Ինքս էի դիմել Աննա Հակոբյանին, իմ խնդրանքին բոլորը հարգանքով եւ պատասխանատվությամբ մոտեցան. Վարոս Սաքոյան

«Երկրաշարժ եղավ, ու շենքերի փլատակների տակից աղավնիներ թռան երկինք, եւ նրանց հետ՝ փոքրիկի երգող հոգին»:

Այս տողերը տարիներ առաջ գրվել են գյումրեցի Լիլիթ Սաքոյանի հիշատակին: Աղջիկը զոհվել է 88-ի աղետի ժամանակ՝ ծնողներին թողնելով մեծ վիշտ ու իր ձեռագիր ստեղծագործությունները: Աղջկա ստեղծագործություններից շատ բան չի պահպանվել՝ ընդամենը 22-ը: «Ես չգիտեմ՝ ինչքան է ունեցել գրած: Մինչեւ 88-ը ես այդ բանաստեղծությունները տարել էի «Պիոներ» ամսագիր, որ տպագրեին: Հետո 88-ն ամեն ինչ խառնեց իրար: Լիլիթն 9 տարեկան էր 88-ի աղետի ժամանակ: Երբ սկսվեցին սումգայիթյան դեպքերը, փոքրիկը հրապարակում ձեռքս բռնած գոռում էր Ղարաբաղ, Ղարաբաղ: Էդ տարիներին աղջիկս ինչ տեսել ու լսել է, հանձնել է թղթին»,- ՀԺ-ի հետ զրույցում պատմեց Լիլիթի հայրը՝ Վարոս Սաքոյանը:Աղետից 4 տարի անց իրեն վերագտած հայրը որոշում եւ դստեր ստեղծագործությունները փոքրիկ մի գրքույկի տեսքով տպագրում է: Առաջին գիրքը լույս է տեսնում 1992 թվականին: Նպատակը եկամուտ ստանալը չէր: «1992 թվականի հունիսի 18-ին, Շուշիի ազատագրման 40-րդ օրը, Գյումրիում տեղի ունեցավ գրքի շնորհանդեսը, եւ հասույթն ամբողջությամբ նվիրաբերվեց Շուշիի առաջին հայկական դպրոցի կառուցմանը: Ես հստակ որոշել էի, որ Լիլիթի գիրքը ոչ թե պետք է գրախանութում դրվի, վաճառվի, այլ ես դրանք հատիկ-հատիկ, սկզբում նվիրելու, հետո նոր վաճառելու եմ: Գումարն էլ միայն օգտագործվելու է բարեգործական նպատակներով»,- ՀԺ-ի հետ զրույցում պատմեց Լիլիթի հայրը՝ Վարոս Սաքոյանը:

Երկրորդ անգամ «Անուրջներ»-ը հրատարակվել է 2008 թվականին՝ 88-ի աղետի 20-րդ տարելիցի կապակցությամբ: Հասույթը տրվել է մանկատներին եւ անապահով ընտանիքներին:

3-րդ հրատարակությունը 88-ի աղետի 30-րդ տարելիցի կապակցությամբ վերջերս եղավ: Այս գործում իր մեծ ներդրումն ունի ՀՀ վարչապետի տիկին Աննա Հակոբյանը: Գիրքը հրատարակվել է «Իմ քայլը» հիմնադրամի աջակցությամբ: «Սա ինձ համար մեծ իրողություն է: Ես ինքս էի դիմում-նամակ գրել Աննա Հակոբյանին եւ անտեսված չմնացի: Անչափ բարի վերաբերմունքի արժանացա: Իմ խնդրանքին բոլորը հարգանքով եւ պատասխանատվությամբ մոտեցան: Մեկ ամիս հետո ինձ զանգեցին, ասացին՝ ամեն ինչ նորմալ է, կտպագրենք: «Անուրջներ»-ն այս անգամ եւս գրախանութներում գտնել հնարավոր չի լինի»:Աղջկա ստեղծագործությունների այս ժողովածուն եւս նախորդ երկուսի նման Վարոսը կվաճառի հատ-հատ, բայց միայն այն ժամանակ, երբ նվիրելը կավարտի: Գյումրու Վարդանանց հրապարակում ժպիտով մոտենում, հարցնում է՝ փոքրիկ դու կարդալ կարո՞ղ ես: Դրական պատասխանի դեպքում նվիրում է գիրքը: Այս անգամ հասույթը Վարոս Սաքոյանը կնվիրի դպրոցներից մեկին:

Ի դեպ, 2010 թվականին Գրողների միության «Ձնծաղիկ» մրցանակը վերանվանվել է Լիլիթ Սաքոյանի անվան «Ձնծաղիկ» մրցանակի:

Տպել
744 դիտում

Եղանակի կանխատեսում. ջերմաստիճանը սեպտեմբերի 22-23-ն աստիճանաբար կնվազի 9-11 աստիճանով

«Ռոսատոմ»-ի գլխավոր տնօրենը կայցելի Հայաստան. Պապիկյանը նրա հետ կարճատև զրույց է ունեցել

Վերցնենք Թումանյանի հեքիաթների ժողովածուն, մեր անունից տպագրենք ու ասենք՝ հղումը մոռացա. Գոգյանը՝ Հայրապետյանի մասին

Հայաստան կայցելի ԱՄՆ-ի կոնգրեսականների պատվիրակություն

Մեր նպատակն է կառուցել բռնությունից ազատ հասարակություն. Արդարադատության փոխնախարար

Ինչպե՞ս բարձրացնել Ռուսաստանում Հայաստանի ճանաչելիությունը. համաժողով

Վարչապետը Վալերի Օսիպյանին աշխատանքից ազատելու առաջարկ է ներկայացրել ՀՀ նախագահին

Վնասը կազմել է մոտ 48մլն դրամ. հափշտակություն «Արմավիր» քրեակատարողական հիմնարկի կառուցման գործընթացում

Նրա միջոցով արտահանվում է հայկական մշակույթը. կհամատեղի՞ Սմբատյանը Մալթայի հրավերը տեղի աշխատանքի հետ

Ինչպես տեսնում եք՝ իմ հրաժարականի մասին լուրերն արդարացված չեն․ Դավիթ Տոնոյան

Օսիպյանի հրաժարականի թեման ԱԱԽ նիստում չի շոշափվել. Արարատ Միրզոյան

Հայաստանը հետամուտ է իր սեփական շահերին. քննարկում ԱՄՆ-ում

Արթուր Վանեցյանն իմ ընկերն ու գործընկերն է, բոլոր մեկնաբանությունները կթողնեմ իրեն. Դավիթ Տոնոյան

Վրաստանի նախագահը համաներում է շնորհել հետախուզման մեջ գտնվող անձի. նախարար

Ներդրումային քաղաքականություն և խթանում. քննարկում Միջազգային ֆինանսական կորպորացիայի ներկայացուցիչների հետ

Զոհրաբ Մնացականյանը Լատվիայի նախագահի ուշադրությունը հրավիրել է Հայաստանում ընթացող բարեփոխումների վրա

Կրակոցներ եւ սպանության փորձ՝ Արմավիրի մարզում. հանգամանքները պարզվում են

Մոսկվայում տեղի կունենա Կոմիտասի 150-ամյակին նվիրված համերգ. կմասնակցի նաեւ Հասմիկ Պապյանը

Չեմպիոնների լիգայի գործող չեմպիոնը պարտվեց մրցաշարի առաջին տուրում (տեսանյութ)

Ծանրամարտի աշխարհի առաջնությունում Հայաստանը ներկայացնելու է 9 մարզիկ. ԿԳՄՍՆ