ԱԱԾ-ի կողմից հետապնդվող օլիգարխ, դավաճան սիրուհի եւ թմրամոլ որդի. Պարոնյանում հեղափոխական պրեմիերա է սպասվում

Թավշյա հեղափոխության մասին նոր ներկայացում է սպասվում: «BOOMԵՐԱՆԳ» կոչվող ներկայացման պրեմիերան տեղի կունենա հուլիսի 25-ին, Հակոբ Պարոնյանի անվան երաժշտական կոմեդիայի թատրոնում: Մեկ գործողությամբ կատակերգությունը հետհեղափոխական շրջանում ապրող օլիգարխի մասին է։

Ներկայացման բեմադրիչ, ռեժիսոր Սեդրակ Գոջամանյանը «Հայկական ժամանակ»-ի հետ զրույցում որոշ մանրամասներ ներկայացրեց «BOOMԵՐԱՆԳ»-ից եւ գլխավոր հերոսների մարմնավորած կերպարներից. «Փախուստի մեջ գտնվող եւ ԱԱԾ-ի կողմից հետապնդվող օլիգարխի, նրա դավաճան սիրուհու, թմրամոլ որդու եւ խարդախ հաշվապահի մասին է: Գլխավոր հերոսը օլիգարխն է, որի կյանքում ամեն ինչ փոխվում է, երբ հայտնվում է խորհրդավոր անծանոթուհին»:

Սեդրակ Գոջամանյանից հետաքրքրվեցինք, թե օլիգարխի կերպարը կերտելիս Հայաստանում ապրող որեւէ օլիգարխի նկատի ունեցե՞լ է, վերջինս նշեց՝ ոչ, բոլոր հերոսները հավաքական կերպարներ են. «Սա այն պատմություն է, որ կարող էր ցանկացած երկրում պատահել եւ քանի որ եղավ Հայաստանում, իսկ ներկայացումն էլ հայի համար է, բնականաբար ամեն ինչը հայկական մոտիվացիան է եղել: Օրինակ՝ հաշվապահն այն մարդկանցից է, որ քաղաքական ցանկացած փոփոխությունների ժամանակ այս թեւից անցնում են մյուս թեւը»,-ասաց նա:

Օլիգարխի կերպարը մարմնավորում է Լեւոն Հարությունյանը, հեղափոխական անծանոթուհուն՝ Լուիզա Ներսիսյանը, հաշվապահին՝ Անդրանիկ Հարությունյանը, սիրուհուն՝ Ժաննա Հովակիմյանը: Օլիգարխի թմրամոլ որդու կերպարը մարմնավորում է Վահե Զիրոյանը, իսկ թմրամոլ տղայի ընկերուհուն՝ Միլենա Ավանեսյանը:

Ներկայացման հիմքում բումերանգի օրենքն է՝ «ինչ անես՝ քեզ է վերադառնում»: Հենց այդտեղից էլ առաջացել է կատակերգության վերնագիրը՝ «Բումերանգ»:

Պիեսի հեղինակը Արմեն Վարդանյանն է: Սեդրակ Գոջամանյանը պատմեց, որ գաղափարն առաջացել հենց հեղափոխության օրերին. «Ես եւ Արմենն ամենօրյա շփումների մեջ էինք եւ ամեն ինչ մեր աչքի առաջ էր կատարվում: Արվեստագետները քաղաքական գործիչներ չեն, բնականաբար, բայց իրենք էլ պետք է ունենան իրենց տեսակետը, յուրաքանչուր զարգացում, որ եղել է այս 1,5 տարվա մեջ՝ աշխատեցինք ի մի բերել եւ առաջարկել մեր տարբերակը»: Բեմադրիչի խոսքով՝ պիեսում ավելի շատ մարդու ներքին հեղախություն է ներկայացվում:

Սեդրակ Գոջամանյանից հետաքրքրվեցինք, թե կոմերցիոն տեսանկյունից ինչ կարող է տալ հեղափոխության մասին ներկայացումը. «Հիմա դա այնքան էլ բարեհաջող ժամանակ չէ, այսինքն, եթե ես սա անեի հեղափոխությունից մեկ կամ երկու ամիս հետո, կոմերցիոն իմաստով շատ խելացի քայլ կլիներ: Դիտավորյալ չենք արել, ուզում էինք տեսնել, թե ինչ զարգացում կլինի: Հիմա այնքան նախագծեր ու սկետչային հումորներ են արվել այդ թեմայի շուրջ, որ արդեն իսկ սպառված է այդ շուկան, հետեւաբար շեշտը դրա վրա չենք դրել»: «BOOMԵՐԱՆԳ»-ի տոմսերի արժեքը սկսվում է 2 հազար դրամից, հասնում 6 հազարի:

Բեմադրիչը չի կարծում, թե որեւէ քննադատության առիթ կստեղծի թեմատիկայի ընտրությունը, անգամ թատերագետների արձագանքից չի խուսափում. «Եթե գործը նայեն, անգամ ամենասուր քննադատները կհավանեն, քանի որ սա նախադեպ չունեցող տեսակ է, գլուխ չեմ գովում, բայց սա այնպիսի գործ է, որ կարող է եւ հեղափոխություն եղած չլիներ եւ մենք անենինք նույնը: Արվեստագետն առաջին հերթին մտնում է նրա մեջ ինչ պատահում է իր շրջապատում, դա նորմալ է»:

Տպել
10214 դիտում

Պետք է ուսումնասիրել ոչ միայն իշխանության, այլև ընդդիմության վարքը, պարզել՝ ով է վարակել մեր պատգամավորներին. Ջուլհակյան

Սևանում կհիմնանորոգվի բակային 5 ճանապարհ

Պարետի որոշմամբ կասեցվել է Գազպրոմ Արմենիա, Վեոլիա Ջուր եւ մի շարք այլ տնտեսվարողների մասնաճյուղերի գործունեությունը

Վենեսուելան Անգլիայի բանկից չի ստանա իր ոսկու պաշարը. Մեծ Բրիտանիան չի ճանաչում Մադուրոյին որպես նախագահ

Նորակերտում խմելու ջրատարի ներքին ցանցը կհիմնանորոգվի 2650 մետր երկարությամբ

Ամառային զորակոչի մեկնարկի առիթով ՊԲ զորամասերում հանդիսավոր արարողություններ են անցկացվել

Վերանայվել է 1․3 տրիլիոն դրամ մնացորդով շուրջ 980 հազար վարկային պայմանագիր․ բանկերի միության նախագահ

Մանկապարտեզներում արձանագրվող խախտումները նվազել են. ԿՏՄ

Ինքնաձիգ, ատրճանակներ, նռնակներ․ քաղաքացիները ոստիկանության բաժիններում հրազեններ են հանձնել (տեսանյութ)

«Սուրբ Գրիգոր Լուսավորիչ» ԲԿ-ն արձագանքել է մահացած կնոջ մարմինը կորցնելու ու նրա հեռախոսից գումար փոխանցելու դեպքին

ՌԴ ԿԸՀ-ն կայացած է համարել երեկվա ընտրությունները. պաշտոնական արդյունքները կհրապարակվեն վաղը

ԱԻՆ ջրափրկարարները դադարեցրել են կորած քաղաքացու ստորջրյա որոնողական աշխատանքները

Լավ կլինի՝ վերադառնաք Ձեր «մահացած» քաղաքական ուժի ռեինկառնացիային. Արսեն Թորոսյանը՝ Նաիրա Զոհրաբյանին

Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին

Կասեցումներ են իրականացվել «ՎՏԲ Հայաստան բանկ»-ում, Սոցիալական ապահովության ծառայությունում, առեւտրի կենտրոններում․ ԱԱՏՄ

Ստեղծվել է ԱԺ քննիչ հանձնաժողով. կուսումնասիրվեն կորոնավիրուսային իրավիճակում իրականացված միջոցառումներն ու այլ հարցեր

Գեղարքունիքում հաստատվել է կորոնավիրուսային հիվանդության 31 նոր դեպք, եւս 27 հոգի առողջացել է

Ձերբակալվել են Գյումրու սոց. աջակցության տարածքային բաժնի վեց աշխատակիցներ, այդ թվում՝ բաժնի պետը և գլխավոր մասնագետները

Սրբուհի Գալյանն ընտրվել է գլխավոր դատախազի՝ ապօրինի գույքի բռնագանձման ոլորտը համակարգող տեղակալ

Կոտայքի մարզպետը նախորդ տարի 35 մլն դրամ վարկ է վերցրել և 51 մլն դրամանոց բնակարան գնել