Եթե ՍԴ-ում անհրաժեշտ թվով քվեներ չապահովվեն, որոշումը կհամարվի մերժված. Վլադիմիր Վարդանյան

ՍԴ նախագահի պաշտոնը զբաղեցնող Հրայր Թովմասյանի լիազորությունները դադարեցնելու գործընթացը, որը նախաձեռնվել է «Իմ քայլը» խմբակցության կողմից, իրականացվել է Սահմանադրությամբ ամրագրված ԱԺ լիազորությունների շրջանակներում եւ ԱԺ կանոնակարգ օրենքով նախատեսվող ընթացակարգով։ Այս մասին լրագրողների հետ զրույցում ասաց խորհրդարանական «Իմ քայլը» խմբակցության պատգամավոր, ԱԺ պետական-իրավական հարցերի մշտական հանձնաժողովի նախագահ Վլադիմիր Վարդանյանը․

«Ես ուզում եմ, որ հանրությունը հստակ իմանա, որ թեեւ գործընթացը նախաձեռնվում է ԱԺ-ում, բայց այդ հիմքերի ուսումնասիրությունը ՍԴ-ի տիրույթում է։ Իհարկե, փորձ է կատարվում այս ամենի մեջ տեսնել քաղաքական գործընթաց, մանիպուլյացիաներ,  եւ այլն։ Նախկինում ասում էին՝ իրավական գործընթացների չեք դիմում, փորձում եք ճնշում կատարել դատարանի վրա, բայց հիմա մենք ընտրել ենք այն ուղին, որն իրավականն է։ Եթե կասեք՝ ԱԺ խմբակցությունը շեղվել է իր սահմանդրական լիազորություններից, դա այլ բան է, բայց այն, ինչ կատարվում է, իրականացվում է հավուր պատշաճի եւ սահմանադրական նորմերին համապատասխան»,- շեշտեց Վարդանյանը։

Քանի որ որոշման հիմքերի ուսումնասիրությունը ՍԴ-ի տիրույթում է, ապա լիազորությունները դադարեցնելու համար անհրաժեշտ է վեց դատավորի քվե։ Հարցին՝ եթե այդ վեց քվեն չի ապահովվում, ապա ինչ է ենթադրվում, Վլադիմիր Վարդանյանը պատասխանեց, որ, ըստ էության, որոշումը համարվում է մերժված։

Պետաիրավական հանձնաժողովի նախագահը հարկ համարեց շեշտել, որ ՍԴ-ում որեւէ անձի նկատմամբ որեւէ գործընթաց սկսելն ինքնանպատակ չէ, եւ դա հակասում է իրավական պետության սկզբունքներին, իսկ ինչ վերաբերում է Հրայր Թովմասյանի լիազորությունները դադարեցնելու այլ ընթացակարգերին, ապա, ըստ պատգամավորի, սա այն ընթացակարգն է, որը սահմանված է ԱԺ կանոնակարգով․

«Եւ այս գործընթացը նախատեսվել է, որովհետեւ «Իմ քայլը» խմբակցության մոտ հիմնավոր կասկած էր առաջացել ՍԴ դատավորի լիազորությունները դադարեցնելու հիմքերի մասին։ Հիմքերի գնահատումը, կրկնում եմ, ՍԴ-ի տիրույթում է»։

Վլադիմիր Վարդանյանն ասաց, որ խմբակցության դիրքորոշումը պայմանավորված է ՍԴ-ում առկա այն խնդիրների հետ, որոնք ի հայտ են եկել վերջին շրջանում կայացրած որոշումներից․

«Ուզում եմ բոլորդ հստակ հասկանաք՝ ՍԴ-ն չի դատում անձերի, այնտեղ քննարկվում է օրենսդրական նորմի սահմանադրականության հարցը։ Այդ նորմը տարածվելու է բոլոր սուբյեկտների վրա, որոնք օգտվում են գործառութային անձեռնմխելիությունից, այդ թվում՝ նաեւ ինձ»։

Հարցին՝ եթե ՍԴ-ն մերժեր Վահե Գրիգորյանի միջնորդությունը, ոչ թե դրան ընդհանրապես անդրադարձ չկատարեր, այդ հիմքը տեղ չէ՞ր գտնի Թովմասյանի լիազորությունները դադարեցնելու որոշման նախագծում, պատգամավորը հաստատեց, որ, իհարկե, տեղ չէր գտնելու․

«Ես ասել եմ, որ, այո՛, ՍԴ-ն որպես կոլեգիալ մարմին՝ կարող է խոսել իր ակտերի միջոցով, եթե ունենայինք ակտը, որով հստակ սահմանված լիներ, որ Վահե Գրիգորյանը խախտել է սա, սա, սա, եւ մենք դրա հիմքով մերժում ենք միջնորդությունը, սա կլիներ գործընթաց, որը կարելի էր մեկնաբանել, բայց այդ ակտը չկա»,- ասաց Վարդանյանը։

Հիշեցնենք, որ ՍԴ դատավոր Վահե Գրիգորյանը միջնորդություն էր ներկայացրել Դատարան՝ ՍԴ անդամներ Հրայր Թովմասյանի, Արեւիկ Պետրոսյանի եւ Հրանտ Նազարյանի՝ Քոչարյանի դիմումի քննության մասնակցության անհնարինության վերաբերյալ: Գրիգորյանի հիմնավորմամբ՝ նրանք այս կամ այն կերպ առնչվել են մարտիմեկյան դեպքերի վերաբերյալ որոշումների ընդունմանը եւ չեն կարող անաչառ լինել Քոչարյանի անձեռնմխելիության հարցի վերաբերյալ դիմումը քննելիս:

Լրագրողները Վլադիմիր Վարդանյանից հետաքրքրվեցին՝ եթե դիմումի քննության ժամանակ Հրայր Թովմասյանը հաստատեր, որ ինքն ու Քոչարյանի պաշտպան Արամ Օրբելյանը քավոր-սանիկական հարաբերություններ ունեն, բայց դա քննության ժամանակ նշանակություն չի ունենա, այդ դեպքում ինչ կլիներ։ Պատգամավորը արձագանքեց, որ Վահե Գրիգորյանը ՍԴ դատավոր դառնալիս ասել է, որ այս գործով որոշակի կաշկանդվածություն ունի եւ չի կարող օբյեկտիվ, անաչառ եւ անկողմնակալ մասնակցություն ունենալ, ՍԴ-ն էլ քննարկել եւ որոշման է եկել, որ Գրիգորյանը կողմի նրկայացուցիչ է, եւ այո՛, չի կարող մասնակցել։ Վարդանյանը հարց հնչեցրեց․ իսկ հիմա մյուս դատավորները, որոնք որոշակի առնչություն են ունեցել հարցին, նման ընթացակարգ արե՞լ են, թե՞ ոչ։

Պետաիրավական հարցերի մշտական հանձնաժողովի նախագահն ասաց, որ Վահե Գրիգորյանի նամակում արծարծված Դատարանի անդամ-դատավոր հակասության խնդրին Թովմասյանի լիազորությունները դադարեցնելու որոշման մեջ չեն անդրադարձել, քանի որ այդ հարցը տարընթերցումների եւ զանազան մեկնաբանությունների առիթ է դարձել․ «Այս փուլում դրան չենք անդրադառնում, դիտարկում ենք որպես հոմանիշ»։

Անդրադառնալով քննադատություններին, թե Հրայր Թովմասյանի եւ Սահմանադրական դատարանի նկատմամբ ճնշում է գործադրվում՝ Վլադիմիր Վարդանյանն ասաց, որ սովորաբար, երբ դատարանի նկատմամբ այս կամ այն երկրում ճնշում է գործադրվում, այդ ճնշումը զգում է դատավորը, որովհետեւ որպես կանոն այդ ճնշման մասին չեն խոսում, չեն բարձրաձայնում, այդ ճնշման մասին հրապարակային խոսելն անընդունելի է եւ այլն․

«Գործընթացն իրավական է, եթե ուզում եք՝ իրավաքաղաքական, այս պարագայում, եթե ես որոշեմ վիճարկել ՍԴ-ի մասին սահմանադրական օրենքի որեւիցե դրույթ, եւ դիմենք ՍԴ, դա եւս կարելի է ընկալել որպես ճնշում ՍԴ-ի նկատմամբ, կամ որոշենք, որ ՍԴ մասին օրենքում փոփոխություններ պետք է կատարվեն, դա նույնպես ճնշում կարող է դիտարկվել»։

Ինչ վերաբերում է «Իմ քայլը» խմբակցության պատգամավոր Հովիկ Աղազարյանի այն հայտարարությանը, թե «Եթե Հրայր Թովմասյանը մեր վրա տղա չբերեր ու չդիմեր Վենետիկի հանձնաժողով, կարող է անհրաժեշտություն չառաջանար լիազորությունները դադարեցնելու»,- Վլադիմիր Վարդանյանն ասաց, որ Աղազարյանն արտահայտել է իր սեփական, մասնավոր կարծիքը, որը չի հանդիսանում խմբակցության կարծիք․

«Պարոն Աղազարյանը, քանի որ պետաիրավական հանձնաժողովից չէ, տեղյակ չէ այն գործընթացներից, որոնք վերաբերում են դատաիրավական բարեփոխումներին, այն բոլոր քննարկումներին, որոնք տեղի են ունեցել արդարդատության նախարարության, կառավարության, մեր ընդդիմադիր գործընկերների հետ, եւ արտահայտել է էմոցիոնալ կարծիք, որը վերաբերում է իրեն»,- եզրափակեց Վարդանյանը։

Հիշեցնենք՝ «Իմ քայլ»-ը խմբակցության ղեկավար Լիլիթ Մակունցը երեկ ԱԺ նախագահին է ներկայացրել Ազգային ժողովի որոշման նախագիծը՝ Սահմանադրական դատարանի դատավոր Հրայր Թովմասյանի լիազորությունները դադարեցնելու հարցով Սահմանադրական դատարան դիմելու մասին:

Ըստ այդմ՝ Լիլիթ Մակունցն Ազգային ժողովի նախագահ Արարատ Միրզոյանին առաջարկում է նախագիծը դնել շրջանառության մեջ եւ հիմնական զեկուցող նշանակել Ազգային ժողովի պատգամավոր Սուրեն Գրիգորյանին:

Կից ներկայացվել է նաեւ նախագծի ընդունման հիմնավորումը, որը բաղկացած է 93 թերթից:

Հիմնավորման մեջ մասնավորապես նշվում է, որ սույն որոշումն ընդունելու նպատակը Սահմանադրական դատարանում ընթացող իրավական գործընթացների թափանցիկության երաշխավորումն է եւ դատարանի նկատմամբ վստահության ապահովումը: «Նախագծի ընդունումը թույլ կտա ՀՀ Ազգային ժողովին Սահմանադրությամբ իրեն վերապահված լիազորությունների շրջանակներում Սահմանադրական դատարանի դատավորի լիազորությունների դադարեցման հարցը ՀՀ Սահմանադրությամբ եւ «Սահմանդրական դատարանի մասին» ՀՀ սահմանադրական օրենքով նախատեսված կարգով դարձնել Սահմանադական դատարանի քննության առարկա»,- մասնավորապես նշված է հիմնավորման մեջ: Նախագիծը սահմանված կարգով ուղարկել է ԱԺ պետաիրավական հարցերի հանձնաժողով՝ եզրակացության։

Տպել
937 դիտում

Արա Բաբլոյանին մեղադրանք է առաջադրվել, ներկայացվել է միջնորդություն՝ կալանավորելու համար. ՀՔԾ

«Վանաձորի օր» տոնակատարության ծրագիրը պատրաստ է. «Գաթա բենդ», Արամ MP3, հրավառություն

Նախագիծ, որով զինծառայողն իրավունք կունենա իրեն տրված կարգապահական տույժը բողոքարկել. արդյո՞ք սա կգործի

Շատ ուրախ եմ, որ իմ լավ ընկերը հաղթեց ընտրություններում եւ շարունակելու է ղեկավարել բարեկամ Կանադան. վարչապետ

74-ամյա Եվգենի Պետրոսյանը մարզվում է 30-ամյա սիրելիին դուր գալու համար (տեսանյութ)

Նախարարների աշխատավարձ-պարգեւավճարը կկազմի 1.5 մլն դրամ, փոխնախարարներինը՝ 1 մլն դրամ. Կարապետյան

Ռոմանոս Պետրոսյանը դիմել է դատարան Քասախի ավագանու անդամների լիազորությունները դադարեցնելու համար

ՀՊՏՀ ռեկտորի պաշտոնակատարի եւ ուսանողների պայքարը շարունակվում է. Դիանա Գալոյանը կդիմի՞ վարչապետին

Ակնհայտ անշահավետ գործարքի արդյունքում պետությանը պատճառվել է 15․488․000 դրամի վնաս (տեսանյութ)

Գերմանիան շարունակելու է աջակցությունը Հայաստանում բարեփոխումներն առաջ մղելու նպատակով. հանդիպում Գերմանիայի դեսպանի հետ

Անվերջանալի «ապահարզան». ինչո՞ւ Մեծ Բրիտանիան չի կարողանում լքել ԵՄ-ն

Սուրեն Պապիկյանն ընդունել է Լիոնի փոխքաղաքապետ Ժորժ Կեպենեկյանին

37 տարեկան հասակում կյանքից հեռացել է դատախազության միջազգային-իրավական համագործակցության վարչության դատախազը

ԱԻՆ ճգնաժամային կառավարման ազգային կենտրոնի պետ Հովհաննես Խանգելդյանն ազատման դիմում է գրել. նախարարի հետ խնդիր չունի

ՊԵԿ-ն իրազեկում է ավտոմեքենաների նախնական մաքսային հայտարարագրման կիրառման հնարավորության մասին

Նախագծի շնորհիվ Էապես կնվազեն ջերմոցային գազերի արտանետումները. Հակոբ Կարապետյանը՝ քաղաքապետարանի նոր ծրագրի մասին

Հաջորդ մենամարտից հետո հայ բռնցքամարտիկը պայմանագիր կկնքի Top Rank-ի հետ, որի հետ աշխատել է Մուհամեդ Ալին

Ավտոմեքենայում դանակի սպառնալիքով Չեխիայի քաղաքացուց պահանջել են հեռախոսը եւ գումար. ավազակային հարձակում Երևանում

Երեւանի Լենինգրադյան փողոցի շենքերից մեկում հայտնաբերվել է դի

Նաիրի Հունանյանը դիմել է վաղաժամկետ ազատ արձակման խնդրանքով. 80-օրյա ժամկետում այն կքննարկվի