Երեւանի Գլխավոր պողոտայի զբոսայգին կկոչվի աշխարհում առաջին կին հյուպատոս Դիանա Աբգարի անունով

Աշխարհում առաջին կին հյուպատոս, հայ նշանավոր հասարակական գործիչ, գրող եւ հրապարակախոս, բարեգործ Դիանա Աբգարի 160-ամյակի կապակցությամբ նախատեսվում է Երեւանի Գլխավոր պողոտայի՝ Մաշտոցի պողոտայից դեպի Սարյան փողոց ձգվող հատվածի զբոսայգին կոչել նրա անունով։

Համապատասխան որոշման նախագիծն այսօր ընդունվեց Երեւանի ավագանու նիստում: 

Նախատեսվում է նույն զբոսայգում հետագայում նաեւ հուշարձան կանգնեցնել՝ նվիրված Դիանա Աբգարին կամ ընդհանրապես հայ կին գործիչներին ու մտավորականներին եւ տարածքը վերածել գրական ու քաղաքական քննարկումների, ինչպես նաեւ՝ միջոցառումների հարթակի։

2019 թվականի հոկտեմբերի 17-ին լրանում է Դիանա Աբգարի 160-ամյակը։ Որոշման նախագծում առաջարկի հիմնավորման մեջ նշվում է, որ զբոսայգու անվանակոչմամբ վառ կպահվի ողջ հանրային գործունեությունը հայ ժողովրդին նվիրած, բայց անարդար կերպով անտեսված հայ կին գործչի, գրողի, հրապարակախոսի եւ բարեգործի հիշատակն ու ավանդը։

Երեւանի ավագանին կարեւոր է համարում այս քայլը՝ նկատի ունենալով այն հանգամանքը, որ Երեւանում հայ կին գործիչների հիշատակումը մեծապես զիջում է տղամարդկանց նվիրված հուշարձաններին, փողոցներին եւ այլ աշխարհագրական օբյեկտներին: Այդպիսով հետհեղափոխական Հայաստանում նոր մշակույթի հաստատման նախաձեռնություն է դիտարկվում տարբեր ոլորտներում նշանակալի ավանդ ունեցող կանանց արժեւորման, նրանց անվան ու գործի հանրահռչակմանն ուղղված քայլերը: 

Դիանա Աբգարը եղել է հայ հասարակական գործիչ, գրող, բարեգործ եւ աշխարհում առաջին կինը, որ նշանակվել է Հայաստանի պատվավոր հյուպատոս Ճապոնիայում։ 1909 թվականի Ադանայի կոտորածը Դիանա Աբգարին մղել է դեպի հանրային, գրական եւ հրապարակախոսական ակտիվ գործունեություն, որի առանցքում հայերի դժվարին կացությունը եւ հայկական հարցն էին։ Այդ ժամանակից ի վեր նա իր հետագա կյանքի ողջ գործունեությունը նվիրել է իր պատմական հայրենիքին եւ հայ ժողովրդին։

Դիանա Աբգարն առաջիններից մեկն էր, որ ապացուցեց՝ Ադանայի կոտորածը կազմակերպել եւ իրականացրել են թուրքական իշխանությունները: Նա հանդես է եկել հայ ժողովրդին նվիրված դասախոսություններով, հոդվածներով, աշխատակցել է «The Japan Gazette» եւ «Far East» անգլերեն պարբերականներին, երբեմն՝ նաեւ «New York Times»-ին։

1915 թվականի կեսերից սկսած՝ իր կրթությամբ ու հայրենասիրությամբ մեծ համբավ ու հեղինակություն վայելող Դիանան ամեն կերպ օգնել է բազմաթիվ հայ գաղթականների, որոնք Սիբիրի և Ճապոնիայի վրայով փորձում էին անցնել ԱՄՆ։ Նա վճարել է փախստականների ճանապարհածախսը եւ հոգացել նրանց ֆինանսական կարիքներն իր սեփական, ինչպես նաև՝ հանգանակած միջոցներից, նրանց ժամանակավոր ապաստան տվել իր տանը, ճապոնական իշխանությունների և եվրոպացի հյուպատոսների մոտ վայելած մեծ հեղինակության և վստահության շնորհիվ լուծել նրանց անցաթղթերի հարցը, հանդես եկել որպես նրանց հովանավոր։

Ըստ տարբեր հետազոտողների՝ Դիանա Աբգարի անձնական հովանավորության շնորհիվ 1915-1930 թվականներին ապաստան ստացածների թիվը տատանվում է 600-1500 միջեւ: 1920 թվականի հուլիսին Դիանա Աբգարը նշանակվել է Հայաստանի առաջին Հանրապետության պատվավոր հյուպատոս Ճապոնիայում: Պահպանվել է Հայաստանի առաջին Հանրապետության վարչապետ եւ արտաքին գործերի նախարար Համո Օհանջանյանի նամակը Դիանա Աբգարին՝ վերջինիս պատվավոր հյուպատոս նշանակելու մասին:

Տպել
4481 դիտում

18 տարեկանից բարձր սովորողները պետք է ներկայացնեն պատվաստման սերտիֆիկատ կամ 14 օրը մեկ թեստ հանձնեն․ նախագիծ

Նկարիչների միության շենքում տեղի է ունեցել Գրքի երևանյան չորրորդ փառատոնի բացման հանդիսավոր արարողությունը

Վանաձոր-Ալավերդի ավտոճանապարհին ավտոմեքենա է այրվել

Ճանապարհային երթեւեկության խախտման քանի դեպք են արձանագրել քաղաքացիները եւ ուղարկել ոստիկանություն

Հայտնի են թափուր մրցույթի ընդունելության արդյունքները. 2 փուլերից հետո բուհերին տրված տեղերի կեսն անգամ չի համալրվել

Թուրքիայի բնակիչներն աշխարհում ամենից քիչ են ժպտում. Gallup

Շիրակում ՔՈՓ թիմը դաշտային վարժանք է անցկացրել (տեսանյութ)

Երևանը համարում եմ շնչող էակ․ Մարությանը հյուրընկալել է համայնքին աջակցող անհատների և ընկերությունների ներկայացուցիչների

Վրաստանը կորոնավիրուսի նոր բռնկման վտանգի տակ է

Մեկ նամականիշով գեղաթերթիկ՝ նվիրված «Մեծանուն հայեր. Առնո Բաբաջանյանի ծննդյան 100-ամյակը» թեմային

«Պոլիտեխնիկը պետք է դառնա արդյունաբերության թիվ 1 հենարանը»․ Հայկ Չոբանյան

Վարանդայի շրջանում հայտնաբերվել և տարհանվել է մեկ զինծառայողի աճյուն

Հայաստանում մեկնարկել է «Մարդկանց թրաֆիքինգի և շահագործման իրազեկման և կանխարգելման» տեղեկատվական արշավը

ԱԳՆ-ն ողջունել է ԵԱՀԿ Մինսկի խմբի համանախագահության մոտեցումները՝ վերսկսելու խաղաղ բանակցային գործընթացը

Եվրահանձնաժողովը սկսել է պատրաստվել գլոբալ աղետին

Սյունիքի մարզպետը հրաժարական տալու մտադրություն չունի․ մարզպետարան

«Հայաստան» և «Պատիվ ունեմ» դաշինքները հանդես կգան Ազգային ժողովի փոխխոսնակի միասնական թեկնածուով

Հոռետեսական սցենարից խուսափել ենք, բայց լավատեսականով էլ չենք ընթանում. Քթոյանը՝ տնտեսական ակտիվության ցուցանիշի մասին

Ազգային Ժողովի 7-րդ գումարման վերջին նիստն է, ավարտվում է նաև իմ պատգամավորական գործունեությունը․ Վիկտոր Ենգիբարյան

Վերաքննիչ քրեական դատարանը մերժել է Միքայել Մինասյանի կալանավորման դեմ պաշտպանների կողմից բերված բողոքը

Եվրոպական խորհրդարանի զեկուցողները դատապարտել են Ադրբեջանի սադրիչ գործողությունները․ «Արմենպրես»

Պաշտոնատար անձինք պարտականությունները չեն կատարել, որի արդյունքում «ԲԷՑ» ընկերությունը չի կատարել իր պարտավորությունները

Արմեն Շեկոյանի մահվան կապակցությամբ ստեղծվել է թաղման հանձնաժողով

Փաշինյանի՝ Սյունիքի մարզ այցի ժամանակ տեղի ունեցած խուլիգանության գործով կա 32 մեղադրյալ. «Լուրեր»

Մոսկվան անհանգստացած է հայ-ադրբեջանական սահմանին տեղի ունեցած զինված միջադեպերով. «Արմենպրես»

Արցախից ծանր գանգուղեղային վնասվածքով «Սուրբ Աստվածամայր» ԲԿ է տեղափոխվել 3-ամյա երեխա

«Աճառյանի բառարանն օրենսդրական ակտ չէ». հայհոյանքի դեպքում առաջարկվող պատիժներն ու պատգամավորների բանավեճը

Տոկիո-2020. Լողորդ Արթուր Բարսեղյանը հանդես եկավ 50մ ազատ ոճ մրցաձևում (տեսանյութ)

28-ամյա տղամարդու գործողություններից 26 անձ է տուժել. նրան մեղադրանք է առաջադրվել

«Aerostar»-ը իսրայելական հետախուզական ԱԹՍ է, որի գինը հասնում է հարյուր հազարավոր դոլարների. Հովհաննիսյան

«Զվարթնոց» օդանավակայանում հայտնաբերվել է գումարով և ոսկյա իրերով պայուսակ

Արմեն Գրիգորյանը Թիերի Ռիբոյի հետ խոսել է Ադրբեջանի կողմից հայ ռազմագերիների նկատմամբ շինծու քրեական հետապնդման մասին

Շիրակի և Սյունիքի մարզպետները կմեկնեն արձակուրդ

11։20-ից մինչև 11։30-ը հակառակորդը կրակ է բացել Երասխի հայկական դիրքերի ուղղությամբ. ՊՆ

ԱԺ-ում արտահերթ նիստ է. Զոհրաբյանը կոչ է անում էքշընը նվազեցնելուն միտված նախագիծը քննարկել հետո, խոսել սահմանի վիճակից

Բորիս Սահակյանը նշանակվել է ԱԳՆ գլխավոր քարտուղար

Լեփսիուսի փողոցից 33-ամյա հետախուզվող է բերման ենթարկվել

Անն Լինդեն մտահոգված է հայ-ադրբեջանական սահմանին վերջին օրերին առկա լարվածությամբ. «Արմենպրես»

Կրթությունը ամուր պետության հիմք․ IDBank-ն ու Հայ-Ռուսական համալսարանը կհամագործակցեն

Տարածաշրջանում նախադեպը չունեցող միջոցառման արդյունքում հերոինի խոշոր խմբաքանակ է բացահայտվել (տեսանյութ)