Առանց ԼՂ ժողովրդի համաձայնության որեւէ պայմանավորվածություն ձեռք չի բերվի. Լավրովը ցիտեց Փաշինյանին, ակնարկեց Քոչարյանին

«Բոլորին հասկանալի է, որ առանց Լեռնային Ղարաբաղի ժողովրդի համաձայնության, որեւէ պայմանավորվածություն ձեռք չի բերվի, հայկական կողմն ուղղակի նման փաստաթուղթ չի ստորագրի». ՀՀ արտգործնախարար Զոհրաբ Մնացականյանի հետ համատեղ ասուլիսում այսօր նման հայտարարություն արեց երեկվանից ՀՀ-ում գտնվող ՌԴ արտգործնախարար Սերգեյ Լավրովը:

Շարունակելով այս կապակցությամբ իր դիրքորոշումը՝ Լավրովը մեջբերեց Փաշինյանի հայտնի միտքը. «Ուզում եմ ընդգծել այն, ինչ այսօր ասաց Նիկոլ Փաշինյանը մեր հանդիպման ժամանակ. նա հիշեցրեց իր հրապարակային հայտարարությունը, որ վերջնական պայմանավորվածությունը պետք է հաշվի առնի ե՛ւ Ղարաբաղի, ե՛ւ Հայաստանի, ե՛ւ Ադրբեջանի շահը: Այստեղ դժվար է վիճել»,- նկատեց Լավրովը:

Ի պատասխան լրագրողներից մեկի հարցի՝ Լավրովը խոսել է նաեւ այն մասին, թե Մոսկվան ինչպես է վերաբերում Լեռնային Ղարաբաղը բանակցությունների սեղան վերադարձնելու մասին Երեւանի առաջարկին:

«Ե՛վ ՌԴ նախագահը, ե՛ւ վարչապետը բազմիցս ասել են, եւ ես վերահաստատում եմ, որ հակամարտության կողմերն իրենք պետք է հստակեցնեն բանակցությունների մասնակիցներին»,- ասել է Լավրովը:

Ակնհայտորեն ակնարկելով Ռոբերտ Քոչարյանին՝ նա հիշեցրել է, որ Հայաստանի նախկին նախագահներից մեկի ջանքերի շնորհիվ էր, որ Ստեփանակերտը դուրս մնաց բանակցություններից:

«Ռազմական գործողությունների դադարեցման ժամանակ Լեռնային Ղարաբաղը բանակցությունների լիիրավ կողմ էր, սակայն ինչ-որ փուլում Հայաստանի նախկին նախագահներից մեկը որոշեց, որ Լեռնային Ղարաբաղի շահերը պետք է ներկայացնի Երեւանը: Ամեն դեպքում, մենք՝ որպես ԵԱՀԿ նախագահող երկիր, ամեն ինչ անում ենք, որ բանակցություններն ընթանան փոխադարձ համաձայնությամբ»:

«Ղարաբաղյան հարցի կարգավորման շուրջ քննարկումների, բանակցությունների սկզբում, երբ դադարեցվեցին ռազմական գործողությունները, Լեռնային Ղարաբաղը պայմանավորվածությունների ու բանակցությունների մասնակից էր, որոնք հաջորդեցին կրակի դադարեցմանը: Ինչ-որ մի փուլում Հայաստանի ղեկավարությունը, նախկին նախագահներից մեկը որոշում կայացրեց, որ Ղարաբաղի շահերը ներկայացնի Երեւանը»,- ասաց Լավրովը՝ հավելելով, որ իրենք՝ որպես ԵԱՀԿ Մինսկի խմբի համանախագահ երկիր, կարող են միայն հետամուտ լինել, որ այն ընդհանուր համաձայնության հունով գնա:

Հիշեցնենք, որ Լավրովը թավշյա հեղափոխությունից հետո առաջին անգամ է պաշտոնական այցով Հայաստան ժամանել: Այսօր, մինչ Զոհրաբ Մնացականյանի հետ հանդիպելը, նա հանդիպում է ունեցել ՀՀ վարչապետ Նիկոլ Փաշինյանի հետ, ծաղիկներ խոնարհել Ծիծեռնակաբերդում Հայոց մեծ եղեռնի զոհերի հիշատակի հուշահամալիրի անմար կրակի մոտ:

Տպել
12725 դիտում

Մեր հետագա քայլերի մասին վաղը կտեղեկացնենք. Իվետա Տոնոյան

Սա քաղաքական պատվեր է, Աստծո առաջ եմ ասում, պատասխան են տալու. Գագիկ Ծառուկյան

Ուկրաինայում ռազմական ինքնաթիռ է կործանվել. զոհվել է 18 մարդ, կան ողջ մնացածներ (տեսանյութ)

Գագիկ Ծառուկյանը կկալանավորվի. դատարանը հրապարակեց որոշումը

30 տարվա դադարից հետո կրկին եթերում է սիրված ու սպասված «Հեռուստաթատրոնը». ինչ փոփոխություններ են արվել ձեւաչափում

Փարիզում հարձակում է եղել լրատվամիջոցի աշխատակիցների վրա. 4 դանակահարված, 7 ձերբակալված կա

Տավուշի մարզպետ Հայկ Չոբանյանը և Կարմիր խաչի ներկայացուցիչները քննարկել են իրականացվող ծրագրերը

Տիգրան Ուլիխանյանը հաստատել է ՊՎԾ պետի պաշտոնակատար նշանակվելու մասին տեղեկությունը

Վերին Պտղնիում լայն թափով ընթանում են մանկապարտեզի շենքի կառուցման աշխատանքները

Հունաստանը կարող է Թուրքիայի ապօրինի գործողությունների հարցով դիմել Հաագայի միջազգային դատարան

Նորավանում ավարտվել են ունիվերսալ խաղահրապարակի կառուցման աշխատանքները

Հաստատություններից ընտանիք վերադարձած երեխաների իրավունքների պաշտպանության վիճակի մշտադիտարկումն անհրաժեշտություն է. ՄԻՊ

Վերանորոգվել է Արաքսավանի դպրոցի նախակրթարանը

Չհայտարարված այց ԱՀ ոստիկանության քրեակատարողական վարչությունում

Թուրքիան փորձում է պատգամավորական անձեռնմխելիությունից զրկել Գարո Փայլանին, և ևս 6 անձի

Փաստաբանների պալատի նախագահը դատի է տվել Առողջապահության նախարարին

Գյուղական կյանքի և ավանդույթների 7-րդ փառատոնին կմասնակցեն շուրջ 100 օրգանական և բնական գյուղմթերք արտադրողներ

Արծվանիստում անասնակեր է այրվել

Ծովագյուղի աղմկահարույց ծեծկռտուքի գործով ձերբակալված կա

Թուրքիան վիժեցնում է տարածաշրջանում խաղաղություն և կայունություն հաստատելու ջանքերը. վարչապետ