Պողոս Պողոսյանի սպանության գործով նոր երեւան եկած հանգամանքի հիմքով վարույթ է հարուցվել

Լուսանկարում՝ Աղամալ Հարությունյանը։

2001 թվականի սեպտեմբերի 24-ի լույս 25-ի գիշերը Ռոբերտ Քոչարյանի թիկնապահների կողմից «պրիվետ Ռոբ» արտահայտության համար «Առագաստ» սրճարանում դաժանաբար սպանված Պողոս Պողոսյանի սպանության գործով նոր երեւան եկած հանգամանքի հիմքով վարույթ է հարուցվել։ Այս մասին ՀԺ-ի հարցին ի պատասխան ասաց ՀՀ գլխավոր դատախազի խորհրդական Գոռ Աբրահամյանը։

Նա նշեց, որ 2019 թվականի սեպտեմբերի 12-ին ՀՀ գլխավոր դատախազությունից քրեադատավարական կարգով քննարկելու նպատակով Երեւան քաղաքի դատախազություն է ուղարկվել Սթիվեն Ջոն Նյուտոնի ներկայացուցիչների դիմումը, դրան կից ներկայացված ու թարգմանված փաստաթղթերը, ինչպես նաեւ Երեւան քաղաքի Կենտրոն եւ Նորք-Մարաշ վարչական շրջանների առաջին ատյանի ընդհանուր իրավասության դատարանում քննված՝ 2001 թ. սեպտեմբերի 24-ի լույս 25-ի գիշերը «Առագաստ» սրճարանում Պողոս Պողոսյանի սպանության վերաբերյալ քրեական գործը: Ըստ այդմ՝ Երեւան քաղաքի դատախազությունում փաստաթղթերի ուսումնասիրությամբ պարզվել է, որ 25.09.2001 թ. ՀՀ նախկին քրեական օրենսգրքի 100-րդ հոդվածով նախատեսված հանցագործության հատկանիշներով հարուցված քրեական գործով ՀՀ ԱԱ նախարարության աշխատակից Աղամալ Հարությունյանին մեղադրանք է առաջադրվել ՀՀ նախկին քրեական օրենսգրքի 103-րդ հոդվածով:

Մեղադրանքն առաջադրվել է այն բանի համար, որ 25.09.2001 թ.՝ ժամը 00:30-ի սահմաններում, Երեւանի «Առագաստ» սրճարանի զուգարանում վերջինիս եւ ոգելից խմիչք օգտագործած վիճակում գտնվող Պ. Պողոսյանի միջեւ տեղի է ունեցել փոխադարձ քաշքշուկ, հասցվել են փոխադարձ հարվածներ, որոնց ընթացքում Պ. Պողոսյանը մեջքի ուղղությամբ վայր է ընկել, գլխի հետեւի մասով հարվածել զուգարանի սալիկապատ հատակին, որի հետեւանքով ստացած գանգուղեղային ծանր մարմնական վնասվածքից մահացել է:

Այսինքն՝ ըստ մեղադրանքի՝ Աղամալ Հարությունյանը դրսեւորել է հանցավոր անփութություն, որով կատարել է անզգույշ սպանություն: Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանի 2002 թ. փետրվարի 21-ի դատավճռով ամբաստանյալ Աղամալ Հարությունյանը մեղավոր է ճանաչվել նշված հոդվածով եւ դատապարտվել է 2 տարի ժամկետով ազատազրկման, միաժամանակ նշանակված պատիժը պայմանականորեն չի կիրառվել եւ սահմանվել է փորձաշրջան՝ 1 տարի ժամանակով:

Դատավճռի դեմ տուժողի իրավահաջորդի կողմից դատական ակտի դեմ տարվել է վերաքննիչ բողոք, որը, սակայն, թողնվել է առանց քննության: Երեւան քաղաքի դատախազությունում ուսումնասիրվել է նշված դեպքի վերաբերյալ Սթիվեն Ջոն Նյուտոնի ներկայացուցիչների կողմից ՀՀ գլխավոր դատախազին հասցեագրված դիմումը եւ դրան կից՝ վերոնշյալ դեպքի առնչությամբ Ս. Ջ. Նյուտոնի հայտարարությունը:

Գոռ Աբրահամյանն ասաց՝ պարզվել է, որ հայտարարությունն էական նշանակություն ունեցող տեղեկություններ է պարունակում դեպքի մասին, քան այն, ինչը հաստատված է համարվել քրեական գործի քննությամբ: Մասնավորապես տեղեկություններն առերեւույթ վկայում են այն մասին, որ Պ. Պողոսյանը կյանքից զրկվել է ոչ թե անզգուշությամբ, այլ Աղամալ Հարությունյանի եւ գործով չպարզված այլ անձանց կողմից՝ դիտավորությամբ եւ խուլիգանական դրդումներով: «Այսինքն՝ առերեւույթ ի հայտ են եկել այնպիսի հանգամանքներ, որոնք գործով մինչ այդ պարզված հանգամանքների հետ համակցությամբ կարող են ապացուցել, որ Աղամալ Հարությունյանն առերեւույթ կատարել է ավելի ծանր հանցանք՝ սպանություն ծանրացուցիչ հանգամանքներում, քան այն, որի համար վերջինս դատապարտվել է: Բացի այդ, դրանք առերեւույթ վկայում են հանցանքի կատարմանը նաեւ այլ անձանց մասնակցության վերաբերյալ: Նշված հանգամանքների մասին հայտնի չի եղել քրեական գործի քննության ընթացքում:

Ելնելով վերոգրյալից՝ Պ. Պողոսյանի մահվան փաստի առթիվ հարուցված քրեական գործով նոր երեւան եկած հանգամանքների հետեւանքով ՀՀ քրեական օրենսգրքի 104-րդ հոդվածի 2-րդ մասի 7-րդ եւ 10-րդ կետերով նախատեսված առերեւույթ հանցագործության հատկանիշներով Երեւան քաղաքի դատախազությունում հարուցվել է վարույթ եւ քննություն կատարելու հանձնարարությամբ ուղարկվել ՀՀ քննչական կոմիտեի Երեւան քաղաքի քննչական վարչության ծանր հանցագործությունների քննության բաժին: Վարույթ հարուցելու որոշում կայացնելիս հաշվի է առնվել նաեւ այն հանգամանքը, որ Ա. Հարությունյանի եւ գործով չպարզված անձանց կողմից առերեւույթ կատարված՝ ՀՀ քրեական օրենսգրքի 104-րդ հոդվածի 2-րդ մասի 7-րդ եւ 10-րդ կետերով նախատեսված հանցագործության համար քրեական պատասխանատվության ենթարկելու վաղեմության ժամկետներն անցած չեն, քանի որ նշված արարքի համար նախատեսված է պատիժ՝ ցմահ ազատազրկում: Իսկ ՀՀ քրեական օրենսգրքի 75-րդ հոդվածի համաձայն՝ վաղեմության ժամկետի կիրառման հարցն այն անձի նկատմամբ, որը ցմահ ազատազրկմամբ պատժվող հանցանք է կատարել, լուծում է դատարանը»,- մանրամասնեց Աբրահամյանը: 

Պողոս Պողոսյանի եղբորորդին՝ Սամվել Պողոսյանը, մեր հետ զրույցում ավելի վաղ նշել էր, որ հայրը՝ Անդրանիկ Պողոսյանը, օգոստոսի 2-ին դիմել է ՀՀ գլխավոր դատախազություն եւ Ազգային անվտանգության ծառայություն, որպեսզի վերաբացվի գործը, նոր քննություն կատարվի եւ բացահայտվի նաեւ Ռոբերտ Քոչարյանի մեղսակցությունը դրանում, որի հրամանով է սպանությունը կատարվել: 

Պողոսյանի հարազատներն ավելի քան 18 տարի է պնդում են, որ Պողոսյանին ծեծելով սպանել են: Ընդ որում, նրա կինը՝ Զոյա Պողոսյանը, դեպքից 1 տարի հետո ծանոթանալով դատաբժշկական փորձաքննության արդյունքներին՝ դաժան մանրամասներ է պատմել «Առավոտ»-ին:

Տպել
9813 դիտում

Պոլիտեխնիկական համալսարանում ռեկտոր կընտրեն. թեկնածուներից մեկը խնդիր է տեսնում, խորհրդի քարտուղարը՝ պարզաբանում

Հայաստանի գերագոյն շահերը պէտք է ամէն բանէ վեր մնան. Արամ Ա կաթողիկոս

Արայիկ Հարությունյանը հանդիպել է և՛ Նիկոլ Փաշինյանի, և՛ Օնիկ Գասպարյանի հետ. «Արցախպրես»

Հայաստանը կրկին միջազգային մամուլի ու կառույցների ուշադրության կենտրոնում էր

Երեւանի 99 համարի երթուղին նոր ավտոբուսներով կսպասարկվի մարտի 1-ից

Փարիզում ցուցադրվել է Վան Գոգի նկարը, որը գրեթե ոչ ոք չի տեսել

Զինծառայողները ցուցաբերել են բարձր պատրաստվածություն․ գրանցել են գերազանց արդյունքներ

Հրդեհ է բռնկվել «Ավան Պլազա» հյուրանոցում. հայտարարվել է հրդեհի բարդության «1 ԲԻՍ» կանչ

Բնակարանային գողություն Աշտարակի Շահազիզի փողոցում. կա ձերբակալված (տեսանյութ)

Կա’նգ առեք, մենք այն վիճակում չենք, որ կարողանանք թույլ տալ բաժանել մեր ժողովրդին. Սամվել Բաբայան

Հանրապետության հրապարակի հանրահավաքը՝ լուսանկարներով

Ըստ ամենայնի, «Իսկանդեր»-ի հետ կապված Նիկոլ Փաշինյանին մոլորության մեջ են գցել. ՌԴ ՊՆ

36-ամյա տղամարդու ավտոտնակում ապօրինի զենք-զինամթերք է հայտնաբերվել (տեսանյութ)

Մարտունի քաղաքում ձյուն է տեղում․ Գորիսում մառախուղ է

Սուսաննա Գաբոյանը դարձավ Հայաստանի չեմպիոն, Գաբուզյանը պոկվեց Փաշիկյանից

Պուտինն իր աջակցությունն է հայտնել Հայաստանի օրինական իշխանություններին․ Փաշինյանը հեռախոսազրույց է ունեցել Պուտինի հետ

ԳՇ պետին պաշտոնից ազատումը հերթական կադրային փոփոխություն չէ․ նախագահի աշխատակազմի արձագանքը լրատվամիջոցների հարցերին

ԵՄ-ն Հայաստանին կոչ է արել քաղաքական տարաձայնությունները լուծել խաղաղ ճանապարհով

Ժողովուրդն է որոշել, որ ես պետք է դառնամ ՀՀ վարչապետ, և ժողովուրդը պետք է իմ հեռացման հարցը որոշի. վարչապետ (տեսանյութ)

Չարաշահումներ «Խոսրովի արգելոց» ՊՈԱԿ-ում. հարուցվել է քրեական գործ (տեսանյութ)

Ինձ վրա հարձակվեցին մեկ տասնյակ խիստ անբարեկիրթ «փրկիչներ»․ Վարտգես Գասպարի

Պենտագոնում մտահոգված են զինված ուժեր արմատականների ներթափանցմամբ

Կը դատապարտեմ Հայաստանի մէջ պատահած յեղաշրջման փորձը. Կարո Փայլան

Քաղաքական ուժերի հետ կոնսուլտացիաներ կսկսեմ, թե ոնց ենք այս իրավիճակը հանգուցալուծում. Նիկոլ Փաշինյան

Խաղաղ չէ իրավիճակը հարևան Վրաստանում

Վաղարշակ Հարությունյանն ու Սերգեյ Շոյգուն քննարկել են Հայաստանում ստեղծված իրավիճակը

«Հայրենիքի փրկության շարժման» անդամները վրաններ են տեղադրում Ազգային ժողովի դիմաց

Վերջ թավիշին․ վարչապետը գնում է Կառավարություն՝ մի քանի նիստեր ու խորհրդակցություններ անելու և որոշումներ կայացնելու

ԱՄՆ-ը «Հյուսիսային հոսք -2» -ը համարել է Պուտինի հաղթանակը

Ընդդիմադիրները փակել են Բաղրամյան պողոտան

Պաշտպանության նախարարությունը՝ հայ-ադրբեջանական շփման գծի օպերատիվ իրավիճակի մասին

Իրականում նրանք բոլորը նախկիններ են. Նաիրի Սարգսյանը՝ վարչապետի հրաժարականը պահանջող 30 ոստիկանի մասին

105 ռոյալներն այս տարի էլ չեն լինի Ծիծեռնակաբերդի բարձունքում. նախագծի հեղինակը՝ երևանյան աղմկահարույց տաղավարի մասին

Կոչ եմ անում Հանրապետության նախագահ Արմեն Սարգսյանին չստորագրել Նիկոլ Փաշինյանի առաջարկը․ Էդմոն Մարուքյան

Խրախուսում ենք հանդես բերել զսպվածություն և խաղաղ, առանց բռնության թուլացնել լարվածությունը. ՀՀ-ում ԱՄՆ դեսպանություն

Ով վեր է կենում, իմ հրաժարականն է պահանջում. վարչապետն ասաց, որ դեպքում հրաժարական կտա

Մինչև մեր հարցը չլուծենք, չենք գնալու. փողոցը 2 ծայրից բարիկադներով փակեք. Վազգեն Մանուկյան

Պատերազմից ընդամենը 3 ամիս անց քաղաքական ուժերի օրակարգը որևէ աղերս չունի մեր առջև ծառացած մարտահրավերների հետ.Թանդիլյան

Ռուսաստանի Դաշնության խորհուրդը մեկնաբանել է Հայաստանում ստեղծված իրավիճակը

Պետք է ժամանակին սկսել պատվաստումները՝ կենդանիներին վտանգավոր հիվանդություններից ու վարակներից զերծ պահելու համար. ՍԱՏՄ