Մի հատ նայեք՝ վերջին 10-15 տարին մենք որտեղ ենք եղել, դուք՝ որտեղ․ Բաբկեն Թունյանը՝ ընդդիմախոսներին

Հայաստանի խորհրդարանը շարունակում է 2020 թվականի պետական բյուջեի նախագծի քննարկումը։ Այժմ արդեն խմբակցությունների անունից ելույթների փուլն է։

«Իմ քայլը» խմբակցության անունից ելույթ ունեցավ ԱԺ տնտեսական հարցերի մշտական հանձնաժողովի նախագահ Բաբկեն Թունյանը։

Խոսելով այն հանգամանքի մասին, որ ընդդիմադիր պատգամավորներն այս երեք օրերի քննարկումների ողջ ընթացքում բյուջեի հետ կապված խնդիրների մի ամբողջ շարք են թվարկում՝ Թունյանն ընդգծեց, որ դրանք տասը-տասնհինգ տարվա վատ գործունեության արդյունք են․

«Մի հատ նայեք տեսեք՝ վերջին տասը-տասնհինգ տարվա մեջ մենք որտեղ ենք եղել, դուք որտեղ եք եղել։ Որ նայում ենք, էդ ողջ ժամանակահատվածի մեկ երրորդն առնվազն դուք որոշում կայացնողների մեջ եք եղել։ Եթե էսօր մենք ունենք վատ ճանապարհներ, ունենք վատ կրթություն, ունենք ոչ լավ ճանապարհային նշաններ, այդ ամենը, բնական է, մի օրում չի փոխվի, բայց դրա մասին խոսելիս կխնդրեի նաեւ ձեր արածը կամ չարածը նույնպես հիշատակել»։

Անդրադառնալով ընդդիմադիրների ակնարկներին, որոնցից տպավորություն է ստեղծվում, թե կառավարությունն ու իշխող խմբակցության պատգամավորներն ամեն ինչ ձախողում են՝ Թունյանը նկատեց, որ պատգամավորների ներկայացրած առաջարկների ընդհանուր փաթեթը գնահատված է 216 միլիարդ դրամ․

«94,4 մլրդ դրամի առաջարկներ ներկայացրել է «Լուսավոր Հայաստան» խմբակցությունը, 38,5 մլրդ՝ «Բարգավաճ Հայաստանը», միայն ԲՀԿ-ական Միքայել Մելքումյանի առաջարկները գնահատվում են 77,2 մլրդ դրամ։ Հիմա եթե 216 մլրդ դրամի ձեր առաջարկներն ընդունվեն, պետբյուջեն կամ էդքան ավելի փող պիտի գտնի, կամ ինչ-որ մի տեղի հաշվին կրճատի»,- ասաց Թունյանը՝ հավելելով, որ եթե, պատգամավորների պնդմամբ, բյուջեում այդքան վատ վիճակ է, տնտեսության մեջ ոչ մի լավ բան չի կատարվում, ո՞նց են ուզում գտնել այդ 216 մլդը։

Բաբկեն Թունյանը շնորհակալություն հայտնեց բոլոր քննադատությունների եւ կատարված աշխատանքի համար՝ նշելով, որ հնարավոր է՝ շատ բաների հետ համաձայն չլինեն, բայց այդ ամենը պետք է այսպես թե այնպես կատարվի․

«Ուղիղ մեկ տարի առաջ, հիշում եմ, գրեցի, որ առաջադրվել եմ պատգամավորության թեկնածու՝ «Իմ քայլը» դաշինքի ցուցակով։ Ես չէի պատկերացնում, որ երբեւէ կգամ ու էստեղ կոչ կանեմ քվեարկել բյուջեի օգտին։ Հիմա մեկ-մեկ նայում եմ՝ էս ընթացքում ինչ աշխատանք ենք կատարել ու մարդիկ կան՝ մինչ էս պահը ինչ են արել ու մեր խոսելու տարբերությունն եմ նայում, ինձ մոտ տպավորություն է, որ մեր երկրի տնտեսական խնդիրների մեծագույն մասի պատճառը ես եմ»,- ասաց Թունյանը՝ խնդրելով դուրս գալ մեղադրական տոնից եւ չփորձել ամեն ինչ միայն վատ գույներով ներկայացնել։

Տպել
2144 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան