Հայաստանի ֆուտբոլի հավաքականը երկրպագուներին, երազելուց բացի, ոչինչ թույլ չի տալիս անել

Հայաստանի ֆուտբոլի ազգային հավաքականը բաց է թողնում մի հնարավորություն, որից երբեք չէր ունեցել ու դժվար է ասել՝ էլ երբ կունենա: Խոշոր մրցաշարի եզրափակչում հայտնվելու ամենահեշտ ճանապարհից չօգտվելուց՝ Ազգերի լիգայում ձախողվելուց հետո, թվում էր՝ Եվրոյի կամ աշխարհի առաջնության մասին երազել անգամ պետք չէ, բայց կրկին այնպես ստացվեց, որ հանգամանքները դասավորվեցին ՀՀ ընտրանու օգտին: Բավական չէ, որ Եվրո 2020-ի համար ՈՒԵՖԱ-ի սահմանած ձեւաչափը հարմար էր, քանի որ 2-րդ տեղն ուղիղ ուղեգիր է տալիս, այլեւ մրցակիցներն էին մեզ «օգնում»: Հոկտեմբերի 12-ին Լիխտենշտեյն-Հայաստան խաղից առաջ Բոսնիա եւ Հերցեգովինան հաղթել էր 2-րդ տեղի համար պայքարում Հայաստանի հիմնական հակառակորդին՝ Ֆինլանդիային, ու հայերին մնում էր միայն հաղթել թույլ, խմբի հետնապահ, ՖԻՖԱ-ի դասակարգման աղյուսակում իրենից 86 հորիզոնականով ներքեւում գտնվող Լիխտեշնտեյնին, հաղթել ու միավորների քանակով հավասարվել Ֆինլանդիային, որին կզիջեր միայն լրացուցիչ ցուցանիշներով:

Պետք էր պարզապես անել իրենցից կախված ամեն ինչ ու սպասել դեպքերի զարգացմանը: Եթե այդ պարագայում չստացվեր, ապա տխրություն, հիասթափություն գուցեեւ լինեին, բայց քննադատություն չէր լինի: Երկրպագուները կարողանում են տարբերել՝ երբ է թիմն արել հնարավոր ամեն ինչ ու երբ է պոտենցիալն օբյեկտիվորեն անբավարար եղել. չէ՞ որ Իտալիայից կրած 1:3 հաշվով պարտությունից հետո մեղադրանքներ չեղան, ու ոչ ոք ֆուտբոլիստներին չկշտամբեց մրցավարին մեղադրելու համար:

Լիխտենշտեյնի դեմ հանդիպումից առաջ (1:1) երկրպագուները հաշվարկներ էին անում: Մտովի մոդելավորած բոլոր տարբերակներում այս մրցակցի դեմ խաղում միավորներ կորցնելու տարբերակ չկար: Մնացած հանդիպումներում միակ թիմը, որին հաղթելը Հայաստանի համար երազանքի նման մի բան է, Իտալիան էր, ու հենց այդ պատճառով Լիխտենշտեյնի դեմ խաղում միավորներ կորցնելն անթույլատրելի էր. ամենայն հարգանքով, բայց այսպիսի իրավիճակում նման մրցակիցները հենց միավորների պաշար հավաքելու համար են: Նախորդ 2 խաղերում լավ ֆուտբոլ ցուցադրելուց հետո ՀՀ-ն հոգեբանորեն լավ վիճակում էր: Հատկապես Բոսնիա եւ Հերցեգովինայի նկատմամբ հաղթանակը վստահություն էր ներշնչել: Հանգամանքները նոր էին, լավն էին, արդյունքը նույնը՝ բոլորին ծանոթ:

Իհարկե, ֆուտբոլ խաղը նման իրավիճակների համար արդարացում ունի. այն է՝ թույլ մրցակիցներ չեն լինում: Բայց Լիխտենշտեյնի դեմ հանդիպումը դիտած երկրպագուներին դժվար թե հնարավոր լինի համոզել, որ այդ արտահայտությունն այս դեպքում կիրառելի է: Գլխավոր մարզիչ Արմեն Գյուլբուդաղյանցը խաղադաշտ էր դուրս բերել գերհարձակվողական կազմ, բայց այդ թիմը ոչ միայն ընդամենը 1 գոլ խփեց, այլեւ բաց թողեց: Եթե որոշել էին նվազագույն ուժերով հաղթել, ապա պետք է գոնե պահպանեին կենտրոնացվածությունն ու ձեռքից բաց չթողնեին հաղթական հաշիվը, մանավանդ, ինչպես խաղից հետո մարզիչն ու ֆուտբոլիստները վստահեցնում էին, մրցակիցն իրենց համար անկանխատեսելի ոչինչ չարեց ու գիտեին, որ հակագրոհներով է խաղալու:

7-րդ տուրից հետո J Խմբի մրցաշարային աղյուսակը հետեւյալն է.

1.Իտալիա 21 միավոր

2.Ֆինլանդիա 12 միավոր

3.Հայաստան 10 միավոր

4.Բոսնիա եւ Հերցեգովինա 10 միավոր

5.Հունաստան 5 միավոր

6.Լիխտենշտեյն 2 միավոր

Գուցե տեսականորեն Հայաստանի համար շատ բան չի փոխվել, ու դեռ հնարավորություն կա, բայց գործնականում շատ ավելի բարդ է, քան, եթե Լիխտենշտեյնում հաղթանակ լիներ: Եթե անգամ ՀՀ ընտրանին հաղթի Ֆինլանդիային ու 1 միավորով շրջանցելով հայտնվի 2-րդ տեղում՝ ֆինների խաղացանկը շատ ավելի հեշտ է. նրանց կմնան Լիխտենշտեյնն ու Հունաստանը: Հայաստանին կմնան Հունաստանի դեմ տնային ու Իտալիայի դեմ արտագնա խաղերը: Հույների դեմ պատասխան հանդիպումից առաջ հունիսին նրանց նկատմամբ տոնած հաղթանակը գուցե ոգեւորի, սակայն հույս ունենալ, որ Իտալիան ՀՀ-ին կթողնի հաղթել իրեն ինչ է թե արդեն Եվրո 2020-ի ուղեգիր ունի ու մի անգամ նման իրավիճակում՝ աշխարհի առաջնության որակավորման փուլում, իրեն ՀՀ-ի հետ ոչ-ոքի խաղալու ճոխություն են թույլ տվել, այդքան էլ իրատեսական չէ:

Ֆինների դեմ հանդիպումը Տուրկու քաղաքում տեղի կունենա վաղը՝ հոկտեմբերի 15-ին: Կսկսվի, Երեւանի ժամանակով, 20:00-ին: Կցուցադրվի «Արմենիա TV»-ի եթերում: Հավաքականն արդեն մրցավայրում է: Նույն օրը J խմբում Հունաստանը կհյուրընկալի Բոսնիա եւ Հերցեգովինային: Լիխտենշտեյնն էլ կընդունի Իտալիային, որն ընտրական այս փուլում արդեն բոլոր հարցերը լուծել է: Բելգիայի, Լեհաստանի ու Ռուսաստանի հետ այն թիմերից է, որոնք ժամանակից շուտ նվաճել են Եվրո 2020-ի ուղեգիրը: Ապահովել է նաեւ առաջին հորիզոնականը:

Տպել
1183 դիտում

Ոստիկանները կանխել են վճարային տերմինալի գողությունը․ երիտասարդները դեպքի վայրից բերման են ենթարկվել (տեսանյութ)

Կայացել է «Մոնթե Մելքոնյանի անվան ռազմամարզական վարժարան» հիմնադրամի հոգաբարձուների խորհրդի հերթական նիստը

Վահագն Հարությունյանն իր բժիշկների հետ քննարկում է ՀՀ վերադառնալու հարցը

Արսեն Թորոսյանը հանդիպել է ՄԱԿ-ի մանկական հիմնադրամի ներկայացուցիչ Տանյա Ռադոչային

Կատարի էմիրի դիվանում տեղի է ունեցել Հանրապետության նախագահ Արմեն Սարգսյանի դիմավորման պաշտոնական արարողությունը

Կատարը չեղարկում է Հայաստանի քաղաքացիների համար մուտքի արտոնագրի պահանջը

Դատարանը հեռացավ խորհրդակցական սենյակ՝ մեղադրող դատախազների բացարկի միջնորդության վերաբերյալ որոշում կայացնելու

Դատախազական հսկողությունը եղել է պատշաճ, եւ ապահովվել է ապացույցների համակցության շեմը. Սաֆարյանն առարկեց

Ճաղավանդակները չեն կարող չհանվել, Մխիթար Սեբաստացի կրթահամալիրի տնօրենը խնդրի լուծման 3 առաջարկ ունի

Պաշտպանական կողմն այնպիսի դատախազ է ուզում, որը կկանգնի, կհրաժարվի մեղադրանքից․ մեղադրող դատախազ

ԱԱԾ-ն ձերբակալել է ոստիկանության Թումանյանի բաժնի պետին

Թուրքիան Ադրբեջան կարտաքսի 29, Ռուսաստան՝ 99 ԻՊ ահաբեկչի

Սա Սարգսյանի, Քոչարյանի, Գրիգորյանի Հայաստանը չէ, սա Մարտի 1-ի զոհերի, քառօրյայի հերոսների նոր Հայաստանն է. Քլոյան

«Սյունիք» ջրօգտագործողների ընկերության տնօրինությունը չարաշահումներ է թույլ տվել, հետո ոչնչացրել փաստաթղթերը

Եթե դատախազին մեղադրանք է ներկայացվում նյութեր թաքցնելու համար, ապա սա քրեորեն հետապնդելի արարք է, ոչ թե բացարկի հիմք

Նիկոլ Փաշինյանի խորհրդականը չվճարվող արձակուրդ է ստացել

Ես այն կարծիքին չեմ եղել, որ իմ ներկայացրած նախագծերը մատաղի նման լրիվ ընդունելի պիտի լինեն. Գևորգ Պետրոսյան

Արեն Մկրտչյանը չի բացառում, որ կարող է դրվել ՀՖՖ նախագահի պաշտոնից Վանեցյանի հրաժարականի հարցը

Հայրենիքից հեռու լինել չի նշանակում հայրենիքին չպատկանել. Ա. Սարգսյանը հանդիպել է Կատարի հայ համայնքին

Զարմանալի է, Ալիեւին էսքան հարց չեք տալիս, պիտի ամեն օր կանգնեք իմ ճամփան փակե՞ք. Վարդան Ղուկասյան