ԳԹԿ-ն հիշեցնում է՝ միասնական քննությունը վերահանձնել հնարավոր չէ, եւ վատ զգալու դեպքում լավ է այն ընդհատել

Հայաստանում միասնական քննությունները շարունակվում են: Հունիսի 14-ին դիմորդների գիտելիքները ստուգվել են օտար լեզու առարկայից:

Ամենամեծ քննությունը եղել է անգլերենից՝ հանրապետության 30 քննական կենտրոնում: Այս առարկայից քննություն հանձնելու համար հայտագրվել է 4 524 շրջանավարտ-դիմորդ: 123 հոգի պետք է գերմաներեն հանձներ 11 քննական կենտրոնում, 85-ը՝ ֆրանսերեն՝ 9 քննական կենտրոնում: Արտաշատի թիվ 1 հիմնական դպրոցում տեղակայված քննական կենտրոնում էլ 2 շրջանավարտ-դիմորդ հայտագրվել է պարսկերենից քննություն հանձնելու համար եւ այլն:

Մայրաքաղաքում զբաղված են եղել բոլոր քննական կենտրոնները: Թիվ 11 հիմնական դպրոցում դիմորդները քննություն են հանձնել երեք օտար լեզուներից՝ 120 հոգի անգլերենից, 17-ը՝ գերմաներենից եւ 39-ը՝ ֆրանսերենից: Մնացած քննական կենտրոններում անցկացվել է միայն անգլերենի քննություն:

Արդյունքները փակցվելու են քննությունից հետո՝ հինգերորդ օրը՝ հունիսի 19-ին: Իսկ մինչ այդ գնահատման եւ թեստավորման կենտրոնը, ինչպես միշտ, խոստանում էր, որ թեստերի պատասխաններն իր պաշտոնական atc.am կայքում կհրապարակվեն քննության ավարտից 1-1.5 ժամ հետո, եւ պատասխանի ձեւաթղթի քսերոպատճենն իր հետ քննասրահից տարած դիմորդը կարող է ինքնուրույն հաշվել միավորներն ու իմանալ գնահատականը: Բայց օրվա ընթացքում ծնողներն ու դիմորդները սկսեցին բողոքել կայքի խափանումներից, իսկ ԳԹԿ-ն ներողամտություն հայցելով՝  դա պատճառաբանեց կայքի ծանրաբեռնվածությամբ եւ անգլերենի, գերմաներենի, ֆրանսերենի, պարսկերենի, իսպաներենի ու իտալերենի թեստերի պատասխանները հրապարակեց նաեւ ԳԹԿ ֆեյսբուքյան էջում:

Երեւանի Անդրանիկ Մարգարյանի անվան համար 29 դպրոցում անգլերենի քննություն հանձնած շրջանավարտներից մեկը, որը դիմել է Սլավոնական համալսարանի լեզվաբանության ֆակուլտետ եւ որի հետ զրուցեցինք, քննության ընթացքի ու թեստերի հետ կապված դժգոհություններ չուներ: «Թեստերը հիմնականում շտեմարանից էին: Կային փոփոխված բաներ, բայց չեմ կարող ասել՝ դժվար էր: Միջին բարդության էր: Քննությունը շատ լավ անցավ, ոչ մի արտառոց բան չգրանցվեց»,- ասաց աղջիկը՝ չցանկանալով անունը հրապարակել: Նրա գնահատմամբ, այս տարվա թեստերը բարդությամբ չէին տարբերվում անցյալ տարվա թեստերից: Միակ նորությունն, ըստ աղջկա, այն էր, որ առաջադրանքների մի մասը նույնությամբ չէին կրկնում շտեմարանների առաջադրանքները եւ որոշակի փոփոխություններով էին ներկայացված:

Դա, փատորեն, ըստ էության, այն է, ինչի մասին խոսում էր կրթության, գիտության, մշակույթի եւ սպորտի նախարար Արայիկ Հարությունյանը, երբ նշում էր, որ շտեմարաններից ընտրված ու թեստերում ընդգրկված առաջադրանքները պետք է կրեն որոշակի փոփոխություններ, որպեսզի չգործի պատասխանները անգիր սերտելու եւ մեխանիկորեն առաջադրանքները կատարելու տարբերակը:

«Իրականում իր այդ գաղափարը շատ լավն է, եթե ճիշտ գործածվի: Այսինքն՝ չենք կարող միանգամից շտեմարանները հանենք ու դնենք այնպիսի բան, որը երեխեքից ոչ մեկը չի իմանա կամ չի պարապել (նկատի ունի բոլորովին նոր ու անծանոթ առաջադրանքներ-խմբ.): Բայց հիմնականում այդ գաղափարը ճիշտ է, որովհետեւ շատ մարդիկ կան, որ անգիր արած գրում են»,- կարծիք հայտնեց դիմորդը: Անգլերենի թեստերում, նրա դիտարկմամբ, որոշակի փոփոխությունների էին ենթարկվել առաջադրանքների քսան տոկոսը:

Մեր զրուցակիցն ասաց, որ շուրջ մեկ տարի պարապել է կրկնուսույցի մոտ: Հույս ուներ, որ բարձր գնահատական է ստանալու:

Ինչ վերաբերում է «հայոց լեզու եւ գրականություն» առարկայի միասնական քննությունների վերջնական արդյունքներին, դրանք գրեթե չեն տարբերվում ավելի վաղ մեր հրապարարակած նախնական արդյունքներից: Անբավարար կամ առավելագույն միավոր ստացած դիմորդների թիվը փոփոխվել է ընդամենը մեկ-երկուսով: Թեստերի երրորդ ու վերջին ստուգումից հետո պատկերն այսպիսին է՝ 5 370 դիմորդից անբավարար՝ 7.5-ից ցածր միավոր է հավաքել 1045 դիմորդ կամ քննության մասնակիցների 19.5 տոկոսը: Նախորդ տարի այդ տոկոսը եղել է 16: 18-20 միավոր է վաստակել 493 դիմորդ կամ մասնակիցների 9.2 տոկոսը՝ նախորդ տարվա 14.2 տոկոսի փոխարեն:  

Հ.Գ. Գնահատման եւ թեստավորման կենտրոնը հիշեցնում է, որ միասնական քննությունը, որը դպրոցի ավարտական եւ բուհի ընդունելության քննություն է միաժամանակ, ՀԱՆՁՆՎՈՒՄ է ՄԵԿ ԱՆԳԱՄ: «Եթե երեխան վատ է զգում, ավելի լավ կլինի, որ նա ՉՀԱՆՁՆԻ այդ քննությունը, այդ դեպքում նա իրավունք ունի հանձնել այն հուլիսի սկզբին՝ 2-րդ փուլում: Բոլորովին կարիք չկա սպասել 5 օր, տեսնել ցածր գնահատականը եւ հիշել, որ երեխան այդ օրը վատ էր զգում, կամ քննասրահում է վատ զգացել, կամ էլ հուզված է եղել այնքան, որ չի կարողացել նորմալ գրել: Ավելի լավ է ընդհատել քննությունը, հետո հանձնել: Հիշեք, եթե պատասխանի ձեւաթուղթը հանձնվել է, ուրեմն շրջանավարտը քննությունը հանձնել է, եւ ուրեմն, այն երկրորդ անգամ հանձնելու հնարավորություն այլեւս չունի»,- ընդգծում է ԳԹԿ-ն: Նկատենք, որ խոսքը վերաբերում է միայն միասնական քննությանը, այսինքն՝ բուհի ընդունելությանը, իսկ ավարտական քննությունը դիմորդները իրավունք ունեն վերահանձնել, եթե դրանից նույնպես նրանց գնահատականը անբավարար է:

Առջեւում մաթեմատիկա, հայոց պատմություն, քիմիա եւ ռուսաց լեզու առարկաների միասնական քննություններն են: Հիմնական այս փուլը կեզրափակվի հունիսի 25-ին:

Տպել
11629 դիտում

Մի քանի ժամով կլհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին