԱՕԿ-ը ներկայացնում է հետեւյալ կազմը, որից մի քանիսը ներկայացնում են Հայաստանի բռնցքամարտի ֆեդերացիան (ՀԲՖ), որն անդամակցում է ԱԻԲԱ-ին, մի քանիսը՝ այն ֆեդերացիան, որը ձեւավորել են ՀԲՖ ղեկավարության դեմ բողոքողները.

Արթուր Հովհաննիսյան (49 կգ)

Բարեղամ Հարությունյան (52 կգ)

Ժիրայր Սարգսյան (56 կգ)

Կարեն Տոնականյան/Հրայր Շահվերդյան (60 կգ), (խմբ. 2-ից մեկին պետք է ընտրեն)

Հովհաննես Բաչկով (64 կգ)

Գուրգեն Մադոյան (69 կգ)

Արման Դարչինյան (75 կգ)

Գոռ Ներսեսյան (81 կգ)

Հենրիկ Սարգսյան (91 կգ)

Գուրգեն Հովհաննիսյան (+91 կգ)

ՀԱՕԿ-ը նշում է նաեւ, որ մարզիկներին ուղեկցելու են բռնցքամարտի Հայաստանի հավաքականի գլխավոր մարզիչ Ռուդիկ Մկրտչյանը եւ մարզիչներ Ռաֆիկ Մեհրաբյանն ու Ռոբերտ Պետրոսյանը: Ռուդիկ Մկրտչյանը ՀՖՖ գլխավոր մարզիչն է: Մյուս 2 մարզիչներն աշխատում են այն ֆեդերացիայում, որը ձեւավորել են ՀԲՖ ղեկավարության դեմ բողոքողները:

Երեկ՝ մայիսի 23-ին, լրագրողների հետ հանդիպման ժամանակ Մկրտչյանն ասել էր, որ ինքը տղամարդկանց հավաքականում 10 քաշային կարգերում ընդգրկել է 8 մարզիկ՝ նրանց, ովքեր իր ղեկավարությամբ կատարել են ուսումնամարզական պլանով նախատեսված ծրագիրը: Ասել էր նաեւ, որ հանդիպում է ունեցել Ռոստոմյանի հետ, որն ասել է, որ 5 մարզիկ պետք է գնա մի ֆեդերացիայից, 5 մարզիկ՝ մյուսից, ինչից Ռուդիկ Մկրտչյանը հրաժարվել է: Երեկ նա ընդգծել էր նաեւ, որ, եթե ուրիշներին ընդգրկեն հավաքականում, ինքը չի աշխատի այդ թիմի հետ:

Մկրտչյանը ներկայացրել էր հետեւյալ կազմը, որում ընդգրկված բոլոր մարզիկները ՀԲՖ ներկայացուցիչ են.

Արթուր Հովհաննիսյան (49 կգ)

Էրիկ Պետրոսյան (56 կգ)

Հրայր Շահվերդյան (60 կգ)

Հովհաննես Բաչկով (64 կգ)

Կորյուն Աստոյան (69 կգ)

Արման Դարչինյան (75 կգ)

Հենրիկ Սարգսյան (91 կգ)

Գուրգեն Հովհաննիսյան (+91 կգ)

ԱՆուշ Գրիգորյան (51 կգ)

Երեկ ՀԱՕԿ դիրքորոշումից բողոքում էին նաեւ ՀԲՖ-ն ներկայացնող մարզիկները: Մասնավորապես Անուշ Գրիգորյանը շեշտեց, որ իրենք պատրաստ են նույնիսկ բոյկոտելու Եվրոպական խաղերը, որը բռնցքամարտիկների համար նաեւ Եվրոպայի 2019 թ. առաջնություն է:

Եվրոպական խաղերը կայանալու են Մինսկում: Սկսվելու են հունիսի 21-ին ավարտվելու են հունիսի 30-ին: Բացի բռնցքամարտից՝ ՀՀ-ն ներկայացուցիչներ է ունենալու մարմնամարզությունում, բադմինթոնում, ըմբշամարտում, հրաձգությունում, ձյուդոյում, հեծանվասպորտում, սամբոյում:

Տպել
1113 դիտում

Բանկային համակարգին սպառնացող աղմկահարույց գործը վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել