Եթե դասեր չքաղենք, թավշյա հեղափոխությունը կդառնա թավշյա հեռացում․ Սասուն Միքայելյան

«Իմ քայլը» խմբակցության պատգամավոր Սասուն Միքայելյանը ԱԺ մի քանի նիստերին բացակայելուց հետո այսօր եկել էր խորհրդարան։ Լրագրողների հետ զրույցում Միքայելյանն անդրադարձավ Կոտայքի մարզպետ Ռոմանոս Պետրոսյանին:

Միքայելյանն ասաց, որ ինքն ու Պետրոսյանը միասին աշխատել են, ինքը շտաբ է վերցրել, Պետրոսյանին նշանակել շտաբի պետ եւ աշխատել են:

«Էս վերջերս մի հետաքրքիր անեկդոտ եմ հիշել, որ դիպուկ է էսօրվա իրավիճակի հետ, Ռոմանոսի հետ ա կապված: Պիտի ռուսերեն ասեմ, որ ավելի արտահայտիչ լինի՝ грузины открывают памятник неизвестного солдата, բացման ժամանակ շիրիմը բացում են, там написано – Коте Махарашвили, родился в таком году, умер в таком. Один спрашивает, слушай, там дата, все написано, какой он неизвестный? А тот отвечает – дело не в том, что он когда родился, когда умер, дело в том он вообще был солдатом, или не был. Հասկանո՞ւմ եք: Դրանից հետո, չգիտեմ, վերցնենք Աբովյանի ընտրությունները, ասում են՝ Միքայելյան Սասունը չի մասնակցել, դրա համար ենք պարտվել, էն Մաուգլու մեջի շակալի պես տղեն ասում ա՝ Окела промахнулся»,- ասաց Ս.Միքայելյանը՝ նշելով, որ Ռ. Պետրոսյանը ցանկացել է դառնալ դեմք, թեկնածու է բերել ներկայացրել վարչության նիստին, որին Միքայելյանը դեմ է քվեարկել, չի միջամտել ընտրություններին:

Սասուն Միքայելյանն ասաց, որ ինքը պահել է ՔՊ-ի կարգուկանոնը, ասել է, որ ճանաչում է քաղաքապետ Գրիգորյանին 1995թ-ից, երբ նա եղել է ԱԺ պաշտպանության, ներքին գործերի եւ ազգային անվտանգության հանձնաժողովի փորձագետը երկար տարիներ:

«Ես ասել եմ, ասում եմ, որ պետք չէ տանել ցնցումների, այդ քաղաքապետը կիրթ եւ նորմալ երիտասարդ է, բյուջեն կատարել է 105 եւ ավելի տոկոսով, այսինքն՝ բյուջեն գերակատարել է, ինչը ՀՀ-ում չի եղել: Պետք չի բերել ուրիշ դաշտ, որը ՔՊ-ին վայել ա: Եթե մարդ կա, որ իրոք արժեք ունի, պիտի գնահատվի եւ նշանակվի էդ գործին: Էս ա եղել ընդհանուր իրավիճակը, որ ես չեմ պաշտպանել, ոչ թե չեմ պաշտպանել, այլ չեմ խառնվել ընդհանրապես, ՔՊ-ի թիկունքից չեմ խփել, որեւէ մեկին չեմ ասել՝ պիտի գնաք ընտրեք գործող քաղաքապետին: Իսկ Աբովյանի ընտրությունները ՔՊ-ն պարտվեց հենց Ռոմանոսի միջոցով, որովհետեւ ինքը անձնավորեց իրա դերակատարությունը Աբովյանի քաղաքապետի ընտրությանը, պլյուս դրան պատկերացրեք՝ վարչապետը հանկարծ չգնար Աբովյան, ինչ էր կատարվելու: Պարզ ա, որ էս շարժման մեջ իներցիայի տակ ժողովուրդը ինչ-որ հարցի շուրջ ձայն ա տալիս, իրանք գիտեն՝ դեմք են դարձել կամ մեծ դերակատարում են ունեցել հայոց պատմության կամ այսօրվա իրողության կամ ընդհանրապես թավշյա հեղափոխության հետ կապված»,- ասաց Միքայելյանը՝ հավելելով, թե Ռ.Պետրոսյանը այդպես ակտիվ էլ չէր հեղափոխության ժամանակ․

«Եթե դասեր չքաղենք, թավշյա հեղափոխությունը կդառնա թավշյա հեռացում: Դրա համար համակարգում նորմալ աշխատած մարդկանց պարտադիր չէ փոխել, եթե նա նորմալ է աշխատել: Բոլորն էլ գիտեն, թե ինչ ճնշումների տակ են այն ժամանակ մարդիկ աշխատել»,-ասաց պատգամավորը։

Նա նշեց, որ ինքը երբեք չի խանգարի, որ ՔՊ-ն իր աշխատանքը շարունակի, Միքայելյանն ընդգծեց, որ երբ ինքը ՔՊ վարչության նախագահ է եղել, այդ ժամանակ ՔՊ-ն հաղթանակ է տարել։

Ինչ վերաբերում է նիստերից բացակայելուն՝ Միքայելյանն ասաց, որ առողջական խնդիրներ ուներ եւ որոշակի հարցեր կային՝ սպասում էր՝ իրավիճակը հանդարտվի։

Առավել մանրամասն՝ տեսանյութում․

Տպել
3093 դիտում

Վթար Թալին-Գյումրի ավտոճանապարհին. կան տուժածներ (տեսանյութ)

Վարչապետն ԱԱԾ-ում է. ներկայացնում է կառույցի ղեկավարի նոր պաշտոնակատարին (տեսանյութ)

Գյումրիում գողացել էին ընկերություններից մեկին պատկանող 40մ երկարության եզրաշար քարերը

Քաջարան-Մեղրի և Վանաձոր-Ալավերդի-Բագրատաշեն ճանապարհահատվածները բեռնատարների համար փակ են

Շիրակի մարզում 3 բալ ուժգնությամբ երկրաշարժ է գրանցվել

Իսկ գուցե պատճառներն ավելի պա՞րզ են

Սեպտեմբերի 21-ին Գյումրիում փակ են լինելու որոշ փողոցներ (տեսանյութ)

Նիկոլ Փաշինյանը եղել է Հանրայինի արխիվի նոր մասնաշենքում, լսել Առաջին ալիքի հաշվետվությունը

Գրոզնիում առեւտրի կենտրոն է հրդեհվել. ուժգին կրակն ընդգրկում է 700 քմ տարածք

Եվրախորհրդարանը դատապարտել է Թուրքիայում հիմնարար իրավունքների ու ազատությունների ոտնահարումը

Աղավնատուն գյուղում սպանության փորձի մասնակիցների ինքնությունը հայտնի է․ նոր մանրամասներ

Փոխվարչապետ Գրիգորյանն ընդունել է ԵՀ Հարևանության հարցերով գլխավոր տնօրենի տեղակալին

Սևանի ոստիկանները ապօրինի թմրաշրջանառության դեպք են բացահայտել (տեսանյութ)

Ոստիկանները բացահայտել են Վահագնի գյուղի հարակից անտառում երկու ծառի անօրինական հատման դեպք

Վթար Երևանի Շիրակի փողոցում. վարորդներից մեկը տեղափոխվել է հիվանդանոց

Ով է հերոս եւ ով՝ հակահերոս. Կառավարությունն արձագանքում է հանրային պահանջին

ՀՀ ԱԽ քարտուղարը նշանակման առթիվ շնորհավորել է ԱՄՆ նախագահի ազգային անվտանգության գծով խորհրդականին

Երեւանի Նոր Արեշ փողոցի բնակարաններից մեկում հայտնաբերվել է դի

ՀՀ կառավարությունը շահագրգռված է «Բոինգ» կորպորացիայի հետ փոխշահավետ համագործակցությամբ. վարչապետ

Ոստիկանապետի ժամանակավոր պաշտոնակատարը հանդիպել է Բելառուսի իրավապահների պատվիրակության հետ