ԿԳՄՍ-ից մոտ 3 միլիոն ստացած, սատանիստական, սորոսական ու ապազգային որակված ներկայացումն այլեւս չի ցուցադրվելու

Նոյեմբերի 2-ին Երեւանի մետրոյի «Հանրապետության հրապարակ» կայարանի հարակից տարածքում «ՀուԶանք ու Զանգ» ներկայացումը ցուցադրվեց առաջին եւ վերջին անգամ:

Պետությունից 2 միլիոն 700 հազար դրամ ստացած ներկայացումն այլեւս չի ցուցադրվի, եւ ոչ այն պատճառով, որ բեմադրությունը շատերի կողմից որակվել է սատանիստական ու ապազգային, ոչ էլ այն պատճառով, որ արժանացել է մտավորականության զգալի հատվածի մեղմ ասած քննադատություններին: «Ժամանակակից արվեստի ներկայացումները սովորաբեր մի անգամ են լինում: Կրկնելը ընդունված չէ»,- ՀԺ-ի հետ զրույցում ասաց ներկայացման մասնակիցներից Հասմիկ Խաչունցը, որը Երեւանի ավագանու «Իմ քայլը» խմբակցության քարտուղարն է: 

«CoCholab» դպրոցի 12 հոգուց բաղկացած թատերախմբի սպիտակ հագուստներով ու կապույտ մազերով (ոչ բոլորը) աղջիկների միաժամանակյա ճիչերը, անբնական շարժումներն ու թավալգլոր գալն ականատեսներից մի մասի մոտ անգամ վախի նոպաներ էր առաջացրել: Որոշ տղամարդկանց մոտ ներկայացումը տեսնելուց հետո զայրույթը գլուխ բարձրացրեց, որն ուղեկվեց վիրավորանքներով ու թատերախմբի նկատմամբ բռնության կիրառմամբ:

Լուսանկարները՝ Նարեկ Ալեքսանյանի

Երեւանի ավագանու «Իմ քայլը» խմբակցության քարտուղար Հասմիկ Խաչունցը, որը նույնպես ներկայացման մասնակիցներից էր, «Հայկական ժամանակ»-ի հետ զրույցում ասաց՝ հանրության ուշադրությունն ու քննադատությունները սխալ կողմ էին ուղղվել: Ավելի վաղ նա հայտարարել էր, թե իրենք են արել հեղափոխությունը եւ իրենք նաեւ պատասխանատու են մշակութային հեղափոխության համար:

«Մենք մտածում էինք, որ գոնե մի փոքր ավելի առողջ կքննադատվեր, ոչ թե ասոցացվեր Սորոսի, սատանիստների կամ հայազգի համար այլ չարիքների հետ: Տեխնիկան փչացրեցին, լարերը կտրտեցին, երաժշտությունն անջատվեց, հետո ձայնը չէր լսվում, Լիլիթը ստիպված եղավ ռուպրով արտասանել»,- պատմեց նա՝ հավելելով, որ փորձից առաջ իրենք արդեն սպասել են նման կտրուկ արձագանքի:

Խաչունցի խոսքով՝ ներկայացման վերջին մասն ավելի շատ պայաքար է եղել իրենց չընկալող ու չընդունող հանդիաստեսի հետ:

««Հուզանք ու զանգ»-ը հարցականի տակ է դնում կնոջ պահվածքի, խոսելու եւ շարժվելու ձեւի հանրային ընկալումը: Ներկայացումը 1920-ական թվականների ֆուտուրիզմ պոեզիայի (Կարա Դարվիշ, Գեւորգ Աբով, Ազատ Վշտունի) հետազոտական/էքսպերիմենտալ վերընթերցումն է՝ Լիլիթ Պետրոսյանի հեղինակային պոեզիայի միջամտություններով եւ Հասմիկ Թանգյանի ապագայամետ շարժման աշխարհագրությամբ: Ֆուտուրիզմ պոեզիան ապագայի ձայնն է այն անցյալում, որը գալիս է հռչակելու արվեստագետի ներկայությունը՝ կատարելով ստեղծագործական աշխատանք, մարդկանցից կազմված շարժվող լաբորատորիայի փորձարկումներ եւ կնոջ մարմնի հանրային ներկայության ազատագրում՝ արվեստ անելով»,- մանրամասնեց Հասմիկ Խաչունցը:

Ինչ վերաբերում է ներկայացման մեջ իր մասնակցությանն ու դրա շուրջ հնչող բացասական կարծիքներին, ապա ավագանու անդամը նկատեց՝ արդեն երկար տարիներ է՝ պարով է զբաղվում, որպես հոբբի, եւ ոչ ոք իրավունք չունի իրեն դա արգելել: Նա նաեւ օրինակ բերեց այսօր քաղաքականությամբ զբաղվող այլ մշակութային գործիչների՝ ասելով. «Տիկին Պիպոյանն էլ, Արթուր Իսպիրյանն էլ իրենց աշխատանքից բացի էլի շարունակում են զբաղվել արվեստով: Այդ քննադատություններն ուղղակի ծիծաղելի էն, եթե ես դերասան լինեի, ու պետք լիներ գոռալ, ես կգոռայի»:

Անդրադառնալով կրթության, գիտության, մշակույթի եւ սպորտի նախարարության տրամադրած դրամաշնորհին՝ Հասմիկ Խաչունցը նշեց, որ այդտեղ իր գործոնը չկա, եւ գրանտի մասին էլ բավական ուշ է տեղեկացել: 

Հ. Թումանյանի տիկնիկային թատրոնի գեղարվեստական ղեկավար Ռուբեն Բաբայանը ներկայացումը տեսել է միայն համացանցով: Այնուամենայնիվ, որոշակի կարծիք է ձեւավորվել արվեստագետի մոտ. «Մշակութային առումով բավականին հում գործ էր: Կարծում եմ՝ կար պրոֆեսիոնալիզմի պակաս»:

Գեղարվեստական ղեկավարը, սակայն, ցավով փաստեց, որ ներկայացման մասին խոսակցությունները ծավալվել են ոչ թե գեղագիտության շրջանակներում, այլ բոլորովին մեկ այլ դաշտում ու մակարդակի վրա, որը տվյալ պարագայում անթույլատրելի է: «Հենց որ արվեստի գործը տեղափոխում ենք մեկ այլ դաշտ, մենք միանգամից այն արժեզրկում ենք: Մի կողմը ասում է՝ ինչ-որ սատանիստական բաներ են, այդ խեղճ աղջիկներին ինչ ասես ասում են, մեղադրում: Սրանք էլ մեկ այլ դիրք են բռնել, թե մենք հեղափոխական ենք, որը ոչ մի կապ չունի արվեստի հետ: Ուղղակի արդեն զավեշտ է, տպավորություն է, թե բերել են հիվանդին բուժզննման, բայց ոչ թե առողջապահական հարցերն են քննարկում, այլ մազերի գույնը, քաղաքական հայացքները»,- զուգահեռ անցկացրեց Ռուբեն Բաբայանը:

Վերջինս անընդունելի է համարում որեւէ ադմինիստրատիվ արգելքը նման պարագայում: «Մեր երկրում հիմա մի պարադոքսալ բան է կատարվում, պետական պաշտոնյան, ԿԳՄՍ նախարարն ասում է, որ ցենզուրա չպետք է լինի: Սա մի բան է, որի մասին կարելի էր միայն երազել: Հանրության մի մասը, նաեւ արվեստագետների մի մասը վստահ են, որ ցենզուրա պետք է: Սա նոնսենս է ամբողջ աշխարհում: Գուցե եւ որոշ պաշտոնյաներ իրականում չեն ասել, բայց արել են, արգելքներ են դրել ստեղծագործողների դեմ»,- ասաց նա:

Թատրոնի գեղարվեստական ղեկավարը նաեւ նկատեց, որեւէ պաշտոնյա այդ թվում եւ Արայիկ Հարությունյանը չէր կարող տեղյակ լինել ամբողջ ոլորտից: Բաբայանը եւս մատնանշեց, որ ներկայացման համար դրամաշնորհ է հատկացրել հատուկ հանձնաժողովը: «Այստեղ պետք է խոսել այն մասին, թե հանձնաժողովն ինչ ակնկալիքներ ուներ: Մենք հաճախ մեր մշակույթը փորձում ենք սահմանափակել գաղութի շրջանակներով, բայց մենք գաղութ չենք, մենք պետություն ենք: Եթե մենք պետություն ենք, ուրեմն բաց ենք արվեստի տարբեր ձեւերի համար»,-եզրափակեց  նա:

Ներկայացումը, որը ֆինանսավորվել է ՀՀ կրթության, գիտության, մշակույթի եւ սպորտի նախարարության տրամադրած դրամաշնորհային ծրագրով, հավանության է արժանացրել ԿԳՄՍ 6 հոգուց կազմված գեղագիտական խորհուրդը: Դրանում ընդգրկված են եղել ԿԳՄՍ փոխնախարար Արա Խզմալյանը, արվեստագիտության դոկտոր, պրոֆեսոր Լիլիթ Երնջակյանը, օպերային երգիչ Լիպարիտ Ավետիսյանը, բալետի մենապարուհի Մարիա Դիվանյանը եւ երգիչ Գոռ Սուջյանը:

«ՀուԶանք ու Զանգ» ներկայացումից հետո հանրության կողմից առանձնակի բացասական տրամադրվածություն նկատվեց ԿԳՄՍ նախարար Արայիկ Հարությունյանի նկատմամբ: Շատերը հայտարարեցին, որ նա կառավարելու ոչ ճիշտ մոտեցումներ ունի՝ պահանջելով նախարարի հրաժարականը: Ավելի ուշ լրագրողների հետ ճեպազրույցի ընթացքում Հարությունյանը հայտարարեց, որ չի պատրաստվում հրաժարական տալ: Նա նաեւ նշեց, որ ցանկանում են այսուհետ դրամաշնորհները տրամադրվել ըստ պետության կողմից սահմանված առաջնահերթություների, որպեսզի այդ գումարները համակարգային, ինստիտուցիոնալ ազդեցություն ունենան մշակութային ոլորտի վրա, նաեւ չլինեն առանձին միջոցառումների համար:

«Իհարկե, առանձին միջոցառումներ էլ կլինեն, եթե հանձնաժողովները որոշեն, որ դրանք արժեքավոր եւ բացառիկ են ֆինասնավորման համար, որի արդյունքում գուցե այդ ոլորտը զարգացում ունենա: Մենք տարեկան 903 մլն դրամ ենք տրամադրում դրամաշնորհների ծրագրերին, եւ այս ծրագրին տրամադրվել է դրա չնչին՝ 0.3 տոկոսը: Նախագծերի գերակշիռ միջոցները տրամադրվել են թատրոններին, ակադամիական երգչախմբերին, նվագախմբերին եւ այլ ծրագրերի իրականացմանը»,- հավելեց նախարարը:

Տպել
6047 դիտում

Ադրբեջանում արգելափակվել են գրեթե բոլոր սոցիալական մեդիաները, բացի Twitter-ից. Սամվել Մարտիրոսյան

Կենաց-մահու պատերազմ է. Արցախի Հանրապետության նախագահը քիչ հետո ուղերձով կդիմի ժողովրդին. ԱՀ նախագահի խոսնակ

ՀՀ ՊՆ-ն ԶԼՄ-ներին և սոցցանցերի օգտատերերին կոչ է անում զերծ մնալ չստուգված տեղեկատվություն տարածելուց

Ադրբեջանը թիրախավորել է նաև խոր թիկունքում տեղակայված բնակավայրերը. Արցախի ՊՆ

Ադրբեջանի ՊՆ-ն պաշտոնապես հայտարարել է «հակահարձակում» սկսելու մասին. սադրանքը նախապես ծրագրված էր. ՀՀ ՊՆ խոսնակ

Տավուշի սահմանամերձ բնակավայրերում և դիրքերում իրավիճակը կայուն և վերահսկելի է. Հայկ Չոբանյան

Խմբագիրներ եւ լրագրողներ. խնդրում ենք չտրվել մանիպուլյացիաներին, չվտանգել զինվորների եւ քաղաքացիական բնակչության կյանքը

Հարգելի հայրենակիցներ, ձեր տեսանյութերով հակառակորդի կրակն եք ուղղորդում. Արծրուն Հովհաննիսյանի հորդորը

Մի ուղղաթիռի կորուստն ընդունեցին, ուրեմն ավելի շատ են կորուստները. Արծրուն Հովհաննիսյան

Կրկին կոչ ենք անում խաղաղ բնակչությանը պատսպարվել ու փողոց դուրս չգալ. ՊՆ

Հակառակորդը կրել է մարդկային և տեխնիկայի կորուստներ, մասնավորապես՝ երեք տանկ. ՊՆ

ՀՀ ԱԳ նախարարը կապի մեջ է ԵԱՀԿ Մինսկի խմբի համանախագահության հետ

Իր սանձազերծած ագրեսիայի հետևանքների ողջ պատասխանատվությունը կրում է Ադրբեջանի ռազմաքաղաքական ղեկավարությունը. ՀՀ ԱԳՆ

Դավիթ Տոնոյանը հեռախոսազրույց է ունեցել Անջեյ Կասպրշիկի հետ. ՊՆ խոսնակ

Հաղթանակը մե՛րն է լինելու,մեր հաղթանակն այլընտրանք չունի. ԱՀ ՊԲ հրամանատար գեներալ-մայոր Ջալալ Հարությունյանի մարտակոչը

Հայկական կողմը հակառակորդի երկու ուղղաթիռ և երեք ԱԹՍ է խոցել. ՊՆ խոսնակ

Հայկական բանակը իր մարտական խնդիրը փայլուն է կատարել. Արծրուն Հովհաննիսյան

Պահեք ֆիզիկական ու տեղեկատվական անվտանգության զգոնություն. Արտակ Բեգլարյան

Հակառակորդը Արցախի ուղղությամբ հարձակում է սկսել. Պաշտպանության բանակը հաջողությամբ դիմակայում է հարձակմանը. վարչապետ

Արցախում հակառակորդը ակտիվ հրետակոծություն է սկսել. ԱՀ նախագահի մամուլի խոսնակ