Միքայել Մինասյանի ընկերությունը «Առաջին ալիքին» վճարում է մի սերիալի չափ գումար. կոռուպցիոն սխեմայի վտանգ

ԱՄՆ-ում գործող ARTN հեռուստաընկերության տնօրեն Ռոբերտ Օղլաղչյանն օրերս սենսացիոն բացահայտումներ հրապարակեց «Առաջին ալիքի» վերաբերյալ: 

 

Օղլաղչյանը հայտարարեց, որ ըստ իր ձեռքին հայտնված փաստաթղթի՝ «Առաջին ալիքի» ղեկավարությունը, առանց մրցույթ հայտարարելու, չնչին գումարով ԱՄՆ-ում վերահեռարձակման իրավունք  է տվել Սերժ Սարգսյանի փեսա Միքայել Մինասյանի անվան հետ կապվող «ՊանԱրմ Ինք» մեդիահոլդինգին:

Հանրային հեռուստաընկերության վերահեռարձակման իրավունք «ՊանԱրմ Ինք»-ին տրամադրվել էր նաեւ 2014-ին՝ 5 տարի ժամկետով: Ըստ պայմանագրի՝ «ՊանԱրմ Ինք»-ը «Առաջին ալիքին» ամսական վճարում էր ընդամենը 2500 դոլար, որը 5 տարվա կտրվածքով կազմել է 150 հազար ԱՄՆ դոլար: Այդ պայմանագրի ժամկետը լրանում է առաջիկա նոյեմբերին, բայց «Առաջին ալիքն» արդեն, բոլորից գաղտնի, վերակնքել է «ՊանԱրմ Ինք»-ի պայմանագիրը. դրանում միակ փոփոխությունն այն է, որ այսուհետ 2500 դոլարի փոխարեն վճարվելու է 4000 դոլար (տարեկան 240 հազար ԱՄՆ դոլար):

Օղլաղչյանը հայտարարում է, որ կոռուպցիոն ռիսկեր է տեսնում դրանում եւ երեկ մեզ հետ զրույցում բացատրեց, թե ինչու:

- Պրն Օղլախչյան, ի՞նչ խնդիր կա, որ «Առաջին ալիքը» վերակնքել է 5 տար առաջ «ՊանԱրմ Ինք»-ի հետ կնքած պայմանագիրը:

- «ՊանԱրմ Ինք»-ը բացվել  է 2014 թ. հուլիսին: Ու թեեւ այդ ժամանակ ԱՄՆ-ում 6-7 հզոր հայկական հեռուստաընկերություն կար, բայց «Առաջին ալիքի» ղեկավարությունը որոշում է էդ 6-7-ի հետ չհամագործակցել, 2 ամսվա նորաթուխ կազմակերպության հետ պայմանագիր են կնքում 5 տարի ժամկետով: Եվ ըստ պայմանագրի՝ հեռարձակման համար ամսական 2500 դոլար պետք է վճարվի: Որպեսզի պատկերացնեք, թե դա ինչ թիվ է, ասեմ, որ  ինձ մոտ համակարգչային աշխատողը ստանում է ամսական 4-5 հազար դոլար: Եվ ընդհանրապես, ԱՄՆ-ում որեւէ հեռուստաընկերության վերահեռարձակման շուկայական գինը 40-50 հազար դոլար է:

Լավ, ասենք էդ պրոցեսը եղել 2014-ին, երբ կոռուպցիա կար, ոչ ոք ոչ մի բան չէր կարող անել, որովհետեւ Հ1-ի տնօրեններն էին՝ Մարգարիտա Գրիգորյանը, որին Միքայել Մինասյանը բերել էր «Արմենիայից», որ Հ1-ում իրենց մարդը ունենան, եւ Ռուբեն Ջաղինյանը, որի հետ այս կեղտոտ կոռուպցիոն գործարքը արել են: Բնական  է՝ միլիոնավոր դոլարներ են ստացել գովազդից, բայց ընդամենը 2500 դոլար են տվել «Առաջին ալիքին»: Տասնյակ հազարներ ամսական իրար մեջ են արել: Չեմ կարող ասել՝ ովքեր, ես իրավական մարմին չեմ, բայց արդեն պարզ է, թե կոռուպցիոն սխեման ում միջեւ է տեղի ունեցել: Իսկ ամենազարմանալին այն է, որ Արա Շիրինյանի՝ Հեռուստառադիոընկերության խորհրդի նախագահ նշանակվելուց հետո էլ ամբողջ կոռուպցիոն սխեման նույնը մնացել  է:

- Ի՞նչ նկատի ունեք:

- Վերջերս իմացանք, որ 5 տարվա վերահեռարձակման պայմանագիրը ավարտվում է 2019-ի նոյեմբերին: Բոլոր հեռուստաընկերությունները մտածեցին՝ լավ է, նոր Հայաստան է, նոր ժամանակներ են, նոր իշխանություն է, «Հ1»-ում չի կարող կոռուպցիոն մեխանիզմը գործել եւ որոշեցին նոր պայմանագրի համար դիմում ներկայացնել: Բոլորը սպասում էին, որ ինչ-որ հայտարարություն, մրցույթ լինի: Ես որոշել էի 5 միլիոն դոլար առաջարկել 5 տարվա համար: Մյուսները միգուցե ավելի շատ էին առաջարկելու: Բայց հանկարծ մոտ 10 օր առաջ մի թուղթ ընկավ ձեռքս, որից տեղեկացա, որ որոշում է կայացվել «ՊանԱրմ Ինք»-ի հետ կոնտրակտը շարունակել՝ այս անգամ ամսական 4000 դոլարով: Պատկերացնո՞ւմ եք, ձեռ են առնում՝ բառիս բուն իմաստով: 4000 դոլար Հ1-ը տալիս է, մի հատ բրազիլական սերիալ է գնում, թարգմանում, ցուցադրում մի ամիս: Բայց իրենք ամբողջ Հանրային հեռուստաընկերությունը (երեւի 1 միլիոն դոլարից ավելի ամսական ծախս ունի), վերցնում են 2500 դոլարով:

- Պարոն Օղլաղչյան, բայց կարգն ինչպե՞ս է. մրցույթ պե՞տք է հայտարարվի:

- Կարգ չկա, օրենք չկա, ըստ որի պետք է մրցույթ լինի: Որ իրենց հարցնեք՝ կասեն մենք օրենք չենք խախտել, իրենց ենք հարմար գտել: Բայց հարցը հետեւյալն է. ինչո՞ւ այդ հնարավորությունը չստանա 20-30 տարվա հեռուստաընկերությունը, այլ ստանա 2 ամսվա գրանցում ունեցող ինչ-որ ընկերություն, ինչո՞ւ կոռուպցիոն սկանդալների մեջ թաղված «Պանամենիան» հոլդինգին պիտի տաք: Չէ՞ որ այդ հեռուստաընկերությունը գոյատեւում է ժողովրդի միջոցներով: Այդտեղ որոշումները ժողովրդի կամքով պետք է լինեն, ոչ թե Մարգարիտա Գրիգորյանի:

- Դուք դիմե՞լ եք իրենց, որեւէ առաջարկ արե՞լ եք:

- Ես տեղեկացել եմ այն ժամանակ, երբ արդեն երկարացրել էին պայմանագիրը, ես ինչպե՞ս դիմեի:

- Իսկ ի՞նչ քայլեր եք պատրաստվում անել:

- Սպասում եմ «Առաջին ալիքի» պատասխանին: Երեկ Արա Շիրինյանը գրել էր, որ պատասխանելու է: Չնայած գիտեմ՝ նա ինչ է ասելու: Ասելու է, որ օրենք չկա, ըստ որի մրցույթ պետք է անցկացվի: Կպատասխանի, որ իրենք իրենց պահանջները կատարել են, գումարը ժամանակին ուղարկել են: Ամոթ է,  իրենց գումարն ի՞նչ է: 2500 դոլա՞ր:

...Ես կիրակի օրը անպայման հանդիպելու եմ վարչապետ Նիկոլ Փաշինյանի հետ, Լոս Անջելեսի քաղաքապետն ինձ անձամբ հրավիրել է հանդիպման: Բայց մոտենամ ի՞նչ ասեմ. էդ խեղճ մարդու գլխին էնքան պրոբլեմ կա, որ սա շատ փոքր հարց է դրանց համեմատ: Ես գիտեմ, որ նա չի էլ ուզում ազդեցություն ունենալ: Եթե ունենա՝ դա արդեն նոր Հայաստան չի լինի: Բայց, մյուս կողմից մտածում եմ՝ ինչո՞ւ ճիշտ բանի վրա չազդի վարչապետը: Միքայել Մինասյանը ազդել է կոռուպցիոն նպատակների համար, թող  ի շահ պետականության վարչապետն էլ «Առաջին ալիքի» վրա ազդի: Թող ԱԺ կանչեն «Առաջին ալիքի տնօրենին, «Իմ քայլը» խմբակցությունը թող բացատրություն պահանջի: Այսպես հիասթափեցնում են սփյուռքի մի ամբողջ բանակ: Մենք միլիոններ ենք ծախսում՝ եթեր գնալու համար, բայց ունենք մրցակից, որ 4000 դոլար է ծախսում եւ աշխատում միլիոններ: Դա խաթարում է մրցակցությունը, 7-8 հայկական հեռուստաալիքները այդպես չեն կարող գոյատեւել:

Մենք փորձեցինք զրուցել նաեւ Հանրային հեռուստառադիոընկերության խորհրդի նախագահ Արա Շիրինյանի հետ: Վերջինս մեզ հետ զրույցում ասաց, որ ինքը չի ցանկանում բանավոր արձագանքել, այս պահին պատրաստում է իր գրավոր արձագանքը՝ ուղղված Օղլաղչյանի մեղադրանքներին:

Տպել
11529 դիտում

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա