«Ռոբերտ Քոչարյանի խափանման միջոց կալանավորումը փոփոխման ենթակա չէ». տուժող կողմը առարկեց միջնորդության դեմ

Երեւանի ընդհանուր իրավասության դատարանի Շենգավիթի նստավայրում ընթանում է Ռոբերտ Քոչարյանի նկատմամբ ընտրված խափանման միջոց կալանավորումը գրավով փոխարինելու հարցի քննությունը: Դրա առնչությամբ ելույթ ունեցավ Մարտի 1-ի գործով տուժողների իրավահաջորդ Սեդա Սաֆարյանը՝ միանալով մեղադրող կողմի առարկությանը՝ Ռոբերտ Քոչարյանի խափանման միջոցը փոփոխելու միջնորդության հետ կապված. «Ես գտնում եմ, որ Ռոբերտ Քոչարյանի խափանման միջոց կալանավորումը փոփոխման ենթակա չէ, եւ կարծում եմ, որ դեռեւս պահպանվել են դատարանի բոլոր այն հիմնավորումները, որ 15 օր առաջ տրվել էին, հիմա, ըստ էության, ոչինչ չի փոխվել: Ուստի գրավի կիրառումը Ռոբերտ Քոչարյանի նկատմամբ անթույլատրելի է»:

Մեղադրող կողմի առարկությանը միացավ նաեւ գործով տուժող Սուրեն Հովհաննիսյանի ներկայացուցիչ, իրավապաշտպան Մարինա Պողոսյանը. «Հաշվի առնելով այն ռեսուրսների չափը, որ ունի Ռոբերտ Քոչարյանը, կարող եմ ասել, որ ՀՀ-ում չկա գրավի նման չափ, որը կարող է ապահովել նրա իրավաչափ վարքագիծը ազատության մեջ»: Մարինա Պողոսյանը հիշեցրեց, թե Ընդհանուր իրավասության դատարանի Նոր Նորքի նստավայրում ընթացող դատավարության ժամանակ ինչ վերաբերմունք է ցույց տվել Ռոբերտ Քոչարյանը Գլխավոր դատախազ Արթուր Դավթյանին. «Գլխավոր դատախազին դիմեց «դու»-ով՝ ասելով «Դու կնստես, կլսես»: Ես չեմ կարծում, թե սա հարիր է որեւէ երկրի նախագահին: Մենք բոլորս տեսնում ենք, թե ինչ ճնշումների են ենթարկվում այն անձինք, որոնք խոսում են Ռոբերտ Քոչարյանի դեմ, ուստի նա, լինելով ազատության մեջ, ճնշումները մեծացնելու է, եւ սա բերելու է գործի քննությանը խոչընդոտելուն»:

Ելույթ ունեցավ նաեւ գործով տուժող Անդրանիկ Հարությունյանի ներկայացուցիչ Արա Ղարագյոզյանը՝ պնդելով, որ կան խոչընդոտելու ռիսկեր եւ դրանք բազմազան են. «Այն, որ ձեր նկատմամբ բռնություն կիրառած անձինք գնացել, հանդիպել են Ռոբերտ Քոչարյանի ընտանիքի անդամների հետ, արդեն իսկ ռիսկ է: Եթե նա դրսում գտնվի, մենք չգիտենք, թե մեզ հետ ինչ տեղի կունենա, եւ դրանից բացի, այս գործով բազմաթիվ պաշտոնատար անձինք են հարցաքննվել (նախաքննության ընթացքում,-խմբ.), եւ մենք չգիտենք, թե ազատության մեջ մնալով՝ նրանց վրա ինչ ազդեցություն կլինի»: Ղարագյոզյանը նշեց, որ պաշտպանական կողմի միջնորդությունն անհիմն է եւ ենթակա է մերժման. « Մենք գիտեք, թե ինչ խախտումներ են տեղի ունեցել Մարտի 1-ին, եւ գումարներ են բաժանվել զինվորականներին սահմանադրական կարգը տապալելու համար, ես գտնում եմ, որ սահմանադրական կարգի տապալումը ապացուցող փաստարկներ կան»:

Տուժող կողմի ելույթն ավարտեց գործով տուժող Գոռ Քլոյանի հայրը՝ Սարգիս Քլոյանը: Վերջինս մասնավորապես ասաց. «2008 թվականի մարտի 1-ին ՀՀ վարչապետ Սերժ Սարգսյանը հայտարարեց, որ մենք ունենք պրոֆեսիոնալ տեսախցիկներ, որ ֆիքսվել են, թե ով ում է սպանել, ովքեր են վառել մեքենաները, ովքեր են թալանել խանութները, ասաց, որ ուղարկել են ՀՔԾ՝ այդ գործը վերհանելու: Հիմա ի՞նչն է խանգարում փաստաբաններին, որ գնան, այդ նյութերը բերեն, ասեն՝ տեսեք՝ ահա նրանք են»,-ասաց Սարգիս Քլոյանը՝ առարկելով պաշտպանների ներկայացրած միջնորդության դեմ:

Միլենա Խաչիկյան

Տպել
393 դիտում

Ոստիկանները հայտնաբերել են նարկոլոգիական կենտրոնում հաշվառված վարորդների (տեսանյութ)

10-ից ավելի միկրոավտոբուս տեղափոխվել է ճանապարհային ոստիկանության պահպանող հատուկ տարածք. հայտնաբերվել են դանակներ

ԱԺ նախագահը մասնակցել է ԱՊՀ միջխորհրդարանական վեհաժողովի խորհրդի նիստին

ՖԱՖ եւ «Red Eagles» ֆան-ակումբները գիտեն՝ ՀՖՖ ինչպիսի նախագահ են ուզում

Ապօրինի ծառահատումներ Լոռու մարզում. ՀՀ ոստիկանություն

Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են

Ժամերի փոփոխությունը հնարավորություն կտա օգտագործելով բնական լույսը՝ խնայել հոսանք եւ ոչ միայն. Ալեն Սիմոնյան

Վրաստանի ֆուտբոլի հավաքականը 15 այլ երկրների շարքում կմրցի Եվրո 2020-ի ուղեգրերի համար. ՀՀ-ն վաղուց պայքարից դուրս է

«ՀԱՅԲԻԶՆԵՍԲԱՆԿ» ՓԲԸ-ի խորհրդի նախագահը որոշել է մասնակցել Արցախի նախագահական ընտրություններին

ԱԱԾ տնօրենի ժ/պ Էդուարդ Մարտիրոսյանն ընդունել է Հայաստանում և Վրաստանում Հնդկաստանի դեսպանին

Զոդի ողբերգական վթարի գործով պիկապի արագությունը չի պարզվել. տուժողի իրավահաջորդ

Վարչապետի հայտարարությունը Իտալիայի վարչապետի հետ բանակցությունների արդյունքների վերաբերյալ (տեսանյութ)

Հակոբ Արշակյանն ընդունել է ԱՄՆ Միջազգային զարգացման գործակալության հայաստանյան առաքելության պատվիրակությանը

Մի անգամ առանց Եվգենի Պետրոսյանից հարցնելու նրա հայկական ազգանունը փոխել են ռուսականի

Արմեն Սարգսյանը մասնակցել է ՎԶԵԲ Արևելյան գործընկերության առաջին ներդրումային գագաթնաժողովին

Փրկարար ծառայություն ընդունվողներն անպայման եռամսյա փորձաշրջան պետք է անցնեն. խորհրդակցություն ԱԻՆ-ում

Հայաստանի համախառն միջազգային պահուստներն ավելացել են 19%-ով. ՀՀ կառավարություն

Թիվ 156 դպրոցում պայթուցիկ սարք չի հայտնաբերվել. ԱԻՆ

ՊՆ 2-րդ զորամիավորումում մարտական հրաձգությամբ զորավարժություն է անցկացվել

Ահազանգ է ստացվել, որ 156 դպրոցում պայթուցիկ սարք կա, տեղում են փրկարար ծառայության աշխատակիցները