Եթե կա տեղեկատվություն, որը պետական գաղտնիք չի պարունակում, ապա պարոն Վանեցյանը պետք է հրապարակի այն․ Մակունց

Ես կարծում եմ, որ Հայաստանում տեղի ունեցած փոփոխություններից հետո պաշտոններ զբաղեցնելը, պաշտոններ փոխելը, պաշտոններից ազատվելը պիտի որ բնականոն երեւույթ լինի ՀՀ-ում։ Այս մասին այսօր Ազգային ժողովում՝ լրագրողների հետ զրույցում, ասաց «Իմ քայլը» խմբակցության ղեկավար Լիլիթ Մակունցը՝ անդրադառնալով ԱԱԾ նախկին տնօրեն Արթուր Վանեցյանի պաշտոնանկությանն ու դրանից հետո եղած հայտարարություններին։

Մակունցը վերջին օրերի պաշտոնանկությունների մեջ որեւէ աղմկահարույց բան չի տեսնում։ Ըստ նրա՝ հանրության շրջանում տարակուսանք է առաջացնում հենց այն աղմուկը, որը ստեղծվել է ազատումների ֆոնին։

Անդրադառնալով Վանեցյանի հայտարարությանը, թե լոսանջելեսյան իր խոսքում Փաշինյանը խոսել է բաների մասին, որոնցից քիչ է հասկանում, Մակունցն արձագանքեց․

«ՀՀ-ում թե՛ կառավարությունը, թե՛ իշխող խմբակցությունը վարում են բաց քաղաքականություն, եւ, կարծում եմ, որ եթե կա այնպիսի տեղեկատվություն, որը պետական գաղտնիք չի պարունակում եւ ներկայացնում է հասարակական հետաքրքրություն, ապա պարոն Վանեցյանը պետք է հրապարակի այդ տեղեկատվությունը»,- ասաց Մակունցը։

Լրագրողի հարցին, թե՝ Մակունցը նորմա՞լ է համարում, որ ազատումից հետո Վանեցյանի հայտարարությունը հեռացվեց ԱԱԾ կայքից, պատգամավորն ասաց, որ ինքը չգիտի՝ այդ հայտարարությունը համապատասխանել է պաշտոնական հայտարարության հետ, թե ոչ, չգիտի՝ ինչ տեքստ է եղել, այդ պատճառով հստակ պատասխան չի կարող տալ։

Մակունցն այս պահին չմեկնաբանեց նաեւ քննարկումները, որ ԱԱԾ նախկին պետը փորձում է հայտ ներկայացնել քաղաքական դաշտում։

Ավելի վաղ հայտնել էինք, որ Ազգային անվտանգության ծառայության նախկին տնօրեն Արթուր Վանեցյանը «Հրապարակ»-ին է փոխանցել իր արձագանքը՝ ՀՀ վարչապետ Նիկոլ Փաշինյանի՝ Լոս Անջելեսում արված հայտարարության վերաբերյալ: Փաշինյանը, արձագանքելով Վանեցյանի հայտարարությանը, նշել էր, որ, լինելով ԱԱԾ տնօրեն, նա հայտարարություն է արել իր Գերագույն հրամանատարի դեմ եւ որ սպայի պատվին դրանից մեծ անարգանք չկա:

Ապա Փաշինյանը նշել է, որ նման հայտարարություն անելը նշանակում է ուսադիրները գցել աղբամանը:

Ի պատասխան Արթուր Վանեցյանը հայտարարել է․ «Տրամաբանական է, որ ռազմական գիտելիքներ չունեցող եւ զինվորականների մտածելակերպի, հայրենիքի հանդեպ նրանց ունեցած պարտքի մասին մակերսային պատկերացումներ ունեցողները չեն կարող իմանալ սպայի պատվի և ուսադիրների նշանակության մասին...: Հրաժարականի մասին իմ հայտարարությունն ուշադիր ընթերցողը, համոզված եմ, հասկացել է՝ ինչ նկատի ունեի ես։ Ուստի վստահ պնդում եմ՝ ժամանակը ցույց կտա, թե ով կամ ինչը կհայտնվի աղբանոցում»։

Տպել
1554 դիտում

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը