Մարտի 1-ի գործով դատապարտվածը իմացել է, որ գործը դուք եք քննում ու հացադուլ է հայտարարել. կրկին բացարկ դատավորին

Ռոբերտ Քոչարյանի եւ մյուսների բողոքները քննող դատավոր Արմեն Համլետի Դանիելյանի այսօր 6 ինքնաբացարկի միջնորդություն ներկայացվեց:

Մասնավորապես Մարտի 1-ի գործով տուժող Արթուր Ավագյանի իրավահաջորդի ներկայացուցիչ Սեդա Սաֆարյանը կրկին ինքնաբացարկի միջնորդություն ներկայացրեց դատավորին: Ըստ Սաֆարյանի՝ նախորդ դատական նիստում Քոչարյանի պաշտպան Հայկ Ալումյանը Արմեն Դանիելյանին ներկայացրեց որպես մեղադրանքի կողմին մշտապես սպասարկող դատավորի, գործի մակագրման կապակցությամբ կասկածներ արտահայտեց, սակայն ըստ Սաֆարյանի՝ անդրադարձ չարեց, թե որ իշխանությունների օրոք են դատավորի դրսեւորումները ակնհայտ եղել:

«Դատավոր Դանիելյանը նշանակվել է սույն գործով մեղադրյալ Ռոբերտ Քոչարյանի նախագահման տարիներին եւ ունեմ հիմնավոր կասկած, որ այդ տարիներին դատավոր նշանակվելու չափանիշները չեն եղել օբյեկտիվ: Դանիելյանի նշանակումը չի բխել դատավորի համար պարտադիր համարվող մի շարք չափանիշների արժեւորումից, դրանք են՝ օբյեկտիվությունը, անաչառությունը եւ հարկ եղած դեպքում՝ սկզբունքայնությունը: Սա դե ֆակտո հիմնավոր կասկած է առաջացնում անկախ եւ անկողմնակալ դատարան ունենալով...: Դատավորին դեռեւս 2008 թվականին հայտնի են եղել փաստեր առ այն, որ մարտի 1-2-ի իրադարձութունները իշխանության կողմից կազմակերպված քաղաքական հետապնդումների դրսեւորումներ են եւ գործով բազմաթիվ անգամ բարձրացվել են հարցեր, ինչը դիտավորյալ հպանցիկ շրջանցվել է դատարանի կողմից եւ կեղծված ապացույցի պայմաններում ոստիկանների ցուցմունքով դատապարտվել են տասնյակ անձինք...: Բազմաթիվ քրեական գործերով դատական նիստերով բարձրացվել են հարցեր, սակայն դատարանները, այդ թվում՝ Դանիելյանը, շարունակել են մնալ իշխանության կամակատարը»,- ասաց Սաֆարյանը, ապա մատնանշեց մի շարք որոշումներ, որոնք կայացվել են դատավոր Արմեն Դանիելյանի կողմից եւ հետագայում պարզվել է, որ այդ գործերի հիմքում դրված են կեղծ ապացույցներ, իսկ Դանիելյանի կողմից այս հանգամանքները անտեսվել են, կայացվել են անարդարացի եւ հավատ չներշնչող դատական ակտեր: «Մասնավորապես Դանիելյանի կողմից մարտիմեկյան իրադարձությունների կապակցությամբ հարուցված հետեւյալ քրեական գործերով կայացվել են որոշումներ հետեւյալ անձանց նկատմամբ. Էդուարդ Աշուղյան, Անդրանիկ Ղազարյան, Գեւորգ Մանուկյան, Սասուն Միքայելյան, Գեղամ Գրիգորյան, Անդրանիկ Մանուկյան, Աշոտ Զաքարյան, Ասլան Ավետիսյան, Արմեն Աբրահամյան,Արմեն Սիրունյան, Գեւորգ Ղազարյան, Իսահակ Մալխասյան, Հայկ Գեւորգյան, Մասիս Այվազյան եւ մյուսներ:

Մինչ նիստին ներկայանալը՝ Գեւորգ Մանուկյանը այսօր զանգահարել է ինձ եւ ուղարկել որոշ փաստաթղթեր, որից պարզվել է, որ դուք եք իրականացրել նրա ներկայացրած վերաքննիչ բողոքի քննությունը: Մանուկյանը մեղադրվել է ՀՀ քրեական օրենսգքրի 225 հոդվածով: Նա Մարտի 1-ին գլխի շրջանում վնասվածք է ստացել, վնասվել է աչքը, ներկայումս ունի ծանր առողջական վիճակ, քաղաքական հետապնդումների պատճառով գտնվում է Ստրասբուրգում եւ իմանալով, որ ձեր կողմից պետք է իրականացվի վերաքննիչ բողոքի լսումները, հացադուլ է հայտարարել Եվրոպական դատարանի մոտ եւ ինձ խնդրել է, որ իր գործը ներկայացնեմ ձեր կողմից կայացված անարդար դատական ակտի օրինակը՝ հիմնավոր կասկածի տակ դնելով ձեզ՝ որպես դատավորի անաչառությունը, ինչը վտանգում է դատական իշխանության իրականացումը սույն գործով: Ընդ որում, Մանուկյանը սույն գործով ծեծի է ենթարկվել ոստիկանների կողմից եւ դեռ դատական գործընթացի ժամանակ գանգատվել է գլխացավից: Այն, ինչ ներկայացրեցի, վերաբերում են այն նույն հանգամանքներին, ինչը դուք հաստատել եք որպես հանցավոր արարք, դատապարտել նրան, անտեսել նրա ցանկացած բարձրացած հարց: «Դուք Ռոբերտ Քոչարյանի ռեժիմի պաշտպանն եք հանդիսացել մի ամբողջ ժամանակահատված, ենթարկվել եք քաղաքական գծած սխեմային եւ հիմա պետք է լսեք Քոչարյանի կալանքի վերաբերյալ գործը, ինչը իմ եւ տուժողի կողմից բացառում է ձեր կողմից արդարացի լինելու հնարավորությունը։ Ձեր հանդեպ իմ եւ տուժողի վստահությունը հասել է զրոյական շեմի եւ նկատի ունենալով, որ ձեզ չենք ճանաչում որպես արդարության համար պայքարող, սկզբունքային դատավոր, գտնում եմ, որ դուք ակնհայտ բացարկման ենթակա եք»,- հայտարարեց Սաֆարյանը եւ ինքնաբացարկի միջնորդությանը կից դատարանին ներկայացրեց Գեւորգ Մանուկյանի կողմից իրեն ուղարկված փաստաթղթերը:

Մեղադրանքի կողմը միջնորդության դեմ չառարկեց միայն մեկ մասով: Մասնավորապես, մեղադրող դատախազ Պետրոս Պետրոսյանը կարծիք հայտնեց, որ Սեդա Սաֆարյանի միջնորդության մեջ նշված այն հանգամանքը, որ Դանիելյանը դատավոր է նշանակվել Ռոբերտ Քոչարյանի իշխանության օրոք, հիմք չէ, որ դատավորը չի կարող լինել անաչառ եւ իր գործողություններում բացառապես ենթարկվել օրենքին։ Իսկ ինչ վերաբերում է այն փաստարկներին, որ այս դատավորը Մարտի 1-ի  գործով որոշումներ է կայացրել, ապա այդ հանգամանքն, ըստ դատախազի՝ պետք է փարատի դատարանը:

Պաշտպանական կողմը միացավ Սեդա Սաֆարյանի միջնորդության եզրափակիչ մասին՝ համամիտ չլինելով դրա նկարագրական մասի հետ: Այսինքն՝ պաշտպանները համամիտ էին Սաֆարյանի միայն այն մտքի հետ, որ դատավորը պետք է ինքնաբացարկ հայտնի:

Այնուհետեւ ինքնաբացարկի մի քանի միջնորդություններ ներկայացրին Քոչարյանի պաշտպաններ Արամ Օրբելյանը, ֆրանսիահայ փաստաբան Սեւակ Թորոսյանը, Հովհաննես Խուդոյանը (նա դատարանում չէր, այն հրապարակեց Օրբելյանը), Յուրի Խաչատուրովի պաշտան Միհրան Պողոսյանը եւ Սեյրան Օհանյանի պաշտպան Կարեն Մեժլումյանը:

Մասնավորապես ֆրանսիահայ պաշտպան Սեւակ Թորոսյանը հայտարարեց, որ 15 տարվա մեջ առաջին անգամ է, որ դատավորին ինքնաբացարկի միջնորդություն է ներկայացնում: Նշենք, որ Թորոսյանը ազգությամբ հայ է, սակայն ապրում, աշխատում է Ֆրանսիայում։

«Դուք չեք կարող քննել այս գործը ։ Երբ ես որոշ ուսումնասիրություններ անցկացրեցի, շատ հետաքրքիր կարծիք ունեցա հեղափոխությունից հետո Հայաստանում արդարադատության վերաբերյալ։ Այսօրվա առարկան ու խնդիրը միայն Ռոբերտ Քոչարյանին չի վերաբերում, այլ վերաբերում է ազատության սկզբունքին, անմեղության կանխավարկածին, եւ սա է պատճառը, որ ես այդքան կիլոմետր հատել եմ ու եկել այստեղ», - հայտարարեց պաշտպանը։ Վերջինս նշեց, որ գնահատման արդյունքների համաձայն, դատավոր Արմեն Դանիելյանը շատ ցածր վարկանիշ ունի եւ վկայակոչելով այդ տվյալները, հորդորեց Դանիելյանին ինքնաբացարկ հայտնել։ «Դուք 8-ից ցածր վարկանիշ ունեք»,- ասաց նա, ապա հավելեց. «Գործի վարույթը պետք է վստահվի ավելի բարձր վարկանիշ ունեցող դատավորի, փաստաբանների բարձր գնահատանքին արժանացած դատավորի։ Որպեսզի հանգստացնեք դատախազությանը, եկեք ամենամեծ հանգստությամբ ինքնաբացարկ հայտնեցեք, գոնե պաշտպանական կողմը նույնպես կհանգստանա, եւ վստահ եմ, որ հետո ձեր հանգստությունը կհիշեք», - ասաց Թորոսյանը։ Նրա այս խոսքերից հետո դահլիճում գտնվողներից մի քանիսը սկսեցին ծիծաղել, ինչից հետո դատարանը նրանց դիտողություն արեց նիստի կարգը խանգարելու համար. «Պարոն Թորոսյանը լուրջ հարց է քննարկում, մինչդեռ դուք ծիծաղում եք»,- դիմելով դահլիճում ներկա գտնվողներին՝ ասաց դատավորը:

Պաշտպաններից Հայկ Ալումյանն էլ, դիմելով դատավորին, նկատեց. «Հարգելի դատարան, այս դատավարության ընթացքում կողմերի մեջ մեկը չկա, որ ձեզ վստահի։ Ես կարծում եմ, որ դուք պիտի ինքնաբացարկ հայտնեք»:

«Հարգելի դատարան, ես Ձեզ վստահում եմ», - այսպես սկսեց Քոչարյանի պաշտպաններից Ռուբեն Սահակյանը, ապա շտապեց ավելացնել. «Ես միշտ վստահել եմ Ձեզ, բայց հիասթափված եմ դուրս եկել ձեր բոլոր դատական նիստերից, հավատացեք։ Այդպիսի մի ընդունված կարգ կա մեզանում՝ երբ կոլեգայիդ պատմում ես, թե ինչպես ընթացավ դատական նիստը, քեզ հարցնում են՝ «իսկ ինչպե՞ս պահեց քո նկատմամբ դատավոր Դանիելյանը՝ ընդգծված հարգալի՞ց, թե՞ ոչ»։ Երբ ասում ես՝ «առավել քան ընդգծված հարգալից վերաբերմունք դրսեւորվեց», արձագանքում են՝ «ուրեմն մերժել է»։ Եվ միշտ այդպես ասողները ճիշտ են։ Դուք կարող եք իջնել ձեր տեղից, մոտենալ փաստաբանին, սեղմել նրա ձեռքը, ասել՝ որքան եք հարգում նրան, եւ այդ պահից մենք իմանում ենք, որ դուք որոշումը կայացրել եք նախքան խորհրդակցական սենյակ մտնելը, նախքան կողմի կարծիքը լսելը»։

Սահակյանը հայտարարեց, որ միանում է Սեդա Սաֆարյանի միջնորդության եզրափակիչ մասին, չի միանում նկարագրական մասին:

Տպել
8932 դիտում

ԱՄՆ դեսպանի հետ կապված հայտարարությունները և ակցիաները ունեն միայն ներքաղաքական շարժառիթ. քաղաքագետ

Ընդդիմության ակցիաներում ոստիկանների դեմ եղած հաղորդումներով ծառայողական 47 քննություն, 5 ուսումնասիրություն է կատարվում

Հիշողությանս մեջ վառ է Մարտի 1-ը, այն սարսափը, որով հայ հասարակությունն անցավ, մենք կոչ էինք արել չցրել հավաքը. Վիկտորին

ՊՆ-ն հայտարարում է երաժիշտ և պարող զորակոչիկների մասնագիտական լսումներ և դիտումներ

Որոշ տարածաշրջաններում և Վարդենյաց լեռնանցքում թույլ ձյուն է տեղում

Շարունակվում է Սուրեն Պապիկյանի այցը 3-րդ բանակային զորամիավորում

Ամենայն հայոց կաթողիկոսն ընդունել է Լիտվայի Հանրապետության նախագահին

Երևանում կայացել է Հայաստան-Իրաքյան Քուրդիստան գործարար համաժողով

Դաշնակցությունը ցանկանում է վիժեցնել ՀՀ իշխանությունների ջանքերը՝ ուղղված երկրի անվտանգությանը. քաղաքագետ

Ինչ ունեցվածք են հայտարարագրել ընդդիմադիր պատգամավոր Ագնեսա Խամոյանը և նրա ամուսինը՝ Արթուր Մուրադյանը

Եղանակային անբարենպաստ պայմանների պատճառով ընդդիմությունն այսօր հանրահավաք չի անցկացնի

Աննա Հակոբյանը հյուրընկալել է Դիանա Նաուսեդիենեին. վերջինս ՀՀ վարչապետի կնոջը հրավիրել է Լիտվա

Ջավադյանին բնորոշ էին համեստությունը, ուշադրությունը մարդկանց հոգսերի հանդեպ. ՀՀ նախագահը ցավակցական հեռագիր է հղել

Ես՝ որպես իշխանական ուժի պատգամավոր, ավելի հաշտ եմ ընդդիմության մի շարք անհատների հետ, քան իրենք իրար հետ. Աղազարյան

«Հայրենիք» կինոթատրոնի մոտ մեքենաներ են բախվել. կա զոհ

«Առանց բոթաս Հայաստան». Անահիտ Մութաֆյանի գրառումը ծաղրանքի առարկա է դարձել համացանցում (լուսանկարներ)

Ռուբինյանն Իրանի դեսպանին է ներկայացրել հայ-թուրքական հարաբերությունների կարգավորման գործընթացում ՀՀ-ի դիրքորոշումը

Կայացել է ԱՀ ՄԻՊ-ին առընթեր բռնի տեղահանված և փախստական անձանց իրավունքների պաշտպանության հարցերով խորհրդի առաջին նիստը

Ատելության խոսքը, վիրավորանքը, թշնամանքի հրահրումը բարիք չեն կարող լինել. Գերագույն հոգևոր խորհրդի հայտարարությունը

Դոլարի փոխարժեքը մի փոքր նվազել է. ՀՀ կենտրոնական բանկը հրապարակել է նոր փոխարժեքներ

Նիկոլ Փաշինյանը ցավակցական ուղերձ է հղել Յուրի Ջավադյանի մահվան կապակցությամբ

Ամառային սուրդլիմպիկ խաղերում հայ մարզիկները 5 բրոնզե մեդալ են նվաճել

Գնել Սանոսյանն ու Չեխիայի դեսպանը քննարկել են չեխական ընկերության կողմից Ստեփանավանում փոքր օդանավերի արտադրության հարցը

Սկսել ենք կարևոր երկխոսություն, որը պետք է շարունակվի. ՀՀ վարչապետը՝ Լիտվայի նախագահին

«Մարիոթ»-ի ֆորումին հրավիրված բոլոր պատգամավորների ու այլ հյուրերի մուտքը եղել է անխոչընդոտ. Դանիել Իոաննիսյան

Իրացման ցանցում հայտնաբերվել է ժամկետանց սննդամթերք (լուսանկարներ)

Արարատ Միրզոյանը հանդիպում է ունեցել Իսպանիայի ԱԳ նախարարի հետ. անդրադարձել են տարածաշրջանային նշանակության հարցերի

Թատրոնում աշխատելով՝ մի բոթասով ահագին մարդու սոցիալական ապահովություն է ստեղծում. Սաֆարյանը՝ Մութաֆյանի գրառման մասին

Արայիկ Հարությունյանն ընդունել է Նարեկ Մկրտչյանին. կարևորվել է երկու հայկական պետությունների փոխգործակցության սերտացումը

Պատերազմի քննիչ հանձնաժողովն աշխատանքը չի համապատասխանեցնելու որոշ թերթերի խարդավանքների տրամաբանությանը. Քոչարյան

Ատեստավորման նպատակով այս տարի կվերապատրաստվեն ավելի քան 14 հազար ուսուցիչներ

Անձնագիր ձեռք բերելիս անձի նույնականացման գործիքակազմը բարելավման կարիք ունի. ՀՀ գլխավոր դատախազը միջնորդագիր է հղել

ՀՀ ոստիկանությունը պարզաբանում է տարածել համակարգի աշխատողներին պարգևատրումներ տրամադրելու վերաբերյալ

Վրաստանի ՊՆ ներկայացուցիչներն այցելել են Վազգեն Սարգսյանի անվան ռազմական համալսարան

Ալեն Սիմոնյանն ընդունել է Գիտանաս Նաուսեդային. անդրադարձ է կատարվել տարածաշրջանային անվտանգության խնդիրներին

Վահագն Խաչատուրյանը հյուրընկալել Լիտվայի Հանրապետության նախագահին. նրանք հանդես են եկել հայտարարություններով (տեսանյութ)

ՀՀ ԱԳ նախարար Արարատ Միրզոյանը մասնակցել է ԵԽ նախարարների կոմիտեի նիստին (տեսանյութ)

Միացյալ Նահանգները լավ գործընկեր է ձեռք բերել՝ ի դեմս Հայաստանի կառավարության. Լին Թրեյսի

Ավտովթար Երևանի «Հայրենիք» կինոթատրոնի մոտակայքում. կա զոհ

Արարատ Միրզոյանը հանդիպում է ունեցել Յան Լիպավսկիի հետ. քննարկվել են միջազգային նշանակության հարցեր (տեսանյութ)