«Ավրորա»-ի հերոսները կժամանեն Երեւան. հոկտեմբերի 19-ին նրանցից 1-ին կհանձնվի 1 միլիոն դոլար մրցանակ

Հոկտեմբերի 14-21-ը Հայաստանում տեղի կունենա «Ավրորա» ֆորում, որի ընթացքում մի շարք միջոցառումներ են լինելու Երեւանում, Դիլիջանում, Գյումրիում, Տաթեւում եւ Շուշիում: 

Ֆորումն իր տեսակով առաջինն է տարածաշրջանում: Մեկ շաբաթվա ընթացքում «Ավրորա» ֆորումը միավորելու է աշխարհի առաջատար մասնագետներին սոցիալական, կրթական, մարդասիրական եւ գիտատեխնիկական նորարարության ոլորտներից, ովքեր կկիսվեն իրենց փորձով, մտքերով ու կփորձեն հանդես գալ աշխարհն ավելի լավը դարձնող գաղափարներով:

«Ավրորա» ֆորումն արդեն ունի 156 Բարի կամքի դեսպան աշխարհի 39 երկրից, որոնք ներկայացնում են 17 ոլորտ:

Ինչպես մեր զրույցում տեղեկացրեց միջոցառումը կազմակերպող «IDeA» հիմնադրամի PR համակարգող Լիլիթ Առաքելյանը, Ֆորումի նպատակն է Դավոսի, Նյու Յորքի, Լոնդոնի եւ աշխարհի այլ զարգացած երկրներին հավասար Հայաստանը դարձնել այն միջազգային պլատֆորմը, որտեղ քննարկվում են համաշխարհային կարևոր թեմաները, արդի մարտահրավերներն ու լուծումները:  

Այս միջոցառումներին մասնակցելու նպատակով Հայաստան են ժամանելու աշխարհի տարբեր երկրների ներկայացուցիչներ: Հայաստան են ժամանելու նաեւ «Ավրորա» 2019 թ. երեք հերոսները, որոնց անունները հրապարակվել են ապրիլի 24-ին: Նրանցից մեկին հոկտեմբերի 19-ին կայանալիք «Ավրորա» մրցանակի շնորհման արարողությանը կհանձնվի 1 միլիոն դոլար մրցանակ: Հիշեցնենք, որ 3 հերոսներն ընտրվել են 72 երկրներից առաջադրված 719 հավակնորդներից:

2019 թ. «Ավրորայի» հերոսներից մեկը Միրզա Դինային է: Նա «Լյուֆթբրյուքե Իրաք» («Օդային կամուրջ Իրաք») կազմակերպության համահիմնադիրն է եւ տնօրենը: Այս մարդասիրական կազմակերպությունն Իրաքից Գերմանիա է տեղափոխում «Իսլամական պետություն» ահաբեկչական խմբավորման բարբարոսություններից տուժած եզդիներին եւ ցուցաբերում բժշկական օգնություն:

Մյուս հերոսը Զանա Բուկար Մուստաֆան է: Նա փաստաբան է, «Ֆյուչըր փրաուիս» իսլամական հիմնադրամի հիմնադիր տնօրեն: Հիմնադրամի դպրոցը կրթություն է տրամադրում Նիգերիայի Մայդուգուրի քաղաքի աղքատ երեխաներին և պաշտպանում նրանց:

3-րդ հերոսը Հուդա ալ-Սարարին է: Նա եւս փաստաբան է, նաեւ՝ ակտիվիստ: Հուդա ալ-Սարարին մարդու իրավունքների պաշտպան է, որը ոգեշնչում է իր խիզախությամբ: Եմենցի այս կինը հետաքննել և բացահայտել է իր երկրում գոյություն ունեցող գաղտնի բանտային ցանցը, որը ղեկավարում են դրսի իշխանությունները: 

«Ավրորա» ֆորումի միջոցառումներին հրավիրված են նաև ՀՀ կառավարության անդամներ, Ազգային ժողովի պատգամավորներ, Հայաստանում տարբեր երկրների դեսպաններ և միջազգային կառույցների ներկայացուցիչներ, արվեստագետներ և հանրային գործիչներ:

Այդ մեկ շաբաթվա ընթացքում կկայանա «Վերափոխելով բանականությունը» եռօրյա գլոբալ ինովացիոն ֆորումը, #AraratChallenge փառատոնը, ChainPoint19 բլոկչեյնի միջազգային համաժողովը, «Բարեփոխելով աշխարհը» հեռուստատեսային և կինոփառատոնը, Արհեստական բանականության և անօդաչու թռչող սարքերի ինտեգրման հարցերին նվիրված համաժողովը, Առաջնորդություն և կառավարում հանուն կայուն զբոսաշրջության ամառային դպրոցը:

Հոկտեմբերի 17-ին Գյումրիում կանցկացվեն երախտագիտության և բարեկամության խորհրդին նվիրված հանրային միջոցառումներ՝ Thank you world ֆլեշմոբ, Բարեկամության զբոսայգու վերականգնման խորհրդանշական միջոցառում, Վլադիմիր Ավետիսյանի և D'Black Blues Orchestra միջազգային բլյուզ խմբի բացօթյա մեծ համերգ, որի բացմանը հանդես կգան Bambir և TmbaTa խմբերը:  

Հոկտեմբերի 18-ին կլինեն բաց դասախոսություններ, կլոր-սեղան քննարկումներ, մշակութային և կրթական միջոցառումներ՝ նվիրված UWC Դիլիջան միջազգային դպրոցի հնգամյակին: Այդ օրը քաղաքում նախատեսվում են նաև տոնակատարություններ՝ նվիրված Դիլիջանի 475-ամյակին: Հոկտեմբերի 20-ին Երևանում սպասվում է «Ավրորա» բարեգործական համերգ-նվիրում, որին Մարիինյան թատրոնի սիմֆոնիկ նվագախումբը կներկայացնի հատուկ ծրագիր՝ դիրիժոր Վալերի Գերգիևի ղեկավարությամբ: Հոկտեմբերի 21-ին Տաթևում կանցկացվեն Կոմիտասի 150-րդ տարեդարձին նվիրված մշակութային միջոցառում և «Կոմիտաս. հանճարի ճանապարհները» խորագրով ցուցադրություն:

Հիշեցնենք, որ, օրինակ, 2017 թվականի մրցանակը հանձնվել է կաթոլիկ միսիոներ, բժիշկ Թոմ Քաթինային։ Թոմ Քաթինան հազարավոր մարդկանց կյանք է փրկել՝ լինելով մշտական ներկայություն ունեցող միակ վիրաբույժը Սուդանի Նուբա լեռների պատերազմական գոտում, որտեղ մարդասիրական օգնությունը սահմանափակ է։ 

Տպել
550 դիտում

Սուր դանակը մեզ պետք է հաց կտրելու, ոչ թե վնասելու համար․ պատգամավորը՝ դատավորների բարեվարքության ստուգման նախագծի մասին

Իրավապահների անգործությունը կամ ինչպես դառնալ միլիոնատեր ուրիշի անձնագրով. ֆեյսբուքյան օգտիրոջ պատմությունը

Նոյեմբերի 25-ից ավտոմեքենաների մաքսազերծման գործառույթն ամբողջովին կտեղափոխվի Գյումրի քաղաք

«Խառը զգացմունքներ». պրեմիերա Երեւանի Կ. Ստանիսլավսկու անվան ռուսական թատրոնում

Հարկերի մասին մատչելի տեղեկատվությունն արդեն հասանելի է էլեկտրոնային հարթակում

Եվրասիական զարգացման բանկը նպատակ ունի ընդլայնել իր գործունեությունը Հայաստանում. էկոնոմիկայի նախարարություն

Փաշինյանին տեղեկություն տվողները կամ գիտությունից բան չեն հասկանում, կամ ակադեմիայի թշնամիներն են. Ռադիկ Մարտիրոսյան

Սիմֆոնիկ նվագախումբը կներկայացնի Ջեքսոնի հիթերը դասական մոտեցմամբ. համերգը նախորդ տարի հետաձգվել էր

ԱՄՆ Սենատում երկրորդ անգամ է վետո դրվել Հայոց ցեղասպանությունը ճանաչող բանաձևի վրա

Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Չարենցավանի բժշկական կենտրոնի շուրջ 15 տարի լքված մասնաշենքը հիմնանորոգվել է

Իսրայելի գործող վարչապետ Բենյամին Նեթանյահուին պաշտոնական մեղադրանք է առաջադրվել

Փոքր եւ միջին ջերմատնային տնտեսությունների ներդրման պետական աջակցության ծրագիրը բացասական կողմեր չունի. գյուղատնտես

ԱԻՆ գլխավոր քարտուղար Վահագն Օհանյանը շրջայց է կատարել հրշեջ-փրկարարական ջոկատներում. ԱԻՆ

Քննարկվել են «Կուսակցությունների մասին» ՀՀ օրենքում առաջարկվող փոփոխությունները

ԱԻՆ-ում տեղի ունեցավ պաշտոնների նշանակման և հերթական կոչումների շնորհման հանդիսավոր արարողություն

Աղմուկ հանած եւ Կինոկենտրոնից 16 միլիոն դրամ ստացած «Չնչիկ»-ն այս տարի էլ մեծ էկրան չի բարձրանա

Վանաձորի՝ անձրեւի ժամանակ հեղեղվող դպրոցի տանիքը վերջապես կփոխվի (լուսանկարներ)

Նախագահ Արմեն Սարգսյանը հանդիպել է Ուկրաինայի վարչապետ Օլեքսի Հոնչարուկին

Խաշմանյանը պետք է ներողություն խնդրեր երկրպագուներից ու հրաժարական տար. Լեւոն Պաչաջյան