Գիտակցում ենք, որ սրանով փորձում եք վախ տարածել հանրության մեջ. Սամվել Բաբայանի գրասենյակի պատասխանը՝ Արցախի ԱԱԾ-ին

Արցախի ՊԲ նախկին հրամանատար Սամվել Բաբայանի գրասենյակը հայտարարություն է տարածել, որում ըստ էության անդրադարձել է երեկ Արցախի Ազգային անվտանգության ծառայության տարածած հաղորդագրությանը:

Հաղորդագրությունում մասնավորապես ասված է.

«Կոչ ԱՀ ԱԱԾ-ին և Ոստիկանությանը

Արցախում մեկնարկած ստորագրահավաքը, որը ընթանում է սահմանադրական կարգի նորմերով՝ այսինքն ըստ օրենքի, սկսած պահից, դրանից առաջ և հընթացս անցնում է պարզ, թափանցիկ և իր մեջ չի կրում որևէ սադրիչ, էլ ուր մնաց սահմանադրական կարգը տապալող տարրեր, քանզի նախատեսված է հենց սահմանադրորեն։ Ստորագրահավաքը դեռևս չհասած իր վերջնակետին ու դեռ չհանձնված ԱԺ քննարկմանը, պատգամավորների մակարդակով հնչում են հստակ կողմնորոշումներ, որ հարյուր տոկոս էլ հատի չենք ընդունելու կամ իրենց հույսն են ու վստահությունն են հայտնում, որ Գերագույն դատարանը չի հաստատի այս նախագծի օրինականությունը ։ Մինչդեռ սահմանադրական փոփոխությունների այս նախագիծը ընդգրկում է այն երանելի փափագը իրականացնելու առաջին քայլը, որը ընդունվել է 1989թ․ դեկտեմբերի 1-ի որոշումով և սևով սպիտակի վրա գրվել՝ վերամիավորվել Մայր Հայրենիքի`Հայաստանի հետ, ինչպես նաև իրականացնելու Արցախի ժողովրդի անսասան կամքը՝ զարգացնելու և պաշտպանելու ինքնորոշման իրավունքի հիման վրա 1991 թվականի սեպտեմբերի 2-ին ստեղծված և 1991 թվականի դեկտեմբերի 10-ի հանրաքվեով անկախ հռչակված Լեռնային Ղարաբաղի Հանրապետությունը, որը ամրագրված է ԱՀ սահմնադրության նախաբանում։

Միանշանակ տարիներ շարունակ վերարտադրվող իշխանությունը այս կարևորագույն խնդիրը չի կարող ընդունել, քանի դեռ իշխանությունը փոխանցում է իր գաղափարական հետնորդներին, այսինքն չի ուզում կորցնել իշխանությունը Արցախում։ Ապա այս իշխանությունը, որը գրեթե 20 տարի է երկիրը պահում է ռազմական դրության մեջ, անընդհատ հիշեցնելով , որ ամեն րոպե կարող է պատերազմ սկսել, զարմանալի է, որ խոսում է ժողովրդավարությունից, երբ փաստացի երկրում դիկտատուրա է տիրում, որտեղ ոտնահարված է սահմնադրությունը և սահմանադրորեն նախատեսված քայլերը դիտվում են որպես սահմնադրական կարգի տապալում։ Իրականում այս իշխանությունները թքած ունեն սահմանադրության և նրա կարգի պահպանման վրա, որովհետև նույնիսկ անտեղյակ են սեփական ձեռքով գրված օրենքներից, որտեղ հստակ խոսվում է հանրահավաքներ անցկացնելու ձևի մասին, որ հանրահավաքները թույլ են տրվում ըստ սահմանադրության անցկացնել այն դեպքում երբ տանս օր շուտ տեղեկացվում է դրանց մասին պատկան մարմիններին։ Այսինքն ինչի համար են ԱԱԾ-ի և Ոստիկանության կոչերն սահմանադրական կարգի տապալման վերաբերյալ, եթե նույնիսկ դեռ սահմանադրորեն հաստատված հանրահավաքների անցկացման համար դիմում չեն ստացել։

Հղում տալով Սամվել Բաբայանի հարցազրույցին, մասնավորապես, երբ Սամվել Բաբայանը նշեց որ այդ մարդիկ, ովքեր ստորագրել են վաղ, թե ուշ գալու են իրենց ստորագրության հետևից՝ չնշելով որևէ ժամկետներ, կոչեր անելու փոխարեն ուղղակի մի աղավաղեք մարդկանց խոսքը՝ մեկնաբանելով այն այնպես, ինչպես ձեզ է հարմար, որովհետև այդ ամենը կարող է բերել լարվածության, որը դրդելու եք դուք ու դառնալու եք դրա միակ պատասխանատուն։ Ուստի չեղած բանը դարձնել քննարկման առարկա ու դեռ կոչեր ու հայտարարություններ անել նախօրոք անլուրջ է և հարիր չէ իրավապահ մարմիններին։ Իհարկե նաև գիտակցում ենք, որ սրանով փորձում եք վախ տարածել հանրության մեջ, որ ըստ ձեզ հանրահավաքներին խուսափեն մասնակցելուց։ Սա է ձեր գործելաոճը, պահել ժողովրդին առաջինը դիկտատուրայի պայմաններում՝ այսինքն մշտապես ռազմական դրության վախի մեջ, կամ վախեցնել ներքին ազդակներով այն է ոստիկանություն կամ ԱԱԾ։ Ստորագրահավաքը, ստորագրահավաքին հաջորդող բոլոր գործընթացները անցկացվելու են միայն սահմանադրությամբ հաստատված օրենքների շրջանակում, ուստի սահմանադրական կարգի տապալողներին կոչ ենք անում փնտրել այլ տեղ։ Եվ բավական է ԱԱԾ-ն և Ոստիկանությունը ծառայեցնել որպես սեփական վախերը փարատելու գործիք։ Կոչ ենք անում ԱԱԾ և ոստիկանության համակարգը սպասարկող աշխատակիցներին ծառայել միմիայն սեփական ժողովրդի շահերին, այլ ոչ թե իշխանական բուրգին։ Եվ մի մոռացեք, որ Ստորագրահավաքը նախաձեռնող խումբը ունի 218 անդամ, որոնց միացել է նաև Սամվել Բաբայանը, այն միայն Սամվել Բաբայանի անունը չի կրում»,- նշված է հայտարարության մեջ։

Նշենք, որ երեկ էլ Արցախի ԱԱԾ-ն հաղորդագրություն է տարածել, որում քաղաքական ուժերին ու առանձին անձանց, ովքեր ներգրավված են քաղաքական գործընթացներում, կոչ է արել գործել բացառապես Արցախի Սահմանադրության ու օրենքների շրջանակներում:

Արցախի ԱԱԾ-ն զգուշացրել է, որ Սահմանադրական կարգի դեմ ցանկացած ոտնձգություն ստանալու է իրավական համապատասխան գնահատական, եւ դրա կանխման համար գործադրվելու են բոլոր միջոցները:

Տպել
4022 դիտում

Վարշավայի ֆոնդային բորսան մտադիր է ձեռք բերել Հայաստանի ֆոնդային բորսան

Նորքի տներից մեկի բակում կեսգիշերն անց հրավառություն իրականացրած տղամարդը հայտնաբերվել է

«Oրենքով գող» Ալոյի եւ քրեական հեղինակություն «Տիզ»-ի կալանավորման միջնորդությունները կքննվեն նորից

ՎՏԲ Բանկն առաջարկում է շահավետ պայմաններ՝ ֆինանսական կազմակերպություններից գույքի գրավադրմամբ վարկեր գնելու նպատակով

Վաղվանից Հայաստանի տարածքում ջերմաստիճանը կնվազի, սպասվում են տեղումներ

Արցախի Մարտունու շրջանի Սոս և Մաճկալաշեն համայնքներում դպրոցները դեռ փակ կմնան

Գազամատակարարման պլանային ընդհատումներ կլինեն Երևանում, Լոռու, Կոտայքի, Արագածոտնի և Սյունիքի մարզերում

Ադրբեջանը պատասխանել է իրենց մոտ հայտնված ՀՀ քաղաքացի Ն. Սարդարյանի վերաբերյալ ՄԻԵԴ-ի հարցերին. փաստաբանը մանրամասնում է

Արցախի նախագահն ընդունել է ՀՀ ԱԳՆ պատվիրակությանը. քննարկվել է արտաքին քաղաքականության հարցերի լայն շրջանակ

Եկամտահարկով ուսման վարձի փոխհատուցումը կատարվում է ուսումնական տարվա ավարտից հետո. ԿԳՄՍՆ-ն մանրամասնում է

Անկախության տոնին առաջին անգամ կհանձնվի շախմատի Երևանի գավաթը

Քրեակատարողական ծառայության ղեկավար անձնակազմն այցելել է «Գորիս» քրեակատարողական հիմնարկ

ՍԴ նորընտիր դատավոր Երվանդ Խունդկարյանն ԱԺ ամբիոնից երդվեց լինել անկախ եւ անաչառ

Ուսումնական տարին սկսվեց` երթուղայինների թիվը չավելացավ. Երեւանի քաղաքապետարանը նախապատրաստական աշխատանքներ է անում

Հարձակում Սան-Ֆրանցիսկոյի հայկական կենտրոնի վրա. անհայտ անձինք այն հրկիզել են (լուսանկարներ)

Վարչապետը շնորհավորել է Հայաստանի հրեական համայնքին՝ Ռոշ Հաշանայի կապակցությամբ

Անկախության օրվա կապակցությամբ սեպտեմբերի 21-ին Երևան-Գյումրի-Երևան ուղղությունում կաշխատեն լրացուցիչ էլեկտրագնացքներ

Կոռուպցիոն չարաշահումներ Ամասիայի առողջության կենտրոնում. հարուցվել է քրեական գործ

«Սխալվելու վճռականությունը՝ ճշմարիտ ճանապարհ». Նիկոլ Փաշինյանը՝ ՔՊ-ի սխալների մասին

Խորհրդարանում շարունակվում է քառօրյան․ պատգամավորները կողմ քվեարկեցին հայտարարագրերի մասին օրենքի նախագծին