Մխիթարյանն առաջատարի պես տարավ թիմը. Գյուլբուդաղյանց

Հայաստանի ֆուտբոլի ազգային հավաքականի ավագ Հենրիխ Մխիթարյանն իսկական առաջատարի պես դրսեւորեց իրեն Եվրո 2020-ի ընտրական փուլի Բոսնիա եւ Հերցեգովինայի դեմ խաղում: «Հանրապետական» մարզադաշտում 4:2 հաշվով տոնած հաղթանակից հետո այսպիսի կարծիք արտահայտեց ՀՀ հավաքականի գլխավոր մարզիչ Արմեն Գյուլբուդաղյանցը: Մխիթարյանը խփեց թիմի առաջին 2 գոլերը, իսկ 4-րդի դեպքում նրա փոխանցումից հետո մցրակիցը պատահմամբ գրավեց սեփական դարպասը: Հանդիպումից հետո լրագրողների հետ հանդիպման ժամանակ մարզիչը խոսեց ինչպես Մխիթարյանի, այնպես էլ ընդհարապես խաղի մասին:

- Շնորհավորում ենք: Նախ կխնդրեի՝ խոսեիք խաղից, հետո առաջին փոփոխությունից: Կառլն Մկրտչյանը ի՞՞նքը խնդրեց, որ փոխարինվի, թե Դուք տեսաք, որ կենտրոնը շատ է թուլացել: Ըստ իս՝ Արտակ Գրիգորյանի՝ փոխարինման մտնելը փոխեց խաղի ընթացքը:

- Արդեն ուզում էինք փոփոխություն անել դաշտի կենտրոնում: Տեսաք, երեւի, որ մի 10 րոպե մեզ արդեն ճնշում էին հենց հենակետային գոտում: Ուղղակի մտածում էինք Հովսփյանին փոխել, թե Կառլենին: Կառլեինին հարցրեցինք ինքն ուզեց փոփոխություն:

- Դուք՝ որպես, այսպես ասենք, 13-րդ խաղացող (խաղի ժամանակ խաղադաշտ լ մտաք), ի՞նչ զգացողություններ ունեիք:

- Շատ ուրախ եմ, որ տղաների այս մեծ աշխատանքը, նվիրվածությունը, ժողովրդի այս մեծ հույսը չկորավ: Իտալիայի խաղում էլ նույնը փորձեցինք, բայց ինչ-ինչ պատճառներով չստացվեց: Շատ ուրախ եմ, որ բոլորիս ցանկություն մեկ եղավ, ու տղաներն անմնացորդ նվիրվեցին, խաղացին, եւ հաղթեցինք:

- 2-րդ խաղակեսում թիմը սկսեց ավելի շատ հարվածեր կատարել հեռու տարածություններից: Այդպես ստացվե՞ց, թե՞ այդպիսի հրահանգ կար Ձեր կողմից:

- Ընդհանրապես ֆուտբոլում պետք է խաղը կարդաս, իրավիճակը գնահատեց: Այնպիսի իրավիճակ էր ստեղծվել, որ խաղը թելադրում էր, որ այդտեղ պետք է Տիգրան Բարսեղյանը հարվածներ աներ: Գիտեք՝ մեր Տիգրանը լավ լավ հարվածների է տիրապետում, 2 պահ եղավ, խնդրեցինք, որ հարված անի, իսկ մնացածը տղաերն էին: Իրոք խաղը թելադրում էր, որ ետք է հարված անել:

- 2-րդ խաղակեսում տղաները տարան խաղը: Տրամադրվե՞լ ին: Իտալիայի դեմ ծանր խաղից հետո բարոյական բարձր հատկանիշներ ցուցաբերեցին, բոլորիս համար մի փոքր անսպասելի էր:

- Եթե հիշում եք, Հունաստանին էլ մենք հաղթեցինք 2-րդ խաղակեսում: Հանդդերձարանում տղաները մեկը մյուսին ոգեւորում էր, ասում էին՝ պետք է չկանգնենք, այսպիսի խաղերում պետք է ցցույց տանք մեր բնավորությունը, փառք Առսծո, ստացվեց:

- Այս պահին 2-րդ տեղի համար մեր գլխավոր մցրակիցներից մեկը Ֆինլանդիան է: Այսօրվա ակտիկան, որ ենթադրում էր առանց Ալքսադր Կարապետյանով խաղ՝ ցածրահասակ ֆուտբոլիստներով ու ու ավելի շատ կոմբինացիաների վրա հիմնվաշ: Արդյո՞ք նույնկերպ կլինի Ֆինլանդայի դեմ խաղալ՝ հաշվի առնելով՝ որքան ուժեղ են 2-րդ հարկում:

- 1 ամիս ժամանակ ունենք Ֆինլանդիայի եւ Լիխտենշտեյնի խաղը վերլուծելու համար: Անպայման հաշվի ենք առելու ամեն ինչ: Եթե նկատել եք, այս վերջին 3 խաղերում նույն մարտավարությունով ենք խաղում: Կփորձենք լավացնել այս մարտավարությունը:

- Ինչպե՞ս կգնահատեք Արամ Հայրապետյանի խաղը:

- Իտալիայի խաղում 2 խաղակես կանգնեց, ու բոլորդ էլ տեսաք՝ քանի անգամ փրկեց թիմին: Ընդհանրապես ես Արամին հավատում եմ, մեր մյուս դարպասապահներին՝ Անատոլիին էլ, Արսենին էլ հավատում եմ, Ավագյան Հենրիին էլ, որը մեծ ապագա ունի:

- Չե՞ք կարծում, որ Հենրիխ Մխիթարյանն իր լավագույն հանդիպումն անցկացրեց հավաքականում:

- Այո՛, Հենրիխ Մխիթարյանը՝ մեր ավագը, իսկապես առաջատարի պես տարավ թիմը հետեւից: Մեծ ծավալի աշխատանք կատարեց, սեւագործ գործերը, ամեն ինչ արեց, փոխանցումները գոլը, ապրի Հենրիխը ու մնացած բոլոր տղաները, նույնիսկ, ովքեր չեն խաղացել, բոլորի էներգետիկան օգնեց, որ այսօր բոլոր միասին հասնենք հաղթանակի:

- Ըստ Ձեզ՝ վերադարձե՞լ ենք ուղեգրի համար պայքարին:

- Մենք պատրաստվում ենք Լիխտենշտեյնի դեմ խաղին: Եթե միավորները հաշվենք, այո՛, վերադարձել ենք, բայց մենք պատրաստվելու ենք Լիխտենշտեյնի դեմ խաղին: