Ըստ նախնական վարկածի՝ թիրախում եղել են ոչ թե Սամվել Բաբայանն ու իր համակիրները այլ՝ Մարտակերտի քաղաքապետի որդին

ԼՂՀ ՊԲ նախկին հրամանատար Սամվել Բաբայանի համակիրների ուղղությամբ կրակահերթ արձակելու դեպքի առթիվ հարուցված քրեական գործի շրջանակներում մայիսի 30-ին ձերբակալվել է երկու անձ, եւս երկու անձի նկատմամբ որպես խափանման միջոց է ընտրվել երկրից չհեռանալու մասին ստորագրությունը։

Ձերբակալվածներն են Արցախի բնակիչներ Ալեքսեյ Բալայանը եւ Ռոլանդ Այդինյանը. գործով մյուս երկու կասկածյալներն են Վրեժ Ապրեսյանը եւ Հայկ Մկրտչյանը:

Ալեքսեյ Բալայանը Արցախի հայտնի ազատամարտիկներից Վլադիմիր Բալայանի որդին է, Ռոլանդ Այդինյանը՝ Քարվաճառի նախկին քաղաքապետը։ Նրանք ձերբակալվել են զենք կամ որպես զենք օգտագործվող առարկայի գործադրմամբ խուլիգանություն կատարելու, ինչպես նաեւ ապօրինի զենք կրելու կասկածանքով: Սամվել Բաբայանի գրասենյակը հայտարարել էր, որ մայիսի լույս 29 գիշերը Սեւան-Մարտունի ճանապարհին կրակահերթ են արձակել Սամվել Բաբայանի համակիրների ուղղությամբ, որում հիշատակել էին Ալեքսեյ Բալայանի եւ Ռոլանդ Այդինյանի անունը՝ նրանց ներկայացնելով որպես ԱՀ նախկին վարչապետ, այժմ ԱՀ նախագահի թեկնածու, «Ազատ Հայրենիք» կուսակցության նախագահ Արայիկ Հարությունյանի թիմակիցներ:

Ըստ ՀՀ ոստիկանության տարածած հաղորդագրության՝ հարուցված քրեական գործի շրջանակներում զննվել է տուժող կողմի մեքենան, որի վրա հայտնաբերվել է կրակվածի հետք։ Այն մանրակրկիտ ուսումնասիրվել է ոստիկանության փորձաքրեագետների կողմից։ Վերցվել են համապատասխան հետքեր։ Նշանակվել են դատաբժշկական, դատահետքաբանական, դատաձգաբանական համալիր փորձաքննություններ։ Մեքենան տեղափոխվել է ոստիկանության Սեւանի բաժնի պահպանվող հատուկ տարածք։ Մեր տեղեկություններով, այդ մեքենայի մեջ եղել են Բաբայանի համակիրներ Արամ Հովակիմյանը եւ Արմեն Մեժլումյանը:

Ոստիկանությունը նաեւ շեշտել է, որ քննությամբ ձեռք բերված տվյալների համաձայն՝ միջադեպը անձնային հարաբերությունների դաշտում է: Արդեն երկու օր է, սակայն, Սամվել Բաբայանի գրասենյակն ու նրա համակիրները փորձում են կատարվածին քաղաքական աստառ տալ: Շրջանառվող վարկածներից մեկն այն է, որ Սամվել Բաբայանի համակիրներին հետապնդող մեքենաներում եղել են մարդիկ, որոնք Սամվել Բաբայանի հետ փողային խնդիրների մեջ են երկար ժամանակ: Նախօրեին ԱԱԾ տնօրեն Արթուր Վանեցյանը առանց անուններ նշելու հայտարարել էր, որ միջադեպի պատճառը ֆինանսական հարցերն են եղել։

Մեզ հաջողվեց, սակայն, պարզել, որ իրավապահները քննում են մեկ այլ վարկած եւս. ըստ այդմ՝ թիրախում ոչ թե Սամվել Բաբայանն ու նրա համակիրներն են եղել, այլ՝ Մարտակերտի քաղաքապետ Միշա Գուրջյանի որդին, որը Արցախում հայտնի է Ապեր անունով: Մեր տեղեկություններով, գործով ձերբակալված Ալեքսեյ Բալայանը շուրջ երկու տարի է՝ լարված հարաբերությունների մեջ է Ապերի  հետ: Նույն այդ տեղեկություններով, վերջինս դեպքի օրը Սամվել Բաբայանի համակիրների հետ նույն մեքենայի մեջ է եղել, սակայն մինչ դեպքը նրան իջեցրել են Սեւան, ապա եկել Երեւան եւ կրկին փորձել Արցախ վերադառանալ. Սեւան-Մարտունի ճանապարհին հետապնդողները, կարծելով, թե Ապերը մեքենայի մեջ է, կրակոց են արձակել մեքենայի ուղղությամբ: Մեզ նաեւ հաջողվեց ճշտել, որ զինված միջադեպից հետո իրավապահները փորձում են գտնել Ապերին:

Այս տեղեկությունները փորձեցինք ճշտել Մարտակերտի քաղաքապետ Միշա Գուրջյանից, սակայն մեր բազմաթիվ հեռախոսազանգերը մնացին անպատասխան:

Մինչ Սամվել Բաբայանը լռում է (նրա հեռախոսահամարը երկու օր է՝ անհասնելի է, նրա գործով դատական նիստն այսօր նրա բացակայության պատճառով չի կայացել), «խոսում է» նրա գրասենյակը՝ իրավապահներին խորհուրդ տալով հետաքննությունը ճիշտ ուղղությամբ տանել: Հետաքրքրական է, որ գրասենյակն իր հայտարարությունում նշել է, որ Սամվել Բաբայանը եւ իր կողմնակիցները որևէ խնդիրներ, այն էլ կենցաղային մակարդակի, չունեն մյուս կողմի հետ, նրանք նույնիսկ ծանոթ չեն: «Սիրելի հայրենակիցներ, այսօր լուրեր տարածվեցին, որ կրակահերթի պատճառը ուղղված Սամվել Բաբայանի կողմնակիցների ուղղությամբ ֆինանսական կենցաղային հողի վրա է: Պաշտոնապես հայտարարում ենք, որ Սամվել Բաբայանը եւ իր կողմնակիցները որեւէ խնդիրներ, այն էլ կենցաղային մակարդակի չունեն մյուս կողմի հետ, նրանք նույնիսկ ծանոթ չեն: Կոչ ենք անում Ոստիկանությանը եւ ԱԱԾ-ին հետաքննությունը տանել ճիշտ ուղղությամբ: Սա որեւէ կենցաղային մակարդակի վեճ չէ, սա կրում է քաղաքական բնույթ, ուստի կոչ ենք անում իրավապահ մարմիններին հետամուտ լինել այս հանցագործության բացահայտմանը եւ փնտրել սրա հիմքերը ճշգրիտ ուղղությամբ: Մենք ինքներս հետամուտ ենք լինելու սրա բացահայտմանը: Հիսունից ավելի մարդիկ են ընդգրկված եղել այս հանցագործության մեջ: Ուստի շրջանակը բավականին լայն է»,- նշված է հայտարարության մեջ:

Պատասխան հայտարարությամբ հանդես է եկել նաեւ ՀՀ քննչական կոմիտեն: Մասնավորապես ՔԿ-ի դեպարտամենտի տեղեկատվության եւ հասարակայնության հետ կապերի բաժնի պետ Նաիրա Հարությունյանը ֆեյսբուքյան իր էջում գրեց, որ Սեւան-Մարտունի-Գետափ ավտոճանապարհին տեղի ունեցած զինված միջադեպի առթիվ հարուցված քրեական գործով պարզվել են մի շարք հանգամանքներ, այդ թվում՝ միջադեպի շարժառիթը, որը կրում է կենցաղային բնույթ:

«Նախաքննության ընթացքում պարզվել է նաեւ միջադեպին մասնակից անձանց շրջանակը, միջադեպին նրանցից յուրաքանչյուրի առնչությունը: Այս պահին քննությամբ ձեռք բերված բազմաթիվ ապացույցներն այն մասին, որ միջադեպի շարժառիթը կենցաղային բնույթ է կրում, հրապարակման ենթակա չէ՝ նախաքննության շահերից ելնելով: Եվս մեկ անգամ հայտնում ենք, որ ԶԼՄ-ներով տարածված հայտարարությունները այն մասին, որ միջադեպի շարժառիթը քաղաքական բնույթ է կրում, չի համապատասխանում իրականությանը: Քրեական գործով պարզված հանգամանքների մասին կտեղեկացնենք լրացուցիչ»,- գրել է Հարությունյանը:

Մեր տեղեկություններով, իրավապահները դեռ չեն հայտնաբերել այն զենքը, որով կրակոց է արձակվել մեքենայի ուղղությամբ:

Մեր զրույցում «Ազատ Հայրենիք» կուսակցության նախագահ Արայիկ Հարությունյանը հաստատեց, որ ճանաչում է Ալեքսեյ Բալայանին եւ Ռոլանդ Ավագյանին: «Տաքարյուն հայրենասեր տղա է»,- այսպես բնութագրելով Ալեքսեյ Բալայանին՝ ասաց Հարությունյանը: Նա մեր զրույցում հաստատեց, որ Բալայանը եւ Մարտակերտի քաղաքապետի որդին լարված հարաբերությունների մեջ են: Նա նաեւ չբացառեց, որ միջադեպը հենց սրա հետ կապ ունի: «Քաղաքական ենթատեքստ մի փնտրեք»,- ասաց Հարությունյանը:

«Հայկական Ժամանակ»-ը Telegram-ում
Տպել
17209 դիտում

9 մարզի և Երևանի բազմաթիվ հասցեներում մի քանի ժամ լույս չի լինի

Հայաստանի ներկայացուցիչ Պարգն իր Survivor երգով «Եվրատեսիլ 2025»-ի եզրափակչում է

Վարչապետը հանդիպել է Անտոնիու Կոշտայի և Ուրսուլա Ֆոն դեր Լայենի հետ. ողջունվել է «Խաղաղության խաչմերուկ»-ը

Երևանի հեռուստաաշտարակը նոր լուսավորման համակարգ կունենա

Մերձավանում կատարվածի համատեքստում նույն որակումները չտանք մեր ավելի քան 400 հզր դպրոցականներին. Հարությունյան

Ծիծեռնակաբերդի բարձունքի՝ տարիներ շարունակ անխնամ մնացած տարածքն անտառային գոտու է վերածվել. տեսանյութ

Տիրանայում պատասխանեցի ադրբեջանցի լրագրողի հարցերին. Նիկոլ Փաշինյան. տեսանյութ

Պարգը Եվրատեսիլի կիսաեզրափակչում հանդես կգա 5-րդ համարի ներքո․ քվեարկությունը բաց է

Հայտնի է՝ Ստամբուլում երբ կմեկնարկեն ռուս-ուկրաինական բանակցությունները

Նախարարը ՎԶԵԲ կառավարիչների նստաշրջանում խոսել է տարածաշրջանում ներդրումային հնարավորությունների խթանման մասին

Ռուսաստանը լուրջ չի վերաբերվում բանակցություններին, չի ցանկանում դադարեցնել պատերազմը. Զելենսկի

Գևորգ Պապոյանն այցելել է «Սմարթ Ագրո» ՓԲԸ, ներկայացրել պետական աջակցության գործիքակազմը

Ռուս-ուկրաինական կողմերը պետք է քայլեր ձեռնարկեն բանակցային սեղանի շուրջ՝ զիջումների գնալով. Ֆիդան

Հանրային քրեական հետապնդում 4 անձի նկատմամբ՝ Մխչյանի դպրոցում երեխաներին սպիտակ փոշիանման զանգված տալու դեպքով

Շոկային է. Արարատի մարզպետի աշխատակազմը՝ Մխչյանի դպրոցում երեխաներին փոշիանման զանգված փոխանցելու վերաբերյալ

Գետարգել-Ջրվեժ ճանապարհին ավտոմեքենաներ են բախվել. կան տուժածներ

Հայաստանը՝ Wizz Air-ի ամսագրի հատուկ թողարկման մեջ

Իսկական տղամարդը չի կարող լինել խոսող-թռնող, կանանց մեջքի հետևում հայհոյող, Լևոն Քոչարյանը ֆեյք է. տեսանյութ

Կառավարությունը կկարողանա օտարել ռազմական նշանակության արտադրանքը ռազմարդյունաբերական ընկերություններին

Ռուսական պատվիրակությունը չի գնացել Թուրքիայի նախագահի նստավայր

Կյանքից հեռացել է ճանաչված արվեստագետ, նկարիչ Արման Գրիգորյանը

Հիմնանորոգվում է Ջրվեժից Գառնի տանող 14.7 կմ երկարությամբ ճանապարհը. տեսանյութ

ԵՊՀ-ն՝ որպես Հայաստանի Մայր բուհ, եղել և մնում է մեր գիտական ու մտավոր ներուժի հենասյուներից մեկը. ՀՀ նախագահ

Ալեն Սիմոնյանն այցելել է քաղաքական բռնաճնշումների և տոտալիտարիզմի զոհերի «Ալժիր» հուշահամալիր

Սրիկաները երես են առել, որովհետև դալաններում չենք ծեծում, մայկա-տրուսիկով չենք թողնում. տեսանյութ

Ընդգծվել է խաղաղության համաձայնագրի ստորագրման կարևորությունը. Տիրանայում հանդիպել են Փաշինյանն ու Էդի Ռամայը

Վայր եմ դնելու մանդատս ու այլևս չեմ զբաղեցնելու համայնքի ղեկավարի պաշտոնը. Դիանա Գասպարյան

Ավանդական գյուղատնտեսությունից՝ նորարարական. հզորացնել գյուղական ընտանիքների գիտելիքներն ու կարողությունները

Հանձնաժողովը մերժել է ԱԺ «Պատիվ ունեմ» խմբակցության հեղինակած հայտարարության նախագծի ընդունումը

Հանդիպում ունեցա Ալբանիայի վարչապետ Էդի Ռամայի հետ. Նիկոլ Փաշինյանը տեսանյութ է հրապարակել

Թուրքիայում երկրաշարժ է տեղի ունեցել

ԱՄԷ-ում Դոնալդ Թրամփին հատուկ արարողակարգով են դիմավորել. տեսանյութ

Նախարարությունը շրջաբերականներ է ուղարկել դպրոցներ, հորդորել դրամահավաքներից զերծ մնալ

Էրդողանն Անկարայում ընդունել է Զելենսկուն. նրանք փակ հանդիպում են ունեցել

Դիլիջանի թունելի հիմնանորոգման փոխարեն նոր թունելի կառուցման նախագիծ կմշակվի

«Հորիզոններ» ծրագրի մասնակիցները ուսումնասիրում են ջերմատնային և ինտենսիվ այգեգործություն. «Իմ քայլը»

Թագուհի Ստեփանյանն ազատվել է «Թիվ 4 պոլիկլինիկա» ՓԲԸ տնօրենի պաշտոնից

Դպրոցներում թմրանյութերի շրջանառության հարցը մտահոգիչ է, նախատեսվում է անցակետեր տեղադրել․ փոխնախարար

Երևանում երթևեկության կազմակերպման փոփոխություններ կլինեն

Դոլարն էժանացել է. ինչ փոփոխություններ է արձանագրել տարադրամի շուկան մայիսի 15-ին