Մարտի 1-ի գործով ձերբակալված Գեղամ Պետրոսյանը ընդունել է, որ կրակելու հրաման է տվել և որ պարկուճները փոխվել են. Սաֆարյան

Երեկ Մարտի 1-ի քրեական գործի շրջանակներում Զաքար Հովհաննիսյանի սպանությունը կատարելու կասծանքով ձերբակալված ոստիկանության զորքերի նախկին շտաբի պետ, գնդապետ Գեղամ Պետրոսյանը մի քանի անգամ հարցաքննված է եղել Փաստահավաք խմբի կողմից (Փաստահավաք խումբը գործել է 2008 թվականի հոկտեմբերից մինչեւ 2009 թվականի հունիսը):

Հեղափոխությունից հետո նա նաեւ 3-4 անգամ վկայի կարգավիճակով հարցաքննվել է ՀՀ հատուկ քննչական ծառայությունում:

Թեմայի վերաբերյալ մեր մի քանի հարցերին պատասխանում է փաստահավաք խմբի նախկին անդամ Սեդա Սաֆարյանը:

- Տիկին Սաֆարյան, Գեղամ Պետրոսյանը քանի՞ անգամ է հարցաքննվել Փաստահավաք խմբի կողմից:

- Գեղամ Պետրոսյանը երկու անգամ կանչվել է Փաստահավաք խումբ եւ հարցաքննվել է: Պետրոսյանին հարցաքննելու անհրաժեշտությունը պայմանավորված էր նրանով, որ տեղեկություններ կային, որ ոստիկանության ներքին զորքերը ռեալ մասնակցություն են ունեցել մարտիմեկյան իրադարձություններում եւ ըստ էության շատ ակտիվ դեր են ունեցել:

Առաջին անգամ երբ հարցաքննեցինք, շատ կցկտուր էր նրա խոսքը, եւ դժվարությամբ էինք կարողանում հոդաբաշխ նախադասություն ստանալ նրանից: Եկել էր, որ թաքցներ՝ ինչ է իրեն հայտնի, այդպիսի տպավորություն էր մեզ մոտ: Ամեն դեպքում, իր այդ կիսատ-պռատ խոսակցությունից էլ հասկացանք, որ ե՛ւ զինված են եղել, ե՛ւ այդ ժամանակ, որքան հիշում եմ, մենք իմացանք, որ մարտական զրահամեքենա (ԲՏՌ) է բերվել իր իսկ հրամանով: Իմացանք, որ առավոտյան, երբ իրենք եկել են Ազատության հրապարակ խաղաղ ցուցարարներին ցրելու, շատ մարդիկ են այնտեղ կանգնած եղել, որոնց շրջանակը մենք նախկինում չգիտեինք: Մենք հասկացանք, որ Աֆյանը, Գիզիրյանը, Գրիգոր Գրիգորյանը (2008-ին եղել է ոստիկանության զորքերի հրամանատարը,-հեղ.) եւ հենց ինքը՝ Պետրոսյանը, ակտիվ դերակատարություն են ունեցել այդ ամենի մեջ: Հետո, երբ մենք գնացինք 10/32 զորամաս եւ հարցաքննեցինք բազմաթիվ մարդկանց, նորից Գեղամ Պետրոսյանին հարցաքննելու անհրաժեշտություն ծագեց, որովհետեւ արդեն ամբողջ խոսակցությունը այնպես էր զարգանում, որ կրակողներ եղել են, եւ ոստիկանության ներքին զորքերը հրազեն օգտագոծել են: Այնուհետեւ Գեղամ Պետրոսյանին երբ երկրորդ անգամ հրավիրեցինք Փաստահավաք խումբ, նա շատ վրդովված էր եւ նրան դուր չէր եկել երկրորդ անգամ հրավիրելը, բայց նաեւ երեւում էր, որ երկրորդ անգամվա պահելաձեւը ավելի հանդուգն էր, մի տեսակ հարձակողական էր եւ հավանաբար իրեն թվացել էր, որ ճիշտ ձեւ է ընտրել՝ իր արարքները այդ եղանակով կոծկելու համար:

Երկրորդ հարցաքննության ժամանակ նա ընդունեց, որ կրակելու հրաման տվողներից մեկը եղել է ինքը, թեեւ էլի փորձեց ինչ-որ անհայտ անձի վերագրել Տիգրան Աբգարյանի սպանությունը: Դեռ այն ժամանակ մեզ որոշակի տեղեկություն հասել էր, որ ներքին զորքերի պաշտոնատար անձանցից ոմանք ժողովրդի վրա կրակել են եւ մենք չկարողացանք հստակեցնել, թե ով էր այդ կրակողը: Ներքին լուրերը ուրիշ խնդիր էր, բայց  ապացույցի վերածելը դարձել էր հիմնախնդիր, որովհետեւ չէին խոսում:

Ըստ գործի նյութերի, Հատուկ քննչական ծառայությունում քննության ժամանակ Գեղամ Պետրոսյանը ընդունել է, որ ժամանակին Փաստահավաք խմբին զորքի ներգրավված լինելու հանգամանքների եւ փամփուշտները փոխելու մասին տեղեկությունները ճիշտ չի տվել եւ ՀՔԾ-ում ընդունել է, որ իրենց այդ ժամանակ ասվել է, որ զորքի մասնակցությունը չերեւա եւ ամբողջ գործընթացը գնացել է հենց այդպես՝ իրենք ստել են: Փամփուշտների փոփոխման հետ կապված իրենք ունեցել են ակտիվ մասնակցություն եւ կրակային պարապմունքներ են անցկացրել եւ այդ կրակված փամփուշտները ավել են ցույց տվել, որպեսզի կարողանան Մարտի 1–ի գործով քննչական խմբի ղեկավար Վահագն Հարությունյանի հետ փոխել այդ պարկուճները: Այսինքն՝ մենք հասկանում էինք, որ Գեղամ Պետրոսյանի դերը այս ամենում շատ մեծ է եւ Գեղամ Պետրոսյանը նաեւ ցուցմունք է տվել, որ ամենավերեւի մակարդակով զորքերի մասնակցության եւ այդ ամեն ինչի կազմակերպվածության վերաբերյալ տեղեկություններ եղել են: Գեղամ Պետրոսյանը այս մտահոգող հարցերի շուրջ ցուցմունքներ տվել է, որոնք առկա են Մարտի 1-ի գործի նյութերում, որոնք Ռոբերտ Քոչարյանը կարդացել է եւ չգիտես ինչու իրեն չի վերագրել:

- Դուք Մարտի 1-ի գործի նյութերո՞ւմ եք այս ամեն ինչին ծանոթացել:

- Այո, նաեւ փաստահավաք խմբում տված իր տեղեկություններում նա հստակ ընդունել է, որ կրակելու հրամաններն իրենք են տվել, որ մարտական զենք եղել է, զենքի տեսակները շարադրել են: Հետո պարզվել է, որ իրենց մոտ եղած զենքը օգտագործվել է, որովհետեւ զենքից արձակված գնդակներ են հայտնաբերվել Զաքար Հովհաննիսյանի մարմնում (Զաքար Հովհաննիսյանը մահացել էր որովայնի շրջանում «Մակարով» տեսակի (տրամաչափը 9մմ) ատրճանակի կրակոցից ստացած վնասվածքից,-հեղ.) եւ նաեւ ուսումնասիրվել են Դավիթ Պետրոսյանի մարմնից հայտնաբերված գնդակի տրամաչափը եւ տեսել, որ դա նույնպես 9 մմ տրամաչափի է: Կարծում եմ, որ Հատուկ քննչական ծառայությանը հաջողվել է ձեռք բերել հավաստի փոխկապակցված ապացույցներ, որ Զաքար Հովհաննիսյանի սպանությունը առնչվում է Պետրոսյանի հետ: Կարծում եմ, որ շատ կարեւոր գործընթաց է իրականացվել ու լավ է, որ բացահայտվեց  Զաքար Հովհաննիսյանի սպանությունը: Ընդ որում, Անդրանիկ Քոչարյանի հարցին՝ կարո՞ղ էին այդ մարդիկ (զորքերի ծառայողները,-հեղ.) ինքնուրույն կրակել, թե՝ ոչ, տվել է բացասական պատասխան, նշելով՝ առանց մեր հրամանի նրանք չէին կրակի: Բայց ինքը իր գործողությունների վերաբերյալ շատ սահմանափակ ցուցմունքներ է տվել, ինքը իր կրակելու հանգամանքները թաքցրել է:

- Փաստահավաք խումբը տեղեկություն ուենցե՞լ է Գեղամ Պետրոսյանի կողմից օգտագործվող «Մակարով» տեսակի զենքի մասին:

- Ինքը հայտարարել է, որ իրենց մոտ եղել է ե՛ւ ինքնաձիգ ե՛ւ «Մակարով» տեսակի ատրճանակ: Սակայն ամբողջ ծավալի մասին քիչ տեղեկություն է հայտնել: ՀՔԾ-ում հետագայում նաեւ քննության ընթացքում ընդունել է, որ փամփուշտների թվի, կրակելու վերաբերյալ ունեցել են նախապես քննարկում եւ հենց առավոտվանից զինված էլ դուրս են եկել:

- Տիկին Սաֆարյան, այսինքն՝ Գեղամ Պետրոսյանը ընդունե՞լ է, որ պարկուճները փոխվել են:

- Այո, ընդունել է, որ ոչ միայն պարկուճները փոխվել են, այլ Գրիգոր Գրիգորյանը իրեն ասել է՝ Հատուկ քննչական ծառությունում ինչ կասեն, գնա եւ այդպես էլ արա:

Հիշեցնենք, որ Զաքար Հովհաննիսյանը 2008թ. մարտի 2-ին` ժամը 02-ին անգիտակից վիճակում տեղափոխվել է Երեւանի թիվ 3 կլինիկական հիվանդանոց`որովայնի հրազենային վնասվածքով։ Վիրահատության ընթացքում արձանագրվել է նրա կենսաբանական մահը։ 

Դիակի դատաբժշկական փորձաքննության եզրակացության համաձայն՝ Զաքար Հովհաննիսյանի դիակի վրա հայտնաբերվել է հրազենային մուտքի անցք որովայնի առաջնային մակերեսին`էպիգաստրալ շրջանում, լյարդի, ստոծանու եւ ձախ թոքի ստորին բլթի, գոտկային մկանի միջանցիկ վնասվածքներ, գոտկային ձախ կեսի հետին մակերեսի արյունազեղում, որոնք հետևանք են գնդակով լիցքավորված հրազենից արձակված կրակոցի ներգործության: Զաքար Հովհաննիսյանի մահվան պատճառ է հանդիսացել արյան սուր կորուտը: Դիահերձման ժամանակ Զաքար Հովհաննիսյանի մարմնից հանվել է 9 մմ տրամաչափի 1 գնդակ: Դատաձգաբանական փորձաքննության եզրակացության համաձայն՝ նշված գնդակը գործարանային արտադրության 9մմ տրամաչափի փամփուշտի մաս կազմող կրակված գնդակ է: Իսկ նման փամփուշտները նախատեսված են «ՊՄ» (Մակարով) եւ «ԱՊՍ» ատրճանակների համար:

Տպել
19552 դիտում

ՌԴ-ից մատակարարվող գազի գնի բարձրացման գումարի տարբերությունը վճարում է «Գազպրոմ Արմենիա»-ն. ՀԾԿՀ նախագահ

Ռուս զբոսաշրջիկների արտահոսքը բացասաբար կազդի ազգային արժույթի վրա. Վրաստանի ազգային բանկ

Անվճար եւ արտոնյալ պայմաններով բժշկական օգնության եւ սպասարկման իրավունք է տրվում մինչեւ 18 տարեկան բոլոր երեխաներին

Էրեբունու ոստիկանները հայտնաբերել են մի ողջ զինանոց

Կառավարության որոշմամբ 13 բասկետբոլիստի տարկետում տրամադրվեց

Համագործակցության ընդլայնման հնարավորություններ. ՀՀ դեսպանի հանդիպումը Ռումինիայի առողջապահության նախարարի հետ

Հայ-վրացական օրակարգը հագեցած է էներգետիկայի և տրանսպորտի ոլորտներում բազմաթիվ հեռանկարային ծրագրերով. Ավինյան

Ազգային հավաքականի 6 ֆուտբոլիստներ ազատվեցին զինծառայությունից

Ոսկերչական արտադրանքի արտահանումը 5 ամսում ունեցել է 86 տոկոսի աճ. Խաչատրյան

Ձեր ինստիտուտի շրջակայքը, երեւի թե, մեկ-երկու ամիս առաջ սեփական ձեռքերով եմ մաքրել. վարչապետը՝ ԵԹԿՊԻ նորընտիր ռեկտորին

Կառավարությունն արտոնություն տրամադրեց «Ռոյալ գլաս գրուպ»-ին եւ «Քանաքեռի կարի ֆաբրիկա»-ին. 42 աշխատատեղ կստեղծվի

Շաբաթներով կարող են պահել. Վրաստանի մաքսավորները խոչնդոտում են հայկական ապրանքների արտահանմանը. հայտարարություն

Այս տարի հունվար-մայիսին ունենք 25 ներդրումային ծրագիր՝ 254 մլն դոլարի ներդրման պայմանով եւ 2379 աշխատատեղով. վարչապետ

Կոնդի առանձնատների համար տարիներով ջրի վարձ չի վճարվել. կառավարությունը 48 մլն դրամ հատկացրեց

Կառավարությունն արտոնություն տրամադրեց «Մանուկյան կոնյակի գործարան»-ին. 42 նոր աշխատատեղ կստեղծվի

Լարսի անցակետի վրացական հատվածում արգելված բեռ տեղափոխելու գործով ավտոբուսի ուղևորներից մեկին մեղադրանք է առաջադրվել

Կառավարությունն առաջարկում է նվազագույն աշխատավարձը դարձնել 68 հազար դրամ. այն կազդի 80 հազար քաղաքացու վրա

Կիեւի մարզային պետվարչակազմի նախագահ է դարձել Միխայիլ Բնո-Հայրիյանը

Մեդվեդեւի վերջին այցի ընթացքում այս առումով կոնկրետ պայմանավորվածություններ ենք ձեռք բերել. Փաշինյան

Հայաստանը շարունակում է գտնվել տնտեսական բավականին բարձր ակտիվության ցուցանիշներում. վարչապետ