ԱԺ-ն ընդունեց ճանապարհային երթեւեկության խախտումները նկարահանելու վերաբերյալ աղմկահարույց օրինագիծը․ ԲՀԿ-ն դեմ քվեարկեց

Ազգային ժողովն այսօր՝ սեպտեմբերի 16-ին, առաջին ընթերցմամբ ընդունեց «Տեսանկարահանող կամ լուսանկարահանող սարքերով հայտնաբերված ճանապարհային երթեւեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» աղմկահարույց օրենքի նախագիծը, որով «Իմ քայլը» խմբակցության պատգամավորներ Սիսակ Գաբրիելյանն ու Արմեն Փամբուխչյանն առաջարկում են քաղաքացիներին հնարավորություն տալ տեսանկարահանել ճանապարհային երթեւեկության խախտումները եւ օնլայն ռեժիմով՝ հավելվածի միջոցով փոխանցել ոստիկանությանը:

Նախագիծն ընդունվեց ձայների 87 կողմ, 21 դեմ եւ 1 ձեռնպահ հարաբերակցությամբ։ Դեմ քվեարկեցին ԲՀԿ-ական պատգամավորները, որոնք նախորդ նիստին շատ կոշտ դիրքորոշում էին արտահայտել օրինագծի վերաբերյալ։ ԲՀԿ-ական պատգամավորներից մեկը՝ Արթուր Դալլաքյանը, նախագիծը որակել էր նույնիսկ «բարոյականությունից զուրկ»։ ԲՀԿ խմբակցության ներկայացուցիչների դիրքորոշումից, ըստ էության, տպավորություն էր, որ կարծում են՝ ներկայացվածը «գործ տալու» նախագիծ է եւ քաղաքացիներին տրամադրելու է իրար դեմ։ Դալլաքյանի արտահայտությունն ԱԺ-ում մթնոլորտը լարել էր, պատգամավորները նիստերի դահլիճից դուրս էին եկել՝ հարցը պարզելու։ ԲՀԿ պատգամավորներից մեկի սենյակում մի քանի րոպե տեւած խոսակցությունից հետո «Իմ քայլ»-ի եւ «ԲՀԿ»-ի մի խումբ պատգամավորներ արդեն հանդարտված վերադարձան նիստերի դահլիճ։

Այսօր նախագծի քվեարկությունից առաջ ԲՀԿ խմբակցության պատգամավոր Արման Աբովյանն ասաց, որ հարկ է համարում նշել մի փաստ՝ այսօր ՀՀ-ում գործում է մոտ 2000 ստացիոնար տեսախցիկ, եւ, ըստ Աբովյանի, այս օրենքն ընդունելուց հետո տեսախցիկների թիվը էականորեն կաճի՝ դառնալով 500 հազարից ավելի․ «Հաշվի առնելով ճանապարհատրանսպորտային ոչ բարվոք վիճակը եւ ՀՀ քաղաքացու ծանր սոցիալակն վիճակը՝ մենք քվեարկելու ենք դեմ, քանզի լկտիության եւ իրավախախտումների դեմ պայքարը չպիտի ենթադրի նաեւ, որ ՀՀ ծանր սոցիալական վիճակում գտնվող քաղաքացիները գտնվեն այդ ծանր բեռի տակ»,- ասաց Աբովյանը։

Վարման կարգով ելույթ ունեցավ նաեւ «Իմ քայլը» խմբակցության պատգամավոր Վիկտոր Ենգիբարյանը՝ նշելով, որ այս օրինագիծն ունի բացառապես կանխարգելիչ բնույթ․ «Նպատակ դրված չէ տուգանել կամ տուգանք ավելացնել, կամ ավելացնել քաղաքացիների բեռը, նպատակը ավտոպատահարների ու մահերի կրճատումն է»,- շեշտեց Ենգիբարյանը։

ԼՀԿ պատգամավոր Անի Սամսոնյանն էլ իր խոսքում նշեց, որ իրենց խմբակցությունը կողմ է քվեարկելու նախագծին, սակայն իրենք մինչեւ երկրորդ ընթերցում, ունենալու են առաջարկներ եւ, ըստ այդմ, նախագծի հեղինակներին խնդրեց աշխատել ԼՀԿ-ական պատգամավորների հետ։

Օրինագիծն ընդունվեց առաջին ընթերցմամբ։

Տպել
5030 դիտում

Անբավարար սնունդ, հիգիենիկ պարագաների եւ զբոսանքի բացակայություն. խախտումներ` Գյումրիի հոգեբուժարանում

Վթար Կոտայքի մարզի Նոր Գեղի գյուղում. վարորդը հոսպիտալացվել է

Սիրիայի բանակը շարժվում է հյուսիս` կանխելու Թուրքիայի առաջխաղացումը դեպի երկրի խորքեր

Շենավանում 62-ամյա բնակիչը բուժքույրի կողմից ներարկում ստանալուց հետո մահացել է. նախապատրաստվում են նյութեր

Պատկերացնու՞մ եք, թանգարանների մուտքերի մոտ հերթեր են գոյացել. Նիկոլ Փաշինյան

Independent պարբերականը ներկայացնում է աշխարհի խորհրդարանների լավագույն շենքերը. ՀՀ-ն 4-րդն է

ԱԻՆ-ը խոտածածկ տարածքներում բռնկված հրդեհների վերաբերյալ 18 ահազանգ է ստացել

Սիրիայում Թուրքիայի հարձակման հետևանքով ավելի քան 130.000 մարդ փախստական է դարձել. ՄԱԿ

Ամենայն Հայոց Կաթողիկոսը Սուրբ Պատարագ մատուցեց Ժնևի Սուրբ Հակոբ հայկական եկեղեցում

Հրդեհ Տավուշի մարզի Բերդ քաղաքի տներից մեկում

Գերմանիան ևս դադարեցրել է զենքի արտահանումը Թուրքիա. Մերկելը Էրդողանին կոչ է անում անհապաղ դադարեցնել կրակը

Վայք քաղաքի բնակիչներից մեկի ավտոտնակում «Տրոտիլ» տեսակի 4 պայթուցիկ է հայտնաբերվել

Եղեգնուտ գյուղի 50-ամյա մի բնակիչ բենզասղոցի գործադրմամբ 63 ծառ է կտրել ու տարել իր բակ

Վանաձորի աղմկահարույց սպանությունների գործով Բագրատաշենի անցակետում հայտնաբերվել է եւս մեկ կասկածյալ

Ոստիկանները հայտնաբերել են «Դայմոնդ» ֆիթնես» ակումբի և մեկ այլ ԱՁ-ի տնօրեններին դանակահարողին

Աննա Հակոբյանն իրականացրել է հաշմանդամություն ունեցող Ռազմիկի երազանքը

Սարավան գյուղում այրվել են ավտոմեքենա և խոտածածկույթ

Արարատ Միրզոյանը Բելգրադում հանդիպել է Սերբիայի խորհրդարանի խոսնակի հետ

Բակո Սահակյանը այցելել է գյուղաշխատողի օրվա կապակցությամբ կազմակերպված տոնավաճառին

Եղանակային առումով նորից ունենալու ենք հրաշք շաբաթ, արեւային աշունը շարունակվում է. Սուրենյան