Երեւան-Գյումրի-Երեւան գնացքներով նախատեսվածից ավելի շատ տո՞մս է վաճառվում (լուսանկար)

«Հայկական ժամանակ»-ն ահազանգ է ստացել Երեւան-Գյումրի-Երեւան գնացքի ուղեւորներից, որ վերջին շրջանում դեպի Գյումրի ուղեւորահոսքի ավելացման հետեւանքով շատ հաճախ մարդիկ գնացքի մեջ նստում են, մեղմ ասած, «մեկ ոտքի» վրա:

Նկատենք, որ խոսքը շուրջ 2 ժամվա ճանապարհի մասին է, որն անցնելու համար մարդիկ վճարում են 2500 դրամ: Թեեւ մինչեւ 7 տարեկան երեխաները երթեւեկում են անվճար, սակայն օրերս գնացքի աշխատակիցը մի կնոջ խնդրել է 6-7 տարեկան երեխային գիրկը նստեցնել՝ մյուսներին տեղավորելու համար: Նշված կինը ստիպված տոմս է գնել երեխայի համար:

Նշենք, որ այս իրավիճակը առավել սրվում է հանգստյան օրերին, որովհետեւ այդ օրերին ավելի շատ են գնացքից օգտվողները: «Հարավկովկասյան երկաթուղի» ՓԲԸ մամուլի քարտուղար Ռուբեն Գրձելյանին խնդրեցինք պարզաբանել, թե արդյոք հնարավոր չէ՞ վաճառել գնացքի տեղերին համապատասխան տոմսեր կամ գնացքի լրացուցիչ վագոն ավելացնել: Ի պատասխան՝ Գրձելյանը վստահեցրեց, որ վաճառվում է այնքան տոմս, որքան նստատեղ կա. «Տոմսերն ընդհանուր են, վաճառվում է 121 հատ տոմս՝ 2500 դրամ արժեքով: Եթե փաստեր լինի, մեզ համար էլ լավ կլինի պարզել դա»,- հավելեց նա: Մեզ ահազանգած քաղաքացիների տրամադրած լուսանկարը տեղադրում ենք ստորեւ. դրանում երեւում է, որ 3 աթոռի վրա նստած է 4 հոգի:

Հիշեցնենք, որ դեպի Գյումրի այցելուների մեծ հոսք սկսվեց օգոստոսի սկզբին ՀՀ վարչապետ Նիկոլ Փաշինյանի՝ Գյումրիում կատարած շրջայցից հետո: Տուրիստական շրջայց կատարելով Գյումրիի պատմական կենտրոնում՝ վարչապետն ուղիղ եթերում ցույց տվեց, թե պատմական ինչ ժառանգություն ունի Գյումրին եւ բոլորին հրավիրեց անպայման այցելել ու սեփական աչքով տեսնել այդ ամենը: Վերջերս Գյումրու քաղաքապետ Սամվել Բալասանյանը լրատվամիջոցների հետ զրույցում հայտնել է, որ վարչապետի Գյումրի կատարած շրջայցից ու ուղիղ եթերից հետո Գյումրի այցելող տուրիստների հոսք է նկատվում:

 

Տպել
2103 դիտում

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել